小王牛肉麵

營業中

休息中

一直麵想試哩間牛肉麵，今日終於有機會試。同男朋友一人叫咗一碗麵加野飲，再加咗個鹽酥雞，不過一開始職員應該攪錯咗我地張單漏咗落單，所以都坐咗15分鐘先有野食排骨幼麵，一黎到我以為係雞泡魚干，又乾又薄咁一啲都唔吸引，食落口就正常嘅半筋半肉牛肉粗麵，我揀咗養生湯底，味道好濃帶苦，筋肉都淋嘅最出事係個鹽酥雞，食落口有陣雪味，略嫌少乾🥲三樣嘢都係正常分量野飲就揀咗珍珠奶茶同埋奶蓋香芋珍珠，珍珠奶茶Okay有茶香，但個奶蓋香芋珍珠就一般，奶蓋又少就🥲香芋粉粉地死甜總結係雖然我唔會比負評，但係係一間唔會再去嘅食店

今日同老婆去咗小王食牛肉麵同雞扒飯，點知兩樣都差到咁？啲半根半肉好似湯渣，個湯底難飲到想嘔🤮，d麺都未熟，重係白色。個飯d雞扒咸到死😵唔會再去食。真係估唔到小王越嚟越差，咁落去，我估好快執笠都似？

📍小王牛肉麵📍💡鑽石山今日去完朋友屋企，諗緊食夜晚食乜好，見好耐冇食台灣嘢，就見到呢間，聞到好香嘅牛味就決定入去食。🐥半筋半肉麵 一碗牛肉麵上面會有一匙羹酸菜，酸菜再加埋個養生牛骨湯好夾，牛肉同牛筋都入味同軟身，個湯底超濃。至於粗麵非常有咬口，唔錯🐥鹽酥炸雞扒麵塊雞扒睇相好大，但其實食落唔多🤣因為嗰炸粉都厚，都好新鮮熱辣，不過就好熱氣，最後就梗係叫埋杯珍珠奶茶飲啦，珍珠有咬口而且奶茶有茶味，令自己有去返台灣嘅感覺

同好姐妹一行4人收工後係荷里活睇戲～睇戲前食過快飯，姐妹話想食麵類咁就揀咗小王。。。嗌左4碗筋腩麵一個跟胡椒豬肚湯底另外3個都係牛肉湯底胡椒豬肚湯底係有辣味既，但唔係好襯個麵🌚都係牛肉湯底正路d湯麵有粗幼麵揀，同湯底好彩都夠熱另外，嗌左碟A菜味道ok，份量ok朋友嗌左條台灣腸😂😂😂想滿足大腸包小腸既情壞，係失敗既餐廳寬敞，坐得都舒服係職員態度怪怪，食物可入口，但非常普通唔會話想下次再幫襯去食。。。

今天要到鑽石山做嘢，求其搵間醫肚，左搵右搵，最後就選擇了這間餐廳。蚵仔豬大腸麵線配珍珠奶茶 （忘記影飲品😜）蚵仔太腥、豬大腸味太濃，味道感覺不太乾淨。麵線口感不太好味。台南新竹炒米粉配熱金桔鮮檸綠茶 （忘記影飲品）看似很好味，食兩啖之後，覺得非常油膩，很快就會令人不想再吃下去。兩個套餐都送雞翼同花生。兩隻雞翼，未食前就看到皮的表面有幾條細毛，而且雞翼不夠入味，花生就沒有什麼特別。總括來說，可以選擇都不會再光顧。

牛肉黎講我覺得小王算係好ok的，平時都食開半筋半肉牛肉麵，湯底都好濃郁，加入佢有配菜配搭，食落唔會咁‘溜’今次我就改左食胡椒湯，非常強勁既胡椒辛辣感令到我食到出哂汗，冬天就非常暖胃

今日約左兩個好耐無見的朋友到鑽石山食野。朋友建議食呢間。一於比多次機會呢間小王。點解咁講呢，因為曾經食過一次德福分店覺得麻麻地 🙊，自此以後都無再食。 ➰小食➰1.鹽酥花枝丸（$33）正常發揮的花枝丸，彈牙，但有少少咸。2.甘梅地瓜🍠（ $30 ）地瓜炸得金黃酥脆，配上甘梅粉好好味道。3.紅油抄手（$32 ）好普通的紅油抄手，唔辣唔夠味唔入味。4.手抓餅🥨（$20 ）➰主食➰1.半斤半肉面🍜（$62 ）我地揀左養生牛骨湯🍜，湯底有少少藥材味，麵質都幾香、幾彈牙、幾好食👌，牛肉好𣺉。2.台式滷肉鹽酥雞扒飯🍛（$68 ）鹽酥雞美味可口，配上滷肉送飯，唔錯，幾好食。➰飲品➰1.香芋珍珠鮮奶茶🥤（$23）珍珠煙韌，但香芋味有少少假。好普通的飲品。2.黑糖薑母茶☕️（$19 ）

今天和男朋友一起去小王牛肉麵吃台式麵食。我叫了牛肉麵，最簡單也是最美味的選擇。牛肉又香又嫩，湯頭濃郁，十分吸引，麵彈牙，煮得剛好，一個完美之配搭，值得大力推薦。男朋友叫了排骨麵，排骨炸得金黃香脆，排骨足夠地大份量，麵依然彈，十分爽，湯頭同樣香濃，正。麵食都十分好吃，讚!我叫了香芋珍珠奶茶，香芋味不是死甜，十分欣賞，珍珠也很彈牙。男朋友叫了水果花茶，十分清新，不太甜，水果和茶的味道也很足。價錢不貴，但很有台灣的感覺喔！

今日諗住去小王食完早餐先去睇場戲,點知食到一肚氣,點餐冇人理,叫左幾次先有人過來都算數,之後等左好耐都未有.再問先話漏單,最好笑我坐近出餐位,見到D早餐出左但冇人送,係咪諗住灘凍比客人食呢?D待應好似暑期工咁,個管理好有問題.

同朋友行街，行到半路大家都肚餓，但大家都唔想食得太heavy，所以朋友就揀咗呢一間麵店。都等咗一段時間先有位，大概25分鐘左右。入到去睇到舖頭，坐嘅位都算舒服，可能因為空間夠。當收到Menu嘅時候，就發現冇任何set ，全部只可以散叫。因為朋友比較肚餓，我就一半半，所以我就揀咗啲小食同佢share，而朋友就揀咗一碗麵。所有小食都算OK嘅，份量可能啱啱夠兩個人食，味道方便都算唔錯，我揀咗鹽酥蚵仔，麻醬青瓜，鹽酥杏鮑菇，朋友就揀咗半腩半根麵，朋友覺得面都算彈牙，因為可以俾你揀麵嘅軟硬程度。我都叫咗杯香芋珍珠奶茶，份量方面我覺得比較少，可能比女仔有冇比較合適啲。整體來講餐廳都算普普通通。

今晚約咗朋友仔去🤤荷里活廣場食晚飯😋，揀咗你呢間餐廳食🐂牛肉麵🍜。朋友仔揀咗呢個清燉牛坑腩湯麵🍜，湯底係胡椒牛骨白湯，🐂牛坑腩軟𣺉香滑，胡椒牛骨白湯飲落感覺好暖胃👍。我揀呢碗就係養生牛骨湯🍜，湯底🥣有藥材味，麵質都幾香幾好食👌，牛肉🐂好𣺉吸晒啲藥材湯味就變得冇乜牛肉味喇～鹽酥蚵仔🦪平時比較少見🤤，其實啲蚵仔🦪都算幾大粒😋，鹽酥香脆粒粒分明👍，蚵仔🦪味濃幾啱我口味！鹽酥杏鮑菇🍄外酥脆，咬落都幾𣺉同埋有🍄菇香，亦都幾 juicy 👍好味😋！

早餐落單後，收銀落單職員確認點餐食物後無落單，直至20分鐘後追單，檯面職員仍不肯幫手追單，隔離遲過我落單的客，都已經食完走人，第二次再追單，查到原來係無落單，追左2個不同職員，態度不理不釆，佢地繼續招呼新的客，一句唔好意思都無。由於全場得3個再問職員，我再問第三個職員，佢就即刻叫收銀幫我落返單，但收銀話佢埋緊一張單，所以唔肯幫我落返單。遲我10分鐘既隔離再隔離既檯，落左單之後好耐d野食都無來，最後都走左無食（但係後面最少5檯遲入既客就已經食緊早餐）等左25分鐘，漏左單已經唔岩，仲要唔肯幫個客落返單係咩玩法？絕對唔會再幫襯。

相信現在一想到台灣菜，都沒有人會想到小王牛肉麵，畢竟各區都有高質的台灣小店。不過今天懶得出去，於是叫了deliveroo，足足等了個半鐘，所以食物質素當於受影響，不過跟小王無關。☛☛肉燥拌麵一直都愛吃這個拌麵，想吃有咬口的麵條，小王是個理想的選擇，麵粗身，可惜的是送餐時間太長，麵都結成一陀，軟了一點。肉燥味道不會很濃很油，很合我的胃口。可惜的是寡了一點，沒有其他配菜。☛☛酥炸排骨麵這個就很還好，排骨醃得很甜，不好吃，配了幼麵，整體比較軟身。加了錢配了胡椒湯底，只有辣但不香。

以往便經常到小王牛肉麵店光顧，因而今天又特意與男朋友前來回味一番。餐廳裝潢用上紅磚配搭木系設計，再使用上長形白色吊燈，整體感覺是簡樸整潔。水果茉莉茶飲品點選了微糖，是使用上青檸檬、蘋果等多款水果製作而成的，飲用味道鮮甜芳香，清膩解渴。半筋半肉麵麵款是男朋友點選的，其湯底為養生牛骨湯，朋友說飲用時味道較為清淡，沒有以前濃厚的藥材香氣，讓他略為失望。但其餘食材的幼麵、小棠菜、芫茜、香蔥則是能維持水準。而我沒有食用，便不作評論了。牛坑腩湯麵我點選的湯麵一樣是以養生牛骨湯作為湯底，味道同樣是覺得欠缺濃厚，過於清淡。而麵條的粗麵則嚼勁十足，柔韌爽彈。配料方面的小棠菜清脆味甜，盡吸湯汁。另一用料的牛坑腩是位於牛的前胸，屬上乘的牛腩，口感軟嫩彈牙，牛味濃郁，但可惜數量方面卻只得數片。其整體令人感到有點失望，質素亦是相較以往退步。一口鹽酥雞外層金黃的鹽酥雞炸得恰到好處，口感香酥爽脆，鹹香鮮美，內裡肉質結實嫩滑，帶有肉汁，但唯獨可惜是肉味不夠濃郁。高雄滷水拼盤滷水拼盤共有六款食材，分別為結實柔韌的牛展、嫩滑味濃的雞翼、滑溜綿香的雞蛋、爽脆彈牙的豬耳、煙韌軟嫩的大腸、細緻滑嫩的豆腐，其味道方面均製得鹹香入

真係唔知點講，只怪小朋友唔夠成熟叫阿仔落去買外賣兩個牛肉面，佢仲買埋所謂特式檸檬茶（$35），上到黎我只見一柸普通凍檸檬茶，特式可能係粒青檸，但$35真係有d貴，兩碗面再共收6蚊外賣盒，我心諗你地都幾懂做生意至於牛肉麵我就覺得還可以，湯好濃烈味道，可能我淡口味，牛肉都淋，而且易咬，至於麵條就好似一般上海麵咁，白色嗰d粗麵，總結如果職員可交待一下無餐，只有單點，而柸凍檸檬茶要$35，問一下客人有無問題，咁樣會做得好d囉，當然我都有教返小朋友點樣叫外賣啦