小桃園海鮮酒家

營業中

休息中

一家人去流浮山食海鮮慶生！🎂小桃園酒家果然冇令人失望！☺️炸生蠔大大隻！鮮美！龍蝦伊麵底鮮甜！伊麵有肉汁，特別好吃！清蒸蝦好味到不能停口！生炒骨酸酸甜甜，小朋友至愛！蒜蓉粉絲蒸扇貝粉絲滲入鮮美味道，令人回味！用支裝汽水，好夾！龍躉2食，一炒一炸！鹽焗花螺好好食呀！出面也較少見！😋

今次專登訂左海鮮拎去流浮山加工😆蒜蓉蒸蝦❤️好多蒜蓉，火候控制得好鹽焗蟹👍🏻多羔又夠肉炸生蠔🦪吾油膩👍🏻香口鬆脆蒜蓉粉絲蒸扇貝👍🏻多蒜蓉多粉絲，足料豉油炒大蝦❤️炒得好香口，蝦肉彈牙，龍躉三食：蒸炸炒😍超級好味廚師控制火候得好好，每道菜都無失手

開車過去，有指定八達通時鐘停車場，用膳免費，挺方便。但6:38pm 就話燒乳鴿賣晒，有點失望。幾個海鮮菜，簡簡單單，但係整得好食。蜜汁煎金𧐢，應該係屬於全港高水平級別。勝瓜粉絲蝦乾⋯ 當湯飲哂，一條粉絲都食埋 😘

早幾次嚟流浮山食海鮮都係幫襯實惠嘅 “明記”. 老友 “大咖” 識飲識食, 長期推介 “小桃園”, 話由細食到大. 今日初訪, 預咗貴過 “明記”, 但希望唔好大爆炸.🤗 “小桃園” 裝修屬飯店格局, 設多張6-8人圓枱, 喺流浮山嚟講算係高檔. 金魚缸喺餐廳側邊嘅 “興利海鮮”, 出奇地, 海鮮量唔特別多. 今日點咗五款海鮮: 龍蝦, 貴妃蚌, 蟶子, 鮑魚, 奄仔蟹.🦞 上湯焗澳洲龍蝦, 約一斤, 伊麵底. 龍蝦肉質結實彈牙, 啖啖肉, 份量足夠, 上湯伊麵好食.🐚 油鹽水浸貴妃蚌. 非常鮮甜, 爽口. 油鹽水味道偏淡, 但成功發揮貴妃蚌嘅鮮味, 不俗!🥰 豉椒炒蟶子. 啱啱熟, 蟶子厚肉爽口, 豉椒味道非常出色.🐚 果皮蒸鮑魚. 鮑魚彈牙, 唔韌, 果皮味道超優質.🦀 鹽焗奄仔蟹. 聞落香噴噴, 除咗蟹膏香, 仲有一陣牛油香味. 打開, 金黃色嘅蟹膏非常多, 啖啖膏, 啖啖肉, 一流!📖 根據介紹: 半鹹淡水嘅蟹要先凍暈, 再攞去蒸, 差唔多熟就攞去鹽焗.🍈 甜品: 密瓜. 爽甜.🤗 總結: 座位闊落舒服, 服務到位, 收碟換碟迅速, 上菜節奏舒服, 十個讚! 論食物, 海鮮質素

第二次你幫襯小桃園，如果係流浮山來講，佢環境叫坐得舒服啲。 都係幫襯佢啲海鮮， 喺門口揀咗，拎入嚟畀佢哋煮。 呢碟皮蛋酸薑， 要收費嘅 。個酸薑好爽口 ，不過有啲渣。佢嘅鹽焗蟹做得唔錯，好多羔， 不過今次比上次細隻。由於主要食海鮮所以淨係叫咗一點生炒骨同菜芯(冇影到)

我們一行七人原本打算在三聖或者流浮山食海鮮，最後因為交通問題選了在流浮山吃海鮮，見到小桃園嘅招牌，因為已經八點幾，限聚令嘅關係最遲10點要離場，所以沒有多選其他餐廳，就入咗去食飯。到餐廳後，有職員嚟我哋面前介紹菜式，我哋選咗幾樣海鮮向和小菜，有油泡鮮魷、蒜蓉蒸扇貝、鹽焗奄仔蟹、豉椒炒花甲、蒜蓉菜心、咕嚕肉、楊州炒飯及豉油王炒麵。油泡鮮魷賣相不太吸引，而且較淡味，食不出鮮味豉椒炒花甲食得出鮮味，賣相不錯，但有部份花甲唔開口，可能一早已經死咗職員推介我們點芥辣豉油食法，感覺幾新鮮，特別我們叫咗四隻，再切開8份，扇貝都算大隻，有鮮味，係蒸熟咗少少依家應該係奄仔蟹當造嘅季節，鹽焗奄仔蟹味道不錯，屬於呢晚最好食嘅一道餸，鹽味不會太鹹，蟹多膏，如果蟹嘅size再大啲會更好總結，其他小菜和炒飯炒麵都一般水準，最後埋單2000多元，以7人來說，都屬於幾便宜，如果大家係想一家人或者朋友食海鮮，想經濟實惠，這裏不過不失，都係一個選擇。

呢間海鮮酒家真係由細食到大 不過近呢幾年佢嘅味道好似比較清淡 成天食評我只係會評論佢嘅味道 因為啲海鮮佢哋只係負責加工個豉油王蝦碌整得唔錯 走油走得夠 夠晒脆 雖然味道唔算太濃 但係我覺得味道適中幾啱老人家呢兩碟蒜蓉蒸嘅嘢 我就唔多評論啦 因為都係一樣味 就係蒜蓉同豉油 但係我想講佢啲蒜蓉蒸嘅嘢真係唔夠鹹 如果鹹多少少就Perfect呢個豉椒蟶子我就略嫌佢啲豆豉味太重有啲苦 然後鹹味又唔夠咕嚕肉就偏酸甜味唔夠呢個炆魚唔會林晒 做得幾好但係又係唔夠鹹😂呢個油鹽焗奄仔 一定唔會唔夠鹹啦 因為係用鹽焗嘅🙈🙈

今日走去流浮山郊遊食海鮮行街市！先走入市場買海味，有各式各樣嘅海味可以買！白花膠啦！一斤＄300可以用來煲冰糖鮮奶燉花膠加紅棗，十分滋補！一定要去汝記買蠔油，還有金蠔、蝦醬、蝦膏等等今日食炸油池那間小食店冇開！可惜！尾站到最出名嘅小桃園食海鮮去流浮山必然一定要食生蠔啦！薑蔥爆生蠔好味道因為薑蔥配料夠多上枱煲上還是熱辣辣！正！再食酥炸生蠔，脆漿薄夠曬脆！一絕！流浮山四寶必然要叫!蒸腩仔肉、銀魚乾、蝦乾、魷魚乾！我本人至愛最啱撈飯或送酒招牌炸子雞配🦐片！又是我摯愛😋當然一定要有流浮山正菜及必食豉油王炒麵滿足的一餐因為係午餐！今晚可以唞一唞斷食

This seafood restaurant is a absolutely scam. They refused to openly weigh the seafood in front of us (which is a common practice at seafood restaurants) and then when the bill came, they charged way more than what they told us initially.The little plate of boiled shrimp we ordered, they charged us $260+ for less than a pound and the lobster initially he said it’s around $500+, but they ended up charging us almost $800+.Avoid this place unless if you want to get ripped off. Service was bad too!!

阿爸成日都鍾意黎呢間食海鮮，海鮮嘅價錢其實貴，我反而覺得佢哋嘅咕嚕肉好好食，出面完全搵唔到更好食嘅咕嚕肉，外脆內軟，就算係買外賣翻叮完之後都好好食，真係一分錢 一分貨。

難得放假，朋友開車帶我們入下白泥睇日落，跟住就順路去左流浮山食海鮮，我地就抱著極高期望。我地行過呢間餐廳，望入去都好闊落就揀左佢，但原來係中伏既開始。安排我地坐低後，原來係冇套餐選擇，一定係要買左海鮮再比佢地加工。職員就帶左我地去佢地相熟既海鮮檔購買海鮮，但就冇咩選擇，我地隨意叫左d大蝦、肉蟹、貴妃蚌和蛹蠔，睇到張收據大約買了$400。返回餐廳後職員就提議我地點煮，但全程都冇提及過加工價錢。當一上枱後，所有海鮮既size 都細了一半以上，特別是肉蟹，明明買個陣隻蝦係大過頭的，但經餐廳煮完後，蟹蓋size 比手掌還要細，我地全部人都呆曬～我地另外叫了一碟蒜蓉炒菜心，估計是先烚熟左菜心，再隨便加蒜炒兩下，非常失望。最後埋單，加多4支可樂要$1000，極不抵食，感覺做左水魚，絕對不會再光顧。🔸🔸🔸🔸🌟價錢 - 1/10 🌟回頭指數 - 0/10🔺地址: 流浮山正大街28號

唔係熟客慎入，冇禮貌十年都唔去一次流浮山，行過入去試吓，唔知食乜好緊係望吓餐牌睇下先啦，侍應寫菜第一句餐牌價錢唔啱㗎啦，咩意思呢 ? 叫雞冇雞（要訂喎）叫牛冇牛，雖然主打食海鮮第二件事，坐低飲啖茶仲恐怖，用來裝茶的是玻璃水杯，係我口裡面飲到支嘢以為係茶葉肚出來望吓原來係玻璃，水杯口甩出來的，如果我界親條脷或當茶葉吞咗點算，店員就咁拎開哎呀一句就咁算第三件事，因為限聚令無論張枱有幾大都係坐4人，咁啱我哋就係坐張6至8人枱大把位淨，侍應竟然將隔離枱熟客嘅外賣（兩大盒+兩碗）一句聲都冇講，就咁放係我哋張枱到

白灼九節蝦，香港唔係到到有得食，細細隻但好鮮甜椒鹽賴尿蝦，中等尺寸但爆多膏，出色本身叫辣酒煮花螺，但出咗嚟變咗個沙嗲汁煮花螺，味道唔差不過冇乜辣味，都係比較鍾意食辣酒煮白灼蝴蝶蚌，一年只有一兩個月有貨，真係要撞手神，因為個殼打開好似一隻蝴蝶而命名，大大隻肉質非常鮮甜，未試過一定要試吓生炒咕嚕肉，喜出望外，非常夠鑊氣，咕嚕肉又唔會太厚粉，好味果皮蒸鮑魚，蒸得啱啱好，都唔錯海鮮種類都算多，新鮮性價比高，價錢比西貢鯉魚門更經濟實惠，雖然位置遠啲但係值得一試

2大1小搵lunch食, 太太大肚有D野唔食得, 不是故意黎食海鮮所以隨便點了些家常菜,1. 蝦仁炒蛋: 好食, 蛋不會太老太嫩剛好, 不過蝦有大有小, 最小的蝦米咁大, 最大既都有D大蝦仁size2. 菜炒尤魚: 一般, 尤魚不太有味, 要靠點蝦漿3. 咸魚楊州炒飯: 驚喜, 佢炒既楊州炒飯已很不錯, 加上咸魚幾過引, 不過因太太和小朋友食唔多, 我一個人隊左大半碟, 後期就覺得有點漏服務好像是大家對這家的詬病, 大致同意, 木口木面咁, 正常order野正常落單咁, 另到我諗係唔係我唔叫你海鮮櫃D野, 就唔願做我生意?  不過公平點,  佢也冇講D咩, 純粹個人想法. 

今日老豆生日，一家人十幾個去咗流浮山食海鮮，屋企人行最前，我行最後拎住左個蛋糕，入到去鋪裡面，交咗個蛋糕比個樓面，個樓面將蛋糕擺低左喺張枱度，不停問我坐幾多號枱，因為我只係啱啱行入去，我都唔知坐幾多號枱，跟住亞妹番轉頭同我講原來搞錯左，我地入錯鋪，當我想同佢地道歉時，其中一個樓面就大聲狂叫左幾次「拎番走你個蛋糕！拎番走你個蛋糕！」另一個樓面就大叫「揸左車黎要揸番走！」（但我地係冇揸車）！當時真係好嬲，個蛋糕我一定會拎走，洗唔洗咁呢？雖然今次唔係幫襯佢地，但有經過今次嘅誤會，如果再去流浮山食海鮮都唔會幫襯呢間「小桃園海鮮酒家」！我覺得食物好唔好味係其次，最重要係服務態度！