將軍麵館 (已結業)

係旺角同朋友做完運動就校係搵野啦～經過尼間米線店覺得個名幾得意又加上新開就入去試下啦⋯⋯入到去舖頭既裝修有中國色之後一人叫一個麵再加兩個小食～我想講碗麵個碗同入面既麵都好多～😦😦😦蟹子丸雞翼酸辣幼薯粉～想通下個湯底～佢同其他米線湯底最大分別就係佢唔會好咸比較清d但亦都唔辣～其他餸中規中矩將軍麻辣牛展幼麵～麻辣我唔岩～不過朋友話好食👍🏻將軍炸醬肥腸幼麵～朋友話好好食～食哂～湯底夠濃味肥腸亦都好淋👍🏻👍🏻特別推介豆腐～凍冰冰加上佢地既醬汁同肉鬆～一流👍🏻👍🏻👏🏻👏🏻如果鍾意食麻辣可以食埋將軍牛肉～我食左塊好麻辣～我麻麻😂😂😂

最近發現太子開左間新麵店-將軍麵館。經過見到好多人食嫁都, 呢日lunch就去左試下佢好冇食。佢menu其實都唔算係好多野揀, 主要都係食麵, 有撈麵有湯麵,仲有d小食。我就叫左個將軍厚切牛展麵$47,加$6要多枝豆漿。將軍厚切牛展麵 $47個麵嘅賣相係幾靚的~佢除左牛展外, 仲有d炸醬跟~炸醬份量都唔少~而且都幾惹味!唔錯!佢d牛展味道都幾好~筋肉分明又夠林~但老老實實...佢個名叫厚切白展...我真係唔明佢邊忽厚...點睇都係薄切但佢份量都唔少, 雖然唔係厚切,亦唔算大塊, 但我數過都有十小片的, 都可以~但如果真係可以做到好似佢個名咁, 係厚切的話, 我覺得個口感會好d, 會再好味d!仲要讚下佢個麵, 佢地聲稱係自製手工麵來~有粗麵同幼麵可以揀~我揀左粗麵~ 係真係幾彈牙幾好食的!另外叫麵仲可以加$叫餐飲, 我加$6叫左枝黑芝麻豆漿,味道都OK~