影片
港鐵黃竹坑站B出口, 步行約3分鐘
繼續閱讀
電話號碼
24072507
付款方式
其他資料
加一服務費
以上資料只供參考, 請與餐廳確認詳情
估唔到泳池上面有餐廳，營業時間由早上7點至晚上9點，午飯時有唔少建築工人都會當呢度係飯堂，款式&種類跟一般茶餐廳窗較多，外賣可減2蚊，逢星期二有咖哩牛腩飯，入秋後更有羊腩飯食，還寫明有什麼食材。第一次外賣了3餸飯，選擇了豉計蒸鯧魚、蒸肉餅、魚香茄子、可樂配一盒飯，基本上份量大到食唔曬，努力食曬餸白飯都剩了小半盒，蒸鯧魚剛剛熟，肉質滑嫩，蒸肉餅好多肥肉好油膩，魚香茄子幾惹味，白飯都幾硬，唔知係唔夠水定點，食到胃痛。見到大多數客人都係食二/三餸飯，都有其他客人食羊腩飯，眼睇一大碗，下次都想食。收銀姐姐態度幾nice，餐廳都幾老實，會keep 住光顧。
繼續閱讀
朋友介紹話包玉剛游泳池樓上的餐廳樣樣小菜都好食，但要強調係冇強勁冷氣，地方不會太好，當然啦，我會選擇晚上去吃！ 天氣太熱，只係想飲杯凍飲🥤就巳足夠了！朋友亦都超讚咕嚕肉好掂！平日星期一至五$50有一個客🍚，貴少少嘅選擇也有特價都有五六款，只係$58，主要係街坊生意，雖然冷氣唔夠，但係有大風扇又有電視機加分！先用電話問清楚店員last order 8:30 , 咕嚕肉售罄， 唔緊要啦，有心理準備冇得食咕嚕肉咪食其他小菜囉！ 電話接線店員，解答清楚有耐性！我到叫咗椒鹽鮮魷、豆腐火腩、鹹酸菜炒牛柳條，3個人食坐OK幾舒服，白飯熱氣騰騰，凍飲加$6 ，下次一定再幫襯要食咕嚕肉！
繼續閱讀
繼續南區覓食系列之街坊食堂~寶寶小廚又名泳池餐廳，因開正係包玉剛泳池入面。呢間食堂雖然平民化，但味道絕對有驚喜!我地3位lady叫左3個小菜加2個白飯，份量足夠4人食!另叫左3杯檸茶。必食鎮江骨!個醋超級無敵香!甜酸度調得剛好，豬骨大大舊啖啖肉。切記一大啖咬落去，因會熱到飛起(fatty k就試過啦...)呢個齋煲份量十足，材料有炸豆腐、枝竹、粉絲、白菜仔、茄子、草茹、木耳、豆角，逐樣食都有排食雞，堅全部都係雞!咖哩香而不辣，友人爭住用汁撈飯食不過咖哩粉重手左少少，令汁傑左DD，但唔影響味道除左小菜，亦有午餐，大大碟3送飯湯加飲品都係$46!老闆仲係餐廳推行環保，同善心人一齊將節省既外賣餐具變成善款，捐出去幫癌症病人，讚啊!
繼續閱讀
環境： 室內大牌檔格局，位置都多，食客多是游完水或附近的街坊。泳池其實距離黃竹坑地鐵站唔遠，大約5分鐘而已，不過出地鐵後要緩緩走上一條斜波才到。餐廳位於二樓，在泳池門口有條樓梯向上走便到了。泳池對面是陳白沙中學紀念中學。服務：大牌檔形式，有需要自己要主動些以街坊小炒為主，我地每次都最少8個或以上，晚餐叫好多碟餸，每一次都大約70左右，晚餐一班人黎講算做抵食。質素用料一般，份量適中，餸菜較重味道。不過當你去完游水或附近活動，這裹地點較就腳。我地叫左以下菜式：咸魚馬蹄煎肉餅： 我地成班人每次都叫嘅菜式，煎肉餅出面比較少，肉餅帶少少咸香，外皮脆脆的，每件入口大少少的SIZE，最佳下飯菜式！豉椒炒蜆：價錢唔貴大約＄40, 蜆肉雖然唔大隻，不過都算鮮味，若個汁無咁咸能嚐真蜆肉鮮味更好。涼瓜煎蛋角：算份量夠，涼瓜不會太苦，煎成蛋角更香口。生劏大龍躉兩味 ：出街食，食蒸魚佢嘅蒜油特別好食，呢個兩食有一個蒸魚，另一個係西蘭花炒魚片！味道都OK～蜜糖雞中翼： 一碟都有8隻咁多！甜甜的個個鍾意食！蜜糖好多，成隻碟都有蜜糖。鮮茄牛肉煮蛋: 呢個都OK，甜甜酸酸，煮得剛剛好。豉椒排骨： 肉排蒸得剛好，唔會靭。不過應該用雪蕆的，但味道都OK2個煲－魚香茄子及涼瓜龍脷柳煲： 2個都係惹味餸飯之選，不過味道偏濃，龍脷柳啖啖肉！2款菜－ 金銀蛋浸白菜仔同蝦醬通菜，前者整得較好，通菜有點唔夠味道，菜更嫩也更好
繼續閱讀