富來休閒農莊

營業中

休息中

富來休閒農莊🦞@fuloileisurefarm秋冬季節正係去戶外活動嘅最佳時機🍂 揀呢個休閒農場就係提供晒一應俱全嘅設施🤘🏼唔洗晨早去霸爐同準備食物飲品嘅麻煩，小朋友又有好多野玩，仲有最緊要嘅係廁所夠乾淨🤓 🚽成人燒烤🍖BBQ嘅話一個價錢包晒任食各款食物，仲包一罐汽水一支水🥤 仲有自家製嘅無糖涼茶，雞骨草同白花蛇舌草🌾 食多幾隻燒雞翼都唔怕熱氣🧉 如果仲想添啲小食，呢度亦有售賣棉花糖，薯片同杯麵，有啲價錢仲平過啲大超市，抵過喺出面搬入嚟📦場內仲有一片無敵大草地，俾小朋友自由跑跳⛳️ 亦有巨型飛行棋♟️歷奇設施，千秋同沙池🧗🏻 仲可以餵羊親近一下小動物🐐 紙網撈金魚、釣蝦同釣魚，設施豐富，絕對唔會悶！如果鍾意玩機嘅話，籃球機同彈珠機都係幾蚊一局🔮 仲有電動車畀9歲嘅小朋友體驗揸快車，感覺好似係場賽車比賽咁🏎️ 真係唔同年齡層都可以開心過一日！講到釣蝦，啲蝦成隻手咁大🦐 沖洗乾淨後只需沾上鹽，燒十分鐘左右就食得。隻隻都爆膏🌋味道非常鮮美！職員亦會教你點樣釣蝦，輕鬆上手，無論大人定小朋友都可以玩得開心😌由於設施多樣，即使唔係每一項都啱自己，呢度仲有唔同嘅package可以選擇，或者單項收費，都

終於等到秋涼啦，又係去BBQ嘅好時候。上星期朋友去完元朗富來休閒農莊燒嘢食大讚超多遊樂設施，啱晒一家大細嚟吃喝玩樂。 由元朗鳳琴路體育館坐601小巴坐15-20分鐘去到水尾村，再步行5分鐘左右就到達。如果想自己揸車嚟亦得，門口有好大笪地可以免費停車。 呢度假日收費每位只係$178，每人包1支水同1罐汽水。入場時候可以揀用網燒，又或者用燒烤叉燒，之後職員就會幫手set爐，非常方便。 呢度環境都好大，除咗有bbq之外，亦有幾間冷氣VIP房，有得打牌同唱K🀄🎤，大房$1500／5小時，細房就$1000／5小時，歡迎團體聚會。 小朋友嚟呢度真係勁多設施可以玩， 首先呢度有好大片草地，有免費足球⚽️、充氣迷宮、超大型飛行棋，另外都有啲收費項目，包括跳彈床，揸電動車，撈金魚，籃球機🏀，夾公仔🧸，完全啱晒小朋友放電。 除咗滿足小朋友嘅需要，大人亦都可以玩下釣魚、釣蝦。 啲蝦都算幾大隻，而且都好容易釣。釣完可以去加啲海鹽燒嚟食。嘩！正呀，仲要超爆多膏！ 食物方面選擇都算ok，肉類、蔬菜、丸類、多春魚、腸仔、燒賣等等，啲肉都醃得好入味。基本嘅蜜糖🍯、牛油、蒜蓉等醬料都有齊。 附近亦有洗手盆，方便清潔。洗手

放假想帶小朋友出去玩?! 最近發現到元朗呢邊有個富來休閒農莊💗好啱一家大細一齊嚟燒野食～仲有個小型遊樂場有唔少嘅小遊戲比小朋友玩😗多野都真係玩到小朋友都唔願走🤪🤪呢到仲有一個小型釣蝦場同釣魚場，$50/桿～釣到磅完之後就可以即場燒嚟食架啦😗😗夠哂新鮮😌😌 （$9/両，$144/斤）～～呢到可以$10換到5個代幣，買得多就愈抵🙌🏻代幣可以玩籃球機同埋波子機～買埋兒童遊樂套票$130仲包咗幾樣野玩添架😆😆兒童遊樂場有跳彈床同波波池🤓🤓仲包咗撈金魚、餵動物同埋兒童電動車😌😌呢到嘅動物有山羊同埋烏龜～食物方面基本嘅燒烤食物都應有盡有😍仲唔同嘅肉類、丸類😼唔同嘅蔬菜🥬仲有燒賣，魚蛋，雞中翼同雞全翼等等🤓真係唔怕食唔飽!!基本收費如下：週一至週五： 成人$178 小童 $138週六至週日： 成人$198 小童$158時限開爐起計3小時；開爐費 $50/個所有自助區嘅食物任食，每人仲會派一張飲品換領券～一張卷可以換1枝水同1罐汽水🥤

新一年和家人和小朋友來這間農莊過，因為特別日子來，成人$198，小童$158，包食bbq 3小時，另外因為有小朋友，再加$120，包了多項遊樂設施，兒童遊樂區,電動車,撈金魚,餵羊和龜，完全是滿足小朋友慾望☺️☺️交通也方便，如果沒有車，可以在錦上朗或元朗落車後坐小巴入😙很方便.燒烤方面，由開爐會開始計時3小時，會有職員幫忙，食物有很多選擇，有多款丸類和肉類，我們還自己釣了幾飯大蝦加料，大蝦很生猛，價錢會計重量，好玩又好食😋飲品有汽水和水，還有他們自家製的涼茶，用來解熱熱一流.到最後我們還買到代幣玩了很多夾公仔和射藍球的機.超滿足的一天😙😙

聖誕節去戶外玩，有燒烤，有大草地，有釣蝦，非常適合一家人黎玩。泊車好方便，價錢：成人$198 小童$158 ，一位包一支水及一個飲品，仲有自家製涼茶，好健康。真係玩飽食飽。燒烤食物好多選擇，全雞翼，雞翼，雞扒，牛，豬，雞腎，秋刀魚，蔬菜都非常多，金菇，茄子，娃娃菜。釣蝦好玩，燒完非常香口，蝦肉又彈牙膏又多。我哋另加遊玩套票，小朋友玩得好開心，$130 包括餵羊仔，遊玩區任玩到7 點，撈金魚，金魚，電動車一節。當然，係可以每個項目單買。場地仲有3 間房可訂，私隱又舒適，仲可以打麻雀同唱K , 夠晒盡興。

好開心，好開心，今日來到富來休閒養莊放電日，大人細路都啱玩👫👧🏻🧒🏻數之不盡的活動，小朋友玩到吾捨得走😸大朋友都吾夠喉成人$178，小童$158燒烤任食3小時（包1包炭）送飲品1罐，水1支，再奉送自家制涼茶1支 ⏰BBQ時段3小時非常充足我地先玩下場內設施，食飽飽再活動下，小朋友足足放電半天⚡⚡開心系列之1️⃣🥰釣蝦體驗，哈哈，小朋友釣得多過大人，釣完仲可以食，鹽燒大頭蝦非常生猛又新鮮開心系列之2️⃣😍撈金魚4個紙網，考眼力考耐性開心系列之3️⃣😍遊戲代幣10個扔波仔，玩遊戲機開心系列之4️⃣😍餵羊仔，打韆鞦，跳彈彈床，揸車仔🌟人多可以包房，有卡拉OK，麻雀枱🌟有大量泊車位🌟場內大量設施可以玩足一日🌟可以露營浪漫一番

這次的富來休閒農莊之旅，為我們全家提供了一個理想的逃離城市喧囂的好去處。環境清幽，讓人感受到大自然的魅力，特別適合家庭、朋友聚會或公司團建。燒烤任食我們可以隨意選擇各種食材，從肉類到蔬菜，應有盡有。每桌配備一包炭，燃燒起來後，炭火的香氣彌漫四周，讓人食指大動。食材新鮮，特別是牛肉和海鮮，烤至外焦內嫩，搭配自製的醬料，味道更加分。此外，一罐飲品和一支水的搭配也相當合適，既能解渴，又能消暑。接下來的釣蝦體驗更是讓我們全家樂在其中。農莊提供的釣蝦設施簡單易用，適合各年齡層的遊客。這不僅是釣蝦，還是與家人互動的好時機，孩子們在水邊玩得不亦樂乎，成功釣到蝦的瞬間更是滿心歡喜。這種親近自然的活動，讓我們的心情變得格外愉悅。遊戲套票的設計也非常周到，包含了兒童遊樂區的無限玩樂至晚上7點，讓孩子們能夠盡情發揮。兒童電動車的9分鐘體驗讓小朋友感受到駕駛的樂趣，而撈金魚的活動則是讓他們在玩樂中學習，對小動物充滿好奇心。額外的10個遊戲代幣，讓我們可以自由選擇其他遊戲，增添了不少樂趣。總體來看，富來休閒農莊是一個適合全家大小的完美去處，無論是燒烤、釣蝦，還是各種遊戲活動，都讓人感受到無窮的樂趣。這裡的環境舒

踏入12月終於入冬，呢啲時間最好就係打邊爐或者燒嘢食，今個星期就約左屋企人幾個去燒嘢食。由於老人家比較少遠行，所以今日專登揸車出去元朗區行下順便燒嘢食，早前朋友介紹元朗有個地方叫「富來休閒農莊」好適合男女老幼，所以今日要一試究竟。上網見到燒烤場位置比較近水尾村，入邊去見到都仲有一、兩間燒烤場，但我要去個間有紅色嘅路牌指示，所以根據地圖都好快到。入面有幅大笪地，私家車位非常多而且當然係免費。泊好架車之後行到去燒烤場，門口有隻紅色嘅大蝦歡迎我哋。入到去望下個餐牌，星期六價錢每位$178，除左每人包1支水同1罐汽水外，入座時間係無上限，即係可以由朝燒到夜晚，性價比超高。職員安排座位後，每枱都可以選擇用網燒又或者係用叉燒，對我哋呢啲 懶人而言一定係網燒，及後職員好快幫我哋起爐，我就趁機四圍遊走下啦~等候既呢段時間欣賞下四周環境，呢度除左地方夠大仲有好多設施，例如適合大人既麻雀、唱K外，仲有適合小朋友嘅夾公仔機、籃球機、撈金魚、沙池、大型飛行棋、足球場、充氣迷宮、跳彈床，    仲有小童版電動車，完全係可以消耗一整日嘅精力，當然最值得介紹嘅就係呢度有得釣蝦，即釣即食玩完又可以食，完全係合家歡遊戲

富來休閒農莊🐢聖誕節🎄，我一家大小去了農莊玩。發現呢個農莊好多野玩，十分適合一家大小連寵物👨‍👩‍👧‍👦🐩。大人可以釣魚釣蝦打麻雀唱k打波。小朋友仲多野玩，餵羊，睇龜龜，玩電動四驅車（Bb 可以爸爸用遙控），撈金魚，迷宮，兒童遊戲區，公園設施&沙地。聖誕期間仲有攤位遊戲&泡泡機。👶🏻我家小BB（歲半）玩到超開心，喺草地都同爸爸玩左踢波好耐，有大片草地好好，唔駛怕佢跌。燒烤係任燒三小時，基本丸類肉類菜類都齊。可以揀網燒或者义燒，好開心有Bb椅～Save our lives!推介健康人士可以試吓佢無添加的涼茶！仲想講呢度的職員好friendly💕

富來休閒農莊 (元朗) 📍元朗錦田水尾村秋高氣爽，天氣轉涼係時係燒烤🍖。朋友話去位於元朗水尾村的「富來休閑農莊」，貪佢有多元化活動同娛樂設施，啱曬一家大細同情侶👩🏽‍🤝‍👨🏼。交通方式：元朗線至峻巒小巴🚐，再步行五分鐘/乘搭小巴601港鐵錦上路站 (C 出口)至水尾村，再步行五分鐘。當然可以自行揸車，呢到佔地面積大可提供免費🆓泊車。呢到假日燒烤收費都係HKD 178成人、包一支水同一罐汽水，當然可以買其自家製的新鮮無糖雞骨草和白花蛇舌草。生津解渴，下火清熱。天氣凍仲有飲熱維他奶，暖下手腳😍如果熱仲可以買雪糕同兒時回憶菠蘿🍍片冰。有專人幫手Set爐，可選擇用網或燒烤叉。燒烤食品方面有多款肉類，蔬菜，丸類。醃肉，必食咖哩魷魚🦑，燒燒賣，外脆內軟，好味😋最正有齊曬牛油🧈，蒜蓉醬，自行製蒜蓉金菇都得。大人燒緊野食時，小朋友可以自行去放電同玩。多款活動如免費足球⚽️、充氣迷宮、超大型飛行琪、另外也有收費項目，跳彈床、電動車（成人可用搖控制控制）、撈金魚、釣磁石玩具魚、飼餵小動物，區內有可愛羊仔同盾臂龜。大人仲可以玩釣活蝦同魚，釣完之後可自行處理直接即席燒烤烹調🥘，新鮮熱辣！爽彈肉質而且好易釣，可以

天氣咁凍, 又係BBQ 嘅好季節! 位於元朗的富來休閒農莊唔單上係一個絕佳嘅BBQ地方，更是一個充滿樂趣嘅休閒場所。假日每人都只係百幾蚊就可以任食BBQ同玩各種設施及活動, 仲包左一人一支水及汽水, 現場仲有免費泊車,真係好抵! 呢度有一大片草地，讓小朋友盡情奔跑和玩耍。這裡提供免費嘅足球⚽、充氣迷宮和超大型飛行棋等設施。此外，還有一些收費項目，例如跳彈床、電動車、撈金魚、餵飼小動物、籃球機🏀和夾公仔🧸等，小朋友盡情放電，玩到唔捨得走! 除咗小朋友玩得開心之外，大人們也有不少活動可以參加。農莊提供釣魚和釣蝦的設施，釣到的蝦仲可以加上海鹽來燒烤，享受自己捕獲嘅美味。呢度仲有兵兵球、羽毛球、排球等各類活動可以做, 真係非常正嘅體驗!農莊嘅BBQ菜單豐富多樣，有肉類、丸類、海鮮及蔬菜，仲有得揀網燒, 岩晒我呢D 懶人! 基,本調味料: 蜜糖、牛油、蒜蓉等醬料呢度都有提供! 如果怕熱氣, 仲可以買店家自家製涼茶, 完全無加糖, 夠晒健康!

呢個地方超大，分左唔同區域，除咗燒烤區，仲有不同嘅遊樂設施，例如撈金魚、釣蝦、遊戲機（籃球機、夾公仔、彈珠機…）、釣魚、沙池、充氣迷宮、大型飛行棋等。小朋友一定會玩到唔捨得走。另外仲有獨立包廂（大、中、細）可以唱K、打麻雀，岩曬一大班人聚會。食物方面選擇好多，燒烤食材都放在雪櫃裏，衛生企理，肉類調味唔係單一味道，就算同一款肉都有唔同口味選擇👍另外仲可以選擇加購釣大頭蝦，大頭蝦好生猛，要釣起都有啲難度。眼見隻隻蝦都有膏，肉質彈牙。場地旁邊仲有洗手盤，入口處仲有小賣部，提供飲品、小食、雪糕、仲有自家製涼茶，好岩下火，真係設備齊全。呢日咁岩遇到有人露營，好chill。而呢度仲有淋浴室，露營都可以安心沖涼去廁所😆夜晚仲可以見到星星。富來休閒農莊 (元朗)元朗錦田水尾村#bbq #富來休閒農莊 #燒烤 #燒烤場 #露營 #聚會場地 #元朗好去處 #親子活動 #香港好去處

呢間店之前一早在網上看見，就已經種草😍早幾日終於帶小朋友去了😍小朋友當天玩得非常開心🥳裡面有大量遊戲，包括電子遊戲、泡泡🫧、攀爬、千秋、種植、跳彈床等…. 活動多樣化；另外仲可以book 唱歌房及任食燒烤，不過當日我們都沒有預訂，因為要陪小朋友一齊玩😬😬📍富來休閒農莊#是live也是life# #萬般滋味皆是生活# #香港探店# #香港人日常# #放電之旅# #元朗農莊# #富來優閒#農莊

今日帶左姪娚仔去元朗錦田郊游，朋友推介左呢個有得燒烤，小朋友又有得放電的燒烤場大人燒烤任飲任食大概都係$200左右，價錢都合理，揸車嘅話仲可以免費泊車地方其實唔算好大，但係都夠比小朋友放電，小朋友比$90嘅價錢可以任玩彈床再加一節遊戲車，小男孩一定好鍾意燒烤食物嘅質素就正正常常咁啦，食物嘅款式唔算太多雞翼、豬扒、牛扒，大概每款都有兩、三隻味丸類都有五、六款，蔬菜類略嫌少咗啲，得娃娃菜、翠玉瓜同埋金針菇，同埋冇番薯呢啲大路嘢不過$200嚟講，有得玩有得食都幾抵嘅

元朗呢一個農莊，結合左遊樂場加燒烤場小朋友玩得勁開心，完全唔想走地方夠大，有好多遊樂設施係免費，小朋友跑來跑去爬高爬低，絕對足夠放晒佢哋啲電亦有一啲自費活動，可以比小朋友揸車仔，由佢自己操作或者由大人操作都得，揸幾個圈已經好開心。大小小既又可以試吓釣蝦、釣魚，動靜皆宜至於食物，燒烤食品嘅選擇都好大眾化，豬、牛、雞、魚都有，亦有好幾款蔬菜，可以加一啲醬汁或者蒜蓉。每枱有個錫紙兜，可以煮蔬菜，加埋蒜蓉真係超正！釣蝦嘅成果！好有成功感！要留意，釣幾多，就要食幾多，按重量購買。釣完之後，自行簡單處理一下，剪晒啲手手腳腳，然後用竹籤串上，用粗鹽調味即刻覺得自己好專業，好好玩小朋友負責玩，大人就不停燒一大個爐，放晒喺上面，非常方便推薦雞全翼！無論係辣定唔辣，都超正