富臨皇宮 (已結業)

第一次食呢間富臨，裝修好新，夠光猛。點了十幾樣點心，脆皮叉燒包幾好食，夠脆夠熱叉燒粉幾抵食，叉燒唔會太"林", 粉就唔會碎，正常好準燒賣太肥，可能唔夠熱，口感好"流"，食完成口豬肉味叉燒腸粉夠料但唔夠熱，唔明點解即叫即steam 都可以唔夠熱，真係抵打排骨唔夠熱，鳳爪差唔多係凍....等左好耐，侍應一味話黎緊，其中有幾樣點心到最後都冇黎但有入機，cashier 都肯 取消。感覺水準好一般，服務都好一般點心唔夠熱就 扣曬分，除左個 "脆皮叉燒" "叉燒粉"叫 ok, 其他真係唔係好得 

今日男朋友出糧話要食好D, 跟住就一齊去左樓下間酒樓食晚飯。間酒樓全線做緊特價, 阿拉斯加長腳蟹一斤168蚊, 好大隻呀, 就叫左一隻4斤既黎食。 上碟果時真係好震撼, 大個我塊面好多!!! 阿姐見我影相仲好好咁擺好佢D腳俾我影, 佢話佢死之前爭扎左陣……蟹大哥係今餐既亮點, 為左佢, 飯都唔食, 目標要食曬佢咁大隻腳竟然一剪就得, 好易食, 勁正呀, 超多肉, 好新鮮, 好食過自助餐果D好多, 有少少海水既咸味, 咩都唔洗點, 連蟹尖都有肉, OH MY GOD!!! 太多肉, 食左兩隻開始飽… 終於食到蟹身, 好多膏呀, 好CREAMY, 蟹大哥真係由頭到尾都咁得, 佢都唔洗700蚊, 阿姐好好, 係咁同我地換碟, 唔係就真係成枱都係 最後叫左個糖水, 太平啦, 13.8 有芒果布丁, 10.8 有雙皮奶, 糖水舖double 唔止, 所以叫曬. 重點好好味, 芒果布丁入口即融, 好重芒果味又多芒果, 雙皮奶一般般, 但真係好平