小方糖甜品 (淘大商場2期)

營業中

休息中

位於九龍灣淘大的小方糖甜品，即使是夜深也有很多人在排隊購買甜品，相信出品不俗。✅相比起連鎖食店，小廚神與大吃貨更喜歡這種街坊小店，相信用料會更加實在，有一些更是家庭式經營的，特別感受到人情味。😊一坐下來，我們便看到菜單上琳琅滿目的選擇。大吃貨一時間想不到吃什麼，最後選擇了榴槤甜品。😍其實大吃貨是榴槤愛好者，但是在云云的選擇中，也不知道點哪一種比較好。😆而小廚神也有同樣的情況，小廚神想吃芒果，但是單單芒果的選擇，🥭已經有差不多十款。所以，單單是選擇時間，我們已用了超過五分鐘，哈哈。😂最後，我們決定點紫留心中、香芒丸子和芒果班戟，但可惜當天的芒果班戟已經全部售罄了，所以我們選了芒果糯米糍。🥰🥰老實說，這間甜品店實在取價公道，甜品的份量足夠，⭐️說不上很多，但一定能夠滿足到想吃飯後甜品的大家。紫留心中這項甜品，有滿滿的榴槤肉，而且紫糯米不算太甜，絕對是回頭之選。😀小廚神特別喜愛芒果，跟丸子的配搭不俗，而且，小廚神高度讚賞他們的芒果糯米糍，因為芒果非常香甜，而且充滿椰香，確是不錯的選擇。✅🥰小廚神想：下次一定要嘗試一下他們的芒果班戟，這麼早便售罄，相信有他的過人之處。😚我們也很期待再次到訪呢‼️⭐️

點的外賣一般一般，榴莲班戟很腻，皮較厚，椰皇還算中規中矩，芋圓好奇怪的口感…..TAT不會再回購的店The takeaway was average, the durian pancake was very greasy and the skin was thick, the coconut king was moderate, the taro ball was so strange in taste .... TAT will not buy again

幾好食既糖水舖都好，真心無下次。有無睇回憶的香港呀，講人情味。不過你哋成班同一線係零服務態度，行為極劣，坐低叫野加埋呑無15分鐘。員工咁趕收工就吾好比客入嚟食，老闆係咪太多錢比你哋買碗碟呀，係扔黎話比客知「我地收工你地好走！」第1鑊，放低隻匙咋，未食晒就黎收野，我坐低無10分鐘好嘛…3個侍應係度望住你食一路有說話比你聽，其中一人帶頭直接話我地收12架，不如你扒多啖好走喇，果刻望錶12:03…扔野無品無禮貌，無下次！

真心食物ok但店員服務態度惡劣，同朋友11：45pm左右到店，問店員收幾點，聽到店員話收1點所以就照入去食啦，食糖水都係想搵個地方食下野吹下水入去時佢話last order，快啲叫咁我地都好配合拿拿聲叫，仲心諗可能想放走廚房啲員工先，留低侍應招呼一路食，幾位店員都大大力收櫈，收任何嘢都用掉嘅模式，嘈到係聽唔到朋友講咩到12點有個短髮帶眼鏡女侍應，好無禮貌問 ：小姐你地仲要食幾耐呀果下先得悉原來收12點，阻人收工我地都唔好意思，但因為我地聽到收1am中，所以都不以為意咁食下吹下水，如果知道原來收12，得果15分鐘食，又點會入店呢不過最氣憤係店員態度，佢嘅無禮令我寫左我第一篇openrice嘅食評，因為佢直頭係無禮貌地趕客走果位侍應，佢唔係叫左我地幾次wo,一黎就問食完未，真心不知所謂幾好食都好，食到成肚氣嘅話，真係無下次，希望佢都可以睇到，作出檢討

平時食開小方糖 佢menu既野都差不多試哂咁滯 最最最鍾意個綿綿冰士多啤梨綿綿冰內係見到d士多啤梨籽 感覺好真材實料 唔係加人工糖漿 老娘都忍唔到口今次去除左係平時見開既menu 仲多左份新menu 有埋野飲同窩夫 我俾佢既梳打吸引到 打卡一流 好飲又唔甜 仲叫埋窩夫食 其實我分唔到我肚餓得滯定點 樣樣都覺得好好食 最緊要唔會甜得滯 兩個人KO哂 滿載而歸之前有時OT O得夜會去買碗糖水氹下自己 依家除左糖水仲有另外既選擇 下次試埋棒棒窩夫

幾乎十次落街散步🚶‍♀️就有五六次係去咗小方糖食糖水🤣今次嗌咗個「榴戀天使」，食完真係好留戀🥹好多榴槤汁呀！仲有榴槤肉！食落啖啖肉！好滿足！最正係配埋個雲尼拿雪糕一齊食，最後個雪糕都變埋榴槤味🤣佢仲有啲小丸子同水晶波波，食落口感好豐富🥹係幸福嘅感覺🔥

近排天氣真係好差熱，所以一有時間真係要去食d冷冰冰既野，糖水甜品係絕佳選擇，不過有樣令我覺得感到不太好既地方係呢間餐廳既結帳方式太峽窄，竟然只係得現金呢個方法，老實講，今時今日係唔夠吸客，真心希望佢引進更多既付款方式。食物方面就不過不過，不過是日今次去 食刨冰佢就話沒晒 得返一隻抹茶味，呢個令到朋友有d失望，因為一心係想帶朋友黎食刨冰，都唔緊要，我叫左個龍珠，味道同早年都有分差，希望佢可以提高返d水準 ，與時並進~

好多年前第一次幫襯小方糖係九龍城嗰間，仲記得嗰陣時佢哋嘅拿破侖非常好食，後來分店愈開愈多，今次就試下九龍灣呢間。兩個人食，叫咗紅豆芋圓仙草凍同西瓜西米露，前者足料份量多，芋圓口感 Q 彈，紅豆軟腍起沙，仙草爽滑甘甜，唔錯，不過汁底實在太甜太甜，甜到牙骹都軟哂😣，呢點極需要改善。至於個西米露就正正常常，西瓜肉清甜可口，西瓜汁解渴透心涼，正好中和芋圓仙草凍嘅超甜味。感覺呢間分店質素稍遜，要加把勁呀💪。

睇夜場戲之前就梗係要食啲甜品頂吓肚先啦😎😎呢間小方糖甜品就係正三間戲院附近，最啱有啲攰但又要等睇戲嘅朋友啦🧡龍珠改 $38 🤩9/10（雲呢拿沙冰+小丸子+椰果+新鮮龍眼肉）個名都幾Mk 吓，但佢真係超級好食！ 入面有仲有新鮮龍眼肉，整體嘅配搭係極度清新，完美咁演繹咗咩叫甜而不膩，完粒龍眼肉嘅令成件事更有層次同口感🤩🤩🧡朱古力粒粒拿破崙 $45 🤩5.5/10雖然個樣睇落去係成份菜單最吸引嗰款，但係啲拿破崙只係一啲千層餅乾，類似蝴蝶酥唔係拿破崙🫣🫣 上面嘅cream同朱古力醬都冇經過其他調味，撈埋啲餅乾食會有啲齋🧡芒果椰子樂$38 🤩7/10（椰子沙冰+芒果肉+椰果條+芒果雪糕+牛乳布甸）椰子冰椰子味好出，唔會淡茂茂無味。而芒果酸酸甜甜，同個芒果雪糕甜甜酸酸好夾，個椰奶凍食落去偏硬，同啫喱糖嘅口感有啲似，如果再重啲牛乳味就好啦😋😋

今次去咗九龍灣嘅小方糖甜品，因為記得上次去旺角嗰間椰皇比較好食， 今次見到九龍灣有得食，就入咗去食啦😛😛可能真係椰子嘅問題 ，咁啱呢個唔夠清甜？ 所以個椰子全程都冇咩味道... 唯一有甜味嘅就係芋圓同湯圓🥲🥲呢個可能就真係睇你彩！食中邊隻椰子啦 ❤️今次試下佢嘅芒果粒粒拿破崙，對比起佢普通拿破崙 ，呢個拿破崙空氣感冇咁強烈， 上次食呢間普通拿破崙啖啖都空氣😑所以食返細粒嘅，起碼都仲有啲嘢咬下，仲包埋佢雪糕畀你添~整體嚟講都ok嘅，叫佢自己唔好彩，食中唔甜嘅椰子😈😈😈

每次落九龍城基本上都會去小方糖食甜品，除咗咖啡甜品，亦都必叫芒果拿破崙😃見到淘大開咗，唔使特登走落九龍城，就即管試下(其實睇過評價一般般，但都想試一次由於疫情期間盡量都避免外出食飯，所以即使晚市開返，都係買就返屋企慢慢享受打開盒嘅時候，其實都有啲期待，但係食到最後一塊見到 扁嘅，平時每次食都係脹卜卜嘅， 呢一塊食落口當然冇咁鬆化啦，同埋唔知點解會加咗煉奶响底， 喺九龍城食係冇嘅，我覺得加反而太甜喇， 希望下次再嚟買嘅時候， 會見到有進步

認識小方糖係因為有次去九龍城食飯，見到哩間糖水鋪好多人等位，試過一次之後都KEEP住有再食，因為都算幾抵食而且都好足料。今次去淘大見到原來一早就開咗一間小方糖喺地下，食完個LUNCH就去食甜口潤潤口。叫咗個宇治金時冰同埋龍眼冰，龍眼冰感覺上好水，唔係質地水而係食落去好似溝咗好多水咁，但又好甜，龍眼份量都只係一般般。而個宇治金時都一樣，食落冇咩綠茶香，得個甜字同埋好綠。唔知依家九龍城係咩質素，不過淘大哩間就可以試一次就算

今日黎到小方糖叫左個甜品食 食左個心太軟 配兩球雪糕 綠茶味同埋雲尼拿味 綠茶味香濃 雲尼拿味香甜 十分可口 配上心太軟 係唔錯既搭配 食心太軟時裏面的朱古力漿流出，有如火山熔岩般，慢慢流動，又靚又好味，味道啱啱好。

基本上所有野食都要$30起跳最平嘅椰汁西米露都要$28糖水嚟講我覺得係偏貴嘅但其他複雜啲嘅甜品糖水價錢都正常雪糕唔算好食 太甜而且香精味都重不過朋友話個芒果棉棉冰唔錯上面有細個成日食嘅蜂蜜星星😂

剛吃完很濃味的牛丼 就很想吃甜品來中和一下 便去了這間連鎖甜品店 一般這些小店 預計客人吃完便會很快走 所以座位都不太寬闊 接近下午五點 是店內較清閒的時候 我一個人要了芒果班戟（32元）驟眼看很細件 咬了一口才發覺內裡的芒果很大件 比一般在餅店買的大好多 味道很甜吃完了仍感覺意猶未盡 再要了一客流戀天使（50元）新鮮榴槤肉+榴槤汁+水晶珠+小丸子+雲呢拿雪糕 味道ok 聊勝於無啦我最喜愛的是聰X甜品的（榴槤忘返）可惜此情只待成追憶 因為這店因股東問題已結業了