富華冰室 (秋雲大廈)

營業中

休息中

我自己都有問題，以前嘅翠華轉咗鋪頭，依家叫富華冰室，點知食個菠蘿油咁鬼垃圾，以後都是唔會有下次。服務員仲搞笑，佢話新鮮嘅喔，你咪撚玩啦，新鮮嘅菠蘿包連面包面頭都系凍嘅，食個包都知道不如出面3.5果啲麵包啦。

見到未食過呢間富華冰室，於是就去試下啦！點知見到門口擺放排隊用嘅紅帶，心諗有冇咁好食呀？早餐都要排隊？行到埋去唔使排，職員就帶我入去坐低，一張長枱坐左4個人，中間放個擋隔板。只見啲職員動作好快，連帶我個心都跳得快咗。立即叫個沙牛米，凍茶應付左職員熱切嘅落單目光。我觀察下啲食客，全都係街坊喎，點解我有種去左遊客區食店嘅感覺。一有空位，啲職員就大叫幾多號位有半位，準備！好有朝氣，好有系統。務求令到個空位空置時間縮短到一分鐘。講返食物，我覺得正常，無特別好唔好食，但係想係呢度慢慢食個早餐就絕對唔得啦！店入面嘅活力，朝氣蓬勃會令到你唔可以慢落嚟,一定要靈活，一定要快，充滿香港人特色，做咩都要三分鐘搞掂。

晚市走進眾安街這間茶餐廳，試了一度椒鹽鮮魷，真是太好吃了！鮮嫩的魷魚配上香脆的椒鹽和微微的辣味，脆卜卜的炸粉薄薄的，令口感豐富度提升。魷魚的煮法掌握得恰到好處，保持了它的鮮甜和彈性，一口咬下去真是太過癮了。而且，小菜份量也十分足夠，算是非常超值。服務員態度親切，店內也有播放背景音樂，讓人享受食物過程中也感到舒適自在。整體來說，這道椒鹽鮮魷絕對是這間茶餐廳晚市的推介菜式，我定會再臨試吓其它菜式。魚香茄子煲

我是第一次寫食評，因為真想要舒發此不愉快經歷。入到餐廳坐低便叫咗個羊腩飯餐 $8x，嚟到先食咗2粒冬菇仔，眼見仍有6，7粒，但就只得3舊碎濕濕羊肉碎，那便跟待應說了，她望了幾眼，就找了廚師說，後來再過來跟我們說：‘’稍後補回幾舊給你‘’，等了10多分鐘便出一碗新的過來，此時，她就說了一些很難聽的話： ‘‘我不是寸x 你地呀，你要知道羊肉咁貴，我地啲咁便嘅价錢唔會好多肉的‘’，她還要多講句 ：’’你放心食啦，嚟碗嘢乾淨架‘’ 。我地都不知應該給她什麼反應好，這餐飯都已經冇胃口啦，唔會再有下次。

📍富華冰室 (荃灣)荃灣眾安街29號秋雲大厦地下A-C號舖🥢蕃茄薯仔羅宋湯午餐肉粒通粉配菠蘿油$41個通粉望落就細兜左d，不過加埋個菠蘿油都好夠飽，個菠蘿油俾左2塊牛油我😂不過我朋友就菠蘿油無左塊牛油😂 菠蘿包都幾好食，如果熱多小小就梗好😅

今次不是食評，所以忘記拍食物照片。事緣侍應下錯單，與我們叫的不同，送上來時我們說下錯單，我有D不耐煩，但先後有二個侍應埋來說對不起，並想和我更換食物，她們非常真誠及有禮貌，搞到我不好意思，所以我說冇所謂不用換。今時今日集團式茶餐廳有咁嘅服務，真係值得一讚。（其實食物出品也不錯）

這晚路過這茶餐廳，發現它人氣不錯，就試試吧。“西蘭花炒牛肉”，西蘭花另外炒開，再淋上已炒好的牛肉，菜本身不夠味，痰茂茂，牛肉味道還可以，唉，好看不好吃，兜亂可能會更好，浪費。“煎鹹魚肉餅”，沒什麼鹹魚味，連鹹魚也看不見，於是不香，豬肉也有點柴，像沒起過膠一樣，於是不夠滑、沒咬口，更慘的是不夠味， 跟剛才的西蘭花一樣，淡茂茂，失敗！唯一可取的是煎得還好，外皮還有點焦脆。總的來說，菜不算靚仔，廚房質素有待改善。

見到富華冰室坐滿客人又不妨試一試下午茶。叫了一個楊州炒飯，第一個印象是冇油的炒飯，乾乾的，吃炒飯就係要吃那個炒香的材料和粒粒分明米飯粒，一點油水也沒有！板燒西冷牛扒煎蛋配通粉，牛扒都是稔滑的，不錯。餐飲的奶茶顏色漂亮，有茶味。蛋撻剛出爐，酥皮送飯，蛋漿幼滑而且唔會太甜。

今日起身諗住叫外賣 就打去呢間富華 因為琴日第一次叫外賣既時候都同聽電話個女人再三確認問清楚外賣有冇特別收費同係唔係送到上門 而落外賣既女人都話淨係加2蚊 送上樓無所謂 所以琴日都晏晝同夜晚都叫左2次外賣 而且都有送到上門 但係到今日叫外賣 聽電話落單都係同一個女人 俾地址既時候仲要懶係pro咁話如果有叫過外賣俾電話就搵得翻個地址 到送外賣打電話黎 竟然係話唔送上樓 叫我自己落去攞 我再打翻落去問聽電話個女人咩事 佢話無講過送上門 話以為我會知 我問佢點解我琴日叫2次 2次都送 今日就話唔送 佢就九唔搭八咁話琴晚夜班同事唔清楚🤔 我話我晏晝第一次叫係你聽電話嫁喎 佢就淨係識話夜班唔清楚 對呢間野真係無言

見新開，於是試下。。。夜晚唔想食太飽，於是嗌了輕食+ 牛河～.珍寶熱狗🌭🌭$30好味度：⭐️⭐️⭐️來到見到賣相的確是有驚喜，可惜個包口感一般。。食落個皮好有"紙" feel 😂😂不過味度都ok...係個包質地欠奉～.沙茶細牛肉炒河 $66 好味度：⭐️⭐️⭐️⭐️都有少少鑊氣。。而且味道都好夠沙茶醬味，比平時濕河的醬汁更濃厚一些～.凍檸茶🍋🍹+$8個茶底味道麻麻地。。。濃得來有苦澀味，而且個茶底味道麻麻地。。好味度：⭐️⭐️.餐牌內容都大同小異，差不多。。。暫時只試了上面的。。希望其他的，會好些吧😂🙈

前日(7-8-2022 Sun)晏晝同老公再落荃灣送紙同買嘢,送完紙就食個tea先啦,去邊間?記起新開嘅呢間,於是走嚟,我哋去到時,啱啱等咗兩分鐘左右就有位,睇完menu,就揀咗:4. 叫套餐加$3.00要凍檸茶少甜老公飲晒,我唔知O唔OK.2. 叫套餐加$7.00要凍檸樂唔知係咪我篤檸檬篤得太勁,味道唔清,有少少澀.味道:2.7分3. $31.00嘅蛋撻(2個)老公唔記得問係曲奇皮定酥皮,送到上嚟睇,係酥皮;佢係暖暖地,蛋撻滑,酥皮層唔多,亦唔太重牛油味.味道:3.5分1. $43.00嘅珍寶熱狗配薯角等咗一陣至到,睇見size係嘅,但個包似烘過龍,切開又食得,睇見就只有香腸同沙律醬,食落個包真係有輕微嘅苦,呢隻香腸唔太鹹,OK 嘅,食到最後都食到啲啲番茄.味道:3分薯角新鮮炸起,熱騰騰,唔錯.味道:5分