小方糖甜品 (新都城中心三期)

營業中

休息中

師傅同小黃人飯後，由於都比較早，所以決定去食甜品。由於附近都比較多選擇，為免有錯，睇清睇楚先，最後揀左呢間食店。入到去唔多人，坐底就睇下有乜吸引，師傅就好想食雪糕，所以就揀左香蕉船，至於小黃人就揀左即撞木桶豆腐花熱食。老實講香蕉船賣相又冇乜特別，純粹想食雪糕，三隻唔同味滿足師傅嘅貪婪，所以都冇乜好講。反而即撞木桶豆腐花有驚喜，豆腐花又香又滑，黃糖自己隨意加，比想像中好，推介!總括黎講甜品都幾多選擇，環境舒服乾淨，價錢合理，最難得可以慢慢坐下，同小黃人傾下計，可能咁啱當日大雨，所以客人較少。師傅初嚐小方糖，感覺和印象都不錯，有機會都會再黎。

食完飯，想食番個甜品。飯後可以食到一個好味既甜品好重要。這裡甜品選擇好多。傳統中式，西式甜品，港式甜品都有。今次叫左黃金拿破崙。一上枱好驚喜，有三大件拿破崙，放滿成隻碟。 拿破崙外面酥皮夠脆，入面是空心的，一口咬落去好鬆脆。再配埋cream，芒果漿，同埋甜甜既芒果，依個甜品好好味。即使拿破崙望落好大件，食完係仲想繼續食落去。推介另外叫咗一個中式燉湯，雪耳蓮子燉湯。好足料夠晒味，甜度亦都岩岩好，好滋潤。

夜晚落街食糖水，寶林呢邊選擇唔算多，小方糖算係唔錯，必點佢既心太軟，呢個甜品去到邊都咁上下價錢，呢度做得唔錯，至少流心程度比較高，外面好多上送列上黎切開已經凝固。

係新都城食完飯，想食下甜品，就嚟咗呢間樓下既甜品舖，可能因為疫情關係，唔算多人，可以留喺度堂食！因為想食熱食，我就叫左一個番薯糖水，正正常常，都幾足料嘅，食完暖笠笠！而因為可以堂食，就叫左一個朱古力心太軟，雖然都等左一陣，但師傅好用心啊，畫左一個蠟筆小新嘅公仔，我見隔離枱都有叫㗎，隻碟既公仔係唔同嘅！心太軟外脆內軟，用刀一切落去，朱古力漿流出來，夾埋凍冰冰嘅雪糕，又好夾喎！雪糕係有一粒粒嘅朱古力碎，唔似cheap野！

黎到寶琳唔知食咩好竟然見到呢間小方糖我一向都中意食芒果呢間有好多芒果選擇所以就去呢間食店內環境都算偏大自由揀位坐menu 上有好多唔同既甜品同埋每款都介紹得好詳細亦都算平價我就叫左個芒果樂園 $38勁快就送左上黎呢個芒果樂園入面有好多野芒果雪糕 唔會太細 亦都唔酸 ok既牛乳布甸 滑滑地 但少左芒果芒果粿子心 好味 而且唔酸 甜甜地芒果汁水晶珠同椰果都ok 無咩特別總括而言甜品方面 因為我好中意食芒果但係我勁唔中意食酸既野所以呢間d芒果甜甜地 幾岩我環境方面 偏大 坐得舒服價錢方面 平價甜品

我係一個最鐘意食黑芝麻既人, 見到有芝麻湯丸我念都唔洗念就叫！﹊﹊﹊﹊﹊﹊﹊﹊﹊﹊﹊﹊﹊﹊﹊﹊【椰汁芝麻湯丸($28)】😋椰香味濃, 而且食幾多都唔會滯, 可能我太喜歡湯圓, 不知不覺閃清！﹊﹊﹊﹊﹊﹊﹊﹊﹊﹊﹊﹊﹊﹊﹊﹊

第一次試呢間甜品店，同朋友一人試左一個甜品黎食！感覺都幾驚喜，佢嘅水果好新鮮！而芒果嘅甜品芒果味夠重！如果係芒果迷一定好鐘意！不過食食下係會有少少漏的...唯一不足係份量有d少....

自從開始見營養師之後就無食糖水好耐啦…但今日是個很值得慶祝的日子所以可以放鬆一下🤗喜歡小方糖的甜品是因為他們的每款甜品裡都充滿不同的元素，很適合我這種樣樣都想吃少少的人🙈。點了一款感覺很滋潤的甜品 -『椰皇芋圓湯丸燉蛋白』。這款甜品吸引我之處就是把所有我喜愛的元素都混合在一起，味道非常配搭之餘還要每款材料都很好味。芝麻湯丸皮薄餡滿甜而不膩、芋圓QQ彈牙、蛋白也燉得剛剛好，這個甜品吃完會感覺很滿足。😆

食完飯仲未飽最岩就係食甜品勒！帶咗家人去屋企附近嘅小方糖食甜品芝麻湯圓係爸爸叫嘅，一送上黎芝麻味就芳香撲鼻，爸爸話好香濃，湯圓軟糯配住花生餡好夾呀。跟著就到我最愛黃金拿破倫啦！！！每次黎我都會食呢款，因為真係太香脆，加上芒果肉同醬，甜甜地又有咬口，十級鍾意食呀我地又叫咗個糖不甩，佢啲花生碎黑芝麻同糖粘上湯圓真係絕配呀！ 而且食幾多都唔會滯，可能我太喜歡湯圓，唔覺唔覺就全清囉總括黎講 我覺得呢間比隔離果間同好出名果間（住寶琳附近會明）都多款同高質，如果諗唔到食邊間好 我會推介呢間呀！

完全嬲到忘記影相！ 今晚同我老公叫咗兩份甜品，一份係杏汁雪燕椰皇燉蛋白，另一份係椰汁芒果黑糯米，先上杏汁雪燕椰皇燉蛋白，等咗一陣上椰汁黑糯米，一上枱我同我老公望到份甜品都呆咗，全碗只得兩片薄片加已熟到難嘅芒果肉，啲芒果肉係已變黑色，係熟到難晒！ 問職員，職員嘅答覆話上甜品前已同師傅了解點解咁樣。 我唔知師傅點答佢啦，但嗰位職員都照出，竟然連個職員都覺有問題，但佢都照出俾客 ，真係非常之失望。都幫襯咗差不多一年，質素愈來愈差

After dinner with my friend, we went next door for dessert at 小方糖甜品 (English name: Sugar Dessert). It actually has a lot of branches in Hong Kong. I think I went to one of them in Kowloon City.This places focuses on Hong Kong style dessert. Desserts focused on fruit, waffles and lava cakes along with traditional Chinese ones as well. Menu is in Chinese only but they have photos of all the food. There is no 10% service charge.I had mango strawberry fruit ice ($36). A huge portion of mango strawbe

夜晚10點到， 原本以為冇位, 好彩啱啱有兩個位，睇餐牌，之后叫左 梛皇蛋白燕窩同黄金拿破崙 (即芒果味) 。 唔使幾分鐘食物就到。一見到果拿破崙，超大份，有3件脆脆，鬆軟同牛角包一樣，仲有好多芒果汁 。上面又有 Cream , 同果肉 。D cream 唔會好易熔 , 超讚！ ($43)椰皇，都唔少分量 , 成碗都係蛋白同椰奶！ 味道好清甜同香。食完蛋白之后，可以食埋椰肉，口感唔錯，夠淋。雖然椰肉味出晒黎，但椰肉都仲幾香。($55)好好彩晚餐食唔多，如果唔係一定食唔晒，因為2個都幾大份 😂😂

難得過嚟將軍澳食晚飯，不過早左到，又未夠鐘食，於是就去食個甜品先😝一出地鐵站，見到幾間甜品舖，想食啲滋潤啲嘅，咁啱呢間比較多燉嘅野，於是就揀咗呢間🥰椰皇蛋白蓮子燉雪燕 ($55)冇令我失望，完個椰皇燉出嚟，最底層係燉蛋白，然後上面係椰汁加燕窩，食落好暖胃，而且燕窩份量都好多，啖啖都食到燕窩🥰食椰皇最鍾意食埋佢嘅椰肉，嫩滑多肉，鍾意食椰肉嘅話一定要刮埋去🥥甜品嘅選擇都多，價錢算係正常價店舖裏面嘅座位都多，一班人嚟食都冇問題鋪頭就喺地鐵站嘅對面，都幾方便易搵👍🏻

我真係好鍾意食小方糖，因為佢嘅Menu好豐富，而且有啲idea都好創新。我每一次黎食都必定會叫芒果拿破崙，佢係有一層芒果汁同埋忌廉鋪係三大舊酥皮批上，酥皮非常之脆口，而芒果醬一d都唔假，有好重新鮮芒果味，亦都有好多芒果粒，兩者配搭埋一齊食，又甜又脆又重芒果味，好好食。另外我都鍾意食佢嘅心太軟，佢嘅心太軟唔會太甜，因為出面有啲甜品店整到個心太軟好甜，我真係好怕。不過我鍾意食佢嘅心太軟唔係因為佢唔甜，而係因為佢會畫公仔係隻碟到呢！我試過收到佢畫左隻喬巴，又試過收到佢係側邊畫左一個有顏色嘅蘑菇仔，我覺得好得意亦都好有心思。

突然想食豆腐花，於是行左去係屋企附近嘅糖水舖睇吓邊間有豆腐花食。睇咗幾間，之後發現小方糖竟然有木桶豆腐花食，超開心。$38一個木桶豆腐花算正常價，店員會將木桶豆腐花同timer一齊拎黎，然後提醒客人要等3分鐘timer響先開蓋⏰。一打開～豆腐花上面有好多窿窿呀！😫即係好似屋企蒸蛋但係整得唔靚會出現果d窿，突然間好失望，因為見到咁多窿的話通常都係代表唔好食。一食落口，果然⋯口感完全唔係豆腐花應該有既滑溜，入口好鞋，好似d豆未磨碎既感覺。而且冇乜豆腐花嘅豆香味，只可以不斷落糖拎到有返少少甜味。平時食豆腐一定食得晒，但係今次竟然淨返三分一已經完全無辦法再食落去。