影片
港鐵奧運站 B 出口, 步行約6分鐘; 文成記對面
繼續閱讀
電話號碼
60938821
營業時間
今日營業
18:00 - 03:00
星期一至日
18:00 - 03:00
公眾假期
18:00 - 03:00
公眾假期前夕
18:00 - 03:00
以上資料只供參考, 請與餐廳確認詳情
食完幾次晚飯經過舖頭聞到好香，今次食飯特登留肚，經過既時候買左幾款串燒/燒肉尼試下：➡️豬頸肉一塊 $30➡️羊架一塊 $50➡️雞腎一串 $15➡️雞軟骨 $15➡️牛脷 $15➡️雞翼 $15拎外賣既時候 姐姐問我要唔要辣，我話放側邊，姐姐極力推介話試少少淋喺面啦，我地啲辣好好食架。臨閂埋外賣盒前，姐姐落左少少辣同埋淋左蜜糖喺面！果然，落左辣同蜜糖係令啲串燒生色不少，款款都燒得好靚，特別係個雞翼、豬頸肉、同埋雞腎。唯獨是羊架有陣幾強烈既s羶味。。。Overall尼講，好食！
繼續閱讀
同朋友喺大角咀食完飯，諗住食少少宵夜，坐低姐姐都有招呼我哋，不過就係咁問我哋食唔食海鮮🥹我海鮮過敏所以都拒絕咗幾次，但係都不斷咁樣問，搞到我都有啲唔好意思😢叫咗個炒烏冬同韭菜，仲有其他不過就冇影低，食物質素一般，如果唔係必要下次應該都唔會再嚟～
繼續閱讀
我哥哥是這間店嘅常客，佢講咗好多次話呢間啲串燒好好食，今日大家唔知食咩好嘅時候佢就諗起要帶我去呢一間越式串燒店，去到我亦都被佢牆上既graffiti 所吸引，因為都係以越南做主題嘅食物方面： - 最令我深刻就係佢嘅燒魷魚，佢嘅味道令我諗起細個時候喺尖沙咀華懋戲院出面賣嘅烤魷魚，仲記得細細個既時候爸爸知道我鍾意食佢會成日買俾我食，依間燒出嚟嘅味道可以話係同我以前細個食嘅味道一樣 - 其次係燒烏頭，因為我係一個好鍾意食魚嘅人，但呢間燒烤店用嘅香料再配合佢嘅特色燒法會令烏頭嘅香味更突出，烏頭亦唔會燒得過熟，魚肉燒完之後仲係保持好嫩滑 - 粉絲炒蝦都係推薦之選，蒜蓉同牛油嘅香味好突出，帶出蝦嘅鮮味，而粉絲吸收所有材料嘅精華其實仲有好多好食之選不能一一盡錄，例如豆卜、牛脷、雞泡魚乾、雞腎、五花腩同雞軟骨等等…都係以越式醃製方式服務：老闆同老闆娘都係越南人，都好好人，甚至乎熟絡咗好似朋友咁傾偈環境：比較地踎啲，如果試過去越南既朋友，其實餐廳都與當地既餐廳感覺相似總括：諗唔到食咩就會諗起佢，可以提早打俾老闆同佢講你想食咩海鮮或食材佢會為你提早安排，依間店會係我晚餐同宵夜首選嘅選擇
繼續閱讀
食完飯落街散步見到呢個串燒店， 冧住試下 因為宜家好多串燒店都有低消同偏貴😕 但呢間價錢都合理 $1x一串就叫左一串燒韮菜、一串雞肉 一串豬腩肉2串牛舌 一份豬頸肉。 味道一般，等得偏耐 尤其係豬頸肉等左好耐先上 但係得蜜糖味....☹️韮菜最早到但燒得唔夠耐，有陣草味，燒耐啲會好食好多；牛舌豬腩肉同雞肉本身個腌料都好食。餐廳都有紙巾同牙籤好貼心。最後埋單都係$80，所以都幾抵食😀但係有一樣要注意係個老闆比較燥底 講嘢比較粗獷，所以最好唔好催佢啦，個日因為得我哋一張枱，等左好耐先問一問...😕
繼續閱讀
有次覺得唔係好肚餓就同老公食下串燒，見街邊好似幾好風味就坐低叫左串燒加個炒麵。等得耐已經係覺得唔ok....唔餓都等到餓好啦，終於食物嚟度，好勁係可以做到串燒無燒烤味，可以話無味，好似係爐上面燒一燒有色就比我食，靠個汁搭夠🤨🤨除左個炒麵係掋食，總結我就唔會再幫襯，一次夠了
繼續閱讀