影片
天口熱。去咗小小細世雪糕屋。點咗個$110意式雪糕船。個雪糕造到船型。有紅梅及朱古力雪糕球。加藍梅及紅桑子鮮果。食落有鮮果及雪糕美味。消暑極品。個人建議買完最後行去笑匠餐廳慢慢嘆。
繼續閱讀
4月11號我去咗迪士尼試咗呢個意式雪糕窩夫籃(藍莓芝士雪糕+呢嗱雪糕+朱古力蛋糕）$88 個賣相都好靚，個藍莓芝士蛋糕都幾好食(我第一次食藍莓芝士雪糕，以為麻麻哋，點知食咗一啖之後，超好食）如果我之後再去迪士尼一定要再食返呢間小小世界雪糕屋嘅雪糕，呢間雪糕嘅款式比其他小食亭嘅款式多，賣相都好靚，其他小食亭嘅雪糕其實全部都係單丁一條雪條（都成45蚊1條雪條）有啲唔值但係呢個意式雪糕窩夫籃$88，賣相好靚又好味，值呢個價錢P.S. 我建議大家如果嚟迪士尼一定要試吓呢間小小世界雪糕屋嘅雪糕😋
繼續閱讀
行咗成日迪士尼，熱到想嗌救命🥵，終於搵到間有得坐又有冷氣吹嘅雪糕店，當然要入去歇歇腳！佢哋嘅雪糕，啱啱好擺脫咗外面爆曬嘅我哋。經典嘅朱古力味 🍫，足夠濃嘅奶香，令人一啖接一啖；而雲呢拿就純淨得嚟香滑，令人回味無窮。夾埋啲焦糖爆谷🍿，脆卜卜嘅口感，簡直係絕配！而嗰塊窩夫啊，雖然唔係勁脆，但都保持到少少口感，同雪糕撻實一齊，真係幾正！係喎，價格確實啱啱好，唔算平，但想喺這個快樂嘅地方，呢啲都係小事啦。周圍嘅布置，又靚又有氣氛🎈，儘管係滿頭大汗，但呢啲細節都令我覺得嚟到迪士尼係值得嘅。啲服務員都幾nice，態度友善，即使大排長龍，都冇搞到面露難色。行到嘴乾舌燥，食完雪糕再出去戰，又有多啲動力喇！下次再嚟，肯定要再試吓其他口味㗎。💪🎉😋
繼續閱讀
店名: 小小世界雪糕屋地址: 大嶼山香港迪士尼樂園幻想世界區環境: 外賣價錢: 4/5味道: 4.5/5今次介紹係Disney食左啲咩，夏日炎炎，坐完小小世界，係出面見到有個雪糕檔，陣陣窩夫香撲黎鼻，一於就買一個試下😚意式雪糕窩夫籃❤️❤️❤️❤️$88揀左藍莓芝士蛋糕味配朱古力蛋糕，gelato有2球，分別就係藍莓芝士蛋糕味同雲尼拿味，藍莓芝士蛋糕味反而唔太出，但勝在唔太甜，雲尼拿味有驚喜，奶香味十分濃，朱古力蛋糕質地係偏鬆軟個種，窩夫由於買嘅人都比較多，唔會話放到太淋唔好食，食落仲係脆同熱嘅，加上上面嘅toppings同cream，好邪惡🙈
繼續閱讀
迪士尼必食雪糕屋🐰同朋友一人食左一個意式雪糕窩夫籃$88可以揀2球雪糕味道，有3款固定配搭：朱古力蛋糕、焦糖爆谷、藍莓芒果。🥕配焦糖爆谷⭐️⭐️⭐️⭐️☆🐰🐰叫左朱古力同雲呢拿，朱古力味勁濃郁勁香滑，好重朱古力味，但又不會太甜。雲呢拿有雲呢拿籽，但雲呢拿味就比較淡左d。焦糖爆谷好香焦糖味，粒粒爆谷都沾滿焦糖，可惜係有d淋左。再食埋個窩夫籃，好香好脆，個底配埋雪糕一流，離遠都已經可以聞到一陣好香既窩夫味！傻婆R食完成杯雪糕已經好飽飽呢～🥕配藍莓芒果⭐️⭐️⭐️⭐️☆朋友選左藍莓芝士餅味及朱古力味雪糕，藍莓芝士餅味味道鹹鹹香香的，充滿滿滿芝士味，真係幾特別；朱古力味夠香濃。配料有冰凍芒果同紅桑子，這樣配搭真係好好味呀！======詳情======小小世界雪糕屋大嶼山香港迪士尼樂園幻想世界區================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #迪士尼好去處 #迪士尼美食 #RR迪士尼 #RR雪糕 #RR甜品 #雪糕控 #甜品控 #藍莓芒果 #藍莓 #芒果 #焦糖爆谷 #朱古力 #雲呢拿 #藍莓芝士餅 #迪士尼雪糕 #小小世界雪糕屋
繼續閱讀