富田和食亭 (油麗商場)

營業中

休息中

今日同朋友去開油塘，聽佢介紹就去左富田食飯！我地六點左右去到，餐廳好多位，所以就算晚飯時間到都唔使等位，而且啲位又好闊落，唔會趕人走，好啱同朋友傾計！我地兩個人叫左6樣野(原來份量好大，我地食到超飽！)，價錢都唔算貴，但勝在啲野食大份又好味！特別推介就係蟹籽沙律，完全係超值！幾十蚊就有面盤size既份量啦！

油塘真係無咩選擇，樓下只有一間日本餐廳。款式雖然唔算多，勝在平民價。星期六，日8點半後，刺身壽司半價，如果放假唔想出得遠，都算係一個唔錯選擇，但要預左出餐會比較慢，要耐心等候，亦唔有人招呼，因為佢要趕住執野收工。🤭🤭

我話魚柳未熟、佢哋嘅師傅就話熟左，都算了我一個大肚婆可能太計較，但煎魚柳你起碼唔好係軟咖！我由中學食到依家都未試過咁，我好聲好氣甘問，個tb 員工好似食左炸藥甘（我無性別歧視，只係唔知點形容佢外表）

2019年3月2日我一支公入黎食飯，嗌咗支清酒幾份刺身，壽司，仲有個蕃茄沙律。酒就好快上咗，仲黎埋壽司。奇怪係個刺身同沙律，遲遲未上。我問侍應幫手睇睇，轉個頭就有刺身。我懷疑甩單，咁算啦。個油甘魚溶雪好差，入口都係冰仲要有陣怪怪味。我都差唔多食哂，個沙律都未黎。我就話如果未整不如cancel,太耐了。佢口窒窒話應該整緊，我已經覺得係漏單。佢再三黎話整緊整緊，焗我要咁，又話頭先落咗去買蕃茄整，我聽完覺得好荒謬，仍然堅持唔要。最後佢話幫我cancel點知佢都係幫上我埋。我真係呆咗。

今天同朋友來到這一間，以出色的日本口味的餐廳，來到這裡當然會叫上一客新鮮美味的魚生，這裡的魚生出名新鮮和份量也很實在的丶再加上一個日式的豬扒烏冬，豬扒烤的很香，烏冬麵夠彈牙，湯底也濃醇，所以我會再次來臨的。

 油塘我本人就好少去, 因為住得遠😂 不過同班同事經開油塘, 見有D餓就衝左入油麗邨搵食🤭大概係地鐵站行左15分鐘, 就見到呢個屋邨商場就有一間日本野,所以都無得諗咁多就入左坐低 😌呢間富田和食亭都幾骨子, lunch hour大概12點9打後先多人 (學生哥就lunch)。基於快食原故, 我就點左"刺身定食系列"。$63蚊既價錢配以下既食物, 感覺上抵點！😻雖然刺身係指定的, 但都足以滿足香港人既口味😊自選款式方面我就選了八爪丸、芝麻醬冷烏東! 飲品就COT少甜 👅不過要扣分既是落單果位姐姐態度有點串 🤑😐❌八爪丸: 賣相太差, 疑似用萬年油炸...但我太餓照食晒 (無影相)🆗芝麻醬冷烏東: 份量ok, 一般男仔食完大概有7成飽. 但是芝麻醬太多, 有點膩. ✅刺身定食: 起初我無expect過咁大份, 超出我預期. 呢碟刺身如果係百佳/Taste臨收工時段我諗都仲要賣$80蚊...而家用冰放底保鮮, 刺身不過不失但勝在抵食!!(PS, 雖然餐牌寫加一, 但結帳果陣係無收到的, 大家可睇埋我張單)除左上述野食，大家都可以單點壽司🍣——————————食物質素：7/10 環境衛生：7/

同幾個同事出黎食 lunch, 油塘藍田觀塘一帶都非常多選擇, 這天揀左呢一間, 見唔算多人, 即時有位不用排。我點左咖喱南瓜羊扒飯, 羊扒煎得很香, 只係表面有少少燶, 都算嫩滑有汁, 唔會又乾又韌又柴皮。唯一要彈是肥膏頗多。跟餐送和風沙律, 麵鼓湯, 仲有冷熱飲品。和風沙律份量頗多, 生菜及青瓜十分爽脆新鮮, 也有蟹籽及蟹柳, 作為前菜是相當不錯的。餐廳忽然送上一碟炸雞軟骨, 我們表示沒有落單的。店員說是 order 了 $200 以上的食物就會送的。我們表示歡迎。熱騰騰的雞軟骨炸得香脆可口, 我們最後吃不完哩。同事們 order 的拉麵也不錯。下次還會再來。

又系星期日，逢放假都要諗食lunch食乜，其實系屋企附近食黎食去都系果啲真系唔知食乜好 又唔想去禁遠，好啦！咁就食富田啦！去到又唔知食乜好 見個黑松露元貝天使麵未食過，就試下囉 黑松露味都幾重 幾好味 個元貝又大粒 有4粒 價錢都算ok 個蒜蓉包都重味 又脆 正

第一次到富田，餐牌非常吸引，試完之後就嚟OpenRice 貢獻首次食評，因為有野想講。第一次點餐時叫我等等，但三四分鐘後唔見人影，收完銀都無理我，不知所踪。然後第二次點餐成功，但一杯奶茶竟然要差唔多二十分鐘之後先上嚟？人手可能嚴重不足？？？奶茶微暖（可能放得有點久），而且口感一點都不絲滑。對於奶茶研究不足，但感覺明顯不如平日餐廳；芝士奄列飯賣相一般，飯尚有餘溫而肉醬是凍的，或者準確來說是不熱：）而且兩者口感都比較硬。

第一次食野要寫食評係講員工食個早餐je.... 被職員叫坐低，一坐低就話留左位要轉位，fine... 咁根佢指示轉位坐啦咁，一坐低無幾耐又話叫我坐去第二度。。。火都黎埋，即走。真係離晒譜，你叫得我坐就唔可以又叫人走嫁啦。咁基本野都唔識做，做咩餐廳？

富田離地鐵站唔算太遠，同埋食物選擇好多，生熟，西式日式都有！自選壽司＋烏冬揀左吞拿魚，三文魚同埋加州卷，配埋三文魚皮手卷。壽司都算新鮮，仲有湯烏冬，南瓜薯餅，不過冇影，所以呢個set好飽架！粒粒雜錦魚生丼都幾大碗，咩款魚生都有Ｄ！佢既凍菊花蜜好正架！如果大家有機會黎開呢頭，可以試下既，lunch時間好多人同埋學生架！

今晚又用窮人apps book位開餐，見呢間6:00 pm同6:30pm都有半價，就食個early dinner有半價緊係叫d貴既“食送“食京燒銀雪魚，半價後41蚊，味道有d偏咸，我未食過“西京燒“煮法既野食，唔知係咪會咁既？魚身好滑，都幾野味太子貝海膽炒飯，半價後42蚊，都幾大碟，冇因為半價而偷功減料，一上枱都聞到海膽味，炒飯夠乾身，唔油另外叫了一d串燒同小食，都唔錯。半價先會叫如果正價，貧窮既我只會食d飽肚既，例外飯麵個d...總結係，係半價情況下，係性價半價比超級高，係大家樂食個頹飯，同佢呢到食個海膽炒飯都差開夠價

富田的CP頗高，價錢唔算貴，食物質素可以而且選擇頗多，環境都乾淨衛生。如果唔想食太貴嘅日本餐廳，就可以考慮富田。今次食左鰻魚飯，上菜時熱辣辣，個石鍋仲有滋滋聲。鰻魚大概有女仔嘅手掌咁長，份量算大。入口嫩滑惹味，唔會乾身，好食！但如果再厚身d就更好！我份晚餐仲有麵鼓湯和前菜(中華沙律或螺肉）。仲叫左炸雞軟骨。不骨就麻麻地啦。份量少而且細粒。炸得唔算脆身，又老又冇肉汁。好乾身。順帶一提，同行朋友嘅炸天婦羅拉麵幾唔錯。炸天婦炸漿脆口，入面嘅蝦彈牙爽口又新鮮！

又係午餐時間，今次嚟咗食位於油麗商場裏面嘅富田日式餐廳，因為我大概十二點零就到左，所以唔使等位直接入座。我叫咗和風牛肉拉麵，呢度有得揀豬骨湯底，地獄湯底，麻辣湯底，番茄湯底，我揀咗第一個。個餐本身包左野飲，冷熱同價，仲有小食可以俾你揀，一係三文魚壽司一係加州卷。好快一碗拉麵就已經嚟到我張枱，賣相唔多好，但好多野食過先知，但當我對筷子一插落去碗面度，就發現和風牛肉同我想像中激大不同，應該唔係和風牛肉，應該係沙嗲牛肉。根據我嘅推測，可能係早餐用剩嘅沙嗲牛肉，究竟係咩呢，我唔知，直接寫牛肉拉麵就最好。其實，已經唔太食到豬骨湯本身嘅味道，因為牛肉本身啲汁根本無法根除，少不免會有影響。所以話，碗拉麵裏面任何一樣野，都唔可以錯得咁離譜，因為一樣錯既用材，就會對碗麵有著好大既影響。講下三文魚壽司，三文魚壽司算係幾好，因為你會見到白色一條條嘅脂肪坑紋，唔會成舊一樣顏色。舊飯都唔會話好大舊，同埋會有少少醋味，對得住佢係日本餐廳。總結：大家如果要黎食嘅話，盡量唔好叫和風牛肉拉麵，除非你預咗食不一樣既牛肉拉麵。

餐廳有一個房，宴請朋友，朋友一致好評！刺身非常新鮮，這個價錢能吃到這個質素的刺身，大家都給個讚！小蕃薯趁熱食，甜甜的，身型小小，好味！豆腐好滑，芝麻雞翼大家都喜歡。只有鰻魚有點腥。甜品我點菠蘿雪芭，朋友吃蘋果菠蘿雪芭好可愛的外型，大愛！愉快的晚飯。如果樓面能多主動入房提供服務就更好！