小巨蛋 (已結業)

食完炳記.行行吓居然去酊太子.本應想食煎釀三寶,但.....好似好熱氣woo.最後既決定..小巨蛋.都係無心水之下.叫咗個黑糖珍珠奶茶$123分:茶味唔算突出.不過奶味同黑糖味唔太甜.幾好.可惜平時唔係成日行過.唔係都再來一杯.

行行下街路過第一次幫襯, 見到十幾蚊大大杯應該值, 就試下黑糖珍珠奶茶加胚芽, 已叫了 少甜少冰, 可惜冰依然很多, 這都算了味道只是一般, 珍珠甜味不足又淋, 完全沁不出黑糖味都係一般貨色~ 有點失望

五月二十五日 (星期三)還記得第一次幫襯老闆娘見到老公仔拿著相機拍照很熱情地說她老公也喜歡周圍拍照還指著牆上那幾幅相是老公的傑作今日老闆娘不在店子改為幾位年青人在看鋪點了黑芝麻珍珠奶茶今次真的很失望沒有芝麻味加上奶茶味道亦十分淡珍珠又太稔向來都知此店的質素絕非如此今回就當是行惡運吧看到店前貼了一張雜誌相影了港九新界各台式飲品店的珠珍奶茶很壯觀呢萌起念頭,我們也決定從今開始儲起各台式飲品店的杯子他日若有相當成績,定必給大家一看!!!

之前成日飲黑糖珍珠奶茶同布丁奶茶。今日想提神所以試了焦糖拿鐵咖啡，同店員傾左陣,她們拖介我試咖啡~咁我就一試la~等咗十幾分鐘到手，即試第一啖，好岩我口味，味道很不錯。加埋珍珠夠煙韌。下次試黑芝麻咖啡，店員推介。 店員可能見我好趕話可以打去送外賣，服務真的不錯。

香港開設台式小店,總要取一個與當地有關的名字,待大家有一種"親切感",一看見名字就想起台灣.小巨蛋在台北,是一個大型體育館,小巨蛋在香港,是一間賣珍珠奶茶的小店.上月在台北旅行,一杯台茶也沒有喝過,說起也有很久沒喝過台茶了.聽說此店,曾在某飲食雜誌,得到台茶第二名.$12一杯黑糖珍珠奶茶,而且是大杯裝,也算便宜.茶與奶的比例均等,味道取得平衡,還有一點點回甘,更有一點點黑糖的香味,杯內的珍珠,帶一點QQ感覺.很多時個體戶小店,做出來的味道比連鎖過江龍好,小巨蛋是其中之一.難怪可以得到第二名.

有時經開mtr返屋企順道都會係小巨蛋買杯特色飲品見佢又唔貴.....而且買開有條穩!!!我個人最鐘意飲香竽..叫親都係香竽奶茶....不過見佢有隻紫椰林,係香竽和椰汁溝成估計都唔差~~係碼大家都係奶類品應該溝得埋香竽的味道比配合奶茶味更濃,而且淡色小小~~。椰味唔夠重.....仲有珍珠,抵飲!加埋珍珠真係不錯味, 珍珠的軟韌度岩岩好, 配合very good下次可以再試...不過呢間實在太多choice!~€€飲好多次都未必飲得晒好采今次飲特飲無中伏!!!對佢好有信心

今日走過太子小巨蛋唔想飲珍珠奶茶,因為飲完好飽所以店員推介了朱古力布丁奶茶只係11蚊,700cc唔算貴好夠朱古力味,奶茶用了黑糖做,很不錯希望再有多d布丁口味推出la~支持你小巨蛋!!

唉...之前都好中意飲呢間野味道岩口味D布丁又幾好口感咁...不過唔知點解AND幾時開始最近幾次我覺得呢間野好唔掂1.換左個新仔沖野飲，同落ORDER，手腳超~~~~~慢~~~~明明前面得2個人，計埋我果杯要等成10分鐘......2.布丁份量勁少~! 我嗌雙份同以前一份一樣~!!!!!離哂譜!!!!!!3.D茶冇左1/7..唔知佢點鬼沖4.布丁變到鞋口...咩事隔壁已經有間COME BUY搶客仲做到咁頹咁冇水準希望店主快D注意改善!!!!如果唔係.....唉....好自為之

話說呢度都開左好耐，不過都係呢日行過先買杯黎飲啦。呢度既店小二幾有禮貌，你諗唔到飲咩既時候。會俾意見你，睇下你想飲邊隻。因為呢度既飲品選擇都幾多，睇到眼花啦。黑糖布丁奶茶佢地既奶茶係用黑糖整，唔似平時用果糖。呢個會健康，而且唔會剩係得個甜字。感覺上係幾清新，因為個人黎講我幾鍾意黑糖既。而個奶茶既茶味都幾夠，都算係呢頭比較好飲既台式奶茶。而當中既布丁好夠蛋味，食落好煙韌。感覺真係幾好架，而且又唔算太貴。整體上都唔錯，又唔會等太耐。而且個奶茶算好飲，實有機會再黎。

一年前,我在太子補習無意中發現了這台飲店當時我飲了台飲經已2年對所有賣台飲的店也有興趣於是買了一杯黑糖珍珠奶茶試試一口喝下奶和茶的份量配合得天衣無縫黑糖的香味十分濃郁最重要的是它的珍珠不像其他台飲店的珍珠般雌牙,帶著一種會蓋過奶荼味的甜味而是十分煙韌彈牙絕對比其他什麼貢x的奶茶水好喝得多另外如果你不喜歡喝奶茶個人向你推介它的青蛙下蛋這杯青蛙下蛋的賣相和名字中的描述一模一樣像青蛙生蛋般喝下去酸酸甜甜另有一番風味

佢哋老闆娘真係好熱情, 無論生熟客都好好笑容, 見你心大心細, 仲會比啲推介參考飲開佢哋嘅黑糖珍珠奶茶同炭燒烏龍, 諗住轉吓新嘢, 但諗好耐未諗到, 老闆娘就推介咗甜心蕃薯叫咗走冰少甜, 飲落真係幾重蕃薯味, 有啲奶昔咁嘅口感, 味道都OK我再另加珍珠, 但呢杯蕃薯同珍珠唔太夾, 剩嘢飲應該會好啲

由於地理位置方便, 所以成日都會去買黑糖珍珠奶茶$12 – 冇乜黑糖味, 珍珠偏’淋’, 對我黎邁係杯唔合格ge飲品, 試占幾次係咁, 應該唔係一時失誤所致布丁奶茶$12 – 布丁唔錯, 同奶茶又夾, 鍾意布丁ge我成日買草莓奶茶$12 – 似草莓+乳酸飲料多D, 酸酸甜甜咁幾好味雙芒會$15 – 我飲到ge係芒果牛奶+星形椰果, 冇乜特別小巨蛋真正吸引我ge佢ge係服務, 個老闆同一個好似混血兒ge女仔都好好笑容, 佢地冇野做ge話就會同你傾下計, 有時如配撘唔係咁match(e.g.綠茶配胚芽)佢就會同你講番,再比建議你

身在太子,又基於不少好評的關係今日就第一次去光顧啦因為冇咩特別心水,所以係鋪面前徘徊咗陣之後就好automatically 選擇咗招牌棻黑糖珍珠奶茶{少糖,少冰}幾分鐘之後茶到手.就急不及待試啦茶味都幾濃厚,珍珠好軟韌.味道甘香順道一題 700cc都幾大杯.因為都飲咗幾耐下整體都唔錯, 如經過的話都會試其他

光顧小巨蛋已經半年有多了~~不能不試的始終是招牌黑糖不過曾經嘗試水蜜桃綠茶+珍珠也不錯近期嘗試過芋香奶茶極重香芋味加上珍珠簡簡單單的一個下午茶已經好滿足了 不能不提的是員工和老闆們貼心的服務同其他店舖店員相比你們絕對令顧客有賓至如歸的感覺小巨蛋我投你一票

岩岩幫襯左十次可以用張卡免費換杯$16以下既飲品我就揀左杯最貴既"炭燒焦糖拿鐵咖啡"+多$3咖啡凍,即係剩係比$3就得抱住好大期望以為會幾好飲啦叫左半糖走冰既,佢竟然無走到冰囉都算了~飲一啖試下好唔好飲先哇~咖啡淡以無味不特止,仲完全飲唔到有焦糖既味,一d味都無,超淡!全杯野最好既就係d咖啡凍,如果無+到d咖啡凍我諗呢杯野應該可以叫係苦茶= =呢杯野如果要我用正價$16買既話,我寧願去茶餐廳叫杯紅豆冰飲好過呢間野已經比我blacklist左,我唔會再幫襯同區大把好過佢!