富盈火鍋雞煲專門店

營業中

休息中

預約好時間早到15分鐘，今次訂咗8人枱，因為尚未正式開始，只見職員在裹面食飯，因為天氣炎熱，問職員可否早些入內坐下，職員拒絕，叫我們在門口位置等，門口位置狹窄又沒有空調，感覺非常熱，所以我就推開少少玻璃門比少量汵氣出門口，但職員話我們打開了少少門冷氣走曬，叫我們關上門，之後有一個職員仲出來點香供關帝，令到窄狹的地方更難受，待差不夠鐘先比我們入內，全場只有我們一枱。感覺呢間餐廳職員操守太差，作為一間做飲食服務的餐廳，連起碼的待客服務都不懂，食物方面，只覺一般，已經放入黑名單，不會再去。

又系朋友生日敍餐日子，今晚揀了這間頗有噱頭的任飲任食三重奏‘美國安格斯小牛排放題餐，7點半前走優惠每位$258，再有5送1位免費👍🏻。三重奏系有韓燒、火煱、鷄煲3様一齊，一次過滿足3𠆤原望🌟。首先來個鷄煲，鷄好滑，調味很到位，還加了麻辣，十分野味，吃不停，原來還有花膠在🐔煲內，好正！好入味！食完個煲仲可以再encore。枱有另一個爐給客人同時韓燒，燒烤食物除了🐂，還有黑豚肉、羊等，，味道0 k，我們還烤了一條頗大的黃花魚，魚肉好滑，其他店少有。火煱我們選了花蟹蜆湯，如想再換湯加$ 10，火煱內一様有花膠，花蟹亦新鮮，還有蠔、鱔，元貝、鮑魚、虎蝦…. 應有盡有吃不完。除食物外，飲品也頗出色，有不同種類任飲，連藍妹啤酒也不例外！另外朋友燒了新鮮菠蘿，好多汁好甜，大家追住食！如果喜歡甜品也可吃牛奶公司雪糕和泡芙，不過我們實在太飽了。整體食物質素理想，服務員態度良好，環境闊落乾淨，系encore之選！

非常遺憾地向大家報告，不幸地遇到了這家任食火鍋餐廳，他們並沒有履行他們的服務承諾。這家店故意拖延出菜時間，沒有提供足夠的飲品和食物，而且他們的員工態度惡劣。在我點菜後，餐廳居然拖延出菜的時間，讓我感到非常失望。他們不僅沒有在合理的時間內提供食物，而且還沒有出足夠的飲品，這讓我非常不滿。更令我無法接受的是，餐廳的員工態度惡劣。我試圖與他們溝通，但他們完全不理會我的需求，並對我發脾氣。更糟糕的是，他們甚至報警以故意刁難我，這種行為真的讓我感到非常無奈。我認為這樣的店應該被列入黑名單，讓其他消費者知道他們的不良行徑。我希望這樣的經歷不再發生在其他人身上，並希望餐廳能夠反省並改善他們的服務態度和品質。

平時都有食開呢間覺得ok唔錯但係今次食完全唔同曬係啲態度唔同曬我同朋友叫左個雞煲個店員過黎擺低雞煲就走左平時都會幫我地開埋爐但今次完全無幫我地開爐都無所謂啦 可能佢新黎架呢 我地自己開過左差唔多20分鐘一個人都無黎過睇下個雞煲平時係有人經過就會過嚟幫手搞吓啲雞煲好啦個雞煲無啦啦失控兜嘢彈啲汁落我朋友塊面到唔係幾滴 都真係幾多汁佢成個面中紅曬腫左個店員見到曬發生咩事但係佢好似唔係幾在意我問佢可唔可以比包紙巾 佢話要$3我即刻俾錢 佢仲要勁慢咁行過嚟拎比我跟住同店員講可唔可以幫我哋整一整個爐 因為頭先可能太大火搞到彈到塊面個店員完全呆咗企喺度冇俾反應我哋😅過左5秒佢好細聲唔知講咗啲咩就走咗 好似我地屈佢咁…我哋過咗一陣睇多次個爐先知原來佢根本就冇做過任何嘢我地完全唔明點解佢可以見到我個frd成塊面彈到紅曬都無反應又無行動 依家又唔係要你做啲咩淨係叫你幫手整一整個爐都咁既態度😵‍💫

晚市火鍋雞煲，同時可以燒烤服務態度良好，雞煲好快到，仲有教埋點煮。雞煲入邊仲有大大塊花膠，唔夠仲可以再叫。只係加花膠都可以。花膠吸晒雞煲啲汁，好好味。自助區仲有好多唔同嘅食材，有好多唔同嘅丸類，腸仔，又有唔同嘅肉，有羊肉，有雞肉。最特別係原條嘅魚又有三文魚，仲有花甲樣樣食材都可以自己決定放入雞煲定燒烤。仲有幾部雪櫃放咗大量飲品，有啤酒有汽水有檸檬茶，有韓國飲品，好多款最後記得食埋個甜品。泡芙都好好食

有四款價錢選擇，我地就揀左美國安格斯牛小排放題$288+10%，可坐3小時又可飲藍妹。當月份生日全單有88折，必須於入座前出示。坐低先點雞煲及攞食物燒，雞肉質地算滑、雞煲可添食。食完雞煲可出去攞湯底打邊爐，如要換新湯底就+$10。食物有幾款熟食、燒烤、火鍋食品，飲品種類也多，$288 以上才包藍妹、$288以下就包其他啤酒。服務就冇乜架啦，2個半小時叫你埋單、最後15分鐘、搭正3小時又提下要走。

今次係我第四次過嚟食，自從食左呢間富盈海鮮火鍋，都唔會考慮去其它打甂爐同埋燒肉，認同呢個燒肉谷和安平既cp高配版，首先座位一樣以往都係好闊落，今次都係食第二個餐,食雞煲，呢幾次食都係質素正常，3個人去食頭盤兩碟和牛,通常最主要都係食燒肉牛頸脊，牛頸脊肉味濃！係禁encore,海鮮有好多款三文魚海蝦，最重要係鰻魚,魚雖然係已經熟咗然後煎熱佢，但係味道不過不失，同埋佢嗰度有鍚紙蠔和桶蠔，可以做火鍋同埋燒都可以，仲有羊架,羊架有少少騷味更岩我食推薦：第二個餐，牛頸脊,雞煲,蠔,鰻魚,羊架,大海蝦,鍚紙蠔

當日係疫情放鬆同時又係朋友生日，同朋友一齊出去食飯，本身打算食其他店，但因為適逢星期六日，所以都無位，求其選擇了一間附近的火鍋店，因為見到有雞煲、火鍋及燒烤放題，所以比佢招牌吸引咗過去，本身諗住帶着中伏的心情去食，點知比預期的好食😋唔錯👍🏻

呢晚約左個朋友，佢係大胃王，所以帶佢黎呢間一次過有齊雞㷛、火鍋、燒烤嘅放題有四款價錢選擇，我就揀左食美國極上牛頸脊放題～仲包任食海鮮：虎蝦、龍躉片、元貝、花螺、燒鰻魚～正價時入座$258一坐低就上咗雞煲，雞肉質地算嫩滑👍🏻食完一輪雞煲，我地就要求轉打邊爐，店員就拎左一壺奶白色合成湯打算直接倒落去雞煲，但個雞煲實在太油，想店員幫忙換過新嘅湯底，但店員話冇呢個服務，咁唯有我哋自己清除左雞煲嘅油，再自行將合成湯倒落個煲先打邊爐店員會同時會買塊燒烤版俾我哋燒肉，自助區仲有部分食物同飲品比大家任攞牛肉質素不過不失海鮮就全部都未溶雪，而且唔知點解全部都好咸，好似用鹽水浸過再雪咁樣雖然海鮮任食，但咁嘅質素就唔食喇衛生方面亦唔夠乾淨，地下同枱凳都好油，尤其行路時對鞋好似會啜住地板咁總結：食物選擇雖然多，但質素非常一般至差，仲有好多選擇，唔會再黎

有訂位，7點入座，即刻點個雞煲出去攞野食，熟食：魚皮，薯格，炸骨腩，響鈴生食：倉魚，牛仔骨，蠔，花甲，聖子，牛舌，羊肉片，鱔片，鯇魚片，蝦。食物紙，花竹蝦，牛小排，牛頸脊，豬，封門柳，鮑魚，鰻魚，元貝，魚片，羊扒。黎到一樣一樣試，出面拎既食材大部分都唔掂，蠔變左，牛仔骨無味，花甲唔鮮，聖子有沙，鱔片普通，倉魚正常蝦梅梅地，好明顯外面既海鮮都唔係新鮮，或者係新鮮但係擺左係出面室溫咁耐，都變變地。食物紙既就正常，牛肉最好食係牛小排，牛頸脊，封門柳完全唔得，鮑魚要燒，仲要自己調味先好食，鰻魚好食，花竹蝦元貝，魚片，羊扒正常。其實出面好多打邊爐料係完全無試過，因為又雞煲又海鮮又牛肉又熟食，再加上咁多配料真係食唔到咁多，同埋質素問題，我地最後都係不停點食物紙上面既食物。外面擺太多食物，太貪心，但人流唔夠，外面食材去既速度唔快，加上唔係放係凍櫃，所以好多野有機會變左唔新鮮。3號餐，埋單320，試過一次，唔會再去。呢個價錢好多質素好既放題可以選擇。

星期日晚諗住上去打個邊爐，點知門口接待個阿叔幫忙倒米趕客！本身已經唔忙㗎啦，個場有一半吉枱。想去之前打電話去問，已經態度唔好㗎喇 。約咗朋友就諗住照上去啦 ，點知上到去，call阿叔落命令口吻嘅一句：「安心 」。法律要求，掃安心冇問題 ，跟着照做啦。做完之後，諗住入座嘅時候，我都未認真睇個餐牌上面ABCD餐嘅分別，諗住入去坐低睇完先嗌，點知個阿叔堅持話一入去就要計時。我心諗，你唔主動介紹下都算啦、比客入去睇吓餐牌食咩都得啩，最多你咪唔好招呼我，連水都唔好俾囉。 不過既然你堅持到咁，咁我咪企喺度睇吓有咩食囉。點知個阿叔隨即又再落一個命令，叫我「等就出去出面等。」去到呢一刻，我真係感受到咩叫「逐客令」。你話個場好鬼忙，門口塞滿人就話啫；你個場咁多吉枱，仲要門口得我一個你都咁好「招呼 」…如果係老闆睇到呢到嘅，真係恭喜你請咗個咁好嘅員工 ，趕客倒米不違餘力。但如果門口嘅係老闆，咁我建議你都係花少少錢，請個人返黎幫你招呼人客吧….

約左朋友係旺角行街，見到富盈火鍋雞煲專門店有火鍋優惠，都幾抵食，所以入去試一試味先！餐廳裝潢比較簡單，入到去有一陣海鮮味，望落都算OK，幾新鮮。雖然係火鍋放題，但店內亦有多款食品選擇，如雞煲；有多款牛肉及海鮮，食材新鮮，最重要係抵食！最吸引莫過於海鮮！食到好飽，好滿足！牛肉脂肪分布平均，肥瘦適中，牛肉味香濃嫩滑，味道佳！

周五晚上找地方吃飯不容易，在附近轉了一下，最後選擇了放題。店的門面不是很突出，但係看到進去的客人可不少，而且價格還算合理。比較舊式的裝修，但人氣十足，用膳氣氛也不錯。先選牛肉和雞煲，每位兩百幾，正常價錢。他們的韓燒和火鍋材料十分豐富，都是自助餐形式，而且擺放得很整齊，衛生程度都可以。時間是兩個半鐘頭，吃几種不同的料理。他們的虎蝦十分巨型，而且無限量供應，再加上其他海鮮和牛肉，水準是可以接受的。以價錢和吃的東西而言，總體來說都很不錯。

肉一輪比一輪差，第一輪都叫正常，之後就係用鬆肉粉醃個d黎。唔太明點解係咁。熱食區只有一輪，唔會refill，我星期五食6:30入坐到9:30 明明8:00左右已經無哂都唔會refill。而d侍應好似見唔到你咁，叫十幾廿次先應你。

適逢小弟生日 就雅慶滿滿出去食個生日飯晏晝嗰陣 打電話訂夜晚7點 同電話裡頭嘅職員 再三確認有生日優惠先訂座—————————————中間過程其實都無乜好講食物質素 服務態度等等去得旺角 又 依個價位 基本都預左—————————————重點 重點 在於 埋單嗰陣 我出示身分證當時嘅職員 表示 要開單前出示才可獲生日優惠我當然係錯愕 亦都表示 電話訂座當時你地接聽電話嘅同事 並無告知依一點。職員就回覆 無可能㗎我哋店舖出面都有寫明要提早出示—————————————咁當刻我當然都要埋左張單先但老實講條氣真係唔順囉唔係錢問題而係 我打電話訂座嗰陣 我再三同職員確認當時職員係完全無告知 要提早出示 證明文件📄就算鋪頭 係有條文寫明 ，都係鋪頭職員誤導在先但責任就要消費者承擔————————————-唔講啦 總之依間西野真係無下次