寿司部

營業中

休息中

壽司部呢間食咗好多年嘅小店！可以話係我兩公婆嘅食堂！主要原因係抵食夾大件！壽司款式又夠多！平時要等好耐！今次六點鐘黎到！未見有人，即刻入去，呢度有點餐紙比你自己剔，款式種類都好多，另外有一盒盒現成嘅刺身壽司，生蠔間唔中都有！今次點咗廿幾件壽司！可惜今晚冇我至愛嘅加拿大海膽！一盤好快整好上檯！件件份量十足！尤其珍寶三文魚，好厚好新鮮！火灸壽司都好出色，至愛火炙左囗魚邊！食到飽飽埋單都係二百蚊鬆D！真係抵！推介

超愛呢度既壽司，原因好簡單，抵食質素好已經幫襯左好幾年，好多款都係次次梨到必點海膽魷魚🦑龍蝦沙律🦐甜蝦😎三文魚子...全部都好正‼️最中意係火炙珍寶三文魚仲有左口魚邊入口感覺好充實，大大舊但飯又唔會太多，無得頂‼️惟獨係因為鋪頭比較細，好多時要等位，同埋因為即叫即整，上菜時間比較耐，多人既話分分鐘要等20分鐘以上🙈

寿司部係埃華街已有好多年了，主打食壽司餐牌欠奉，只有點餐紙，雖然店鋪淺窄，但確係值得一試，三文魚非常新鮮，珍寶三文魚都比較长和厚身，食落超級有口感好好味，值得再來，價格合理

呢間壽司店係可以逐逐件叫即做位置吾多因為專做外賣街坊生意刺身新鮮壽司用料合理有時俾貴少少好過壽某些迴轉壽司店同埋吾係貴最重要想食咩就tick咩吾洗迫你一定要一食就兩件今次叫左刺身拼盤（5款刺身）十幾件壽司同埋一碗烏冬加埋都係兩百幾蚊性價比高

朋友介紹呢間壽司店好多次，話好好食，又好抵，我特登同男朋友去試，因為間鋪位置都唔係係好就腳！點知去到...好似屋村壽司鋪，d壽司飯又硬又凍...d魚生似爭鮮質素，個魚生飯都係好差...價錢唔算貴，但質素唔得，不過一分錢 一分貨，唔會再試...

呢間鋪頭我已經食左4年了...4年前第一次食已經愛上...每次黎都必叫：黃金魷魚壽司，魷魚壽司，蟹籽壽司，芝麻八爪魚壽司，芝心天婦蘿炸蝦反卷，芝士燒珍寶帶子😋😋因為今日太餓，所以叫左個魚生飯我覺得個飯有點酸，醋味太勁，但個份量都幾多，我叫左一份飯都覺得好多，d料我叫左2份黃金魷魚，魷魚，帶子，蟹籽，玉子，甜蝦，加埋都唔洗$40。好抵食！D餸都好新鮮，蟹籽咬落去脆卜卜，魷魚又夠爽，帶子又好食，玉子普通ok la，甜蝦都新鮮，唔會梅👍🏻👍🏻👍🏻不過我都係鐘意食壽司多過魚生飯個人喜好😋可一可再👍🏻👍🏻有個唔好處係佢得14個位....而好處就係即叫即整👍🏻👍🏻

呢一間位於大角咀嘅壽司鋪我久唔久都會有幫襯。雖然間鋪頭一啲都唔近我，但自從朋友介紹咗我食呢一間之後，真係食過返尋味喔！今日放咗工之後，一個人嚟咗呢度食宵夜。望落去呢間鋪頭既門面平平無奇,，招牌亦十分簡單😅入面既坐位並唔多，所以係我食嘅期間，不停見到好多人出出入入都係買外賣食😆😆 除咗有自選壽司之外，雪櫃入面都有一啲啲已經pack好咗嘅壽司。自選嘅款式都非常之多，而且價錢仲好親民，真係忍唔住要叫多兩件黎食🤤🤤🤤。火炙類嘅壽司🍣真心推介，係師傅整嘅時候，成間舖都聞到好香火炙味。每一件壽司都非常之新鮮，三文魚都好肥美。而且火炙類壽司面頭上既芝士都非常之多，食落去每一啖都好滿足😎🤭除此之外，店舖入面都有啲醬油紫菜麵類等等嘅食物買，店鋪雖小但五臟俱全，小店係值得支持💪🏾💪🏾

平時見到呢d壽司小店都未必會去幫襯，因為好多時都會好易中伏。但呢間壽司小店非常高質數。今門夜晚同老公2個黎左食宵夜，真心好食過好多連所壽司店。地鐵站🚉行上黎都係幾分鐘，非常方便👍🏾👍🏾壽司🍣非常之抵食，最平都係$4蚊1件，最貴果件壽司都只係$26蚊（原隻牡丹蝦）雖然只係小店，但壽司既質數一d都唔馬虎，特別係火炙芝士系列既壽司最好味🤤🤤，芝士味非常香濃，十分足料👍🏾👍🏾特別推介芝心鐵火卷。呢個卷物望落去個樣雖然好普通，唔太吸引，但食落非常好味，紅色既係吞拿魚，配埋芝士，味道非常夾。 總括黎講，呢間係良心小店，價錢便宜，食物質素高，會再黎幫襯的🤤🤤

基本一星期至少食一次,食物質素好 價錢又唔係貴。 Btw,有試過星期五等好耐先有得食~ 不過係咁岩我入座之前有好多外賣單,加上人手不足,呢點真係要改善下整體上都不錯~

亡命四月又來，有少少空檔去食個lunch，但又唔想再食爭鮮，就來呢間試下🌞三文魚、鯛魚、八爪魚🐙 $5/件劍魚腩、左口魚邊、油甘魚🐟$10/件d壽司好新鮮亦相對抵食，有d種類唔係度度都有。特別係燒左口魚邊，魚嘅油脂溶化，擺落口係入口即溶。劍魚同油甘魚🐟亦都好甘甜有油香味👍🏻一盒大約$70-80，食完都幾飽。不過要留意一種壽司最少要買兩件🤔

4年前住大角咀發現左呢間小店 員工好親切友善 壽司刺身平民價錢 但高質素 新鮮好味以前一星期起碼去幫襯一次 雖然而家搬走左 但我都會特登揸車入大角咀食會員仲會有折添大件夾抵食

壽司部 我一星期都去兩三次😝都帶過無數frd去幫襯個個都話有驚喜又平又高質全部都好新鮮老闆人又nice😍服務又好支持小店我最愛既食店😝😝次次去第道食壽司我都一定會話: 我樓下壽司部仲好食 下次帶你去食😆😝😝三文魚件件都咁厚😋咁多壽司只係$79😍真係抵到喊😂我敢講日本啲壽司都未必有咁好食🙈🙈我去食仲有9折😂唔洗拎卡出尼都有😂😂😂😂希望多啲人尼幫襯☺☺支持一下大角咀既小店😝😝😝

食壽司都唔一定要去幫襯連鎖店既... 香港地都有好多小鋪都價錢親民質素又好既~ 呢頭咁多野食揀估唔到都有咁正質素既鋪仔喎... 又唔係食裝修 XD入店自己搵位座低再拎張 order 紙揀想食咩... 仲可以行出去雪櫃度揀飲品同埋刺生沙律個d喎... 自助好方便~ 跟住去比錢座低等食... 有咩想問就可以行埋去問... 如果咁岩個樣壽司料賣曬職員都會行出來話你知問番你想轉咩壽司既...只係等左一陣就有得食... 壽司賣相吸引~ 呢度仲有吞拿魚沙律壽司岩曬婆仔呀~ 海膽又鮮味~ 兩個人食呢碟都飽曬~仲有中華沙律食~ 自己去雪櫃揀~ XD

壽司部今晚為了支持香港隊外賣壽司部刺身壽司如三文魚、帶子、魷魚等都很足料，刺身大大舊炸蝦卷有成8件即炸香脆好吃反觀紫菜包的壽司可能焗了一陣就腍了點比較失色，壽司飯醋唔太夠前菜$20兜份量多，埋單$18x，兩個人吃飽！

住左系大角咀廿二年，壽司部都差吾多有十年。食左甘多次，係時候寫返個好評！ d壽司上既魚生真係超厚超大件！勁抵食！老闆又好人，服務好，價錢平，新鮮，乾淨，多選擇，甘好既餐廳仲可以去邊道搵？希望壽司部長做長有！生意興隆！話時話我介紹左勁多朋友去，哈哈！個人推介：炸蝦卷，鹽燒珍寶三文魚壽司，壽司pizza! 壽司pizza佢仲要係為左我即整！吾係道道都有迦！另外最正既甜品一定係佢地既北海道牛奶布甸！廢話無多，即刻去相～！