小方糖甜品 (新都城中心三期)

營業中

休息中

今天一班好友一起去吃甜點，叫了4個甜點一起share芒果拿破崙是他們家的經典，每次來都點，催波波，配上cream和芒果，味道不錯焦糖炖蛋是因為一進來看到邊上台點，賣相不錯，再加上天氣凍，所以點。吃第一口很好吃，但因為過甜，所以吃多有點膩香蕉船主要以雪糕為主，天氣凍，我沒有吃太多，應該不過不失。最後一道紅豆小丸子豆腐花，這道甜品真是有驚喜味道淡淡，但豆腐花非常香，紅豆也很有味道，但又不會過甜真是不錯的選擇！

食完飯行出街，一陣冷風吹埋黎，好想食碗熱騰騰的糖水，入呢間食碗椰皇旦白湯丸芋圓，以原個椰皇作器皿，入面材料豐富，香濃椰汁入面有西米、煙韌芋圓，而當中嘅湯丸係芝麻味餡，皮唔算厚，芝麻饀唔太甜，食晒成個飽晒又暖晒：）

食小方糖已經食到邊咗忠實fans朋友一話去食糖水，就會毫無疑問哋揀呢度，事因迷上咗佢呢個嘅乳酪雪葩雖然size比起一開始食嘅時候細咗，但係都冇減佢嘅味道兩球乳酪雪葩好濃厚嘅乳酪味，而且好黏嘅，加埋上面嘅士多啤梨醬，令人食到停唔到口另外一球士多啤梨雪糕，一啲蒟蒻，鮮士多啤梨片同曲奇威化都只係配襯朋友叫咗呢個香蕉船，有雲呢拿同朱古力雪糕，仲有好多蜜糖星星壓軸出場嘅係芒果拿破崙因為即叫即整，所以次次嗌呢個都要等耐啲三件金黃色嘅拿破崙加上大量唔吝嗇嘅芒果汁，就咁食已經好惹味同埋好甜嘅芒果玉同埋鮮忌廉一齊食，提升咗佢嘅層次感，亦食到不一樣嘅甜

今日下午茶去咗食糖水，揀咗係屋企樓下呢一間叫做小方糖嘅糖水舖，平時放工夜晚黑見到呢間鋪頭出面排晒大隊㗎，今次係第一次來食，可能因為下午茶四點幾嘅關係所以鋪頭冇咩人，得幾個中學生同埋我哋。鋪頭大概有20至30個座位，整齊企理。椰皇湯圓芋圓燉蛋白 熱 $45呢個椰皇啲椰肉超厚超有椰汁味，湯圓係黑芝麻做餡，超流沙，好正！啲芋圓好煙「銀」。佢入面仲有啲西米，不過啲椰汁味就唔係好重，冇乜椰汁味。啲蛋白真係燉得好滑好好味！完全冇燉過龍！最後仲要食晒啲椰肉！榴槤小丸子椰皇燉蛋白 凍 $45呢個椰皇就冇咩椰肉，榴槤都幾大舊，小丸子一樣煙「銀」，蛋白一樣滑，凍熱都咁滑！整體黎講成個椰皇既份量好足料！

將軍澳寶琳的小方糖，晚上8點後外面便開始人山人海。要坐得舒服，又不想排隊，就要早食晚飯。招牌菜黃金拿破崙，如果唔早點食，就可能要等下一輪九點後才有。鮮甜的芒果加cream撈在香脆的拿破崙上，非常清爽可口。睇落好似好高，其實是一扁很薄很脆的酥皮。連cream連芒果醬一同吃，碟都想食埋。椰皇湯丸芋圓燉蛋白也是另一必食，尤其是在冬天。湯丸彈牙，棷子味香濃的蛋白，好甜，連椰子肉都食埋。紅豆牛乳芋圓，相比下一般，芋圓可以再鬆軟一點，不過牛乳味也很香濃，但有點和燉蛋白撞味。蛋白杏仁露，簡單但可口，杏仁味很濃郁。偶然一餐真的很滿足。

小編都有一段時間已經冇幫襯小方糖甜品，今次主要幫襯嘅原因係想過下呢個食芋圓嘅口癮。首先小編第一樣野要講嘅就係圖片真係只供參考，明明張圖有成九粒芋圓，但實際先得果四粒。另外佢哋呢度嘅芋圓其實都真係幾唔掂下，完全係一咬落去已經可以咬開到，而且仲要冇咩味，不過算啦其實都已經預咗係咁。但係佢本身嘅椰皇燉蛋白真係超級正，啲椰皇水香到爆，而且佢個蛋白亦都好滑，好快就已經「Sir」左落去個胃度。個椰皇裏面啲椰皇肉雖然就薄左少少，不過就好淋，好容易就已經可以「不」到出嚟，小編超級欣賞丫！除咗裏面有芋圓之外，裏面仲有黑芝麻湯圓同埋西米露，兩樣同個椰皇一齊食到超級好味呀！

近期成日想食心太軟，久久不能忘記，於是同朋友再次嚟食。80度暖意心太軟$42--心太軟可以跟2球雪糕，要左曲奇同抹茶。每次等上菜，一見到員工畫既公仔都覺得好靚好驚喜，因為每次都吾知會出現邊隻卡通人物心太軟加埋雪糕食，冇咁膩，又唔會等好耐先有，滿足一下想食甜品既慾望。香芒小丸子$33--朋友叫的小丸子。有小丸子、芒果雪糕同小晶珠。味道ok，小丸子都好食，加埋小晶珠，口感豐富d。見到有椰皇燉蛋白，仲可以凍食，留返下次再試。

經常OT的我在這天要到近十一時才回到寶林，吃一個人的宵夜併晚餐，若不想食M記、煎炸食物或份量太多的茶記，其實選擇不多，最後我決定吃甜！一出港鐵，過對面馬路再走幾步就到達小方糖，坐下發現只有我是一個人在吃甜品，看來我面對孤單又進入新層次今次我想點一份中式甜品。紅豆牛乳芋圓看照片是吸引的，但一看到配料會沈於牛奶底就覺得有點灰，於是我決定簡單的點個湯圓吃，就是「薑水湯圓」，聽中醫說薑對於胃寒的人有益，都晚上十一點了，就對腸胃好一點吧！「薑水湯圓」薑水的薑味很濃，一整碗喝完，很養生的感覺提提這小小的湯圓，軟軟的，沒口感，有待改善，芝麻涵夠滑。整體還不錯吧！滿足的回家，明天繼續工作。

今日差不多十一點才放工，咁啱男朋友在附近，所以我們就借係寶琳食糖水嚟見下面。 新都城地鋪的甜品店一共有三間，除了小方糖還有聰嫂私房甜品和松記。偏好西式甜品的我就揀咗食小方糖喇～可能今日係平日的關係，我地唔洗排隊就可以入得。店入面都幾多人，大部分都係青年人，所以有啲充滿朝氣活力的感覺 XD 坐低咗之後，店員比了兩份餐牌我地，因為有好多不同款式的甜品可以揀，一共前後兩版，有選擇困難症的我真係唔知食乜好！（餐牌有埋圖片可以睇，想食咩一目了然）幾經辛苦終於點了兩款甜品，一凍一熱的。在等候途中，我地傾咗陣計，但好快我地叫的嘢食就到了，大概五分鐘左右啦～我點的是藍莓雪糕刨冰（＄32）。刨冰好似一座山的形狀咁堆砌係一齊，旁邊有雲呢拿雪糕、椰果同新鮮的藍莓做配料，賣相幾吸引。細緻啲睇下刨冰可以見到有細細粒嘅藍莓，食落去充滿濃濃藍莓的味道。另外，因為藍莓刨冰有不少的碎冰，使口感提升，亦令我感覺到十分清涼的感覺（feel 到成條食道麵涼涼地）。雲呢拿雪糕都幾好食，口感幼滑，唔知係咪太耐冇食過雲呢拿味的關係覺得味道挺爽的 XD我同男朋友食咗冇幾耐之後刨冰就開始溶，好快變成了水，所以要盡快食用先得。如果唔係就

小方糖甜品店本身是我一向喜歡光顧的店舖，不知是否愈來愈多人捧場，使他們的警覺性下降，沒有去努力保持自己的質素，若然再下去，我也會漸漸失去信心的。事緣今次叫了「椰汁芝麻湯圓」及「椰汁龍眼涼粉」。「椰汁芝麻湯圓」我是要熱的，但糖水溫度卻連暖都比不上，碗其實與以往一樣都是闊口，但糖水斟得很少，只是兩啖便見碗底。「椰汁龍眼涼粉」沒有椰汁香，是否椰汁落得少了點? 而且食落去沒有甜味，點攪？其實，可以的話，匙羹崩了也要留意下。希望食店為了爭取最大利潤的同時，不要忽略了保持食物質素的重要性。

將軍澳的這家小方糖甜品店已開業一段時間， 在寶琳地鐵站附近就有三家甜品店，我個人就喜歡光顧這一家。其中我最欣賞「黃金拿破崙」，每次到來總會叫這道甜品，酥皮香脆，一咬即化，無牙都食到，配上芒果粒及芒果蓉份外鮮甜，不過「黃金拿破崙」有三件，一個人食可能多了點，約齊腳分享就啱啦。另外，叫了一客「太陽香蕉船」，3個雪糕、香蕉及蜜糖星星，是標準格式，沒有什麼特別，味道ok。「薑水湯丸」不是其專長甜品，稍遜於傳統糖水店，湯丸皮再薄些更好。

即撞頭腐花, 連埋計時器比你自己count夠5分鐘, 豆味濃郁過一般超市nnnn多不過唔知係超市個D落得太多野令D豆腐花口感滑doo doo定係依隻因為即撞出來, 個石膏粉令到口感未如如其滑doo doo不過anyway, 有得完有得食幾得意嘅

成個焦糖燉蛋係出水同似布甸咁，好似我地平時晚餐食果d 蒸水蛋咁，問個侍應佢話正常架，個個都係咁食 ,熱呀嘛咪會出水囉，係咁架wor,我地既不嬲都係咁，到底係我孤陋寡聞定係佢本身真係有問題？ 我平時成日都食焦糖燉蛋，真係未食過咁既焦糖燉蛋wor🤔🤔🤔🤔🤔跟住個紅豆豆腐花 個豆腐花 係無味 椰汁底都無味，芒果樂園 個牛乳布甸係無味既，芒果汁就正常最正常係個龍珠 係冰黎既 明明岩岩開果陣係幾好食，仲成日會買外賣番屋企食，點解而家會變成咁？

平時返工，難得放工，我就會去周圍搵野食，食足一日，先稱得上係一個假期😃平時寶林人都知，每晚無論係小方糖，松記定聰嫂都好多人等位😂，為左逃過等位既命運而又係諗唔到去邊食Tea既情況下，就去左食小方糖。呢間係比較新式既糖水鋪，好多甜品類既野食，鍾意窩夫/拿坡崙野食既我就叫左個香蕉朱古力拿坡崙（餐牌上既名係：月半灣拿坡崙😉），而友人就點左雪糕西米露配曲奇同雲厘拿雪糕。拿坡崙十分鬆脆加上香蕉同朱古力醬簡直係絕配，雖然係簡單甜品，但就份量十足，有3大件，一個人食曬真係有d滯呀🙈而西米露係椰汁底，比較似平時食開既糖水，但配埋雪糕食就奶味十足，胃口唔大或者食小量既，叫西米露就岩岩好啦。總結係我揀岩時間去嘆呢個甜品，雖然感覺早左小小，但就岩曬想食甜野既時間去食啦

成日都幫襯聰嫂，今日同事話要轉場，食下小方糖喎!見隔離枱叫嘅拿破崙個樣唔錯，自己都點一份。呢度嘅拿破倫崙係一件件脹卜卜嘅酥皮，淋上芒果汁，賣相都幾得意。酥皮焗到好香脆，芒果又夠甜，唔錯!