小曼谷泰國美食 (南角道)

營業中

休息中

九龍城有好多唔少泰國菜而這間泰國菜整體都保持水準，冇諗過晚市優惠竟然有$38香葉肉碎炸皮蛋，完全係正常份量不少，應該有差不多兩隻炸皮蛋。炸皮蛋第一次食原來都唔錯，十分之彈牙入邊皮蛋心有流心感。肉碎味道濃郁，和白飯一起吃最適合。香葉辣椒炒米粉，米粉好入味，海鮮不少都新鮮。豬頸肉沙律，豬頸肉份量有點驚人太多了，切得薄薄有燒香感，配上新鮮蔬菜幾開胃。雞肉沙嗲串燒，味道正常，沙嗲皮出邊香口。來吃泰國菜，當然要嗌沙冰，就叫了芒果沙冰太甜。最後仲有啲食唔晒打包返屋企添。

好多年前已經食過小曼谷，佢都算係九龍城嘅經典之一，今日再嚟到呢度，估唔到個水準都仲keep到，同埋好驚喜，今日星期一特價有$38嘅冬陰功魚片湯，非常抵食。見到唔同日子都有唔同嘢做特價，平日夜晚嚟都係一個幾好嘅選擇。食泰國菜我一定會食沙律，今次就試吓佢個青木瓜沙律，個調味做得好好唔會太酸，而且亦都好體貼可以走辣，鍾意佢配好多花生粒粒，係清新嘅口味選擇。另外叫咗半隻燒雞，因為係泰式燒雞，唔好諗住係港式嗰種軟腍腍口感，反而佢係香口啲、肉身實淨啲嘅口感，口味係有少少焦香，好惹味！小曼谷當然要食佢嘅炒粉麵飯，今日試辣豬肉碎炒飯，調味適中，而且有好多豆角，個金不換嘅味都好突出，炒飯嚟講一啲都唔油，食完唔會覺得好滯，大大碟都唔使$100 ，好抵食！小曼谷屹立咗九龍城咁多年，佢個水準都仲keep到，而且價錢其實都唔係加咗好多，非常公道，份量亦都唔少，如果啲晚餐嘅餸啱你口味，其實$288已經有一個二人晚餐，仲送埋甜品，性價比好高！所以星期一晚都座無虛席，其實都真係有原因。

海南雞絲乾麵 $63原來係類似撈麵咁㗎，都幾特别，好似fusion菜😂😂我地咁啱嗌咗青咖哩，就發現咁樣撈又幾好食🤭有泰國風味！海南雞絲其實就係海南雞，一件一件咁👍🏼雞胸黎，但好嫩，點個醬超好食😋青咖喱豬 $108非常足料！豬肉片唔鞋，好好食🥹我地嗌咗小辣，唔算好辣👍🏼入面仲有豆角，泰國茄子，香葉，有菜有肉，一個餸夠哂食！小曼谷炒飯 $118其實係有啲似公司炒飯😂咩都有！有豬頸肉，蟹柳，蝦，洋蔥，小蕃茄，仲要係蛋包飯😍好香口！好正！個飯大到呢！幾個人分都夠哂食👍🏼👍🏼曼谷夜市火山骨 $38晚市堂食優惠🤭超抵食！但怕辣嘅人要小心呀~係都幾辣😂但個骨好好食好高質🤤勁大條，就算好大條骨都好，但係都多肉，有軟骨位咬！！一共有3大條，必點呀！！

好耐無來九龍城食泰國菜了，今次同朋友來食小曼谷。 點了海鮮冬陰功、燒豬頸肉和肉片炒河，另外+$38 換購了一份火山排骨。海鮮冬陰功海鮮冬陰功真的色香味俱全，上檯已見到大大隻蝦，而個湯散發著濃濃的香茅味，加上有辣椒與青檸的酸味，很好喝。燒豬頸肉燒豬頸肉既肉質鮮嫩，外焦裡嫩，而且脂肪分布均勻，經過烤之後，口感香脆，而內部則保持了豐富的肉汁。搭配特製的醬料，提升整體風味。肉片炒河肉片炒河，河粉吸收了醬油的精華。配上豬肉片，更好食。呢個炒河火候掌握得幾好，所以很不錯。火山排骨呢個係優惠小食加$38便可以非常之抵。排骨嘅份量都唔少少少微酸配微辣令到排骨更加好味，而且食極都唔會膩📍小曼谷泰國美食 (南角道) (九龍城)九龍城南角道9-11號地舖

堂食晚巿做緊優惠, 以下三款小菜任選一款$38🔽泰國熱爆火山骨/香葉肉碎蝦膠炸皮蛋 / 泰皇咖哩青口‼️記得親口同侍應落單呀‼️🌼泰皇咖哩法包軟殼蟹 （$238）軟殼蟹細細但份量十足；法包外脆內軟, 配咖哩汁好出色 🌼風味燒豬頸肉（$128）豬頸肉份量好多，燒到焦香彈牙 🌼泰式鮮蝦炒金邊粉 （$108）呢碟金邊粉我稱之為性價比之王 好大一碟足夠2–3個人Share; 而且炒得好有鑊氣, 酸酸甜甜非常開胃🌼香葉肉碎蝦膠炸皮蛋 （$38）蝦膠炸到金黃色非常彈牙, 鋪上香葉肉碎非常惹味最後唔少得叫番杯正宗嘅泰式青檸梳打同珍多冰 （$42）

收工想食泰國菜，去九龍城的確比較就腳，一出港鐵站就見到呢間《小曼谷泰國美食 》餐廳，收店時間重去到凌晨一點添，慢慢食都唔怕啦👍🏻👍🏻！🐟蒸烏頭魚 $228以明爐直接上檯，即煮即食無魚腥味之餘，再加入香檸生蒜，少少辣特別惹味👍🏻！🦐泰式生蝦刺身 $128肉質厚實又夠新鮮，沾上特製醬汁，食泰國菜必點😋！🍲泰式煲仔翅 $108即點即煮，滾住放上枱😋材料十足之餘，味道的確好鮮甜，湯底用上湯熬製，連埋爽口嘅芽菜和芫茜一齊食 ，好好味✨！🦑泰式海鮮炒飯 $118海鮮有蝦、魷魚和帶子，份量都唔少👍🏻再加入提子乾、菠蘿和肉鬆，甜甜酸酸特別開胃😋！

心血來潮突然想去九龍城小曼谷泰國菜館食正宗泰菜，這裏基本的泰國菜式都有。必食泰式生蝦每次嚟親都係必點的，蝦肉色澤夠新鮮又厚肉鮮甜，再沾上泰式辣醬食，絕配！鮮菠蘿海鮮炒飯炒飯炒得香噴噴，飯粒粒粒分明，帶子同蝦肉好配搭。泰式明爐烏頭熱辣辣香噴噴的湯底，酸酸辣辣好開胃，烏頭肉質好鮮甜入味。泰式煲仔翅材料十足，湯底都好鮮甜翅的份量亦不少，加入芽菜莞茜一齊食，口感豐富。馬拉盞炒通菜色香味俱全，通菜又綠又鮮嫩，一啖接一啖食唔停口。

已經有排無去食泰國野啦，今次特登叫媽媽配我去食下個泰國菜先，食得泰國野就簡係要揀九龍城既小曼谷啦🇹🇭係出曬名好食，我都食過好多次，仲要次次都排曬隊超多人食就知呢間既泰國菜有幾好食啦，連我媽媽唔太中意食泰國野既人都覺得好食。依家夜晚仲有指定既菜式夜市堂食$38優惠，又曼谷夜市火山🌋冬陰海軍海鮮部隊鍋，香葉肉碎蝦膠皮蛋，呢d百幾蚊既菜式只需要$38就可以食到啦，我今次都叫左個曼谷夜市火山骨試下，同原價size真係一摸一樣，超抵食🌟曼谷夜市火山骨 $38呢個做緊晚餐優惠只需要$38就可以食到咁大份又足料既火山骨，食落去好香口🌋煮到好入味，d肉係嫩，入口即化🌟泰式燒牛仔骨 $78燒到熱辣辣，腌到好入味，超濃郁既燒烤味🥩食落去係好juicy，d肉質又好煙韌，一啖落去成個口爆汁，爆香🌟香葉辣椒豬肉碎炒飯 $98呢個飯我係第一次食，超到好有鍋氣，超多豬肉碎，加上辣椒既惹味，食落去係又辣辣地又好香口🍲仲有香葉既配搭令到個飯變得更香，超香味撲鼻🌟泰式鮮炒金邊粉 $108呢個菜式係我次次去食泰國野必揀既菜式之一，d金邊粉炒到每一條都裹滿醬汁，香口得黎仲帶d甜，入面仲有3隻大大隻既蝦🍤好彈牙好鮮甜，可以撈咪

講到九龍城泰國菜，不能不提小曼谷太過美食🤩今日心思思嚟到呢度食午餐😋🌟泰皇咖哩軟殼蟹配白飯泰皇咖哩軟殼蟹令人眼前一亮，豐富的咖哩醬香氣四溢，包裹著鮮嫩的軟殼蟹，非常滋味🤤蟹肉鮮美，外皮酥脆，與香軟的白飯非常搭配👍🏻🌟極上燒安格斯西冷牛小排配白飯極上燒安格斯西冷牛小排肉質鮮嫩多汁，脂肪比例非常好，恰到好處的燒烤香氣撲鼻🤤搭配香軟的白飯，可以食多幾口飯😆🍧芒果椰汁沙冰芒果沙冰口味清新爽口，冰沙的質地細膩，迅速在口中融化，帶來瞬間的清涼，芒果香甜，最適合炎炎夏日💗🍡豬肉沙嗲串燒🍡牛肉沙嗲串燒🍡雞肉沙嗲串燒🍡燒泰國牛筋丸不能不提這裏的串燒真係好惹味，烤得香口，外皮焦香，內裏保持鮮嫩，串燒配沙嗲醬味道再升級🤩現在餐廳推出每日指定菜式夜市堂食$38，非常抵，下次再嚟試過😋

晚上約咗自稱住喺九龍城寨嘅朋友上佢屋企睇波，去到九龍城問朋友買咩外賣，朋友叫我去南角道小曼谷泰國美食買串燒拼盤，泰式拼盤加個泰式豬頸肉炒飯可以一邊睇波一邊食。店員先招呼坐下等候，稱食物即叫即做需時十多分鐘，轉眼間外賣做好，向朋友屋企進發，上樓先放好外賣，十歲的世侄女啱啱開飯，見到外賣有豬頸肉炒飯，即刻放低飯碗搶咗盒炒飯走，不到五分鐘食咗半盒。咁我地睇波就食串燒同泰式拼盤，拼盤有六串不同串燒，有豬、牛、雞肉、雞腎、泰式臘腸、雞全翼，串燒火喉啱啱好，唔會燒焦過火，六種串燒各有特色配秘製粒粒花生香濃沙嗲醬更正。泰式拼盤有炸蝦餅、魚餅、春卷、雞棗，炸蝦餅係必然之選外面脆皮內裏啖啖蝦肉，魚餅有香草果皮味，春卷餡料係咖哩粉絲炒椰菜好惹味。最後同朋友兩份食埋半盒豬頸肉炒飯，小朋友真係好識食，飯炒得好好食，豬頸肉味同炒飯融為一體，下次再約朋友去堂食，餐廳晚市堂食有每日至筍優惠只係$38蚊有指定精選菜式肯定更好。

忍唔住想去九龍城食泰國菜🇹🇭，上次已經幾個月前，小曼谷🎖️當然係最好嘅選擇啦。今次約埋幾個朋友，人多可以試下啲新菜式。香辣肉碎炸蝦膠皮蛋🙌將生菜包嘅肉碎配埋九層塔，鋪喺皮蛋蝦餅上面，有個新嘅味道新嘅口感。記住要夾埋九層塔同肉碎食！冬陰功海鮮部隊鍋👍😋呢個真係屈機我幾推介！傳統冬陰功大家飲得多可能覺得有啲悶，用冬陰功湯底配上海鮮做部隊鍋，一次過滿足你好多個願望🥳！食曬上面啲海鮮🥘，下面個麵係成個煲靈魂，好濃味！👅泰式拼盤👏泰式拼盤有蝦餅、魚餅、雞棗同春卷，基本上食泰國嘢必叫。想試上面道餸👆嘅朋友仔就要注意泰式拼盤都有蝦餅。🍽️泰式脆炸豬手😄我第一次食泰式脆炸豬手，泰式做法係會炸到好酥脆。非常香口，唔配啤酒唔得。🍻泰式馬拉盞炒椰菜苗🥰廚師好有功架，呢碟椰菜苗🥬炒到剛剛好，口感軟硬適中，而且好香馬拉盞味。唔鍾意食菜嘅朋友都一定會覺得好食！泰式鮮蝦金邊粉Pad Thai☺️食泰國菜必叫嘅主食！作為一間喺九龍城屹立嘅泰國菜，小曼谷嘅金邊粉有一定水準，甜酸鹹氣一身，食得過癮。💥

黎開九龍城多數都會黎小曼谷因為呢間連鎖品牌既泰菜真係味道不錯 而且分量好夠呢到週末有時仲會有live band 可以聽住歌食野不過因為其實頭唔大坐得有d逼會有d嘈2人點左3樣野都食到好飽 差d食唔哂呢間餐廳仲會定時出優惠撞到岩既就可以叫指定菜式冬陰功呢到既冬陰功稍為酸味重辣度適中 海鮮配料好足 叫左個大size 每人都飲到2-3碗泰式炒金邊粉炒得好香乾濕度岩岩好有好多蝦球好中意食佢d蛋絲酸酸甜甜咁好開胃黃咖哩牛腩 呢到係用甜口咖哩牛腩份量都夠

九龍城好多間泰國菜今次嚟到宋王臺站B出口一出就見到嘅小曼谷餐廳推出每日指定菜式夜市堂食$38就有一份菜式!立即叫左一份!!星期一的指定菜式係泰皇咖喱青口只係$38就有面盆咁大泰皇咖喱青口勁誇張啲汁千祈唔好晒， 點包一流黃咖喱偏甜，完全唔辣好啱一家大細過嚟食小曼谷原隻芒果糯米飯勁多椰汁，而且糯米飯上枱係熱嘅芒果少少酸俾足原隻芒果份量馬拉盞通菜馬拉盞有少少鹹香，而且辣辣地啱啱炒起就上台夠晒獲氣海鮮孖寶餐牛油蒜蓉蒸虎蝦虎蝦隻隻都咁新鮮，口感彈牙蒜蓉和牛油係perfect match喇虎蝦上面仲有啲好脆的蝦乾仔多重口感燒脆皮白鱔白鱔外皮燒到焦脆鮮嫩，咬落去勁脆外皮呈現金黃色而肉質柔軟外酥內嫩唔係度度都食到

今日放假去九龍城感受一下香港依個小泰國嘅地方，九龍城是泰國菜最集中嘅地方，咁我就同朋友行完就搵左間餐廳食個午飯，小曼谷泰國美食，依間店係香港都幾多分店，今次食依間有泰國BTS鐵路主題，間內環境衛生。-海南雞飯，雞肉軟嫩多汁，完全唔乾身，配上雞油飯，仲有個胡椒雞湯。😋-泰皇咖喱軟殼蟹蒜蓉包，軟殼蟹🦀唔算好大隻，但份量都不少，配上蒜蓉包點落黃咖哩一齊食，好惹味。👍🏼🤤-限定小菜香葉肉碎炸蝦餃皮蛋，皮蛋外皮包住蝦餃香脆好味，配埋泰式炒肉碎，真係可以食多碗飯。😋-飲品當然叫個消暑飲料，青檸沙冰🧊同🥥椰青，炎炎夏日飲依兩樣就最好不過。

四年前嚟過小曼谷，裝修唔同咗 講真，坐得冇咁舒服 好彩食物質素冇退步兩個人嗌咗😊炒金邊粉 正常水準😋蝦柚子沙律，好味👍🥹牛小排，同四年前食嘅一樣份量同埋好食😋蟹肉芒果炒飯 鬆軟好味，食到啖啖蟹肉既本身就係見到佢做緊個超級優惠 逢星期三做$38火山排骨 所以貪小便宜幫襯🤭應該係抗衡北上潮流 ，我都見到好多人排隊呀 入去之前仲問咗老世仲有冇火山排骨老細答我有㗎 不過我入到去夥計又話冇嚕 唔緊要啦，都食到好飽，好食嘅 🤤係坐得冇以前咁舒服 生日係唔收切餅費 呢一點加分 👍