小果籽

營業中

休息中

幾年前已經去開，疫情少左出去，呢排經過先見到原來開多左間大d既舖位，坐得舒服好多呢。 雖然大左，但仍然係間好有人情味既小店，老闆娘都仲係咁nice. 呢度不嬲都舖仔細細但選擇多多，中式飯，西式意粉burger扒排有，仲有d輕食皇牌餐(其實份量超多一d都唔輕), 野飲都好多款式，有台式有鮮果汁， 總之次次都選擇困難啦。今次買外賣，見有個抗疫套餐，有蜜糖雞扒，焗薯，沙律，湯，蜂蜜綠茶，只係5十幾蚊。 佢d野係即叫即整，所以都等左幾個字，老闆娘仲好好咁提我下次可以whatsapp落單先，咁就唔駛等咁耐💛個雞扒真係整得好靚，塊皮脆既，肉質好juicy, 蜜糖味啱啱好；沙律份量好少，得一個醬料兜咁多，真係1啖食晒；湯有d seed喺入面，都幾好飲，但得半杯；焗薯好大個，所以睇落唔係好多野，其實都好飽；個配菜蕃茄仔係燒過既，好juicy好好食；蜂蜜綠茶夠熱，但甜左少少。呢d誠意又好食既小店真係要多d支持💪🏻

喺崇潔街果邊都有啲選擇，果日貪方便，是但去間小店或茶餐廳快食，原來呢間有兩個鋪位，開頭都唔知邊間先係，40號果間細鋪似乎係舊店嚟，再隔兩個鋪位就係新店，大好多，果時冇咩客，店員態度幾好～另外聽講要試吓蜜糖烤雞扒，可惜我果時想食清少少所以冇試，價錢可以接受，成個dinner套餐百零蚊都差唔多，嘢食比我想像中好，下次有機會試吓雞扒先！📍蔬菜意大利飯 （又唔記得價錢）佢有豆腐、菇同其他蔬菜，好開胃，啲汁啱啱好，好啱想食得清淡或素食嘅朋友，呢個份量夠一個一般胃口嘅女仔食，男仔就應該唔夠，跟餐有埋沙律或湯，同埋有是日甜品，甜品都ok😋

住係崇潔街附近一段時間，之前一直食開佢嘅健康餐，今日試吓西餐試咗呢個蜜糖雞扒，個樣幾靚仔，食先一啖就有驚喜！皮脆肉滑，甜甜哋，意粉口感好好，值得推介！見人哋食🐷胺好正，下次要試吓

💛💛💛小果籽💛💛💛土瓜灣紅磡既中間位，坦白講唔係附近有野做都唔會經依區。座位40個左右，假期Lunch time黎唔滿，唔洗等位。雖然Set lunch好吸引，但因為我地要快食，所以都無叫到，只係輕食！嗌左一份A+CA4 - 南瓜蓉雞牛角包，因為好少見有呢啲咁有特色既配料揀，一食落口就係好清甜無添加既南瓜蓉，之後就食到一絲絲既雞胸肉，又健康又好食！💕C5 - 惹味肉醬焗薯，感覺上個薯仔有洗乾淨，可以連皮食😂。肉醬普通，對得住個價錢，同埋都算飽。嗌左一份B+CB1+B4 - B區揀兩樣，我地揀左水果同煙肉薯仔沙律。水果包括有紅火龍果、菠蘿、哈密瓜。樣樣都甜，食落覺得生果算新鮮😍！煙仔薯仔沙律，正常啦。C7 - 酸忌廉煙肉焗薯，過多酸忌廉，多到唔好食，同時煙肉又唔係好夠，成份焗薯無鹹味到我要偷肉醬撈埋一齊食🤧。唔知係咪我唔識食呢。飲品方面正正常常，我哋飲咗凍奶茶，熱朱古力～店員有禮貌，上菜都好快💛💛💛埋單$135（無加一）

新手第一篇食評.上個月一次機緣巧合下經網上訂餐平台叫了一份牛角包餐，因為充滿著驚喜,這次專程到門市試其他食物.小店位於紅磡祟潔街美食街, 鋪頭有分新舊鋪,我這次是去舊店, 門面不算起眼, 面積比新店細,但有提供中菜選擇. 入鋪後,店員推介當日招牌菜花雕醉雞菜飯及陳皮冬瓜鴨腿燉湯飯, 兩款都很出色. 花雕醉雞菜飯醉雞上碟後已經見到用上花椒八角圓肉杞子干貝，雞肉入味鮮嫩，吃得出經過精心煮法. 菜飯炒飯底，吃下口粒粒分明，不油膩，加分呀！陳皮冬瓜鴨腿燉湯飯完全跟平時吃的鴨腿湯飯不一樣，湯有很香的陳皮味，鴨跟湯都完全不膩，冬瓜也吸收了鴨肉的肉汁，讚！ 聽說不是每天都有供應.總體來說價錢平民化,但食物質素高. 絕不馬虎,而且店員非常友善.  

我可以形容佢係隱世小店。 店面雖小，但食物非常美味。 羊架係必食，羊架的肉質唔會柴皮，佢個醬都好獨特。 有時，的店員都會吹下水，我去食個陣，就見到好多街坊熟客仔，當佐飯堂。人情味濃。呢間餐廳，唔會浪費食材，因為佢識得煮，識烹調。 值得一去再去

豐富的健康牛角包水果焗薯餐$78。👍今日係母親節，我們晚餐來到崇潔街唔知食乜好，一直行到最盡就見到呢間舖頭，本身啲餐都幾啱食，除咗有焗薯餐，仲有意粉同埋漢堡包，一望之下原來店入邊有文宣😍😍😍枱面有post 卡，貼紙同口罩套任攞！😃😃😃即係話唔食唔得✅我入到去可能今日太忙啦，人太多店員好快手咁落單，之後就上菜。整體來講嘢食水準不錯，係個湯有啲奇怪，什麼青瓜凍湯平時好少飲最咪仲有甜品送，係Tiramisu真係有驚喜！

呢期食lunch真係好鍾意去小果籽！舊店座位不多但捧場客就勁多，lunch經常爆滿！老闆們開新店，就係舊店隔兩個鋪位，大好多，坐得舒服啲，不過lunch價錢就貴左！照舊，order我最鍾意嘅小果籽皇牌套餐，兩款沙律搭個包，盛惠$58，好抵食！

飯堂小菓子開左新分店，即刻去幫襯支持下先！新店比舊店大左一倍有多，坐得舒服好緊要👍🏻 午餐依然保持一貫水準，價錢公道味道好，今日我試左招牌蜜糖烤雞扒加意粉，可自選不同醬汁！雞扒份量好足，個皮煎到好脆，鎖住左肉汁，一啖咬落去好juicy，蜜糖味好入味，反而意粉份量不多，但因為塊扒大塊，食埋已經啱啱好，我仲加錢轉咗個水果拼盤，食哂全部好滿足了老闆仲會不時推出特飲，絕對唔會食到悶，差不多一星期嚟食一兩次，話你飯堂實在當之無愧！

小果籽座位不多，但一到午市時間多數爆滿，但可提前whatsapp預約同下單，一去到就有位坐同食。店內座位不多，約有20個座位。是日我有預約，所以即刻有位坐，坐低就order左佢地嘅皇牌套餐，一款包+兩款沙律+一個焗薯連飲品都只係要$68，如果怕食唔晒，唔食食包或焗薯都得，價錢再平啲，好抵！包有4款選擇，我次次嚟到都係食牛角包，今次餡料就揀咗碎蛋沙律，兩款沙律分別揀左煙肉薯仔沙律同埋果籽沙律，而焗薯方面就揀咗黑椒蟹柳，成個餐份量超多，1個女仔食唔晒，味道相當不錯，尤其鐘意黑椒蟹柳配焗薯，好夾！店內仲有消毒酒精搓手液提供，好貼心！

Weekday 夜晚7:30 嚟，大約可坐20人小店，唔需要等位，但坐低後就不繼有人嚟，最後差不多坐滿🙂。餐廳提供多個選擇，點了兩個‘果籽皇牌A+B+C’,有包、沙拉、焗薯及餐飲。$68（晚餐要再加$10=$78），本來諗住唔係太貴應該份量唔多，點知每樣嘢都好足量😁。香草飽是比較香脆、餡料是有6種不同配搭：選了南瓜雞肉（好好味😋），沙律🥗就5選2，唔想太飽就點了水果同菜，滋味焗薯有7種口味（這間小店太利害了🥰）。焗薯好香薯仔🥔味，超讚👍🏻👍🏻👍🏻。因為樣樣都好正，食曬😙。有點後悔食得太多無試甜品😫（唯有下次呢🤪）PS,店員超nice又好細心💕💕💕

晚間 8pm 到訪，雖然是小店，坐位不多，亦不用等候。店員哥哥非常有禮招呼。餐牌的選擇甚為豐富，有扒餐、常餐、海南雞飯等，都寫在牆上。叫了牛油焗比目魚配炸薯條(亦可選飯、意粉、焗薯)，連田園沙律、飲品，也只是$108，可謂非常超值抵食。牛油焗比目魚非常好食，肉質嫩滑，但外皮煎得脆口，也頗為大份，是全餐亮點。配上番茄仔和檸檬，非常惹味！薯條和田園沙律，則屬不過不失。這個價位，真的很有誠意，無可挑剔!

位於小街的西餐小店，食物不錯，價錢合理，店員亦很friendly。小店黎講，餐牌的選擇甚為豐富，有包餐、扒餐、常餐、意粉、沙律，以致海南雞飯。當晚點了招牌漢堡竹炭包餐，配肉醬焗薯+沙律。漢堡包屬港式風味，竹炭包身塗上厚厚的牛油和醬汁，配料有流心煎蛋和煙肉。漢堡扒為手工製作，足料厚身，但肉汁不多。焗薯份量都唔細，肉醬惹味，略嫌焗得唔夠香。另外點了個沙律+焗薯set, 焗薯揀了黑椒蟹柳作配料，都好食。飲品就點了西瓜汁和哈密瓜汁，真材實料，絕冇加糖。

蜜糖烤雞扒蛋包飯,這個飯幾好吃,高質的肉,加甜甜的蕃茄這個墨魚餅必推介,佢係人手打的,唔似出面果d,係厚身的,初初我以為依一個係雞扒這個就係我切開後,可以望到係好厚肉,仲有配醬汁比我地這個牛油錫紙焗比目魚扒,可以自由配飯或意粉或薯菜,比目魚比常好吃,就連茄子也十分好味😋薯仔沙律,正正常常,可以一試依杯野飲絕對唔係用粉開出黎,係小店真材實料的,非常好飲

作為紅磡街坊，經常幫襯此店，除了跟餐可加水果外，食物質素超班，性價比十分高。差不多每隔幾天光顧一次，每次的水果都十分甜，餐飲可選新鮮果汁，香蕉奶十分推介！！主菜方面，我私心最愛蜜糖烤雞扒蛋包飯，雞扒烤到脆卜卜，蜜糖與嫩雞味道配合十分出色，飯底是茄汁飯，不太像港式那種，有些像西班牙飯的味道，微微酸甜。另外有不少日式、中式、西式菜單，是香港很少有的能夠兼顧食物的多樣性、健康、味道等等的小店最後一讚老闆的服務一流，對每位食客都照顧周到，這就是小店獨有的人情味