小甜谷 (已結業)

在大坑吃了一頓不怎麼有驚喜的馬來西亞肉骨茶, 想著要來個好吃的甜品wrap up一下, 好等我們不枉這大坑一行, 可惜...本來想試人氣極旺的分子雪糕, 但只可以站著吃, 帶著老人家, 還是坐著吃比較舒服, 於是就選了几步之隔的小甜谷。看著掛在牆上的明星照和甜品照, 以為選對了地方, 於是開始點甜品。我點了店家說的"超人氣"紅豆豆腐花, 其他人各點了普通的西米露和賣相比較特別的椰皇冰。首先來的是我order的紅豆豆腐花。從侍應手中接過碗, 不對辦, 怎麼會是紙碗, 太不環保了吧? 那碗放到枱上, 豆腐花有點散了, 很明顯是從另一器皿倒到這紙碗來的, 未吃先扣分!  一吃入口, 豆腐花滑是滑了, 但不夠凍, 紅豆又不夠焾, 這質素怎做鎮店之寶其餘几碗西米露, 什果涼粉等陸續上枱, 當然也是紙碗上, 而碗內食物的淩亂情度會以為是被人搞完一輪才給我們的。打開得門口做生意, 係咪衰衰地都會執吓個賣相、抹吓個碗邊至端上比客人呢...

食飽總係想食下甜品.....因為0係香港區唔係好熟地頭...結果就唯有去呢到la....其實之前都係0係到食過pineapple 沙冰,果次好好味,外形亦好attractive....今次打算試下新野la,食個西瓜沙冰...點知中伏....個形係ok的,西瓜仔,幾得意~點知食落,成口冰粒.... (但係冇咩西瓜味....)完全好似西瓜汁同冰分開哂咁...但係之前pineapple 係冇呢個情況的.... 因此今次有點失望....而且,價錢亦未免太高了...食個沙冰好五六十..... =.=

有明星效應的小甜谷，已去過多次，店內不太大, 但店放了有數張檯，可坐較多人.今次擇左紅豆豆腐花同埋特濃牛乳奶凍(是他們的皇牌推介)奶凍牛奶味仍然不錯，都幾滑。紅豆豆腐花.紅豆相信係日本嘅都好大粒下豆腐花就唔係咁滑😕仲'散晒。可能豆腐花已經是外面交貨來嘅😮雖然有明星效應，但我認為唔值得再去，因為水準不準，近來品質已下降。以前小店的確有好出色嘅地方，但自從轉左用紙杯紙碗後，感覺cheap左好多，又唔環保，仲keep唔到以前嘅水準，點解要再去？

那天放學後都十時多了，肚子有點餓，便跟朋友到大坑找找有什麼吃的！行過見到小甜谷超多人的，便決定試試它最出名的甜品了我們要坐到店外的位置，真的好像大排檔ＸＤ因為我們都餓，除了甜的，也點了兩款咸的，。蜜餞雞翼。這個味道。。很特別。其實有點怪怪的感覺它的醬汁好像去飲宴，啡色那種獻汁的味道。還多了點甜，我不大推薦，還是鹵水雞翼較安全。。鹵水雞腎。蠻不錯的，口感不太軟不太實，咀嚼幾下就可以：）味道也不錯啊！不會過咸！而且份量超多的@@。楊枝柑露。這個一般，朋友說沒什麼特別，就是柚子不酸，芒果汁也蠻多的這樣：）。芒果奶凍。朋友點的，我忘了：Ｐ。熱紅豆3.1燉牛奶。超推薦這個！！牛奶超～～～滑，有夠香～本來的牛奶不太甜，但配上粒粒分明的紅豆，好夾！！！我吃第一口：好滑好好味呀OoO每人一款甜品＋兩個咸的，平均每人＄５０，價錢也算適中~有機會會再去回味那牛奶的～～～＞//////＜

晚飯過後，意猶未盡打算走到大坑吃個甜品，翻查開飯記錄那個分子雪糕的位置可是已經關門了，於是我們選了另一間糖水店8時多來到，也蠻多人的，室內外的座位都接近坐滿了：）小甜谷，在我中學時已經聽過，但一直未曾到訪是谷祖琳所開的~牆上掛滿了明星的照片餐牌上看到鮮果雪山系列便很想試XD於是我們選了蜂蜜菠蘿雪山($48) 和三重奏咖啡奶凍 ($34)蜂蜜菠蘿雪山用上半個鮮菠蘿作盛載器皿，賣相蠻吸引嗜了一口，只有淡淡的菠蘿味，比平常吃到的新鮮菠蘿還要淡或許是加了冰去打的原故有點失望，吃到底才有少許蜂蜜的味道和新鮮菠蘿肉，先有番d菠蘿既甜味另一款是三重奏咖啡奶凍~推介!面層鋪滿了薄脆，香脆口感帶有微甜咖啡奶凍上是切粒的咖啡凍，Q彈喔奶凍用上了3.6牛乳去弄的，令奶凍更滑更香濃，有奶味之餘又不失咖啡香整體感覺很match! 很想回家試整XD吃了美味的奶凍，為辛勤的星期一劃上一個完美的句點。Take Away Menu可供參考

I came here early Saturday night, there were already people sitting but there were still lots of free seats since it was still early. The staff informed us that there were a few things that were not available (everything with egg or something). Then later informed us that the warm tofu wasn't available as their machine to keep things warm was damaged. When the desserts arrived, the staff just kind of threw it down and left. I ordered the Tofu Pudding in Cold Sago Soup with Mango & Pomelo, a frie

因為誤打誤撞 到了大坑， 女友想吃午後甜品， 的確很奇怪， 因為吃晚飯後吃甜品就多， 午飯後要吃甜品﹛，實是不慣。女友是甜品痴， 食甜品多數由佢拿主意， 我只是交出所有option而已。來到大坑，可以食小甜谷，谷媽媽，千口甘，或者人氣極高的Lab made , 今次由於她想食奶凍，就選了小甜谷。先來個Coffee 3重奏奶凍，店方用上的是北海道3.6 牛乳， 令奶凍更滑更重奶香。 相對而言，咖啡味顯得不太濃，咖啡狂可能會失望啊 !再來的是，用上的是大西米， 口感比一般西米更好， 椰果jelly 亦大大舊， 大啖大啖食 都真係幾爽，因為真是好口感。 芒果就說不上出色，始終未算香甜，不過不失， 最吸引的仍是大西米。據說小甜谷係谷祖琳小姐所開，明星當然熱棒，倪匡兩父子也曾是座上客。

去完PizzaZaZa食完飯就轉個街口去小甜谷食甜品，可能因為時間早既關係，居然大把位。店鋪的環境不是太好，但牆上掛滿很多明星的相片。我叫左個荔枝奶凍(右中)，奶凍很香很滑，荔枝味淡淡的，唔會搶左個奶味，配合得啱啱好！朋友的朱古力三重奏有朱古力奶凍、朱古力啫喱同朱古力脆片，朱古力味好奶，特出唔到北海道牛奶的香，但質地仍然幼滑，而且三重質感的朱古力令口感層次增加，正！朋友的燉雪梨好似普普通通，嚟呢度食野都係溗食新款甜品好啲！

秋高氣爽，從繁華的銅鑼灣走到了寧靜的大坑，一點也不辛苦行完山，來到大坑，還是五時許，已預先訂好晚餐地方Piccolo經過，店尚未開晚市，友人提議就在附近走走，邊行邊等如是者，在大坑四圍行，順道看看有否新開的食店友人對谷媽媽開的食店頗有興趣，見到貼在門口的餐牌不僅有麵食，還有甜品一行六人正想入店吃甜品之際，店員便走過來向我們說甜品其實是由小甜谷那邊拿過來的，建議我們可直接走到那邊吃，只是一街之隔好心的店員就引領着我們，由谷媽媽走到谷袓琳，應該是小甜谷才對遠遠見到有人坐在店外，看著Notebook，原來他們正討論新款甜品再細看，原來就是老闆娘谷小姐!幸會，幫襯過好幾次也是第一回遇見谷小姐不過，老闆娘正認真地在處理業務，我們也不便打擾坐下來，大家都急不及待點甜品，我不餓，倒有點渴，點了一杯芒果汁芒果汁很稠，充滿鮮芒果香，只是稍嫌偏甜雖然芒果已不是當造生果，但味道仍然鮮甜濃郁有點滯的，架架妹亦未能飲完一整杯架架仔的朱古力奶凍其特別之處，在於奶凍上鋪滿了果仁和西柚絲除了奶凍的滑，也吃到脆口又帶咸香的果仁和帶酸的西柚一款甜品，多款味道，心思盡見奶凍朱古力味香濃，質感則稍嫌不夠順滑，是要改進的地方看

一直都沒有機會來試試, 咁岩係銅鑼灣食完晚飯, 就行過黎試下叫左3.6奶凍, 荔枝奶凍, 楊枝甘露, 和芒果糯米糰3.6奶凍, 味道不太出眾, 只有淡淡的奶味; 反而荔枝奶凍就好得多, 味道香濃,仲有啖啖荔枝肉楊技甘露, 十分足料, 香芒同西米也不錯芒果糯米糰只能用平平無奇來形容, 不試也罷試過之後, 再看看牆上的照片, 看來, 明星效應的威力真的很大, 至少我們一行四人被吸引來了

和媽咪, 老公在大坑食完串燒味食飽,轉場去食甜品. 去之前一直也想去藝人谷祖琳開的小甜谷, 來到小甜谷,整間餐廳都滿座了,牆壁掛滿明星照片, 不是普通合照, 是每位藝人扮演待應的照片, 有洗碗, 落單的祖兒, 抺窗的志偉....等等. 有趣的照片1) mango 椰汁西米露mango 幾多幾大舊.西米露都好大粒味道ok, 好飽2) 芝麻糊腰果糊都唔錯, 不過芝麻腰果好香老公想叫日本牛奶3.1的燉蛋白, 但當天沒有賣, 十分失望

今日約個朋友出黎食完晚飯，就緊係要埋埋個甜品先走拉，唔係點算為每餐劃上完滿既句號呀最後我地黎左呢間以明星作招徠既甜品甜一試，呢個係牛奶布甸，呢度比較出名既，其實奶味算濃，不過暫未能感動本人見食完有啲口渴，就叫左個紅豆冰，嘩！一上枱見到真係好鬼大杯，而且佢應該唔係紅豆冰，而係紅豆沙冰卦，但每一啖都好似食緊紅豆碎咁，感覺都幾特別呢個係朋友叫既set，有三樣野食係度，有芝士蛋糕，糯米糍同埋荔枝布甸，基本上我只係試左個荔枝布甸，唔錯喎，幾好食，唔會好似人地因為落左好多糖而做到果種假甜錯覺，反而食落好舒服，呢味食得過，我諗我下次黎都要點呢個食

無獎問答遊戲：猜猜這是什麼？燕窩？非也BB物？非也想也想不到這是牛乳燉蛋白吧？絕對沒有加工，就是一匙剛盛起的燉蛋白。有特濃牛乳的味道，甜度又剛好，但就是沒有想到這樣有口感。失望透了！

食完拉麵後更係唔放過食甜品既時間:友人叫牛乳湘蓮紅豆冰沙, 估唔到簡簡單單既紅豆沙冰都咁好味, 冰沙有D紅豆既碎粒清甜,反而面上既蓮子似係一個點綴, 蓮子煮得唔夠淋我就叫左芝麻糊蓮子腰果糊都唔錯, 不過芝麻比例比腰果多所以整碗甜品只食到芝麻既香滑反而食不出腰果既味道, 至於所謂既蓮子整碗都只有3-4粒不多同樣亦煮得不夠淋同鬆化.

和朋友在銅鑼灣吃完日式燒肉,還是心思思想去食甜品. 剛想起,之前一直也想去谷祖琳為於大坑的小甜谷甜品. 在不考慮的情況之下,便在銅鑼灣搭叮叮去了.來到小甜谷,整間餐廳都滿座了,很快有二人離開,我們便入座二人枱了.由於我仍是氣管敏感中,不能吃凍的甜品. 在各甜品中,我揀選了1)牛奶燉蛋白 - $26之前,我對小甜谷也有一些期望,但可惜吃了一個牛奶燉蛋白,真的有點失望.問心,牛奶味不錯重,蛋白味也是不重. 口感及滑的程度真的和我母親大人的蒸水蛋一樣.不過,母親大人的蒸水蛋是鹹的,這一個牛奶燉蛋白是甜的. 2) 百花蜜柿貝燉蘋果-$22這一個,我沒有品嚐過,但看朋友的眼神,之後又說到其他甜品再試試,也明白什麼意思啦!