小平津 (已結業)

三知己必去選擇！價錢唔算貴！星期五晚市實滿座🤭記得預早幾日訂位午市套餐好抵食👍🏻如果食得豐富啲晚市人均消費約$300-$350上菜快！食物質素高！每次去開餐食物都能夠保持水準👍🏻蟹子沙律好新鮮 燒牛脷好爽口推介： 碟魚壽司 入口即溶！ 炸淮山好香口好脆😋魚湯鳥冬湯好鮮甜 雜錦魚生卷好好食/飯唔會太酸金菇牛肉卷  吞拿魚腩碎海膽手卷 軟殼蟹手卷 鰻魚豆腐卷 燒鱈魚乾 荔枝煙肉串 炸番薯 牡丹蝦兩食 海膽軍艦 芝士蛋糕仲好好食tim 飯後仲有雪糕送！不過雪糕只有兩款選擇！

一家人同阿妹慶祝生日，阿妹話想喺銅鑼灣食日本野，又唔想食放題，見open rice人人大讚抵食又有水凖，朋友又特別介紹，就決定試下！一入lift已經發現全部都係食肆，上到8樓打開門就見到個招牌、入到去地方唔大、不過環境舒服碟魚裙邊壽司，一咬落口好豐富魚油，味道一啲都唔腥，好味👍🏻必試之選碎蔥免治吞拿魚魚腩壽司，甘香可口刺身新鮮雜錦天婦羅，有蝦，冬菇，茄子，南瓜，青椒，最特別係中間嗰件原來係炸金菇煙肉焗蠔，一咬落去好香煙肉味，個sauce 好creamy同D蠔味道好夾燒油甘魚頭，喜愛食魚頭嘅人就最高興，魚頭燒得香口，魚邊啖啖肉適逢撞到朋友，佢叫咗燒喜多次魚，呢個魚唔係成日有得食，食一啖就明白點解啲人比千元都肯食，魚肉香滑嫩，加上燒方式，魚香撲味！😋炒淮山絲，用咗味噌加少少七味粉炒成，味美清爽牛肉火鍋烏冬，烏冬好滑，牛肉烚得剛剛好，唔會韌，個湯好傳統日本火煱烏冬湯底！正👍🏻燒飯糰，一件係梅飯團、梅子輕微嘅酸味，食得更開胃，一件係熟三文魚飯團，飯外圍香脆，內裏軟熟，夾埋一片黃瓜一齊食就更滋味食物種類多選擇，有刺身，壽司，煮物，串燒沙律，炸物，一品料理⋯等等。因為太多野想食，所以越叫越多，但係

出銅鑼灣開始唔知食乜好Times Square 附近兜圈呢間之前食過1,2次dinner 見到有lunch Set我諗應該唔差得去邊叫咗3個sets每個set都有跟小食，沙律，味噌湯一個價錢有齊咁多款，好抵食！KIMCHI炒豬肉食落冇乜Kimchi味 好淡勝在多蔬菜如果泡菜份量加多，味道會好味啲汁煮豬軟骨叫得汁煮應該會好冧好滑口感爭小小日式咖哩飯原來係日式咖哩豬扒飯豬扒啱啱炸好，好食但唔多鬆咖啡汁有好多薯仔，紅蘿蔔🥕雖然lunch 同夜晚有小小差距但欣賞佢多蔬菜，夠健康

今日去咗銅鑼灣搵個舊同事一齊食lunch , 佢係地膽就交由佢負責諗食咩！ 佢就帶咗我去登龍街永光中心嘅小平津! 佢唔帶我嚟我都醒唔記登龍街其實都有好多食店! 坐低睇吓個餐牌發覺都有幾多選擇, 前前後後共有32款! 我哋都分別選擇咗豬類食物 🐷🐷 汁煮豬軟骨 $60 配有沙律, 漬物, 麵豉湯, 白飯~沙律新鮮爽口好開胃,豬軟骨份量都幾多, 肉質夠嫰, 好夠腍, 好入味! 白飯size 偏細, 男士食嘅話可能未必飽! 麵豉湯略淡咗少少! 豚肉鍋 $65 配有配有沙律, 漬物,白飯 ~ 豚肉鍋好夠熱肉都幾多, 肉質幾嫰 , 湯底味道唔算濃! 下次都可以嚟試吓佢哋啲魚生飯!

同朋友相聚，揀左呢間日本菜，初頭見食評唔多，以為冇咩特別，但食完喜出望外，除左食物唔錯，環境舒適，服務態度真係100分大讚!當晚我地bk左6點半入座，店內客人唔多，但到7點幾已經坐哂人。雖然店舖唔大，但坐位寬敞，坐得相當舒適，適合同朋友聚餐。我地因為怕食唔哂，所以分左3次點單。集錦刺身: 刺身新鮮，切得厚厚，口感不錯。集錦魚生卷: 雖然大大件，但冇好易散開，味道亦相當豐富，食完感覺好滿足!平時好鍾意食伴碟既薑片，因為酸辣甜，好開胃，但呢間店既薑片比較辣口，只有少少酸味，甜味就冇咩，所以食唔哂。壽司: 新鮮，但驚喜不大。豆腐鰻魚天婦羅: 呢個值得推介，天婦羅外面炸得唔錯，炸既部分唔會太厚。中間豆腐夾住鰻魚，鰻魚味道烤得岩岩好。唯獨size比較大，食一件夠哂飽。仲有叫串燒同烤飯團，可能我地串燒叫左大路野，冇太大驚喜，雞腎同煙肉燒得比較乾，銀杏苦味太重。烤飯團就烤得唔錯，外脆內暖，中間心既飯唔會太濕，剛剛好。食到最後有雪糕送，揀左豆腐雪糕，覺得太甜，唔係我杯茶。朋友揀左芝麻雪糕，覺得幾好味。服務要特別讚，店員都好友善同細心，見我地傾得興喜，食物都凍哂，主動黎問我地要唔要返熱。另外，我地食最後

登龍街地舖好full,天氣太熱唔想等位，所以亂入左呢間小平津一入到去場內都幾full,老闆娘盡量安排左2個bar檯位比我地坐低冇耐上左碟前菜小食，係牛俐青瓜粒沙律，配麻醬但又酸酸甜甜幾好味第一樣上既係荔枝煙肉串燒，呢個配搭簡直一流，超好味平時出邊食都係配車厘茄唔好食第二個串燒係牛舌，好煙un易咬，唔錯！呢個主菜好惹味，明太子酸菜炒飯，飯係粒粒分明，好乾身，襯埋明太子、木魚、酸菜，又有少少辣，味道同口感都好有層次好豐富，好快食完一碗再添飯呢個雞肉丸串燒相對普通d,冇話特別好咬口豆腐饅魚天婦羅 🍤 夠晒創新，食落好有新鮮感，又幾好食，一軟一硬，仲有少少紫菜，一人食兩件岩岩好夠喉誠意推介呢間餐廳

同朋友銅鑼灣行完街，想食日本野朋友一直有好多食野既list我地地揀左間唔太遠既試試我地無預約到所以坐左吧枱。前菜：芥末八爪魚、南瓜沙律個芥末八爪魚超級細份，不過好醒胃。好想食嗰個薯仔沙律但好似嗰日無。因為我地3個人，待應話幫我地切3舊所以大舊左。牛油果芝士鰻魚卷火炙蝶魚（左口魚） 唔係好記得呢個係油甘魚定吞拿魚軍艦><鰻魚豆腐天婦羅我覺得最好味係呢個飯，吞拿魚腩蓉我仲放咗海膽豆腐啲海膽一齊撈泥食朋友仲笑住話我真識食おいしいね！最後仲送雪糕整體泥講呢到係幾好食，所以打篇食評分享一下~

We were craving for some Japanese food and wanted to try something new. We went to circle tower and there were many many choices. We eventually tried this. There weren't any bad reviews on openrice. We got up, and there weren't many tables as it was getting a bit late. The first impression I got from the waitress was we  were unwanted as it was getting late. However, my impression of the restaurant changed throughout our meal.We ordered some sushi, rolls, sashimi, eel rice and some skewers.  I w

原來距離上次光顧小平津, 至今接近半年了, 時光真是過得飛快!今天再踏入店內，第一感覺是人少了很多.中午黃金時段, 雖然全場有8成滿, 但居然沒人等位.這次點了雜錦魚生飯, 套餐價為$88, 包括味噌湯+沙律+潰物+雜錦魚生飯.沙律仍然是新鮮蕃茄切片+雜菜, 份量與以前一樣, 但是醬汁少了, 感覺失色了. 雜錦魚生飯, 魚生的種類及分量不少, 魚生仍然是"凍凍"的, 配上紫蘇葉及辛辣的薑片, 顏色繽紛, 十分吸引!繼續不設加一服務費, 實在抵讚!!

星期六夜晚，同好朋友聚餐，想靜靜地搵個地方傾計，所以去左小平津。煙肉荔枝串係我每次食小平津必點的，因為佢開胃可口，完全符合前菜嘅要求。  外層煙肉夠香脆，  荔枝嘅酸甜中和煙肉嘅鹹味， 一齊食落口，味道十分配合。呢個烏冬肉同烏冬嘅比例足夠，四人份量算多，上台嘅時候香味十足。牛肉嫩口，湯頭鮮甜，烏冬無煮得過軟，值得推薦。餃子外皮煎得夠脆，內餡是豬肉，味道不過不失。上一次同朋友試過魚生，覺得幾新鮮，價錢親民。

打風前夕，去到銅鑼灣想找日式餐廳，於是重遊舊地，來到登龍街的小平津。我們七點多到達，但已經有很多人，我們只能坐在吧枱位置。一如以往，先會有前菜，是牛尾青瓜粒，挺開胃的！蟹子沙律這是我的最最最愛！每次來到也必點，因為我暫時未有使到一間比這個更好吃。蟹子沙律份量頗多的，最特別的是它加入了蘋果絲，再配合新鮮的青瓜、蟹柳及蟹子，多重口感，而且沙律醬的份量不會太多，恰到好處！軟殼蟹卷很久沒有吃也能保持水準！軟殼蟹是新鮮炸起的，有微暖的感覺，而且牛油果也是新鮮的，沒有黑色一點點，再配合青瓜絲，口感豐富。其實這個卷物的份量是頗大的，幸好我們只點了半卷，要不然我們吃不下其他東西。碎蔥免治吞拿魚腩飯賣相精緻，很喜歡這些碎蔥匯在一起，拌勻後，吃到吞拿魚油香，口感是綿綿的，也能感受到芝麻及碎蔥的口感，不錯的！這是免費的飯後甜品！唯一美中不足的是晚間比較繁忙，店舖人手不足，很多時候都未能即時招呼客人。

諗住去登龍街食日本野，地鋪主要都係拉麵為主，朋友提到永光中心有好多好野食，望望水牌記起好似有朋友介紹過有間日本野唔錯，於是上左8樓試試。餐廳燈光比較暗，想營造日本居酒屋既感覺。一入到去餐廳我就想去個廁所，服務員都有即刻指個廁所位置俾我知。而且服務員好細心，會主動不停加添熱茶。我見刺身都係平民價錢，有個雜錦既七塊都係兩百幾蚊。我同朋友今次比較餓，主要叫壽司、卷物食—牛油果軟殼蟹卷物。串燒都有好幾款選擇，不過兩個人我地淨係叫左煙肉荔枝串同埋炸雞翼。賣單後，服務員話仲有甜點送，係朱古力同埋雲尼拿雪糕。

又來到九月之星，為慶祝九月份生日兼喜歡日式料理的朋友，我們上openrice特意找美食，前來太平津試下，進入店裡，座位不多，但有一種似在日本的感覺，座位有Bar 位適合二人一邊吃，一邊傾計。我們試了很多美食，三文魚，火焰三文魚，豆腐野菜鍋，日式餃子，甜品等等真是很好吃。太平津選擇很多，有熱食有冷盤，適合不同喜好的人，下次我會試其他美食。火焰三文魚三文魚新鮮厚肉，抵食!豆腐雜菜鍋日式餃子，清脆可囗。

媽咪鍾意食日本菜，近近地去銅鑼灣覓食，小平津都係第一次試，可以電話訂位，地方唔算大，但7點幾已經全店爆滿，咁好彩我哋即日訂兩位都有啫，不過就要食6點半同8點交枱囉。三文魚刺身一客有四件，唔算好肥美，但總算新鮮軟殼蟹手卷軟殼蟹雖然大件，但就無膏，飯唔係熱既，但就搞到塊紫菜腍晒海膽手卷海膽份量好少，所以都食唔出佢既鮮味，飯欠醋味，紫菜腍晒鹽燒三文魚鯺 (限定)呢個真係好味到無朋友，皮煎得好香脆，加少少鹽嚟調味都已經好正；鯺因為近腩位，所以肉會連帶肥美既膏，油脂好香好足，超推介呢個限定貨牛肉火鍋烏冬 (二人前) 超多牛肉，又唔會太肥，每人都分到5塊，湯底濃郁，烏冬口慼唔算煙靭但都OK，大白菜比較硬，而冬菇只得一粒，而金菇又只得一小撮，唔夠分呀兩人共消費: $300$300 

偶爾也會幫襯小平津, 雖然它的位置距離公司有點遠, 但在銅鑼灣, 中午時段能預先留位的餐廳畢竟不多, 同時又能兼顧食物質素及經濟實惠, 這樓上小店實在是一個不錯的選擇.店子從6樓搬上8樓, 重新裝修後感覺空間開揚了一點.因為有選擇困難症, 所以每次的選擇也是那2-3款, 省得想太多, 最後選了其中一款至愛－蔥吞拿魚腩飯.套餐包括：沙律+潰物+熱紫菜烏冬+蔥吞拿魚腩飯.沙律及潰物都是開胃前菜, 沙律汁帶微酸, 在這個炎熱的夏天, 實在醒胃.不知何解這套餐包一小碗熱紫菜烏冬, 烏冬雖然挺彈牙, 但是湯底實在太淡了, 希望能改善一下.蔥吞拿魚腩飯上面鋪滿了凍凍的吞拿魚腩(我很討厭那種已經成室溫的), 切得仔細同時沒有筋, 很好! 魚腩上灑上切得細細的蔥, 更能把魚的鮮味再帶出一點點, 難得保持水準, 推薦!