小台南 (已結業)

跟朋友在九龍城覓食，碰巧看見了這間台灣菜，決定嘗一嘗！叫了一人一碗麵，一個小菜和飲品！這裏的價錢不算貴，但味道就比較一般了！古早味牛肉麵（寬麵/牛骨湯） $48他們的牛肉麵可以選擇麵和湯底的，各有3個選擇！寛麵的麵質還可以的，但湯底就實在是太淡味了，只喝湯的話味道是不錯的，但吃麵的話味道實在不夠！但最失望的是牛肉，挺難咬開的！古早味牛筋麵（寬麵/牛骨湯） $48湯底和麵條的評價同上，牛筋就是正常啦，不過不失！椒麻牛肚絲 $32牛肚夠淋身，但本身是沒有味道的，只靠上面的辣醬給味道，味道比較單調！凍抹茶奶蓋 $25不推薦這杯飲品，奶粉味好重喔！不好飲！

今晚趁假期可以早啲食飯，六點半前已經坐低。整體員工友善，個別人員可能疲勞，反應有啲慢。出賽有啲慢。同行都食咗大半碗，我追問下落時，員工好有禮貌解釋剛才調亂咗啲單。

唔明點解大部分人都冇比正評。推薦牛三寶湯麵 （牛骨湯）：湯有我最鍾意既藥材味，牛三寶腍得黎有咬口，我平時都唔鍾意食牛肚，第一次覺得幾好食，寬麵彈牙煙韌。整體份量較少。肉燥豬排乾拌麵：OK. 一樣都係叫左寬麵，煙韌彈牙。鍾意佢唔係炸豬排。好多肉燥花生，唔錯。整體不過不失。台南綜合滷水拼盤：牛展彈牙好吃，其他種類就麻麻，主要係唔入味，唔太推薦。整體8/10分。係香港既台灣式店，我都食過唔少，呢間既麵最好食。可以再吃。

我常常在九龍城｢覓食｣，看到新的食肆，都會試一試。今天看到小台南，Honey說，不如試下啦。我點了午市套餐：台灣牛肉麵配熱飲的話，另加8元，我加了薏米水。台灣牛肉麵的麵質太硬，牛肉尚可，但湯頭不甜。而且這個份量，我相信只有細食的O.L.才能飽肚吧？Honey散點了肉燥飯和薑母茶：肉燥飯更加不濟！雖然米粒看似日本米，圓圓的，但是，非常硬！又乾又硬！而肉燥呢？也不多汁！那隻鹵水蛋，硬如鐵蛋！吃不飽，又不好味的新食肆……我想……應該沒有下次！

老闆說， 他於小王牛肉麵廚師出身，有多年制台菜心得， 首間自設店舖，食物水平有小王水準，小食、 呵仔麵線、豬手、牛肉麵都有水準，意米水好好味，價錢比小王平， 於九龍城想食台灣野， 係一個幾好選擇。

近排被台式牛肉麵纏繞得很，較大型的春水堂與及較為冷門的慈雲小店都已嚐過、今次便走訪這間又是屬於新開隱藏於九龍城之內，簡單的裝飾沒有太大花巧始終在九龍城這個屬於平民化街坊地會較容易給人接受｡｡｡先來一碗古早味牛肉麵HK$48.湯底要上麻辣湯配以幼麵，用筷子輕輕按壓在牛肉面層完全沒有彈力、微溫之下咬在嘴巴當中咀嚼劲足，牙力少一點之老人家應該未為滿意猶如我一樣，麻辣湯底強勁非常、幼麵質地屬於爽彈之類型~跟食物亦沒有任何飲品優惠，以HK$20元知價錢換取一杯台式奶茶味道中規中矩、要做到一碗出色好味的台灣牛肉麵有陣時真係好難找尋得到, 要湯頭又有要牛肉靚麵質又要正、究竟在香港還要等上多久｡

知道佢前幾日新開張，今日諗唔到食乜好，所以打去叫外賣，打幾次電話飛留言，唔緊要啦，可能新開張生意做不過來，所以就行過去落單。去到見到室內環境都舒適，座位唔會太逼，但感覺唔到有冷氣，但今日天氣廿五度以上😅😅去到有位眼鏡收銀姐姐幇落單，我柯打咗四樣嘢，落單期間，眼鏡姐姐不停忙住招呼客人和處理店內事務，結果落單中斷咗幾次，率知出到外賣單俾我，點知又漏咗單😢一切搞掂就安心等外賣，在等待期間見入坐率得六成度，但係人手明顯不足夠卒之半個鐘之後拎到外賣翻去開餐，豬手太淋冇乜味，塔香鹽酥豆腐都ok，柯仔煎落咗太多蔥花同薑粒，食唔到蠔仔嘅鮮味，而擔仔麵就唔知點解變咗唔知乜嘢撈麵，淨係得少少麻醬喺上面，淡而無味。總結一句……冇下次

九龍城新開的餐廳，見很多人排隊便打算一試，點知「中伏」，餐廳食物份量偏少，古早味牛肉麵只有三件牛。最離譜是小食，酥炸花枝丸$25，但只有3小粒，價錢太貴了吧！最好味是香脆雞排麵，炸得都幾脆。而肉臊飯味道也可以，算是性價比最高的。食物味道尚可，但相比只是貴十多元一碗的小王牛肉麵，性價比太低。員工很多，所以上菜很快，不過可能是導致食物與價錢不能平衡的原因吧！四個人食左$300幾，完全唔飽，以後都唔會再去。