小確幸

營業中

休息中

除咗布丁燒仲有牛奶布丁架！一入門口已經見到好大隻貓頭鷹仔🦉牆上有指示教大家點樣享用🤩仲有幾張櫈仔同枱～👓四葉芝士蛋糕布丁燒(左) 🌟人氣no.1 $38 布丁燒即是最上層焦糖布丁，底一薄層綿密芝士蛋糕。 每個布丁面頭仲有一個貓頭鷹烙印🦉 布丁好幼滑、唔算太甜，因為焦糖醬苦苦甜甜。芝士蛋糕口感比較輕盈，芝士味都幾濃郁，但唔似紐約芝士蛋糕口感咁實同漏。蛋糕增添咗實在感，唔係剩係得布甸咁寡咁漏。 評分：7.5/10 👓法國Sabaton栗子布丁燒(右) $40 🌟冬季限定 布丁臨吞果陣有好強烈嘅栗子味湧出來；同原味對比芝士蛋糕變相芝士味冇咁出，比栗子味搶咗。 ⚠️注意啊依款冬季限定剩係得冬天先有，所以要快啲試啦！評分：7/10 ⭐️綜合 原味-芝士蛋糕味出過布丁 栗子味-芝士味冇咁出

@alittlehappinesss ————————————————————可能適合對象：#布甸 #布甸蛋糕 #芝士蛋糕.🎂：小確幸，名其實已經係其中一個賣點，微小而確實的幸福。雖然食完又未講到咁誇覺得幸福，不過個名起得唔錯。講返個布甸蛋糕 🍮，實在係好味。甜度（5星最甜）：⭐️⭐️濃度（5星最濃）：⭐️⭐️⭐️⭐️🍴：餐具 ✔️ / 蠟燭 ✖️ / 冰包 ✖️/ 紙盒✖️🏷：✖️（未有提供生日牌）💬：店員好好呀，佢知我哋將會試兩款，佢都會特意提醒我哋記得食咗原味先再食濃啲嘅朱古力味，又會同我分享佢哋嘅營業經驗，好Friendly，好True好Nice。🛒：元朗朗屏站 #cakeup_西鐵線 #cakeup_朗屏站🔘：Size得一個，味道分別有人氣最強嘅原味（北海道十勝四葉芝士 ），綠茶 ，抹茶 ，法芺娜朱古力 ，Heliala雲呢拿 ，法國Sabaton栗子以及Tiramisu，總共7個味。💰：北海道十勝四葉芝士，抹茶若竹，法芺娜朱古力都係＄38，綠茶＄25；Heliala雲呢拿＄42，法國Sabaton栗子 （暫時售罄）以及Tiramisu＄40。————————————————————性價比：高整個

好好食 不太甜 個賣相仲要好令 入口即融 店員態態度好好 好有耐性解釋每件產品等候時間都唔耐 而且仲有水供應❤️餐廳入邊有四個座位 裝修都非常精緻仲可以隔住個玻璃見到人哋整野食

小確幸布丁燒真係太好味！ 一千元以上可以外送，所有味都好好味！我個心喜歡原味芝士朱古力有少少甜，栗子也很特別，雲尼拿很香，綠茶我自己不是愛好者，但愛綠茶朋友說美味！又香又滑又靚，的確帶給食家小確幸呀！希望開多些分店在不同區啦！讓多些人也分享到小確幸

住係港島區真係唔識新界路，但嚟到呢頭基本知有B仔涼粉，但之前食過，唔覺有乜特別。我嘅吃貨朋友話我知呢度有間必吃布甸燒，長途跋涉揸幾十公里入到嚟，點都要試一試。芝士蛋糕同布甸都係我飛佛，兩者結合簡直無得輸，芝士蛋糕軟硬適中，甜度亦不會過火。真係行過路過，唔好錯過，我坐係入面食咗十分鐘左右，已經比人掃得七七八八，本來仲想買多個外賣返屋企食，但係慢咗一步比人買晒，但都不枉我山長水遠入嚟食。真係要再講三次，必食、必食、必食。

想食小確幸好耐喇，難得入元朗當然要衝去食喇🏃🏻‍♀️💨..果然無令我失望👍🏻上面係滑嘟嘟既布丁🍮下層係芝士蛋糕🍰真係好好食😍. 可以再encore .

今天在元朗吃晚飯，路經這人氣甜品店。雖然只是八時左右，布丁已經賣得七七八八。幸好還餘下一個人氣no.2的焙茶布丁和數個忙果布丁。一於每款買一個試一下。焙茶布丁-焙茶布丁真的好吃！布丁口感極之幼滑，而且質地creamy，水盈口感，一入口瞬間在口內溶化。布丁奶味濃香，味道香甜，又帶一點焙茶的淡雅。忙果布丁-相對焙茶布丁就有點兒比下去。忙果布丁的質地就比較結實，真是布丁質感。布丁內有粒粒芒果茸，輕輕的甜，芒果味未算好濃郁，味道普普通通。現時連鎖店成行成市，小店製作買少見少，一定要支持一下。

聖誕節前老闆送俾office每人一份小禮物，布丁燒布丁燒係teatime 3:15 送到特別好食，即刻醒神番，繼續工作到收工！小確幸布丁燒，成個包裝都好靚，食法更加係牛油紙印上，教晒你點食，好細心，重要每份一張食譜，一個office有10幾張紙🤣我今次簡左雲呢拿味，雲呢拿味道好香好出，重有好多雲呢拿籽係布丁到！布丁分左2層，上層係布丁，下層係cake底咁，味道幾夾幾得意！布丁上面緊係重有糖醬🥳一個布丁雖然細細舊，但食完已經好飽我認為價錢稍貴，但值得一試

之前喺Facebook睇到呢間餐廳嘅廣告，見到好多人都大讚好味，搞到我心郁郁好想試！奈何路途遙遠，一直都冇機會試，而今日去元朗探親戚，食完晚飯口痕想食甜品，終於有機會可以試下布丁燒啦！店舖嘅裝修好有特色，周圍都係貓頭鷹嘅裝飾，而且設有少量座位俾人堂食。因為我嚟得太夜嘅關係，其他味道已經售罄，只係得返原味。一場黎到冇理由空肚而回，於是就叫咗一份原味同家人share。小小一份，買嘅時候覺得定價有少許貴，但係食咗一啖之後，都覺得值得既。布丁燒嘅底層係冰凍既芝士蛋糕，整個配搭唔會過分甜膩，而且有淡淡芝士香，無論口感同味道都好岩我，都值得一試嘅！

那天和朋友在元朗閒遊，走著走著，就見到傳聞中的布丁燒，而且沒有人龍，就被吸引了，店面很細，但門內外都擺放了枱凳，還有大大的招牌貓頭鷹...我們要了抹茶和芝士來嘗，由於店鋪內有位，所以選擇了堂食，老闆幫我們倒出，布丁燒倒轉後就沒了貓頭鷹，上面是布丁，下面是芝士蛋糕，對比下，我們都認為原味比抹茶好食，推薦喔！老闆態度非常親切，一定會提醒客人打包後要盡快享用，贊！這是用心的小店，是值得支持！

番番下工有病人請食布甸燒，有原味、抹茶同朱古力味。上層係芝士蛋糕，下面係布甸，芝士蛋糕嫌芝士味不夠重。布甸方面抹茶味最出色，味道最濃但吾會苦，而原味就普普通通，朱古力味不夠濃，感覺上同芝士蛋糕不太襯，但總體黎講味道都吾錯😋

無論係上網Facebook Ig 定係飲食情報 早個輪一直都見好多人討論緊呢間小確幸既布丁燒 每日限量供應一定數量架炸 早個排更有好多人係夏天三十幾度係丁排隊等.... 真係唔係講笑... 😂😂😂😂但身為一個九龍人 感覺應該好食既 但要山長水遠去到元朗 再熱辣辣咁去排隊.... 恕我無呢個動力啦😭😭😭咁到呢排無咁熱... 就搵下大西北既朋友一齊去試下呢個傳說... 點知個日晏就2點幾3點去到 已經賣淨得番幾個🤦🏻‍♂ 好彩既係仲有... 老闆都話下次想食既要早啲黎啦🤣 有啲味係好搶手。講下店面先啦 小小地既店面 但裝飾都好有心機 有唔少既貓頭鷹！ 都有檯俾你享用布丁燒🍮 細心既係布檸檬水可以係食完之後去refresh下😆 無個種好膩既感覺！ 讚！價錢方面可能就比較貴啲啲 因為兩三啖就食完 但要人手工去慢慢整 手工搭番夠數啦😎

日日忙碌工作 係繁忙中都要抖下氣而一班好隊友絕對係工作間最重要既元素隊友係Tea time既時候就帶左補給品據聞係好出名好好味既布甸急不及待要試既榴槤味 同芝士燒布甸先講榴槤味 係好滑既 榴槤味雖未至於好濃但都夠味既 亦都食得出奶味 係夾既至於芝士燒布甸 可能外賣加無即食 已經無燒焦糖既脆片 面頭果層係好似cheese cake咁實實地 底層就好似普通布甸咁 芝士味唔太出其實燒布甸仲有好多味例如抹茶 朱古力味等朋友都覺得 榴槤布甸係更好食既如果第一次食 可以試左榴槤先

一直都好欣賞小店的努力和食物的水準，，，造得不錯👍好好味，味道都有幾款可選擇，，貓頭鷹🦉標誌也讓人印象深刻，，，希望下次可以食到其他味道!!!!加油💪🏻！

朗屏站📍培茶布丁 $28 朋友們話呢頭有間網紅店，就咁啱嚟左元朗BBQ，就去左幫襯一下！佢地熱門嘅味道都賣光光，以為無機會試。點知佢地有啲準備新鮮岀爐嘅布丁燒！就立即買一個一齊試試！(店員話要立即食。不能外帶) 好新鮮好熱辣辣嘅布丁燒，但比我想像得普通。其實就好似上層似輕芝士蛋糕，下層係布甸一樣。$38 確實不太便宜。但呢款甜品都幾特別，可以試試。另外重買左一個布丁外賣返家。味道其實普通，茶味無特別重，但質地幾幼滑。但點解無咩特別都照放圖呢🤨就係見到當日在舖嘅人，知道我地回家路程要一個多小時。就立即為我地準備每人一包冰，同冰袋。(我只係買一個布丁外賣喔)。重好有禮貌咁招待我地。好有心有禮。值得加許👍🏻