小洋蔥 (已結業)

難得平日放假，到秀茂坪小洋蔥嘆個早餐，餐廳內環境優雅。平日的人流不太多，可以一個人坐一張枱。叫了個奶醬多士加番茄濃湯火腿通粉。奶醬多好味，多奶醬，只是略嫌烘得唔夠脆。番茄濃湯通粉超好味，濃底夠濃，酸甜度剛剛好。奶茶ok，只是茶味唔夠香和不夠熱。整體來說比起一般快餐點質素較好，價錢經濟大眾化，輕鬆享受一頓非常不錯。

小洋蔥餐廳，其實好多時星期六都會幫襯早餐，不過佢地嘅服務同食物質素都差左🙄。今早經歷，佢地應該人手唔夠，帶位、量體溫、派單、收錢，全部都係一個侍應做晒，見佢做倒踢晒腳咁🙄。講番食物，我媽咪叫果個餐，都幾抵食，$22蚊，一個蕃茄通粉加一杯熱飲，正常味道冇投訴。但我叫果份牛扒煎蛋餐 - 蛋 - 凍嘅；牛扒 - 柴皮夾冇味，微暖，應該係預先煎定，最慘連件多士都係凍嘅⋯⋯我立即叫店員作出投訴，叫左大約十分鐘先有人得閒過嚟😞，仲話轉過一份比我，我話取消呢個餐算啦😞。最終一句，冇下次😤

觀塘秀茂坪商場餐廳、食肆都有好幾間，但個人認為好食都係得小洋蔥，餐廳地方濶落，坐得舒服。今日星期日冇咩野做，就落去嘆番個午餐，可能假期關係，門口都企左好多人等位。鮮茄豚肉菠蘿焗飯+餐湯+餐飽+凍咖啡 $59先講個飽，黎到仲微微暖，幾軟淑，唔錯，但個湯我嫌唔夠熱，但茄味好濃郁；個焗飯黎到好香，芝士鋪滿成個飯面，咩事咁邪惡😋芝士同茄醬向來就係最佳配搭，攪勻啲飯一齊食，好開胃，豚肉都好多，冇骨，啖啖肉😋整體對個飯冇挑剔，但如果菠蘿粒再多番小小就更prefect😬

今日經過秀茂坪，經過小洋蔥，個卡位睇落好舒服同有d情調就入左去囉~叫左兩個扒餐餐跟包湯野飲要+$20餐包都算鬆軟，紅湯甜甜地，不過不失。而松露野菌湯有d松露味有d杰~好奇下再加 $12 叫個 滋味脆薯條薯條脆口，有口感紐西蘭草飼肉眼扒 $98老嫩之間，有d牛味，但唔夠生，不過不失特級牛柳 $98比較厚，成舊切落黎食落好有口感，牛味十足，嫩口，上桌個時仲有d血水~~同上面個肉眼對比下，可以話無得比~~~有推介呢個~~

今日下午黎左小洋蒽食lunch，我地兩個人叫左兩個午餐，一個carbonara、一個煎雞扒配意粉，但兩個餐都令我幾失望。首先，個餐包唔熱同硬身，唔夠鬆軟。羅宋湯還可以，有少少檸檬味。而忌廉湯都ok，不過味道可以再豐富啲。Carbonara就完全唔好味。意粉太硬， 而意粉汁就太”傑”，而且味道太淡。至於雞扒，一切就知件雞唔新鮮，而且唔嫩滑。意粉同樣係硬到癲。而個汁就鹹到條痢有啲痺添，真誇張。餐飲叫左凍奶茶同熱華田，普普通通，冇特別。但係佢服務極差。我地係咁揮手話落單都冇人理，有人行過黎就話等陣先啦，連續3個侍應都係咁，最後坐左10分鐘先落到單。我真係唔會再黎呢間餐廳食。

今日假期見附近都排晒長龍，呢間又有啲人但都算快有位，等左大約十分鐘有位，叫左兩個午餐，一個$52雞扒加司華力腸，同一個$54所謂“特色雜扒”...仲問我要咩汁...，等左45分鐘個雞扒加司華力腸嚟左，算正正常常不過凍冰冰，但個雜扒就............睇相啦!嚟到後我有再comfirm問多一次有冇嚟錯，個職員好唔耐煩答“無”，野飲又係勁慢先到，職員態度勁差，黑口黑面，以前都幫襯開，估唔到今日搞到咁差，我諗冇下次！

一連三日假期，冇出去旅遊的我，今早可以早起，同家人食個早餐，因近兩日周邊氣氛唔好，屋企人唔贊成去遠一點的地方，所以選附近商場的餐廳這間食店，係屋企人好推介的，可能係中秀茂坪嚟講，算係較有質素的西餐廳今日星期日，等位的人都幾多，取籌後，兩人都要等十幾份鐘先有位叫咗個吞拿魚厚多士配通粉火腿通粉先到，係蕃茄湯底，有少少蕃茄味，通粉較淋吞拿魚厚多士，麵包加上吞拿魚，再加上一片芝士焗成，多士入口都幾脆，有食pizza的口感，但芝士味較淡

咁啱去個頭做野，見個店名幾得意就試下😂😂而今次就嗌左個溫泉蛋卡邦尼意粉lunch set，50幾蚊就就食到個卡邦尼意粉，有埋餐湯，餐包同熱飲一杯性價比真係幾高🤤👍🏻首先個意粉都幾濃味而且都足料，好多煙肉同埋蘑菇咁，而個汁都幾濃幾杰下，意粉份量都幾多，我一個女仔真係成個餐食唔晒，不過美中不足嘅係隻溫泉蛋🥚太熟，唔係太流心😩，如果隻溫泉蛋係流心就好啦😭😭跟餐個羅宋湯同餐包就無咩特別🤔

約左朋友去秀茂坪行下，行過呢間見唔錯就入左去食，環境裝修唔錯我點左個肉眼扒，五成熟，但出到尼係過熟，似七成熟咁肉質偏老朋友點左個煎豬扒面，食左2啖發覺豬排未熟，同侍應講未熟，佢西西地面就咁拎左入廚房之後叫廚房炸翻熟

如標題一樣 餐牌啲嘢食越嚟越少而且質素都越嚟越低好似標題咁一個好有咬口 又凍 又咸唧千層麵咁都比佢哋整到出嚟都唔知話佢哋有創意虐待客人味覺定話佢哋資源浪費好如果店主睇到 不如你覆下

其實呢間小洋蔥都好耐無幫襯過因為佢地晚市個餐牌千篇一律之餘，出品都麻麻地 (比起啱啱開張個陣)所以都有一段時間無黎過...收工返上屋企前又要煩食咩好...經過小洋蔥見到佢轉左餐牌就停低睇睇小洋蔥一向主打西餐，今次見到餐牌多咗幾款中式小炒 (有黑椒炒肥牛、蝦仁炒蛋、椒鹽豬扒)價錢唔算貴...小菜+中湯+灼菜都係$5x橫掂諗唔到食乜好...一於俾多次機會試試佢啦不過有樣野一直無變過而又值得一讚既係職員服務態度一向都好好。無論係男女老幼都一樣，之前見佢請暑期工就諗住態度只會一般般，點知又幾好禮貌，證明餐廳係服務管理上做得好好。有讚就有彈，餐廳另一樣我認為要改善既地方就係衛生問題。好多時佢地既餐具都會有啲痴笠笠或者肥滕滕既感覺，餐具籃上經常無紙巾或者得一兩張。同埋每次黎都一定會見到蚊滋仔既出現，趕極都唔走，除左令人困擾之外仲好影響食物衛生。講左咁耐食物都到左啦。我叫既係椒鹽豬扒，份量比想像中多，印象中有大約六件豬扒件。每件都好厚實，亦都好香辣椒同蒜味。但煮得唔夠乾身，好多汁。理想既椒鹽豬扒係應該要乾身，而唔係濕到見汁。極其量呢個只可以稱為椒蒜炒豬扒。雖然呢道豬扒佢煮得好香，亦落左好多料頭。但居

在秀茂坪商場內,這餐廳算是一間有水準西餐廳,環境裝修唔錯,坐位寛闊,所以一到假日,好多時也要取票等位。至於呢到嘅早餐,我就最喜歡番茄湯通粉+焗吞拿魚厚多士,個番茄湯濃度剛剛好,唔會太稀,吞拿魚加上芝士焗嘅多士,好香口。另外,佢地嘅雞扒餐,仲有兩塊雞扒咁多。所以是早餐必選嘅餐廳

岩搬到秀茂坪呢區，第一次落商場食野，見到商場內除左美心，大快活，同M記外，呢間裝修比起同一個商場算唔錯，就入去試下，餐廳地方好闊落，卡坐都好闊下。望下餐牌，選擇都係一搬湯麵餐同西式餐果d，價錢$30-$40，凍飲要加$3😖今日點左個雞扒煎蛋，雞扒有兩塊，份量都算幾大，肉質🤔唔算大好味，不過三十幾蚊一個餐，要求唔好太高🤣煎蛋🍳應該係預先煎定，唔熱，凍檸茶，正常。阿女就點左蕃茄通粉配吞拿魚芝士多士$40，通粉都重蕃茄味，唔差，多士應該係即做，等得比較耐小小，味道黎講吞拿魚比較乾左小小，芝士味唔重🙄值得一提，咖啡☕️係好好飲嘅😋。整體黎講都算ok，會再試下午餐同晚市🤣

開張一段時間都係第一次嚟食 依間算係平民西餐喇~本生冇太大期望 但比想像中好先講依個湯 忌廉湯好香好濃 唔係平時街出面嘅罐頭忌廉湯 而蒜蓉包好香脆 即使我浸落湯咁食都仲係好香濃嘅蒜蓉味！正！然後我嗌咗個煙三文魚忌廉蘑菇意大利燴飯 味道係唔錯 不過飯嘅口感麻麻地 雖然唔可以攞真正正宗嘅意大利燴飯比 但係佢係似普通嘅白飯再煮爛啲 再加個白汁 影響到口感唔吸引 不過算係平民餐廳唔要求太高 而味道上比較清淡 有煙三文魚就會好啲 有反啲味最後野飲嗌咗杯檸蜜 依杯檸蜜味道好怪 應該係因為佢用冬蜜(?)嚟沖 導致好好好好好奇怪 飲咗兩啖就冇飲了 依杯個人覺得真係唔好嗌

14/4 星期日 晚餐《卡邦尼意粉》：有陣酸味，唔知正唔正常，我就唔係太習慣，不過友人食曬之後就冇唔舒服ge。《慢煮春雞》：腿肉嫩，胸肉柴。某d位置係粉紅色，同埋滲小小血水。問一個年輕男waiter係咪未熟，佢拎番入廚房之後出黎話「春雞d肉係咁ge顏色ge」。不過我都係唔敢食粉紅色ge部份。（另外，薯條太硬，一般）