寶星咖啡餐廳

營業中

休息中

翻翻去中學時代放lunch搵平價屋邨餐廳嘅感覺😂由餐廳嘅名到入面裝修都有時代感，餐牌以焗扒飯為主，$50以內有找，lunch hour去都坐滿曬人，叫左個咖哩鴛鴦扒飯，$44黎講不過不失🥸可惜卡位椅背太直，坐得有啲辛苦，想慳錢又回味下昔日感覺嘅可以一試🥰

實惠飽肚街坊早餐因為covid 19 應該都有一年多無來，睇社交平台都系彈佢比較多，以前來都系為左抵食同食物中規中矩，今次來覺得有進步。優點- 從covid19 開始到而家，都有一瓶燒毒手液系每一張檯。- 食物份量一定夠，起碼多其他茶餐廳20%-炸豬扒無叫都分碟上- 早餐價錢優惠同選擇多，改善點- 都系裝修比較舊，但估計都吾會改。豬扒沙嗲牛肉米粉（4分）$34- 除了豬扒分碟上，佢係肯定新鮮炸吾系其它茶餐廳早餐炸定系度，個表面仲系脆咖，但系比較廋，好在吾“鞋”-沙嗲牛肉系淡小小，吾夠香辣味，份量可能比其他茶餐廳多1/3- 米粉系我比較喜歡的，有D 爽口，吾會”淋bat bat”,份量超多。豬扒腸仔米（3分）$34- 腸仔有兩條，系好新鮮，但有小小燶，咖啡（5分）- 覺得以即磨咖啡比較附近的茶餐廳，佢係比較有咖啡香同吾苦。菜蜜（3分）-正正常常

前日(4-9-2022 Sun)晏晝又同老公送完膠同俾月餅女友人WYP後就食晏,我哋邊行邊諗,行經我好多年前帶WYP嚟食嘅呢間 (嗰個食評係2013年5月12日刊登嘅呢篇: https://www.openrice.com/zh/hongkong/review/%E6%8F%90%E6%97%A9%E7%9A%84tea%E7%95%B6lunch-e2296908).老公詬試吓啦.咁我哋入到去,好彩重有一張卡位,不過都幾迫,因枱同凳之間嘅空間唔夠,不過幸好冷氣充足,我哋睇完Menu後,出現選擇困難症.最後我哋要咗:1. 加$6.00嘅凍仙草朱古力朱古力啱啱沖出嚟,重熱嘅,味道唔太甜,正.仙草就正常冇問題.味道:4分4. $40.00嘅白汁蟹柳吞拿魚意賣相好奇怪,一餅白汁”撻”上面咁,撩開睇,搵到一小舊蟹柳,呢喥嘅意粉唔係硬身嗰隻,啱我,成個意粉味道亦清淡唔太鹹,係舒服嘅,但蟹柳真係少到令人難以接受.味道:3分2. $42.00嘅雞扒肉醬飯相對起白汁蟹柳吞拿魚意,呢個味道幾濃,飯亦較乾物身;雞扒唔太鹹; 肉醬正常冇問題.味道:3分3. 加$6.00嘅凍蜂蜜綠茶呢個甜度都啱啱好,幾清新.

荃灣嘅茶餐廳基本上都食過晒咁滯，唯獨係呢一間我會特別介紹，福來邨一帶近路德圍，但係佢呢一間餐廳比起路德圍裏面嘅茶餐廳好食得多，性價比又高！下午茶豬扒包 大大塊豬扒，又多汁，唔似其他茶餐廳咁樣，整到塊豬扒好鞋公司三文治 即叫即整，三文治塊面包夠脆，入面仲要有芝士不過特別留意番佢係冇嘢飲送嘅下午茶嘅豬扒包仲會配一杯嘢飲，叫咗即磨咖啡，茶餐廳來講佢嘅即磨咖啡好好飲，特別唔同，唔似得普通茶餐廳咁淡/用粉沖出嚟

前兩日中午行到去荃灣福來邨做嘢 估唔到呢度仲有咁多舊式嘅小店， 果然舊式嘅屋邨係唔同啲， 好有人情味中午肚餓坐低搵嘢食見到呢一間， 食個午餐竟然係三十幾蚊， 佢畀咩我食都冇投訴啦 我叫咗個肉醬雞扒飯， 唔可以話係超級美食， 但勝在性價比高， 掂埋凍飲都只係41蚊， 食完又要繼續做嘢啦 。順帶一提而家係抗炎時期， 餐廳應該生意麻麻地， 但呢度都好多街坊幫襯， 坐到全場玩曬。 同埋職員都好好， 每枱預備咗酒精搓手液， 呢啲細節嘅心思係會令人記得㗎。

今日，星期日，無特別安排節目，所以有時間去high 過tea。去既係一間位於荃灣一個好舊既屋村内、咖啡出名好掂既餐廳仔。 呢間舖外型都幾靚仔，入面好整齊同乾淨。本來以為唔方平，但出人意表。我叫左奶醬多，凍檸茶。無特別，係多士既醬 搽得夠均衡，凍檸茶夠大杯同冰多。老公叫左雞扒包拼薯條,熱咖啡。 雞扒肉汁多，無雪味。再用熱狗包那種包，幾特別，再與生菜及蕃茄併埋一齊好食。而薯條係用粗嗰隻，可惜份量唔算多。 杯咖啡唔洗講，真係好得，無得頂。最後，呢到嘅服務員態度真係一般，order時有啲悔氣 ，需要改善。

荃灣這麼多食肆，不去荃灣廣場可以去荃新天地，否則就有路德圍或者沙咀道，以至力生、南豐，都有大量食肆，很少人會專程來到福來邨。我們先去了看老闆娘雲南米線，但想不到，都未夠12點，老闆娘們開竟然已經有接近20人在等位以前根本老闆娘都不是什麼長龍店，但是跟幾年開始，每每要大排長龍，我覺得於理不合。於是便隨便去了這一間之前看見有下午茶的餐廳，發現餐牌選擇都幾多，早餐又去到11:30。見到有個餃子雞翼其實挺吸引，但是如果只有三隻餃子雞翼拼肉操飯，又恐防太過乾。於是就單叫了那個餃子雞翼三件，然之後一人點了一個焗飯或意粉，焗意粉都可以轉為長通粉，我的就是一個白汁豬頸肉焗長通粉。長通粉的份量還不算太少，可能因為那個器皿其實非常之細小，即使裝滿了，也不覺得太多，因此吃完之後不久都已經肚餓。白汁的味道偏向鹹味，有點兒粟米，忌廉味道不俗，普普通通。豬頸肉焗到有點兒香脆，因為長幼條狀，因此不用焗太耐，也會形成香脆的感覺，但由於豬頸肉肥瘦均勻，因此焗完也不會太乾友人的雜扒份量更多多汁，顯得長通粉沒那麼乾飲料味道普通，不太濃香，惟款式甚夕，連台式特飲都有

幾好食，價錢亦相當優惠。只係，可唔可以唔好再播CCTVB....呢下真係扣晒分。寶星可以話係我哋公司食堂，個人嚟講己經食左3年，每星期最少食1~2次，最正係佢個照燒汁雞扒飯同肉醬意粉，野飲亦冇偷工減料，仲有即磨咖啡👍都係嗰句，希望可以轉台，唔好再播CCTVB。

一間普通門面既餐廳係福來村，不過室內環境還可以，食物質素普通啦，份量算ok既，唔細。但有後記。點了： 火腿通粉，多士奄列，熱檸檬茶。火腿通粉其實無咩特別，不過份量算多，食得飽既。多士奄列，比較特別就係奄列會比出面既餐廳大份少少，厚身小小，其他都無咩特別既好味。熱檸檬茶都係一般茶記既味道。職員都算有禮貌既不過有件事就係當我成個早餐上哂枱已經食緊三分一，職員想我轉枱搭枱，如果咩野都未黎既轉枱都無問題但已經開始食緊，同場都有其他一人食緊野真係唔知職員有無叫佢地了，加上隔離成張長枱又無人坐之下，又要我轉枱，感覺就唔太好，所以最終都係食快D走人讓返張枱出黎走人了。(呢件事無影響評分)總結早餐味道不過不失，普通茶記質素。

苦榮最討厭農曆新年, 最憎去拜年, 最唔耐煩親朋戚友問長問短.自己的私人事, 與人何干.完全沒去拜年, 躲在家發酵, 吃茶餐室過日子, 除了初四與她一起, 所以苦榮年初四嘅樣, 比好多人好. 苦榮的飯堂寶星, 年初六才開市, 等得好苦.技術要求是零的焗蟹柳火腿意粉, 即焗, 又熱又香, 往往是苦榮的comfort food. 新年冇加價, 連凍飲39, 窮人恩物.凍齋啡又忘記走甜, 人總會重複犯錯. 出年會否大年初一二三, 便可和她一起? 苦榮默默期盼著.  

話說咁岩經過福來邨，正想搵嘢食嘅時候，就經過呢一間餐廳，初時都諗緊好唔好入去試吓呢?但驚唔好食，跟住即刻上open rice睇啊都幾好喎都幾多人讚!於是就入咗去試啦食完之後..真係的確唔錯。可能係因為個地理上唔係太方便，所以可能唔係咁多人知道！但係原來呢間餐廳做嘅嘢都幾細心！味道都係唔錯嘅！而且都非常之有特色！大家可以諗乜諗有機會就去食！

呢間之前已經食過幾次，今次同朋友叫咗兩份下午茶。我飲熱奶茶，唔知點解當日杯熱奶茶有啲澀，但又唔係討好嗰種，奶亦唔夠香滑。朋友嘅自選三拼麵，沙爹牛肉、芝士腸、太陽蛋配公仔麵，太陽蛋煎得幾好，味道正正常常。反而想講一下條芝士腸，唔知係刻意定不經意，條腸好似隻手指咁，都幾搞笑。我嘅餃子釀雞翼拼碎蛋沙律，雞翼用類似瑞士汁、鹹鹹甜甜嘅醬料調味，中間就拆骨並釀入肉餡，我覺得質感唔夠實在、食起來有啲「霉」（唔係真係霉，只係質感似），純粹花時間拆雞骨嘅心機搭救。慶幸碎蛋沙律味道仍然唔錯，保持到之前食過嘅水準。呢度同其他茶餐廳唔同，佢哋傍晚六點就收舖。定價算便宜，基本食物如麵食等等OK，碎蛋沙律亦唔錯，惟呢次食比較花臣嘅餃子釀雞翼就有啲失望喇。

福來邨的寶星算是街坊茶餐廳，平日只開到晚上6時，我和男朋友幾鍾意去呢度食早餐，除左因為好食，仲因為有好多其他茶餐廳無的特色飲品 （左）蘋果益力多沙冰，（右）士多啤梨朱古力蘋果益力多沙冰好香青蘋果味，沙冰份量夠多而且真係飲得到益力多味，酸酸甜甜好開胃！士多啤梨朱古力，朱古力再加上士多啤梨果占，加埋一齊飲超正，好似食緊士多啤梨朱古力一樣，朱古力味好香濃完全唔似其他餐廳溝到好稀，好味

是日要到工廠區拎野。。。經過福來村見到呢間餐廳就決定在此食飯 .. 初頭以為呢間係食咖哩。。。原來係飲咖啡的。。誤會了坐低。。。環境唔錯。。。但d 位有d 迫。。是我太肥了吧？食物飲品選擇多。。。最後點了最普通的焗豬扒飯 ....餐飲要熱咖啡。 再睇睇小食有咩。。。嘩。。粒粒西多士。。。好想食呀。。。最後叫左。。。西多要等耐d ....最先黎既係咖啡。。。surprise....有拉花。。 好靚同好苦。。原來這裡都是即磨咖啡。 焗豬扒飯隨後而來。。。份量大。。。同埋d 汁同出面食既唔同。。。真係似用新鮮藩茄整的。。。酸酸甜甜。 但唔係好夠汁。。下次要叫多汁先。 豬扒夠多。。但唔夠淋。。食食下。。。。粒粒西多都黎埋。。 真係好得意切到一粒粒。 西多已落好糖漿。。。好甜呀。。 每粒西多入面都有花生醬。。唔錯唔錯。。可惜眼闊肚窄既我食到一半已經好飽。。唯有下次叫多d 人先再黎食過。

 剛買完校服貪方便，來到這兒，一入店內便有位。兩點多下午茶時間，order了一客一口西多士+凍檸水，西多士d蜜糖怪怪的有異味，很難吃…冇味道的凍檸水，同服務員講: 佢話係凍滾水加蜜糖，於是換了罐裝可樂(要加四蚊); 另一客香草雞翼配碎蛋沙律+凍檸茶，味道一般， 凍檸茶等了十分鐘有多，食完還未到 ; 一客豬扒太陽蛋飯，諗住咁簡單實冇死啦…但係比錯了雞扒，換過，非常難吃…失望。一定唔會再光顧!!