影片
港鐵觀塘站 B2 出口, 步行約5分鐘
繼續閱讀
電話號碼
36184533
36184538
營業時間
今日營業
08:00 - 16:00
18:00 - 00:00
星期一至六
08:00 - 16:00
18:00 - 00:00
星期日
18:00 - 00:00
公眾假期
18:00 - 00:00
以上資料只供參考, 請與餐廳確認詳情
有關獎賞計劃
觀塘嘅大城小廚一向出名，之前同一班朋友聚會都嚟食過，菜式性價比非常之高。呢間餐廳以主要食廣東菜，菜單亦有多種多樣嘅選擇。無論係小菜定係湯、定係煲，呢度都有叫左「豉椒炒蜆」。蜆幾新鮮，搭配青椒、紅椒同埋洋蔥，炒至入味。蜆肉鮮嫩，配合醬油嘅鹹香，真係一啖接一啖，根本停唔落嚟。重點係呢盤菜多蜆肉，有時出邊嗌炒蜆上到嚟只係得殼冇乜蜆肉，值得一讚第二道菜係懷舊菠蘿咕嚕肉，最typical嘅港式菜，佢個咕嚕肉做得都幾酥脆，每次食菠蘿咕嚕肉嘅酸甜味道都令人胃口大開。而佢個名都起得好貼地，真係令人諗返小學嘅時候午餐成日都會食呢度菜，夠晒懷舊！呢個超好味既係欖角蜜餞一字骨，一字骨經過精心烹調，外皮略帶焦香，食落去少少脆，甜甜地，肉質嫩滑，真係煮得好好，最主要係個汁同埋佢煮到少少燶，好有技巧，啱晒搭配白飯食廣東菜又點少得「豆腐火腩煲」—男人的浪漫😹😹呢道菜喺熱辣辣嘅砂鍋中上桌，啱晒冬天食。主要都係豆腐同腩肉，湯汁濃郁，個豆腐真係好滑，我不斷食，呢個配飯都好啱。我個人就最鍾意呢道菜，朋友就最鍾意一字骨嗌咗個時蔬，係清炒嘅菜心，色澤翠綠，口感爽脆，有埋蠔油就更好啦！呢度茶水免費提供大約係下午茶時間去食，個場都好旺啊啱晒一大班人嚟飲個下午茶撐枱腳，其實夜晚一家人聚會嚟呢度都好啱！Overall呢度幾經濟實惠！菜式真係非常之好味，廣東菜嚟講做得好好！份量亦都大大碟，抵食
繼續閱讀
地點位於觀塘工業區雖然搵咗一陣，因為地點係工廠大廈裡面的巷仔行到篤篤，又點隱蔽，但係都值得去試。孖寶套餐超抵食：椒鹽海蝦+雞（轉風沙雞要加$50 ）雖然如此，食到好味有質素嘅食物，又唔貴真係相當難得。海蝦好新鮮，食到停唔到，好彩碟頭都有番咁上下大。風沙雞更皮脆肉嫩都好好味。海鮮還叫了扇貝，雖然無咩特別驚喜，勝在價錢合理，不妨一試。招牌蜜汁薯仔牛柳粒，味道比較濃，啱晒D重口味嘅😂😂前菜（小食）有驚喜，可以不退先試試
繼續閱讀
這間位於工廈內的食堂，以親民價格提供多款餐點選擇，深受附近寫字樓和工廈職員歡迎。我點了一份酸菜魚米線套餐，僅售50港元已包含一杯凍檸檬茶，在通脹嚴重的香港來說算是相當實惠。米線份量十足，口感爽滑有嚼勁。酸菜魚的湯底酸辣適中，魚片新鮮而且切工均勻，酸菜的開胃酸香與魚的鮮味完美融合。凍檸檬茶甜度適中，茶香濃郁，解膩效果不錯。店舖雖然位處工廈，但環境整潔明亮，座位寬敞舒適。牆上掛著餐牌寫滿各式特色小菜，從港式茶餐廳到中式快餐都有，選擇相當豐富。用餐時間人流不斷，但上菜速度快，服務效率高，非常適合工作日的午餐時段。這樣的價格能享受到質素不錯的餐點，難怪深受區內工作人士歡迎。
繼續閱讀
椒鹽豆腐調味輕手，豆腐滑溜，比較唔似椒鹽椒鹽九肚魚九肚魚一條開半，炸完上枱香噴噴，凍咗都仲脆口，不過魚味好淡香辣蝦蟹煲咁啱有推廣就試試，中辣，味道香濃，蝦唔錯，蟹就可接受，應該係大閘蟹，主要食蟹膏多蠔仔煎蛋份量足，味道好，蠔肉又多又大隻，煎蛋比炸蛋好炸子雞半隻食完個個讚，雞剛好熟肉嫩滑，雞皮少少脆，做得相當唔錯台山五味鵝以濃香醬汁炆煮嘅鵝，少少似黏稠嘅滷水汁，鵝肉炸豬手豬手味道淡，豬皮不及德國餐廳般脆金銀蛋浸菜心正常發揮，菜心熟度啱我口味，保留梗嘅爽脆豉汁蒸白鱔豉汁調得相當好👍 白膳份量唔少，而且肉爽皮彈，好油潤壽桃包打電話預訂，店員話比較穩陣，幫爸爸做生日，比蛋糕來得好，唔會膩，食唔哂又可以帶走，爸爸又鐘意食包，一舉兩得
繼續閱讀
🥢今晚收工同朋友行過成業工業大廈見有餐廳職員攞住個易拉架，指着入面有間食炒小菜嘅餐廳，就入去搵嘢食。🥢見到餐牌原來係食私房菜嘅。餐牌好多菜式，有私房菜、雞煲、鑊氣小炒、川味、客家風味菜式、海鮮類、蒸煮類幾乎樣樣有齊……🥢客家鹹香雞半隻🐤$118:半隻鹹香雞大大碟，雞上面鋪滿鹹酸菜粒，好開胃。而且雞肉厚實飽滿，醃得夠入味。🥢胡椒中蝦豆腐煲🦐$108:個人最鍾意呢個胡椒蝦豆腐煲，好惹味👍🏼胡椒落得恰到好處；中蝦size都大大隻，有成8隻咁多；豆腐大大嚿好嫩滑，兩個人食真係食到好飽。🥢椒絲腐乳生菜🥬$78:今晚冇通菜，叫咗生菜，生菜大大棵，新鮮翠綠，食落好爽口。🥢猴頭菇燉螺頭湯🍵$48:燉湯大大碗，非常足料。入面有螺頭片、瘦肉、雞肉、猴頭菇都唔少。湯飲落一啲味精都冇，好鮮甜。🥢懷舊豬油缽仔飯🍚$15:叫咗咁多餸驚食唔晒，所以只係叫咗一缽缽仔飯。豉油同豬油會另上，用豬油撈飯真係好香，出面餐廳就真係好少機會食到。🥢餐廳仲有是日推介菜式做優惠價；夜晚九點後入座，仲有指定餐牌九折優惠。🥢餐廳6:30左右就已經開始多人，好快就差唔多坐滿全場，睇嚟下次嚟食都要早啲book定位。
繼續閱讀
您可能會有興趣的...