寶琳為食喵 (已搬遷) 新店位置

喺呢間店啊，我隻雞脾飯真係食得我心水直流咯！😍 佢啲雞脾大得驚人，啖啖肉感，咬落去啲肉汁涌出嚟，搞到我一碌碌汗水唔覺自己狂嘆！瑞士汁甜甜地掛喺肉上面，呢個濃郁嘅滋味，啱晒响辣辣天氣下食，真係頂級享受！再講下佢哋啲炸魚薯條，我一度以為自己身處喺英國嘅pub入面添！魚柳炸得金黃香脆，仲帶少少海洋嘅新鮮味道，啖啖都肉厚實在，碟邊啲薯條重係咁脆咁香，隨便咬一啖，即刻海鹽味撲鼻而來，過癮！最後，嗰啲強勁後勁嘅雞翼芝士瀝丁，啲臭臭地嘅芝士當真係對得住呢啲香脆嘅雞翼，兩樣嘢混埋一齊食，真係叫人停唔到口。嚟呢度食，感覺自己真係撈到寶囉！香口滿分，食味正爆炸，絕對係嘴饞時嘅首選啦！✨✌️👍

好好生意唔休做我去到有兩個客排緊隊外賣，我表明左堂食，老闆聽到但太多野做未得閒理我點知有條友行埋黎話羅外賣老闆同佢對單，話無呢張單條友話咁而加落單丫，老闆又死死地氣同佢落我即走，生意多到唔休做，外賣梗係好做過堂食啦

1）炸魚薯條：本人最鍾意食，魚和薯條炸得好香脆，一d都唔濃黑，炸得好金黃，選用魚柳肉地好靚又香，一d都唔腥，靚料，而且附送好多埋沙律醬和茄汁，服務非常好，分量又多，平時兩人食都得，$28勁抵食到爆；2）碎蛋潛艇：蛋新鮮，醬汁多，有兩片新鮮蕃茄和一大塊新鮮生菜，$18超抵食又好味，料又多，勁足料，水準拍得住出面D字頭意式餐廳和S字頭美式餐廳。3）蜜糖牛油蒜蓉包：蒜蓉和蜜糖都多，香甜香脆，size都大，$14都合理本人最推介呢3款服務非常好，又友善，尤其對養寵物的顧客好好。

有次買墨丸烏冬, 墨丸中間是凍的, 希望以後多多注意, 當時客人不多, 我也食了所以沒有換到, 男店主要多點注意食物質素, 不要趕著給客人而忘記把食物完全弄熱, 會很難食的.

悶悶地又覺得肚餓落街搵吓嘢食記得寶林街市入邊都有啲熟食檔嘅但係原來收埋咗啲隐世美食呢間餐廳影張相認得好靚吸引左我買佢隻雞比試吓價錢唔貴都係$16大大隻比起出邊好多雞髀價錢來講都叫做平除咗色澤好靚之外隻雞比仲好入味雞肉一啲都唔老整得啱啱好老闆娘有好好人

平時都有幫襯呢間野 因為一黎唔貴 二黎好食 三黎人情味呢間野樣樣都大件夾抵食 味道又唔差 每次星期六日都要係度買黎食 做晚餐又好 lunch 又好特別係d 雞脾 又大隻 又入味 無得輸飯餐都係好唔錯 除左抵食一樣野 d 野唔算太咸 份量岩岩好 仲要夠哂熱之後就係小食 d 小食 薯條 燒賣個d 一流 有返細個既味道 又抵食 又夠熱 寶琳性價比之選最後一定係個老細 超好人 佢整耐左小小 又送野飲又送燒賣 所以每次食都超滿足 十分推介住寶琳既各位去試下 好過光顧各種快餐店 連鎖店 一堆冷冰冰既食物

為食喵位於寶林邨入面既街市環境真係好麻麻勝在夠平 。 快。今日宵夜買了 炸燒賣外脆內軟 椒鹽滿滿滴不需再加其他醬汁已經👍🏻👍🏻👍🏻蒜蓉包平時會為左呢個包而特登行過來買原因。蒜蓉味得很重。仲有蜜糖添不過今晚個包油左小小應該蜜糖太多😂😂所以有小小油腸粉一般腸粉不過價錢好平民化加上速度時間都快既👍🏻👍🏻

平時去寶琳都唔知有咩小食好食，新都城都係d 大型連鎖，食黎食去都係果d, 今日有朋友介紹黎寶琳街市食新野！竟然有間隱世小店係街市入面，仲要有勁多野食揀！！最正係竟然係有我至愛既炸燒賣同飛碟！！朋友見到炸雲吞又有d 想d 食wor, 就叫左勁多邪惡野😆炬燒賣勁好食，好香。炸雲吞就一般，味道唔突出。飛碟值得推介！呢個蕃茄芝士漢堡扒飛碟，又幾特別，蕃茄中和左少少肥膩，而芝士熔左更加係一絕啦！漢堡扒就本身都香，所以飛碟最高分👍🏻👍🏻👍🏻

之前已經成日食佢地既炸燒賣同炸雞脾😍成日肚餓落樓下搵食想試啲新野～無意中見到佢有👉🏿牛油蜜糖蒜容包✨仲要Hkd 12 蚊💸梗係要試試佢啦^o^ 係即叫即整，大概等左5-10分鐘😂係有小小耐...但好野係值得等待既～ 一整完拎上手係超香蒜容味🤤 我個人係唔係好食蒜容但食呢個包我接受到喎👍🏿勁好食勁full 咬落去勁脆！啲牛油加蒜容仲有蜜糖都融為一體♥️ 好食到癲！食完絕對會想再食☺️係宵夜良藥呀！

食物方面:瑞士汁雞脾太陽蛋飯配豆漿 — 30 元正雞脾大大隻，肉質嫩加入味即煎太陽蛋，生熟程度剛剛好美中不足係個飯有啲太軟身呢個價錢，咁既質素，性價比十分高環境方面:始終位於街市入面，你要有冷氣，坐得舒服就肯定無啦。不過係附近算幾企理，堂食都可以接受，天時熱都係外賣比較舒適係附近住左廿幾年，要係將軍澳食到平靚正既野真係好難，希望大家可以多啲幫襯，支持小店！食品質素: 8 / 10環境: 6 / 10性價比: 10 / 10返食指數: 8 / 10

早前起網上見到有人報料寶林街市有間隱世小食店，所以作為吃貨既我見甘岩行過呢頭，當然要過去覓食一下啦廢話唔多講，比D餐牌大家睇下最實際由於路過既時候，岩岩食完正餐，所以最後淨係食左炸燒賣呢個炸燒賣相當抵食，十蚊有十粒，抵食指數抵食唔再講，味道認真十分一流 果下先即叫即整，上手熱力十足，入口外脆內軟重點上面加左D椒鹽粉，為口感十足既炸燒賣再生色不少！以上食評乃「偽吃貨」個人意見 , 並不代表全部「吃貨」之觀點。

寶林街市名店😂為食喵🌚終於唔係食雞脾，佢啲飯同其他小食都好掂架原來😊司華力腸炒蛋飯，足料到飽⭕️豉油係重點肚餓恩物😏另外佢個生菜魚肉都唔差架👌係我中意既白魚肉，冇腥味，好彈牙👍🏿very good 💯

口痕又食嘢了腸仔芝士撈麵 20蚊寳琳街市好多嘢食，平靚正，而且我鐘意支持小店食左li個芝士撈麵，有3條腸仔，都俾幾多腸仔。腸仔本身比較鹹，所以個汁唔會太重味。芝士汁就唔算好濃，不過夠多汁，味道夠，而且只係20蚊，就冇得太比較。芝士本身都幾貴，可以試下加d牛油整香佢。(參考城大canteen AC3嘅下午茶，芝士撈麵個汁有d似忌廉湯，並且會加洋蔥碎。)個麵軟硬適中，仲彈牙，火喉恰到好處。建議外賣堂食位置較少，外賣方便d, 堂食記得話俾老闆知

夜晚收工買碗魚肉翅魚肉即叫即淥，唔會整定凍哂，食落有咬口唔會淋paz paz…料都ok ga, 木耳，肉絲，蛋花，粉絲都有個湯夠味，食唔出有味精，而且質感唔錯，不稠不稀。外賣左翻屋企食，翻到屋企仲幾熱，幾正

我同我班同學放完學或者溫完書好鍾意去寶林街市一間小食鋪。佢個到環境唔算話太舒服，但服務態度真係幾好，好多野都係即叫即整。我覺得椒鹽炸燒賣係佢地呢間鋪既特色。新鮮即炸，所以出黎效果熱辣辣，外脆內軟，脆卜卜既表皮仲有椒鹽落去，除左陣味香之外，食起黎都好惹味。要講多個特色既話，我會選擇鹵水雞脾。佢地隻雞脾大約有手掌咁大既尺寸，而且d鹵水汁完全入味，睇表面已經覺好深色。有時我仲會加多個撈麵，因為佢地個芝士撈麵，又幾好食，食得多印尼撈麵，有時都想轉下口味。