小肥牛火鍋活魚專門店 (已結業)

秋風起要打邊爐，想喺太子搵食，亂衝亂撞之下，入咗呢間小肥牛火鍋專門店，見佢開咗好耐，但一次都未食過，今次有一大班人就試吓啦。打電話問下啊姐，佢話$248任食，一心以為放題，來到原來係散叫嘅。真奇怪。唔通打錯電話。散叫就散叫啦，見啲嘢食都唔算好貴，款式亦都幾多。調味盤有九款嘅調味醬料，盛惠為每位$17芫荽皮蛋湯底拼馬來沙嗲窩$75湯底冇乜味，其實叫咩都應該差唔多味道極品手切本地肥牛(大$218)蟹子墨魚滑$70美國黑毛豬腩片$75黑松露水餃$68響鈴$45四寶丸$50加拿大桶蠔$138皇帝菜$35整體來講食物同任食火鍋差唔多，沒有特別好食最重要最重要的地方，就係呢間餐廳，食$100送$100現金券，俾你下次用。今次第一次來，唔知有呢樣嘢，竟然比原價，真係蝕。最抵嘅食法，喺網上一啲二手交易網站，有大量呢一款嘅現金卷發售，記得一定要買咗先好去，平成一半㗎

又是太子。什麼時候太子變左為食港人的地方？其實對比旺角黎講，已經好多。好太多。小肥牛的選擇係我中意食肥牛囖。就這麼簡單，雖然是內地的品牌。但我喜歡小肥牛的簡單。湯料也是不錯的選擇。

我們 一行十人所以一早已經book咗 房， 他們的最低消費我們一定過。 每間房也有獨立廁所， 職員招呼得好好， 還有一個鐘仔，可以按佢哋入嚟招呼，叫嘢食。 前排做有優惠coupon好平，但今次嚟就冇 coupon。 我們朋友聚會也盡情的叫火鍋吃。🐮 我們叫了午餐肉，腸仔，蟹柳， 手切牛肉，肥牛， 魚皮餃，四寶丸，菜等。 全部也很新鮮， 味道好味， 特別是肥牛及手切肥牛， 可能賣出流量大，好新鮮。 這一餐每人食咗200元， 算係中等價錢。

好朋友聚舊，相約打邊爐，在太子大家都方便。訂位時講明有房，不另收费，去到發現房間原來有獨立廁所。齊人即刻叫野食，點了手切牛肉，黑毛豬，响鈴，炸魚皮，黑松露飯，韮菜餃，雲吞，带子，出菜都好快，食物很新鮮。但可惜掛住食和講野，唔記得影相，真係大頭蝦。

表面上派5折券好似好抵，但實際上是另一回事：第一次幫趁係正常價，即是100%， 第二次所謂5折，兩次相家其實係75折。尾數不能折，即是例如950元，只能用400券又少D；當用左5折券，啤酒又回復正價。。。。其他所有優惠唔用得，特價野唔得。。。咁最後，其實差無幾囉。最乞人憎係5折券得兩城期使用期，所以好快又過期，仲有，星期五六有唔用得。。。

聽左好耐的小肥牛火鍋今日終於試到，因為老闆話有房，會好d。但間房就得個私人廁所，電視機都無又真係爭d。似係麻雀房甘，而且仲要喺三樓，足足行左2.3百級樓梯先到，真係人都呆左。。食物方面其實都好普通，叫左幾個刺身。好似呢個刺身拼盤甘，全部係解凍嘅魚生，感覺毫無誠意，價錢都唔係平。去到火鍋配料只可以用普通，不過不失嚟形容。上至牛肉，下至菜，無嘢要講。。。如果一定要講一個的話就係響鈴，雖然唔係即炸嘅，但係都好大卷，好脆下。個湯底就食左拒推薦的牛膝蓋骨鍋，幻想係好濃味嘅牛骨湯，點知都係味精湯加骨，煲左陣都好普通。唯一就係拒舊骨幾好食，炆左一陣就好淋，好骨膠原。唔知係質素變左定係其實拒無人地講得甘好而令我失望呢。

其實小肥牛開咗咁耐真係第一次去試，今次同屋企7個人慶祝生日就決定去食呢間啦！位置只係太子c2岀口一岀向上望已經搵到喇！路痴都搵到呀！服務員見你一坐低就會即刻俾火鍋既配料同點餐紙，有效率！我地叫咗四川麻辣鍋仲有豆腐清湯鍋！火鍋相信大家都食過唔少，今次特別介紹既有響玲，因為佢係即炸而且好大舊，同一隻手一樣大，放落火鍋好好食！仲有所有既份量都好多，真係俾幾多錢就有幾大份量！例如，豬紅（一夾唔會散），芋絲（好多粒）等等。。。講唔哂，但真係好岩一大班人黎食！有coupon，越食減得越多！最後仲有生果食添呀！一大班人火鍋推介：小肥牛

前日2018/3/19去太子間小肥牛幫襯 當時已經夜晚九點多了安排我們坐最高個層我地三大一小叫左450個款海鮮塔個海鮮塔大致上都好好食 鮮味十足不過其他啲打邊爐配料真係....唔太掂個鵝肝墨丸令人失望點啲牛肉切得好唔掂 有啲切唔斷連住的 擺盤一堆草咁仲好難夾加上 等野食時間好耐 啲廚房出食物超耐成餐冇咩吸引點 得個海鮮塔同埋一位服務我地的叔叔經理之類的態度超好。 值得讚讚讚我有望佢名牌寫住 張春平 真係好好態度冇催我地走 幫我地換碟好多次 跟單跟得好好 冇魚皮餃同我推薦左水餃同雲吞 一句到尾 佢態度非常好不過整體食物質素真係麻麻 暫時冇諗住再去

小肥牛管理人：電話卜左今日2位，電話對話確認左資料，去到變左9位，店員仍然比左張大枱我，個爐位置較遠。一心決定嚟試下新推出嘅珍珠鍋，$98位，連加一茶芥，職員話約$140位，本人認為都合理嘅，咁就落左單。坐左陣見有細枱，詢問職員可否轉枱，她指有人卜左，所以繼續坐。坐左十分鐘，呢度會收茶芥，但說好的茶係要問先有，接著第一碟新鮮雪櫃取出的烏冬上枱，我倆都期待著“主角珍珠鍋“，結果鍋未到，就先被職員邀請轉到另一張細枱，係好嘅，職員有幫我地搬枱上嘅東西，好戲來了，珍珠鍋的海鮮隨即上枱，十分吸引，眼利的朋友問我“唔係有龍蝦嫁咩？“我都不已為以，隨後向職員查詢，她指龍蝦賣哂，已扇貝補上，還問我不知道嗎？真可愛。電話卜左呢個鍋，都可以唔夠材料，唔緊要，冇咪講聲囉！最可笑嘅係，我睇住啲烏冬同窩在冰上嘅海鮮一路解凍，但我嚟食火鍋，個鍋一路未見影，起碼25分鐘。想讚有一位肥肥女職員係有幫我地跟的，佢知啲嘢上哂枱連鍋都冇，有同我地講唔好意思同立刻追廚房，但有位男瘦應該係主任，原全冇理，睇完行左去。總括：1. 一上到嚟餐廳坐低就冇任何一個職員招呼，收茶芥加小食40蚊就識，茶都冇杯，問先有 2. 叫餐冇人提及過

呢個禮拜真係超級凍,最好就係打邊爐，一諗起打邊爐我嘅最愛就係小肥牛。星期五晚上，一定要訂好枱先好去，因為有時訂咗枱都要等。八點半到咗，可以即刻入，勁開心😃見到有海鮮蒸鍋套餐$268一人，我哋兩個人平時食唔叫海鮮都要六百幾，所以二話不說就選擇左昵個套餐。海鮮蒸鍋，個套餐包括有龍蝦、蝦、蜆、花甲、鮑魚等等....到嘅時候都真係覺得值回票價, 但係當然有啲海鮮係蒸老左，但係最好食嗰兩樣鮑魚同埋龍蝦都好新鮮好甜。其他套餐包括有肥牛，不過唔多同埋任食嘅其他火鍋配料，都係我哋會平時叫嗰D買單加一 $700但係有海鮮食同埋任食差唔多啦！

8:30前走 或 9點後入座有7折會底啲正價就有啲價高 埋單送番Coupon$100每$200 可用$100 不過限期14天醬料每位$17 仲有nuts & +10%芫茜湯底$70 配料價都唔算低 (打折都底嘅)打邊爐例牌.....極品手切本地肥牛$218 賣相靚但唔鮮味極級安格斯牛頸脊$198 A4肥牛一般貨式冰極極尚鮮牛$80 大大碗冰洋蔥絲 肉有啲血水滲出 呢個生食就少少怕鮮牛肉丸 太實肉 灼熟面紅心黑 冇牛味水餃 魚皮餃~ 雲吞皮濕嘅 餡靚味道好 墨魚滑 虾滑~滑 爽 鮮菜類 ~ $35@ 干淨 份量1碗9點倒添食 咁早就很多嘢都買晒西洋菜冇 皇帝菜冇 脆肉鯇魚腩冇....呢間都好多選擇 有魚生 生虾剌身但冇賣鵝腸雞腸魚腸 冇牛展.....可能閒日唔太滿客都嘈㗎 招呼還算好嘅 冷氣時大時少 要當心著涼

之前經OPENRICE網上訂枱有7折,昨晚就選左小肥牛慶祝生日,我地先叫左條立魚刺身(3斤),跟住再叫左三文魚刺身,條立魚好大條,魚肉鮮甜,可惜切得太厚,而且WASHABI甜,呢PART要扣分,食完條魚就免費攞去椒鹽,D朋友覺得椒鹽仲好食過刺身,哈哈.湯底就點左個麻辣鍋,幾正,有豬片同豬血,夠香.碟手切牛OK,有牛味,有口感.總括黎講都OK,只係刺青太厚,浪費左條魚埋單7折,每人都係200蚊.底食

幫趁左呢個半自助餐，限時2.5小時（入單計）飲品有10多款任飲，每人有半隻龍蝦 2片班片 幾隻蜆同大蝦，每人2片牛肉（共2種即4片 味道一般）同好肥既豬腩肉（我地無食 太肥）供你打邊爐用。任食火鍋配料無牛肉揀比較可惜，肉丸唔錯 菜只有3種但新鮮！唔追求肉類打邊爐既朋友我唔鼓勵你食呢個餐。最後埋單連醬介加一每位$296由於打邊爐之前要蒸海鮮已用上些時間，今次有失誤如俾漏左一份龍蝦但因放最底層食到先知又要找職員跟進 ，另外每次叫員工想攞飲品同埋想入單再加配料都要問員工攞 落單紙等等⋯⋯都用去左不少時間！今次體驗比較扣分。

訂位後也等半小時只是八時半 手切牛又冇 鯇魚片又沒有又沒告知今非昔比 以前服務和質素好 今不復再經openrice訂座有到卻又無故被改為食客消取十分不滿意決定不會再去!

強烈推介大過隻碗的「加拿大桶蠔」，煮完係唔會縮; 仲有入口即溶的「冰鎮極上鮮牛」，生食牛肉首選; 不可不提的「法國鵝肝」，會食上癮的;即炸的「金風響鈴」，是停不了口的。總括而言，係超高質的火鍋晚餐！