影片
營業時間
今日營業
05:00 - 00:00
星期一至日
05:00 - 00:00
以上資料只供參考, 請與餐廳確認詳情
同朋友響葵芳區做嘢，落去買嘢嘅時候諗住直接食埋飯先返上去繼續做，行過新都會廣場覺得冇乜嘢特別想食，所以就走咗去隔離葵涌廣場搵食，因為係晚飯時間行過幾間餐廳都好多人，見到以前嗰間富華諗住過去睇吓點知條龍好長。所以就決定試吓佢同一個商場嘅第二間分店，地點一樣咁方便，葵芳地鐵站行出嚟就係葵涌廣場地面嗰層行入少少就見到，可能因為比較新，所以感覺比較乾淨企理，最重要係唔係好多人排隊，主要係買外賣為主。我叫咗個豉椒牛河，分量維持水平都好足夠，豉椒青椒味道都好出，牛肉方面普遍來講都幾好食，係其中一兩篇比較難咬，味道方面亦都唔錯，由落單到炒出黎都算快手，工作人員態度亦都唔錯，下次會試吓返嚟食第二啲嘢。
繼續閱讀
5：17pm 買左個楊洲炒飯外賣，等左十分鐘都未有店員嗌外賣，我就入去準備問收銀，入到去未問已經見到放左係架外賣車到(乜而家外賣唔嗌number叫人拎架？)返到屋企隔住個蓋都見到有幾團白色既飯炒唔散，都係小問題，開左蓋，望落去似菜炒飯多過似楊洲炒飯，蝦個份量叫過得去，但叉燒真係少得太離譜。即刻打去問佢拎wtsapp直接send相比佢睇，點知原來打錯比另一間葵芳分店(店B)，咁我就麻煩佢地轉達返個投訴比呢間分店，並要求佢地6：30pm前比返個答覆我(因為我已經超肚餓)，店B個經理6：30pm覆返我，我覺得呢個經理非常有承擔，話係出品問題，而家重新做過份外賣送黎比我，咁我都覺得冇問題，了左件事。到7：21pm收到呢間舖既職員打電話黎，店員話：我地下午茶既份量就係咁，仲要有八折，份量想要幾多？我：我係正價買店員：咩正價買，我地六點外賣係八折架，要唔要我print 返張單出黎比你睇？我：我係5：17pm 買，你地係六點先做八折架。店員：咁我地下午茶既份量就係咁多架啦。我：咁咪就係少得過份囉，下午茶收$52等於好多出面茶記既價。店員：咁你下次咪唔好嗌呢個餐囉！佢講到咁，認為我仲有下次幫襯佢既機會？我嬲到都冇問佢點稱呼添。如果佢好聲好氣解釋，我都可以理解，最多我真係選擇下次嗌第個餐，但佢一打黎就係一個質問我既態度，未搞清楚我有冇折就嘈，我就唔會接受！
繼續閱讀
您可能會有興趣的...