小甜谷 (已結業)

食完一餐唔使錢的晚餐後, 出嚟見到有甜品店, 朋友話想食甜品, 係門口見到有榴槤, 他們兩個就話唔使諗啦, 要食榴槤, 點知入到去坐下仕應才說沒有榴槤, 係所有榴槤的甜品都沒有, 話唔係時候喎, ......咁出面個牌又寫住推介甜品???有點俾騙的感覺. 這間甜品是谷祖琳開的, 店子設計簡單, 餐牌都簡單, 應該話冇咩特別吸引, 問仕應甚麼是他們出名的甜品, 原來係雪糕, 同埋千層酥及同窩夫, 但呢d太飽肚吧, 我覺得個餐牌唔係好吸引, 朋友見到隔離的枱有一個粉紅色好似雪糕的甜品, 問店員是甚麼, 店員說是士多啤梨豆腐花, 上面的係士多啤梨沙冰, 但係個餐牌都唔係咁樣的....好奇怪...佢地沒有榴槤唔知食咩, 我就唔食榴槤但都唔知食咩, 最後叫左一個楊枝甘露亮晶晶, 朋友叫左一個楊枝甘露, 賣相簡直係一模一模, 我的只係多左幾粒涼粉吧了. 另一個朋友叫左一個抹茶雪糕加紅豆加湯丸.味道方面, 楊枝甘露不熱也不凍, 入面有好多一粒粒的珠, 有大有小, 涼粉, 白色的涼粉係荔枝味道的, 唔知係咪唔夠凍, 還是太多嘢係入面, 攪到碗嘢好結, 味道又唔係好好, 芒果都甜的, 但將咁多嘢撈埋一齊

今日放學之後我就同個同學順路經過之後，就入左去食，入到去個服務員好有禮貌，一坐低就即刻問我地需要食咩，點完食物之後就有多謝前，多謝後，到上甜品後，望到睇一眼就覺得好令，有少少唔拾得食。之後即刻拿起電話影低哩個甜品。雪糕食落去好軟，雪糕味好濃郁，好棒。格餅好鬆軟有熱熱地感覺，我推薦哩間甜品店給大家，由其係我食哩樣甜品。有一種令到我想每日放學都會想去食既感覺，無論賣相同味道都非常好👍

在圑購網買了接近半價的現金券，感覺相當划算，就試下呢間喺公司附近新開的小甜谷吧打開menu一睇，正價也不太便宜哦叫來侍應一問，原來中午能供應的甜品種類不多，因為他們要主力serve午市的客人第一次來，點個谷媽媽水餃和幾個甜品試試水先那料到先上來的竟然是雪糕？！當下是有點無奈和無言.....我沒有說清楚自然是我不好，但是一家食店先上鹹後上甜不是常識嗎？？谷媽媽水餃 $48 (9/10分)非常滿意這道水餃，可以說得上是皮薄餡靚啊水餃皮薄而口感紮實，裡面是大白菜豬肉餡口味清爽可口，不點沾醬也很好吃，8隻很快就吃光光了～真的有媽媽的感覺，有夠真材實料已經忍不住食咗兩隻宇治抹茶軟雪糕新地 $45 (4.5/10分)雖然已有預感和心理準備，他們會給我原來的那杯雪糕可看著眼前這杯已僵化咗的『軟』雪糕，還是有點不高興了啦  雪糕的抹茶味還是蠻夠濃的，帶一點點苦澀味，配上香甜的紅豆就剛剛好了，小丸子好像忘了給啊而因為雪硬了的關係，所以幼滑度變了零...楊枝金露涼晶晶 $36 (5/10分)比較普通…算得上是好食，芒果夠甜，可椰汁不夠香~ 唯一跟其他店不同的大嘅是那荔枝味涼晶晶吧朱古力醬香蕉雪糕窩夫 $5

同朋友食完生日飯，諗住黎食個甜品啦！未黎過，所以個心有啲期望，點知竟然係失望。。。。。。侍應問我地坐出面定室内，我地都係選擇左室内，因為当时天气都係幾熱！都成10點幾，不過竟然都仲係好多吉位！叫左三樣嘢！楊枝涼粉，芒果涼粉同楊枝海藻雪泡。啲嘢都黎得幾快，不過有點失望，無我想像中咁好味啰！真係唔太特别好味，以為個楊枝海藻雪泡會好特别，都係得啲泡泡係面頭，撈埋一齊黎飲，都覺得許留山仲好飲過佢！冇特别都唔緊要，我地食得都幾快，可能3個字内都食完，一食完就即收，擺明赶人走啰！最终越来越多人黎，個侍應仲開口問，你地3個可唔可以坐bar 枱。。。。真係想問下坐bar枱全部人面壁點傾計呀。。。。。想坐多陣講下嘢都唔得，谷鬼气，所以走人！！唔黎啦！！

冬天g潤糖水 - 開始轉涼la. 系時候食返個熱糖水潤下喉了. 經過金巴利道記得上次黎系食waffle，非常好味道. 今次我地叫左"蛋白杏仁茶"同"芝麻杏仁糊".一句講哂冇得頂，真材實料. 蛋白杏仁茶做得好出色. 好重杏仁味好潤喉tim呀. 只系$36蚊比起好多中菜廳做得更出色. 一定會返食同介紹給朋友食.

無論係芒果作為水果、芒果甜品或者芒果飲品我都超中意。所以見到小甜谷既甜品ＬＩＳＴ其實有少少咩都想試吓，太多選擇。不過，結果我係因為佢既cute cute外觀而揀咗呢個奶凍。而且份量唔會太多，裝喺個咁有曲線既玻璃杯入面，好靚仔。呢個奶凍好有芒果味，質地都好滑。其實係好好食既，不過冇個外觀咁有驚喜。我見到第二個ＰＯＳＴ寫鹽酥雞，反而有啲想試。或者下次經過再試吓啦。

我沒想到一間小小的甜品店竟然有這道台式美味。所以雖然一心想吃甜品，結果還是叫了這個小食，加一杯飲品。其實我好多時會食素，頂多食白肉，也吃得清淡，所以這道菜有少少破戒。不過，佢既味道證明咗我既選擇冇錯，因為色香味俱存。有啲人以為炸嘢就一定香，其實唔係。我覺得這個小食既香又有雞味，所以實在是意想不到的驚喜！

哈哈, 原來我砌咗呢張相之後就delete咗啲原圖, 搞到好似好hard sell自己添。我都係想試吓寫食評，下次唔會架喇。我想講，我去咗小甜谷尖沙咀店食甜品。我本身就好中意食甜嘢，嗰日約咗幾個friend 一齊去食，叫咗楊枝甘露、抹茶新地同榴槤布甸。我本身唔中意食芒果，所以冇試。但係榴槤布甸就都係好香，香過生果嗰陣味，值得推介。我個抹茶新地就當然係最好食架啦，雪糕好食就梗架啦，但係個waffle底都好好食。實在好正！

去完尖沙咀韓國街(金巴利道)食完韓仔，見倒"小甜谷"太好了👏👏可以食個甜品清下熱氣. 叫左個楊枝金露涼粉好足料wor, d芒果汁好新鮮比其他糖水店較濃and dense. D金柚超新鮮ar. 佢地有d叫晶晶既jelly,裡面有荔枝肉好好味ga.再叫左個綠茶軟雪糕新地，非常正. 有成4個半至5個圈夠哂la. 個雪糕好夠綠茶味ar. 好滿意.下次會再試下lee道出名既窩夫同芒果酥卷.

琴晚黎試咗呢間明星甜品店, d甜品唔錯wor. 叫咗一個榴槤金露同一個杏仁燉蛋白, 兩個味道都好濃郁, 好重口味, 讚！ 本人最鍾意食榴槤ga la. 佢面頭有一大舊榴槤肉, 下面d榴槤奶配搭一d荔枝味既啫喱, 濃郁得黎帶少少清新, 非常好食. 至於杏仁燉蛋白, 杏仁味亦好重好香, 食得出一定唔係開粉既, 配合蛋白好滑好好食, 滿意程度接近100分!!

昨日接完豬豬放學來到小甜谷. 這是開學後第一次來, 發現不單加添了午餐, 連跟酥卷一起上的雪糕也加添了幾種口味, 那就試試新口味吧! 我們點了芒果酥跟紅白葡萄雪芭, 賣相不錯, 豬豬話個雪芭紫色白色很漂亮. 吃下去有點酸, 但跟酥卷一起吃後令酥卷一點都不漏, 味道也配合, 真是不錯的配搭.

小弟一向吾寫食平，但今次也忍不住讚讚小甜谷了. 幾年前，還記得小甜谷做3.6燉蛋白同奶凍做到出哂名，簡直系佢地既signature dish. 今日"谷"小姐又可能憑著"朱古力waffle"同"芒果千層酥卷"再打出明堂.有d甜品店做waffle可以做到好脆但就冇味,有d做到個味但就一d都吾脆. 小甜谷扁扁就能做到又脆又好味😋. 個waffle跟朱古力醬簡直系冇得輸呀. 佢地有五，六種雪糕比我簡。。。朱古力，vanilla, mango, espresso, 紅白葡萄，pineapple. 我最終簡了朱古力(有Movenpick 或Glacio both from Belgium). 簡直系冇得頂.我下星期一定會再約d friend黎試芒果酥卷呀. 聽講話一樣咁出色😍

今日終於可以同老婆兩個餐枱腳，食完韓燒後，見到附近有間食甜品嘅小甜谷. 好耐都冇食過芒果，所以叫咗兩樣芒果系列既點品，一個芒果酥加一個楊之甘露share. 兩個芒果甜品都好好食，特別係芒果酥，個買上好靚，黎既時候好似一個太陽咁， 個楊之甘露易都好重芒果味，所以我地兩個都好滿意.

之前買了團購, 當然來試下啦...話晒都禁出名~~~三張團購, 換來兩款甜品, 值唔值, 見仁見智啦~~ 當然味道一定是放首位的。榴槤甘露榴槤真係超香, 好味, 凍凍的, 唔太甜, 配合得合道好處! 千層酥皮芒果卷配雪糕前者不是這篇食評的重點, 這才是主角。榴槤產品, 款式數來數去都是那些, 不如談別的吧。熱熱的外皮, 包著香甜的芒果, 來一個芒果熱食, 再加一個雪榚在中間, 來一個冰火交融吧。第一次見到這個甜品, 真的不知如何入手才好, 切開酥皮, 硬要把要芒果和酥皮分手, 天下間把情人分離, 真的有點兒那個吧。其實芒果有點...酸, 這不是師父的錯, 是芒果的錯, 生得不夠好啊~~~酥皮夠熱, 明顯係立即焗!記住, 一定要夾雪榚來食才是王道!其實我好想試個綠茶雪榚, 但無奈的是....賣完, 在點餐前, 見到有人買了一個軟綠茶雪榚外賣就走了, 這是這天全店最後一杯綠茶雪榚....綠茶雪榚就這樣在見到未能見面就跟人走了.....

今日難得呀豬大少放假，就陪佢晚飯再直落食反個甜品先！得知尖沙咀開了小甜谷，食評不錯，終於有機會品嚐下由於晚飯時間，都要排隊等一陣！裏面裝修以白色及藍色為主，地方較細有少少逼。打開menu除了有中式及西式甜品外，亦有谷媽媽少量既小食！我地叫了楊枝甘露亮晶晶及芒果奶凍楊枝甘露亮晶晶既賣相唔算特別，不過見到佢配料中既西柚係續粒續粒人手搣開，另外佢擺得好整齊，唔會好似一推配料放埋一齊就算！味道方便有好香既芒果味，好鮮甜！另外配上珍珠粒及涼粉，整個甜品都好爽又好清甜！大讚作品呀而芒果奶凍就有啲似芒果布丁既感覺，中間有啲芒果肉同樣好味！今次只試了兩款甜品，下次會再光顧試下酥卷同榴槤產品！