小王牛肉麵

營業中

休息中

下午茶時間入去完全唔洗等位，環境乾淨舒服。我點左個麻辣牛肉湯麵，牛肉同鴨血唔算太入味，但麻辣湯底香濃，入口有香辣的麻辣味滲出，麵條吸收了麻辣汁，非常味美。另外配了鴨屎香檸檬茶，檸檬香氣撲鼻，十分好飲

啱啱去完斧山道游泳池游完，游完見有啲肚餓，就過左嚟荷里活廣場搵食，行行下見到呢間門口有個牌塊，上面又有西多又有珍珠奶茶，正正合我心意就入嚟試一試。先講講佢嘅厚西多，饀料就相對偏少，佢跟嚟嘅西多糖漿較為似蜜糖，唔係太夠甜，整個西多口味偏咸，個人就唔太欣賞。同埋佢嘅厚度唔算真係好厚，同一般西多無異。果2串腸仔就烤得算香口，少少焦都幾好食。最驚喜都係杯珍珠奶茶，入口冰涼已經夠舒服。而佢嘅茶味十分之濃，唔會太甜就啱哂我口味。而珍珠奶茶嘅珍珠就唔會太軟唔會太硬，煙煙unun咁口感很好。

服務態度極差今日入去諗住食個午餐一入到去 我好自然話一位求其指一張枱 （係唔識講嘢嘅佢哋）叫完個餐 飲品方面我有少少要求 就係少甜同咗姐姐講 佢唔理我一狗行咗去 勁 叫返佢返嚟 仲要問我做咩事 （勁大聲）埋單嘅時候 佢好似好忙咁我就攞住張單畀佢 我就企喺佢隔離佢扮睇唔到繼續做佢自己嘢 之後我成張單就掉喺佢檯面 （sorry忍唔到）店內全部都係呀姐 服務態度可想言之受到氣可以去試下食

今日下午2點24分路過見這家台式想試一吓, 叫了蚵仔花枝泡飯, 表面看上沒問題, 誰知食落發覺是生米, 即時通知侍應, 侍應話佢哋用珍珠米是這樣冇問題, 她可以拎回去叫廚房再煮, 我當然不接受,我說換過第二樣, 佢話第二樣唔同價錢； 我又唔係食唔起, 唔同價錢好正常, 最後換了半筋半肉湯麵.食後感：蚵仔泡飯湯稍鹹及生米, 牛肉肉質淡而無味, 湯不濃面亦淡, 從來未食過如此差的食肆, 中大伏, 午市須加一.早知等多幾分鐘兩點半先下單有下午茶唔使浪費金錢.

呢日係附近行街，到晚餐時間因為選擇困難症揀症勁耐最後揀左食小王牛肉麵。。。我哋叫左半筋半肉麵、台式滷肉油炸大排飯、胡椒鹹菜粉腸鍋同埋叫左杯香芋珍珠奶蓋。 半筋半肉麵肉既份量都夠多，筋同肉都各有3-4嚿，而最驚嘆係啲肉已經煮到好冧，輕輕一咬就散，有一嚿係係肉包筋，岩晒我呢啲鍾意食筋既人😂而個湯底都好濃藥材湯味，不過有少少偏鹹。 而個大排飯就唔係好岩我，佢落左啲類似香料粉係嚿排到，而啲滷肉都唔係普通係台灣食果啲味，有好濃既香料味。所以最後都係我朋友食呢個飯。 而個鍋應該要配飯食會好食啲，因為驚食唔晒我哋無額外叫飯，原本諗住配滷肉飯食，但點知個飯又唔好食🫠 最後變左齋食個鍋，啲粉腸都煮到好冧，仲加咗啲菇入去，味道雖然不錯，但略嫌啲料太少，如果單點個鍋加飯應該都會覺得啲餸太少。最後個飲品就係普通既香芋珍珠加奶蓋，無特別好飲。

話說今日同女朋友出去食嘢咁啱去荷里活買嘢見到間小王麵館排晒隊好似好吸引入去嗌完嘢食 個麵就一早嚟咗 食晒碗麵飲晒杯嘢小食先到我都算… 嚟到啲小食難食到PK食嘢價錢貴都算，鹽酥雞勁少雞，蠔仔餅勁小蠔勁多蔥勁多粉，蓮藕難食過「絕味」蓮藕仲要放咗好耐全部都睇唔落食唔落紫色蓮藕 鹽酥雞少雞 一面三餸一嘢飲 埋單260得碗麵係擺得落口 同嘢飲都飲得落其他三樣小食 送都唔想要冇咩事都唔好食呢間除非真係鍾意牛肉麵，又唔介意難食

小王牛肉麵，面彈牙(食得出新鮮整)，湯用牛骨煲，味道啱啱好，牛肉唔柴，配菜夠新鮮，價錢合理. 食個六兩三 or other brand. No one can beat this one with its price. 今次第一次試清燉牛坑腩湯麵, 反而覺得啲牛腩冇咁靚. 個胡椒湯底好出色，夠辣.唔明白點解會有咁多-ve comments. 不過可能各花入各眼, 唔緊要，邀請大家彼此機會佢. 藉此喺度留個記錄. Hope this shop can last

好耐冇嚟食，叫個半筋半肉麵。已經專登選咗要軟麵，落咗單，唔駛一分鐘就嚟到，速度好快，一夾個麵，一餅黐埋一舊，好明顯冇咩煮過。我已經揀咗軟麵，點都整一整呀，唔係做咩要俾我揀呢？我叫員工過嚟，我話，我揀「軟」喎，我夾起俾佢哋睇，佢哋起初好似過得冇問題。我繼續重申，你有得俾我揀，咁點解會咁呢，另一個員工冇耐地話，我換過俾你啦。不過，我知道佢哋攞到入去，都係倒，咁實在太浪費，所以，我話唔駛。我只係想話俾佢哋知，呢個價錢，真係唔可以就咁攞俾客人食。

最近同friend咁啱去到位於鑽石山既荷里活廣場 行過小王牛肉麵，決定試試佢哋嘅半筋半肉麵，同大家分享返呢次用餐嘅感受先講下價格，我覺得小王牛肉麵嘅價格偏貴，性價比唔高。畢竟，我覺得用呢個價錢可以揾到更好味同滿足嘅麵食選擇。至於味道，我要承認呢碗半筋半肉麵嘅味道真係唔太出眾。湯頭有啲平平，唔夠濃郁，牛肉同筋肉嘅質感亦都冇帶出咁嘅鮮美。如果你追求味道上嘅高滿足感，可能會有啲失望。服務方面，有啲起伏。間中有人過黎幫手倒水，但唔係每次都係咁主動。有時候會稍微慢條斯理啲。如果係服務方面更加細心同一致，會令用餐體驗更佳。環境方面，小王牛肉麵嘅餐廳環境比較簡單舒適，冇太多特別嘅裝飾。如果你追求環境上嘅特色同氛圍，可能會覺得少咗啲吸引力。總括而言，小王牛肉麵嘅半筋半肉麵係一個選擇，但性價比唔高。價格偏貴，味道亦都唔太出眾。服務方面有啲起伏，環境比較簡單。如果你追求平價同滿足嘅麵食選擇，可能會揾到更好嘅選擇。

Honey在外地工作一段長時間，一回香港，就到小王吃台式牛肉麵。上openrice看看，才知道只餘下荷里活廣場的小王牛肉麵，點解呢？都幾好食呀。不算貴：Honey 點台式牛筋麵。味道依舊，牛筋不少，炆得淋軟，但又不失煙韌的口感。而且手拉麵也好有口感，很有「趙口」。湯頭甜，不鹹，有藥材的香味。我點滷肉飯。其實我不懂得分台式滷肉飯和台式肉燥飯。但是這個魯肉飯，不肥，肉汁甜甜的。不過，就稍嫌米飯有點硬，不似台灣米，似吃泰國香米。我點柑桔綠茶，好飲。

晚市，兩個人到荷里活找食。覺得這裡都算寬敞，兩個人都可給我們坐卡位。食物選擇繁多，有飽食，又可輕食。我哋選擇了兩個麵，一個係黑蒜淨麵，另一是清湯淨麵，加了一個雜錦滷水拼盤和蚵仔煎。雖是清湯淨麵，但味道並不淡而無味，配上兩款的濃味小食，很好。黑蒜淨麵，不太聚焦黑蒜，反而個湯底覺得濃而香。碟滷水拼盤，有細細炸豆腐粒、牛展、肥腸、兩隻雞翼和一開二的滷蛋。豆腐粒好好食，沒有油膩味，也不會硬和老。牛展和肥腸口感一流，而且不會過鹹。只是雞翼煮久了，骨肉分離。但這碟價錢、份量和食物質素來講，「抵」。另外，蚵仔煎，令我哋感到意外。它看來，很多菜，本想應該軟淋，但卻很香脆。而且菜令人不會食滯哩。加上特製辣醬，簡直一流。呢餐真的非常飽和滿足😬

紅燒牛肉麵，有條大小棠菜同幾舊都唔細嘅牛肉湯底味道算濃郁，但feel到味精，具有濃厚的牛肉味和香味，麵條ok Q彈有咬口。份量大，能夠滿足一般胃口了唔駛點樣等位就入得

香港淨下一間台式小王牛肉麵，經過就嚟試吓地方環境唔錯Woo厚西多士$36雜菜沙律夠大份好新鮮爽脆可口，多士炸得黃金般但一點都不厚，好普通週日下午茶，只能散叫冇得跟餐

雞排細左好多，以前好大塊，大到同個木盤一樣大，而家...可能大雞劏哂，得返雞仔掛😑😑😑不過麵唔錯，豬同雞牛扒亦好食，係有啲痴牙🤣🤣👍餃子都幾好，皮唔厚，料又多，又冇爛👍👍飲品睇相好似好大樽，我嗰陣仲諗一樽可能飲唔哂，不過又想飲，就叫啦。點知黎到既樽😵😵😵同一個普通杯差唔多size，什至更小🤣🤣🤣不過都幾好飲既，但係，唔夠飲囉☹️☹️☹️ps：我地填完餐牌，比侍應呀姐，姐姐睇緊我地寫食乜時，有另一個呀姐走埋黎睇，睇左喺度講：有碗麵未賣出😒😒😒阿姐，你賣唔賣出，諗唔諗住比我地，都唔好喺我地面前講出黎啦，你話請我地食就話姐😑😑😑😑你而家喺我地面前講，我O左咀囉😒😒😒

台式炸醬面🍜 $52面的粗幼軟硬可任意選擇（我選擇了硬）、也可以配搭酸菜&蔥，增加味蕾的變化🤣；口感有咬勁；肉醬偏甜、而且份量多🫰🏻，有豆腐丁增加口感👍🏻口水雞翼 $38不會太過辛辣🌶️，不能吃辣🥵的人也可以入口🤣；但價值略微貴（$38得3隻雞翼😬）分數：？/10食物🥘：6.5/10環境🏞️：8/10服務👩🏻‍🍳：8/10價錢💰：6/10總體而言：交通🚦便捷，商場在地鐵站🚉附近；環境舒適；服務態度正常（手機📱下單，不能知悉全面的服務態度😆）；食物質素不錯（我成日去食同一個面的🫶🏻）