小王牛肉麵 (已結業)

今日帶小孩去德福商場感受下聖誕🎄氣氛，去到第二期見到水牌寫4樓比較多餐廳集中，於是上到4樓一見少人等嘅餐廳就係小王牛肉麵。唔駛等位係帶小孩出街食嘢嘅首要條件！入咗見到午市套餐比較抵食，包括兩點涼菜和指定台式飲品。兩大兩小掉了三個午市套餐。半筋半肉湯麵🍜：一碗有兩舊半筋兩舊半肉，牛肉算是入味和牛味濃郁而且非常軟身，小孩也能咬到。湯底比較濃味，小孩食就覺得偏鹹。粗麵非常厚身，而且有咬口，不錯！如果湯麵加入紅蘿蔔或者白蘿蔔配合會更加出色、更加豐富。蚵仔🦪肉碎泡飯🍲：上枱時候熱辣辣，蚵仔🦪算正常份量，加入胡椒粉更能提升味道，泡飯還有一些芫茜、香菇配合，覺得很美味！珍珠奶茶🥤：算好飲，茶味較濃，珍珠不夠甜！荔枝玉露🥤：小孩本身喜歡荔枝味，他說好喝，有玉露配合口感豐富。我是店員比較大意，並沒有隨餐奉上兩碟兩菜，直至我們吃飽飽才醒起應該有涼菜便詢問店員，他們說真的忘記了！這就是一敗筆！大家已經吃飽飽，即使涼菜好吃也不太想吃吧！

以前在沙田的小王牛肉麵吃過並且持續了挺長時間，很喜歡的味道。後來搬到九龍灣，很少吃。昨天是想再去試試看，但是十分的失望。首先環境衛生不過關，還未吃飯，我已經有點覺得不乾淨。其次，點餐上來的菜也是溫溫的，明顯是之前做好再加熱的。我們點了二人餐，蔥爆牛肉，不是現炒的味道真的有點奇怪，三杯雞算好一些些，但薑片和大蒜多過雞肉塊。花枝羹和蚵仔湯基本就是生粉加水，很稀。給仔仔點了半筋半肉牛肉麵，面本身還算可以，但肉和牛筋的味道真是不敢恭維。最後，小王的香腸以前配蒜片，現在也沒有蒜片，分量也減少了。一個品牌，有沒有用心去做，顧客真的很容易就感受到。這一間，從此應該不再去了，其他分店，也不敢嘗試了。

味道太過清淡，沒有牛肉香只有牛肉臭味。食過香港好多間台灣嘢呢間最難食👎🏻價錢偏高仲要加一，份量算少。如果唔係行九龍灣求其搵間食都唔會發現咁令人失望嘅台灣餐廳。

以前都幫襯過幾次小王牛肉麵，九龍灣依家都第一次過嚟嗌左牛肉麵，真係幾鍾意佢哋個湯底同埋粗面，另外就係炸雞扒面，嗰個炸粉真係好有台灣感覺不過我鍾意以前嗰啲餐牌選擇多啲，而家好似車仔麵咁樣樣都要自己揀，食唔番之前嗰隻味道

下午茶時段來點了這個，半筋半肉牛肉麵，餐飲可加10元配珍珠奶茶。麵有些部分粘在一起分不開，湯底藥材味重不會過苦澀，這部分覺得不錯。有台灣風味的，感覺上味精不重，有咬口的粗幼適中，但需要加一服務費，價錢還可以接受的。

今日約了同事出外吃午飯，但到午飯時間德福的食市通常都很爆滿，不是那麼容易找到座位，後來見這間不是太多人等候，所以就選這間吧! 幸運地剛有客人走，所以不用等太久就可以入坐。由於我們有ㄧ段時間沒有光顧，發現餐牌上多了個午市套餐，但款式明顯不多。我倆都不約而同地點台式滷肉滷蛋飯套餐，套餐是包小食和飲品，我們另外再額外各人加$12，點多份台式大排和鹽酥雞排。台式滷肉蛋飯做得不錯，小食的茄子和滷豆腐都不過不失。但台式大排份量就比較小，外面有一些黑胡椒粒，味道帶甜，肉質很實。同事的鹽酥雞排就好得多，外層香脆，鹽酥味剛剛好，但份量明顯比散叫小，故實際上套餐和散叫價錢都是差不多！飲品方面，荔枝玉露和金桔鮮檸綠茶就不過不失，味道沒有什麼特別吧! 不過，待應送這兩杯飲品來的時間，我們分辨不出那杯是荔枝玉露，因此再問他那杯是荔枝玉露，誰知他做了個好不屑的眼神，然後指其中一杯便走了。其實先前光顧時待應態度都不是太禮貌，常常用一些不屑的目光和差劣的行為去對待客人，這樣對餐廳影響很大。其實這裡的食物不算差，但侍應的服務真係有極大的改善空間。

中午和朋友一起出嚟食饭想求其食啲 外面睇呢家面馆感觉还唔错就进去食了一下 冇想到一进去服务态度就极差 我和朋友一人一份菜单 我哋两人分别喺各自嘅单子上勾了想食嘅菜并递畀伙计 伙计讲我哋浪费纸了 点解唔写喺同一张菜单上 嗰我想请问你点解唔放一张菜单喺台上？呢就算了 我可以忍 当上菜阵 也唔讲畀我知们上嘅系乜 害得我以为上错菜了 菜品也并唔好食 食材睇着很唔新鲜 最让我嬲嘅系埋单阵 伙计还揾错钱了 一直唔承认 还诬陷我系我畀钱阵冇数好 咁点屙尿宜你都要贪嗰我真嘅系无语了 最后仲系唔耐烦嘅把钱畀我了 反正呢家店我系拉黑了 再也唔会去食了 也会告诉身边嘅朋友唔好去食 难怪之前嚟食阵就冇乜人 原嚟系因为服务态度差 菜难食 我认为伙计可以唔使干了 咁一副自己最牛嘅样我都唔好意思让你服务了呢

星期一因為去零碳天地果邊參觀，咁就順便去埋德福食野先去啦。因為其實小王唔係好近我平時去開既地方，咁德福呢到有就緊係食返次啦！我大約三點左右黎到，咁就唔洗等即刻有位。入到去都係得四五枱人咋。佢個下午茶餐又抵既，一個肉燥豬扒飯配珍珠奶茶都係$48咋珍珠奶茶我叫左少甜，茶味幾濃幾香，少甜我都仲覺得甜左少少咁，睇下下次有無得叫微甜喇😩 珍珠一般般同埋量都偏小。不過咁既價錢包杯珍奶都無咩好吐糟肉燥豬扒飯方面，肉燥都幾出色，肥瘦一半，食落唔膩，拌飯食岩岩好！飯質就偏硬，男朋友形容好似無煮過咁不過見仁見智啦，我覺得食得落既；不過如果煮耐啲就好啦。 我都有半年無食小王，豬扒既水準一直維持到下午茶豬扒份量會小啲，但係一樣咁好食總括黎講，食過咁多次小王既豬扒飯都無失望過

中午12:51入座，12:53分点单（我一个人黎食，习惯睇时间，唔系我乱吹时间）过左几分钟上送，就计佢三分钟後送黎嘅，12:57。我食完13:21，饮住杯嘢。一个差唔多三十岁阿姐过黎收：类d要唔要啊！我啲有用餐时间啊！你够钟了喔！我？？？？？阿姐你系猪食饭咩？一份午市套餐加份小食，你三十分钟唔够就食完了？哇！不得了不得了，得闲想睇睇你地间铺员工食饭，没去过乡下地方，我没见过猪食嘢，刚刚好开下眼界！nice！期待你地公司邀请我！盼复哦～

📍鹽酥炸雞排拉麵 雞排如圖所示超級大塊，但是真正的肉感覺很少，因為雞扒表面的炸粉佔了厚厚的一層，爆痘神奇非它莫屬😂。雞排的肉拉麵口感也不夠爽口，可能煮太耐關係。不夠入味，然後炸得比較硬，不夠juice唯一的好處就是份量多🤐吧。

好耐無寫食評，但係不吐不快，呢間小王平時好少幫襯因爲食物好一般，但下午茶時間週圍都多人，係佢有位就是旦！我家姐原本想食吐司，但侍應無麵包，就叫左個［半筋半麵］，個麵上枱我地都登大左眼，成碗麵得三件筋一件同手指公咁大嘅牛肉，但我地都無諗住投訴反正唔太肚餓，直到有對情侶坐我响我地隔離，又係叫呢個麵，一上枱佢個反應又係疑惑點解個麵明明寫「半筋半肉」但上枱碗麵九成都係筋得一舊肉，佢於是乎投訴，但姐姐態度非常差：「你叫嘅係咪下午茶餐，下午茶係一舊肉，你要多啲肉就加$30會多一舊肉」，哇～加錢都係多一舊咁大把🤔咁個男人就好嬲話要投訴去消委會，因為咁樣有誤導成份，於是乎姐姐叫經理嚟，個經理都係講返同一說話，問佢咁你換過定係點，咁佢就換咗第二樣。事件去到呢度其實我哋都唔關事，但當我地食完飲緊嘢嘅時候，態度差個姐姐同我地講佢哋夠鐘食飯，要我地走佢哋要食飯，話我地想傾計就坐另外一到，我哋當然唔肯，因為佢態度真係很差，個姐姐係跟住大力將兩張枱拍埋大力將佢筒飯放喺我哋隔離! 今時今日咁樣服務態度，食物質素又唔係好，唔知仲可生存幾耐😡

其實自己係開九龍灣度返工， 今次就去咗呢一間小王牛肉麵，試左佢嘅牛筋麵， 其實佢碗嘢又唔會話算太貴，牛筋都好煙韌，個面亦都算係粗身，而且食嗰時好有texture，同埋個湯都香濃好飲。 當然唔可以媲美台灣啲牛肉麵，但其實呢一間已經算唔錯啦!

早做完野收工，去食左個下午茶餐叫左個台式肉燥醬牛展飯加沙律，飲品送山渣冰茶，本身以為可以加錢加配料，但原來下午茶餐係唔可以碗飯好大碗食完好流，幾正沙律都好大碗好多沙律醬，好似每一層菜都有倒沙律醬咁

食物質素和價錢尚可接受，但服務態度可以更好。入座的時候沒有說明入座開始計一小時用餐時間，在還差五分鐘才夠一小時的時候，就要求我們盡快離開，又聲稱我們已經用膳超過一小時。用膳前朋友要求要三杯水，但最後只有一杯。

放工到德福廣場逛逛，行到咁上下，又到揾食時間，今次揀咗位於二期嘅《小王牛肉麵》。店舖面積不大，座位與座位之間相距有點逼。叫咗碗原汁牛筋麵 ($56)，大大碗上枱，湯底味道濃郁，我揀咗手切麵，煙煙韌韌有咬口，牛筋份量都好足，炆得夠腍夠入味。另外加咗個台式小食鹽酥蚵仔 ($36)，炸好即上，熱辣辣好吸引，外脆內軟，滋味不俗。唯獨是蠔仔太細粒，食落冇蠔味，略為失色。呢度D食物口味較重，食完之後有點口乾，所以追加一杯冰凍嘅胚芽珍珠奶茶 (跟餐減$10)，味道唔錯。