影片
【油尖旺區】【富華冰室】好耐之前寫過呢間嘅尖東分店，嗰陣仲係寫佢哋出嘅 $45 抗疫餐，有飯有嘢飲，非常抵食。疫情已過，都零星地幫襯過佢哋幾次，不過費事重覆就冇寫用餐體驗喇。而今次寫出嚟都係因為今次去嘅係尖沙咀嘅另一間分店，喺漢口道嗰邊，又睇吓呢間係點。叫咗 $58 嘅「特餐」，揀咗「冬蔭功肥牛湯米粉」轉通粉再扣底，碗嘢都幾辣，所以最後扣咗底我都食唔晒，味道係正常嘅，我相信唔怕辣嘅客人唔會介意。跟餐仲有配菜，首先係「自家製出爐餐包」，佢哋自己整嘅，佢仲夾咗少少牛油，味道都可以喎。旁邊仲有「嫩滑北海道牛乳炒蛋」，又係炒到一個球咁嗰隻，都幾香蛋味嘅。餐飲我要「熱奶茶」，估唔到喺尖沙咀地帶嘅茶餐廳，呢杯都只屬一般水平，少少失望。我仲叫咗個 $8 嘅「出爐靚蛋撻」，可惜係唔熱嘅，成件事差咗。埋單 $66，又冇乜嘢好挑剔。。。（地址：尖沙咀漢口道8-10號漢中大廈地下B&C號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區尖東分店：1am0604#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #特餐 #富華冰室 #冬蔭功肥牛湯通粉 #自家製出爐餐包 #嫩滑北海道牛乳炒蛋 #熱奶茶 #出爐靚蛋撻 #1am1763 #1ambackup
繼續閱讀
外賣香煎砵酒牛脷意粉，一打開見到得三塊牛脷嬲嬲地，好彩原來其實有好多，都差不多有成五塊，仲要塊塊都好大，$88嚟講都算係咁。不過味道方面就爭啲，牛脷本身係沒有完全味道嘅，而且唔算好腍。基本上成兜嘢係靠個汁嚟吊味。
繼續閱讀
我今次嘗試了他們的羅宋湯餐肉粒通心粉。當湯一上桌，香氣撲鼻而來，湯色紅亮，裡面有各種新鮮的蔬菜，讓人一看就食慾大增。湯底的酸甜味非常平衡，既不會太酸，也不會太甜，正好襯托出餐肉的風味。通心粉煮得剛剛好，口感滑溜，充分吸收了湯底的味道。餐肉粒外脆內嫩，咬下去的瞬間，肉汁四溢，與羅宋湯的風味相得益彰。每一口都是滿滿的幸福感，真是令人陶醉。環境方面，富華冰室保留了傳統的香港冰室風格，簡約又親切。服務人員態度友善，點餐速度快，讓人感受到香港茶餐廳的熱情。總的來說，富華冰室的羅宋湯餐肉粒通心粉令人驚喜，是一碗既有溫暖又有味道的美食，值得一試。
繼續閱讀
喺尖沙咀本身諗住飲咖啡，諗諗吓都係支持吓香港奶茶，富華以前啲蛋撻係好好食，今次食一見到已經失望，離晒罩，仲要凍嘅 。 雞尾飽都係凍，咁大個爐哄住啲麵包，所有嘢都係凍？真係令我一度懷疑自己食緊咩。茶走茶底都差左。。。唉食$41，一個蛋撻一個雞尾包一杯茶走，問有無tissue，姐姐答tissue 盛惠$3。。。唔係俾唔起$3 ，而係作為一間餐廳，有tissue 提供係基本。tissue 成本要幾多？果然尖沙咀都係遊客嘅地方，留返比遊客消費好了。香港仲有幾多地方係比香港人消費？今次真係嬲。
繼續閱讀
周末去尖沙咀行街，喺九龍酒店附近見到有間冰室不錯，就入去試吓：特餐-冬蔭公肥牛湯米粉配雙蛋及餐包（$58)冬蔭公湯底有驚喜，味道濃郁，夠酸又夠甜，又帶點辣，非常開胃又惹味。米粉煮得恰到好處，爽滑能很好地吸附湯汁。肥牛肉鮮嫩，加上1隻蝦，及一些菇類，更添鮮味，營養更豐富。
繼續閱讀