小皇府 (MOKO新世紀廣場)

營業中

休息中

同朋友想食點心最後揀咗呢間入面環境唔錯 有唔同嘅點心同埋炒粉麵揀小蜜蜂流沙包做型好得意入邊係奶黃餡魔鬼魚造型魚餃都幾可愛梨型鹹水角入面係有鵝肝，鵝肝味好重10分抵食芝士蝦丸，好香口

飲茶搵位唔容易，上網見可以網上訂位，就試一試。我哋四個人準時到達，坐嘅卡位，空間感好好。枱面比較窄，但坐嘅位置就比較寬闊。欣賞佢仍然用點心紙去落單，茶壺加水都依然係侍應負責。服務很好，侍應嘅汁碟同埋加水速度都好快。上菜亦好快。真菠蘿叉燒餐包呢個包好食！包面係菠蘿包嘅脆脆，餡料係用叉燒餡，有真菠蘿係入邊。唯一係個包好細，迷你包包。懷舊蝦多士蝦多士，跟咗個千島醬。用好大隻蝦，係爽口，玻璃蝦咁樣。多士比較香口，但吸咗好多油，炸功一般！炸蝦腸粉腸粉係正常嘅，入邊係炸蝦用腸粉捲着。豉油汁比較冇味道，只有顏色。傳統鳳爪正常味道，份量滿滿的，以大大粒花生墊底.炒銀針粉有少許蝦仁和酸蘿蔔去炒味道OK，唔會太濃味冇乜特別。陳村粉蒸排骨係大籠嘅，排骨都好多，陳村粉正常甜品蛋散鬆脆嘅，有三大件。記得要即食啊！綠豆蓉焗西米布甸呢個一般般綠豆蓉好少，整個布甸都係西米，吉士反而好少……整體來講都唔錯嘅，可以再嚟！地點方便又可以訂位。⭕️座位間有距離感，有透明膠板相隔✅店員人手處理進入食肆之安心出行

想搵個地方坐下飲下茶，友人提議黎呢間見到隔離台好多都叫雲吞麵，搞到我都想整番碗試下“簡”口味都幾勁，但雲吞都多蝦肉，好爽口彈牙！菠蘿叉燒包 - 面吾夠脆，入面真係有菠蘿粒！粉果炸蝦腸粉，炸得over左味道好普通，價錢不平！

朋友介紹這食店，一直想來試，前二天（30/6/2022）便來一試。剛巧遇上下午茶，有85折。點心款式都幾多，點了8個點心小皇府鮮蝦餃，唔錯，有二隻及四隻一籠，選了二隻，以便試其他點心。蟹皇滑燒賣，料足實肉，好咬口虎松茸魔鬼魚餃，樣子可愛，好味石榴香芋粉果，味道麻麻，不太喜歡荷葉珍珠雞，糯米好鬆散，麻麻地台式脆蝦腸粉，餡料脆又足，好味啤梨鵝肝咸水角，樣子好看，味道怪怪，還是喜歡普通的味道小蜜蜂流沙包，不太喜歡甜食，但這點心樣子實在太可愛，便叫了一份。諗住先食咸點，才食甜點，但食時已放涼了，不太流沙，下次再食時，要趁熱。埋單，85折後，$279

一直以為呢一間係酒樓，原來係食中式點心嘅餐廳，不過錯有錯着，點心款式都幾多，最緊要兩位老人家滿意坐低叫咗六個點心，可惜又唔記得影相蒸排骨陳村粉，薑蔥牛柏葉，蟲草棉花雞，花膠灌湯餃，蜜汁叉燒包，食落味道OK啦，未至於好出色，但都算唔錯四個人未食飽，所以追加兩個食品。呢個蝦多士反而令我有啲驚喜，佢炸得好脆，非常香口，配埋個千島沙律醬，味道唔錯播另外見到好少地方有嘅炒銀針粉，所以想試吓，望落去好有鑊氣，但食落去真係唔係幾夠味，仲有少少立口，可以再炒得乾身啲咁就好啦🫣，整體其實都還可以吖，可以再食下一次嘅

絕對絕對唔會有第二次嘅餐廳 服務都好一般 服務員好似金魚咁成日應完人轉頭就唔記得 食物又貴又細份重點全部都唔好食 芥菜花膠湯個湯係有少少味道嘅， 但個菜完全乜味都冇離曬大普 懷疑係臨時淥熟d菜就掉落煮左好耐嘅湯度 水煮牛肉真係… 一文不值！！！ 牛肉好似橡筋咁 求其淥熟就淋啲汁上去，d汁同個碗人面任何一樣嘢都係兩個世界嘅 冇一啖入味！ 腸粉不過不失 炸雲吞都係正常味道 唔明點值$62黑醋火龍果牛肉一般 牛肉粒係ok嘅 肥瘦均勻 不過荷蘭豆超級老 咬都咬唔入 又成口渣 個排骨ok 酸酸甜甜 鹹水角內餡係特別整嘅 我見到 但sorry 真係乜味都食唔到 唔知有咩用全場唯一就係個$32/1 嘅奶凍算得上好味 奶味比較濃 但sorry 其他菜式完全係差到極點 廚師唔識整不如落㗎！！！

今天去了moko的小皇府 定位很特別 説它是酒樓 但裝修和座位是西式 有點心 小菜 又有雲吞麵和粥 出品有點雜店的面積不大 除了幾個卡座 其餘全是小方形枱 不知是否和裝修有關 只覺談話聲很響亮 有點嘈吵的感覺服務方面 頗混亂 把鄰枱點的菜單落錯至我這裡 通知她改了 但隨後上菜的仍不停送錯 要我每次解釋食物呢 就只有原隻花膠灌湯餃比較出色 材料足 花膠好味而及第粥和艇仔粥就一般小蜜蜂流沙包 外形漂亮 可惜包有點硬和不夠熱 餡料很少 最差是排骨蒸陳村粉 鬆肉粉落了很多 一點都吃不到肉味 吃了兩口我們就放棄了有少少中伏的感覺 沒有下次了

侍應們—好細心醒目，見一行七人冇訂位，安排兩張連接隔膠板細枱外，再拍多咗方形枱嚟加長。加茶加水快唔駛提，笑容滿面。XO醬煎腸粉—超香熱辣辣，無端變成開胃小食，鹹淡適中，食指大動。芝麻蛋散—平時嫌佢又厚又甜到嘔，呢度整得佢好鬆化，糖漿亦清甜，想食多幾件。豉油皇龍鬚炒麵—魷魚鬚雖然偏少，但又係好惹味，炒得夠鑊氣。南乳豬手撈麵—豬手炆得夠腍入味，撈湯有韮黃碎同蝦籽，比一般中式撈麵伴湯濃味，麵質爽口彈牙。鮮茄上湯鮮竹卷—番茄同鮮竹卷似乎有啲錯摸，有啲突兀唔多夾，還好茄蓉唔酸，執番身彩。鵪鶉蛋燒賣—愈嚟愈多中式食府唔整喇，味道本身都係啲豬肉加粒烚蛋，純粹懷舊。小蜜蜂🐝流沙包—顏值搶fo ，size的式，記得外貌多於內「餡」。葱花炸兩腸粉—炸兩已經唔脆。如果當睇演唱會，呢味絕對係廁所位。咖哩土魷—土魷始終用咗水發並非鮮魷，預咗冇魷味，但幾欣賞調呢個咖哩汁，香濃唔嗆，甚至用嚟撈吓陳村粉。

小皇府介乎在酒樓與菜館之間，食物的種類選擇繁多，由點心至小、粥粉麵飯也一應俱全。鮑汁鳳爪$68 😋😋😋😋😋薑蔥鯪魚球河粉$56😋😋😋酥皮菠蘿叉燒包$30😋😋😋台式脆蝦腸粉$40😋😋😋😋小蜜蜂流沙包$30😋😋😋

想飲茶，經網站推介，選上此店。訂了12點，旱了15分鐘到，彼安排入座，見食客都七，八成滿。打開點心紙，見種類都幾多，有粥，麵，點心甚或少炒都有。點心也有特別種類，我叫了豬潤腸，石榴芋頭粉果，蝦餃，牛肉，蘿蔔糕，珍珠雞，菠蘿叉燒包，豬腳薑。豬膶腸很特別，但要趁熱食，蝦餃大粒亦食到中間的大蝦。菠蘿包皮叉燒包亦要讚，菠蘿皮脆，叉燒微暖，老人家話好食，$78的豬腳薑份量足，姜夠爽辣，豬腳分量多，最欣賞的是薑醋蛋。十分有蛋味。整體食物質素好，環境好服務好。

滿足吓老人家，疫情關係2人一檯都去飲餐茶囉，12點小皇府只得2張檯有人，侍應好有禮貌招呼，環境乾淨光猛都算放心小皇府鮮蝦餃(2件)：飲茶好似點都要食蝦餃咁，雖然蝦唔算大隻，不過皮薄蝦爽，ok鮮竹牛肉球：陳皮雖然香味，但下次可以試另一樣點心😝虎松茸魔鬼魚餃：造型有趣鮮茄上湯鮮竹卷：通常都是上湯或蠔油，但今次用鮮茄煮幾特格，酸酸甜甜幾開胃泰式手撕雞春卷：香香脆脆，鍾意食炸嘢的係必選的滑蛋大蝦球煎米粉：呢個幾有驚喜，食咗一半才醒起要拍照，蝦大大有7-8隻，米粉煎得香脆又有鑊氣😋，好似潮洲兩面黃咁，加點醋很快就食晒一碟總括來講比酒樓唔差，可以幫襯吓呢啲小鋪

今日突然想吃多一點，所以多點選了一個淨鮮蝦雲吞，一碗共有7粒，雲吞非常有咬口，有蝦味，湯底非常清新，雖然吃完三粒後已經飽，但為免浪費，更加上比較難外賣取走，所以慢慢吃餘下的4粒雲吞。幸好有一壼普洱茶，吃後嘆一口濃茶幫助消化。

走進餐廳，真係唔係太似中式食府。這裡裝修簡潔又帶點優雅，坐得都幾舒服。打開張點心紙，滿滿嘅兩大頁，密密麻麻。有選擇困難症嘅朋友，應該會花點時間 🤭不過，當你試過一次，有可能你未離開，已經打算好快會再來。因為這裡有好多特色點心，有很多想試嘅食物，一次應該滿足唔到大家 😬 真係唔係誇張，我 d 朋友真係咁講，未走已經話下次食咩食咩。🤩 小皇府鮮蝦餃 大大隻鮮蝦，皮又薄，冇得彈 😋🤩 虎松茸魔鬼魚餃 其實，這個同鮮蝦餃不是太大分別 一樣有大大隻鮮蝦，多了虎松茸 加上好可愛嘅魔鬼魚 😊 打卡必選 🤩 台式脆蝦腸粉 米網紙包著大大隻鮮蝦，薄薄嘅布包腸粉皮外層 👍🤩 懷舊臘腸卷 鬆軟嘅麵包，包著臘腸，好味🤩 小皇府鮮蝦淨雲吞 大大隻鮮蝦，配上蝦子嘅湯底，超好味，簡直是完美配搭 😋🤩 酥炸水餃 來個酥炸既，原來一樣都咁好味架 👍🤩 酥炸蜆蚧鯪魚球 大大粒鯪魚球，配蜆蚧醬一流 👍🤩 啤梨鵝肝咸水角 放了少少鵝肝落餡料，整隻咸水角多了鵝肝嘅香味 👍🤩 黃金沙拉蝦 吉列大蝦，配上沙律醬🤩 原隻花膠灌

這裡真係估佢唔到，講得出都有，似乎又誇張咗少少。 不過，這裡除了點心，粥粉麵飯，小菜，甜品都一應俱全，選擇又多，可以說是包羅萬有，各有特色。🤩 南乳豬手 真的太大件了，食起上黎，有點論盡，唯有直接用手食就好了。 味道是夠味既，但略為硬咗 d，唔係太夠淋。 若果小朋友或老人家就有點難處理，有待改善。🤩 鮑汁鳳爪 好有膠質，而且非常入味 👍 🤩 白灼爽脆豬腰潤 ❤ 力推 大大片，真的好爽脆，超級好味 👍 朋友們以光速，就消滅了一整碟。🤩 蒜香九肚魚 新鮮炸完放上枱，第一口，正呀 👍 除了“正”，真係好味到唔知用咩形容詞。🤩 黑豚肉鮑魚酥 ❤ 力推 鮑魚算幾大隻架，而且夠淋，熱到入心。 配上黑豚肉牛油皮撻，擺盤好精緻 👍🤩 頭抽吊龍炒河 簡單來說，即是乾炒牛河。不過，唔係普通既乾炒牛河。係用了牛既 “吊龍” 部位 😍🤩 小皇府有米佬炒絲苗 香氣撲鼻來形容，放上枱一刻香到呢！ 即刻要試試，飯真係好乾身，而且炒到一粒粒 👍🤩 薑汁千層糕 勁重薑味，唔甜，

因為見到餐廳為D類食肆，我們一行8人便透過OpenRice訂枱，我們6:00pm到埗，當時餐廳也沒有多食客，侍應帶我們到兩枱4人枱，我們告訴她我們要8人一枱，她說是要「特別說明」可能因為我們很少咁樣訂枱啦，我們都當搞錯咗，所以要求坐大枱同埋說明會早食完8pm還枱，點知侍應都說不行。不打緊，下次再訂枱就要小心。各位都留意啦！