小胖台灣便當 (德立大廈)

營業中

休息中

去親尖沙咀行街都會想食小胖！平靚正仲可以儲積分換優惠券，抵食過好多商場或街鋪餐廳我哋叫咗兩個便當share，台灣古早味烤豬肉便當，豬肉薄身但份量好多，甜甜地勁多汁。另一個係士林鹽酥大雞腿便當，新鮮即炸要稍等一陣，店員會送埋過嚟，肉厚多汁皮脆肉嫩，真係好有夜市風味☺️飲品方面叫咗日月潭檸檬紅茶同熱金橘檸檬茶，都係好台灣風嘅茶飲，配便當好夾👍🏻今次我哋都幾肚餓仲叫埋刈包，我哋兩個都勁鍾意豬腩肉😽 落單前店員都會講清楚豬嗰個會有芫荽係咪OK，豬腩油香滲入包同配菜裏面，係無可匹敵嘅台灣風味☺️

喺尖沙嘴行街行到攰，所以就一路行一路搵吓有咩食🧐然後俾我哋發現The One對面就有間價錢唔錯嘅台灣便當店🍱即刻走上去睇下有咩食先😋#台灣古早味烤豬肉麵💰$64烤豬肉燒得好香口，好焦香！配埋嗰麵嚟食真係十分唔錯🤩好surprise！麵嘅質感夠晒冧又唔會話煮得太爛，好鍾意呢個麵🍜湯底就正正常常，食嗰日喉嚨唔太舒服所以飲咗好多湯，但都唔覺有好渴喉嘅感覺。#自家製冷泡茶 (金萱烏龍)💰$0呢個茶跟餐就有得飲㗎啦～除咗金萱烏龍都仲有其他茶選擇。飲落幾解渴解膩，食完碗麵再飲返啖茶就啱啱好☺️環境方面，想食麵就要行一層樓梯先啦～不過勝在地方夠大，所以好闊落。睇埋一個餐嘅價錢，尖沙嘴嚟講都不失為一個抵食之選😋

小胖成個image好得意, 原本諗住便當係快快醫肚系列, 冇乜期望, 但原來便當都可以幾高質!唔上去都唔知原來間鋪都幾大同埋係咁多人係度開緊餐, 就咁係門口睇完全唔覺。 叫左兩個紅燒牛頰肉便當, 其中一個係麻辣湯麵。便當大份材料豐富, 牛頰肉炆到好腍好入味, 另外仲有栗米, 蘿蔔同瓜, 食落冇咁寡!!我自己就中意麻辣湯麵多D, 湯底惹味唔死辣, 仲有D滷肉粒好香, 我估哩度既滷肉飯應該都好好味😋哩度仲有刈包食!! 叫左虎咬雞+ 虎咬豬,  佢個包好鬆軟,  一款係雞扒配埋洋蔥絲幾香~ 我中意豬個款係五花腩, 油香得黎佢又配番D酸菜同花生碎落去balance番。便當唔少得台式茶飲, 百香Q果綠茶+日月潭檸檬紅茶, 清爽!

🍊 餐廳名稱：小胖台灣便當 🐝 味道：6.5/10環境：7/10整體分數：7/10💰人均：$80+———————————————————話說上個月去完台灣之後一直心掛掛啲台灣料理，由其係刈包。係台灣食刈包都要行左第二個夜市先搵到，但俾我發現咗呢間竟然有得食，我即刻飛奔咗去。台式古早味烤豬肉便當 💰62好多唔同配菜，有菜甫蛋，粟米粒，蔬菜等等。烤豬肉味切好細細片容易入口，整體份量都夠飽。台灣鐵路大排骨配手工麵 💰70手工面上面有啲肉燥，增添咗成個味道。值得一讚，排骨係分開上，咁就唔使浸住啲湯會變到冧晒。虎咬豬刈包/虎咬雞刈包💰38

呢間台式餐廳主打平靚正便當同湯麵，主食有齊豬牛雞選擇，更可添加特色小食同飲品。尖沙嘴分店地方雖然唔大但座位夠闊落，而且店員服務態度有禮，經過不妨一試。湯麵係手打嘅，軟硬度適中，帶點咬口，上面有少量肉燥同菜、值得一讚係主食會分開放，唔怕整到淋曬，十分貼心。鹽酥大雞腿炸至酥脆可口，肉質嫩滑多汁、排骨薄身，容易咬開。小食方面呢度竟然有刈包，有豬同雞，刈包挺身，咬落有質感，分別包住大大塊肥燒腩肉同燒汁雞趴，另外搭配酸菜、青瓜絲等配料，都幾好味。飲品有珍奶同百香Q果綠茶，適合解膩。

今日出咗去尖沙咀要快食個lunch, 俾呢個咁可愛嘅小伴吸引到, 入咗去呢間台灣便當店, 小胖台灣便當🍱!! 入去第一個感覺係好乾淨好舒服, 服務好好嘅台灣便當店, 同埋小胖個樣有少少似可愛版胖虎 🤭之後就覺得呢間嘢好正, 好抵食! 竟然喺尖沙咀搵到個便當$60-$70, 小食/嘢飲都係加多$10-20三杯蜜汁烤雞扒便當+海苔(必加) 個便當好大份! 雞扒好大份好足料好Juicy, 喺台灣嘅味道☺️ 仲有配菜連埋飯感覺好健康, 海苔係必加, 令到個飯更加香! 士林鹽酥大雞腿湯麵另外嗌多咗個鹽酥大雞腿, 好驚喜係兩隻大雞腿, 熱辣辣上好香好惹味 🥰 個人覺得呢個係必點湯麵我upgrade咗做沙茶口味, 純粹個人喜好因為原味都好食! 💯嘢飲揀咗熱柑桔檸檬茶+珍珠奶茶🧋熱柑桔檸檬茶有驚喜! 好大杯, 甜度酸度啱啱好☺️ 珍珠奶茶可以揀少甜, 台式出品冇得輸 最後仲加咗個虎咬豬刈包! 即係好多特色酒樓嘅猛虎咬豬! 好味, 配料有加乘, 值得試!

忙完大半日終於可以食飯，經過見有台灣菜價錢又唔貴，懶得再行就上樓醫肚🥹上樓前有部外賣販賣機自行購買而餐廳內以先款後送餐方式下午茶𝐒𝐞𝐭：主食+小食+飲品 $𝟒𝟐🍜 豬大腸麵線大腸唔臭外表軟內有咬勁麵線幼而不太碎 略嫌湯有點稀身蒜香味濃 若有埋貢丸就正🫛 鹽蒜四季豆以為普普通通但越食越停唔到口四季豆有微微煎炸過口感爽脆無草青味鹽味恰到好處夠惹味加上有蒜香加持仲正🍎 芙香蘋果茶枝裝夠方便嘈洗一次過飲哂以茶包泡浸唔怕會飲到茶渣蘋果味香濃甜中帶微酸 茶帶甘香🍗 懷念鹽酥雞 (小) $𝟏𝟔台灣小食點少得鹽酥雞🤤炸粉好～薄 非常酥脆香口一口一件嫩雞 咬落有肉汁炸過九層塔加調味剛好不過量

同家人在尖沙咀呢頭想食個快飯 剛巧在the one 附近見到呢間台灣便當🍱佢便當既款式都幾多 我地就揀左2個餐share 🙌🏻 第一個便當係 台灣古早味烤豬肉 👍😆配了冷泡茶- 芺香蘋果茶 呢個便當既豬肉香氣四溢 同埋好易咬開 其肉汁讓人無法抗拒 且外脆內嫩 讓人一口接一口 🙌🏻😎 便當仲有啲粉絲同粟米同蛋跟菜 十分豐富 飯既份量都幾多男仔食都會很飽肚 😛飲品則點了百香Q果綠茶（可選少甜少冰）珍珠同Q果皆彈牙 又唔會太甜 很清新🙌🏻😛至於點到既另一款便當是紅燒牛頰肉湯麵（麻辣湯底）牛頰肉好腍 同埋欣賞湯底帶有微麻辣 令到開胃很多 麵條也很彈牙 是一個美味佳餚👍😆冷泡茶也很解渴 超級清甜 蘋果香氣撲鼻 未飲已經聞到淡淡香味😎除外我地都試埋呢到既刈包 分別係虎咬雞刈包 另一個係虎咬豬刈包 2個包都新鮮熱辣咁整 揸在手都好熱🤣個包很鬆軟 且包住啲青瓜🥒 雞同豬扒都好厚肉 ！ 有誠意！😚呢到時便當快靚正～果然冇揀錯呀！

本身諗住試啲新嘢，但係我個「大胖」話想試吓小胖🤪，所以都係忍唔住再去幫襯喇🤣！餐廳地方好闊落，坐得舒服😌～主要係自助形式，唔會有咩服務，但勝在大件夾抵食，所以一定要同大家分享😄！！✨士林鹽酥大雞腿湯麵🍗 $70雞髀個皮脆到癲咗，咬落去咔嚓的一聲非常治癒❤️‍🩹！仲要超級大塊，成隻手掌咁大㗎🫲🏻！！湯底亦好香濃，乾蒜同蔥吊起咗成個湯嘅味，添加咗層次！而麵嘅質地都唔錯，可以掛到好多湯汁😋！大推🫵🏻！！✨麻辣鴨血肉燥寬粉🪿 $64寬粉份量好足夠～我鍾意佢夠煙靭嘅口感😍！鴨血都唔執輸，有成7至到8塊，好吸到湯嘅味道☺️！我叫咗小辣，都咪話唔辣，好在肉燥可以中和返個辣味，夠晒過癮🥹！✨跟餐飲品：金萱烏龍、芙香蘋果茶跟餐有埋茶令到成件事更加抵食😎，我特別推介芙香蘋果茶！飲落有淡淡清香嘅蘋果味，有驚喜，啱晒解膩😉！CP價：🌟🌟🌟🌟🌟Encore機會：🔥🔥🔥🔥🔥環境氣氛：🧸🧸🧸🧸🔖 #小胖台灣便當 (德立大廈) (尖沙咀) @chubbybento.hk📞 38535504🔍 尖沙咀加連威老道21A-21B號德立大廈地舖及1樓#k_razyfoodie #k_razyfoodie台灣菜推介 #hkfood

第一次嚟食呢間台灣便當，估唔到超出我想像嘅味道我要咗一個大排飯，豬扒味道不過不失，但有驚喜嘅係入面好多蔬菜，其中嘅炒粉絲非常之好味，令你食一個便當覺得有飲食均衡嘅感覺，因為有咗蔬菜，所以個飯好似拌飯咁樣，唔會覺得好寡另外朋友要左個照燒雞扒麵，雞扒味道就係正常照燒汁味道，我冇試個面，不過佢話都唔錯我哋加咗錢要咗兩個小食，一個係脆地瓜，上面灑咗梅粉，另外一個係鹽酥雞，兩個小食都係即炸嘅，熱辣辣，脆卜卜，兩個都好好味

諗唔到食咩好，有啲掛住台灣夜市風味叫咗小胖兩個下午茶餐，原價都係$100左右，用埋app先$60，抵！細烤豬肉飯vs❤滷肉飯+醬烤茄子意外地有片台灣香腸，個豬肉用酒腌過先煮幾好味手，但細份咗啲，要食埋個醬烤茄子同滷肉飯先飽。醬烤茄掂呀，煮到夠腍，而滷肉飯亦有兩種滷肉，多重口感，滋味~❤️冷泡蘋果茶vs金萱烏龍茶鍾意個蘋果茶好清新，陣陣蘋果香又唔會太甜。金萱烏龍茶就普通咗啲，但都ok~============================結果一個人食咗兩個餐😂肥

今日又去食台式炸雞。點解在香港要食台式炸雞？如果有看過我之前寫的食評，都會知道我上個月才去完台灣，有沒有留意到是無寫過炸雞的。我去到士林，但見到要等10幾個人才有得買炸雞，便去了食其他美食了。所以，在香港食多兩次炸雞吧！如果你看這便當，可以和我之前寫台灣便當梁社漢食評的相片作個對比。都幾似哦～這個便當好似多料過台灣的米粉的分量，小肥一小勝你可以看到有一些，都幾好食紅色的東西，有沒有人知道是什麼東西？

💥尖沙咀小胖台灣便當食，美味爆棚！💥😍介紹一家小店，就在尖沙咀繁華地段，隱藏著美味佳餚——小胖台灣便當食。🍛三杯蜜汁烤雞便當，🍗烤得恰到好處的雞肉，配上香醇的醬汁，入口即化，香氣四溢。便當中的蔬菜也清脆爽口，令人食欲大增。🍚🍔虎咬雞刈包也是必點之物，虎咬雞寓意著將鸡肉咬在口中的快感，麵包皮裏面包裏著豐富的配料，一口咬下，香氣四溢，絕對是絕配！😋🍊除了美食，還有獨特的冷泡茶提供，讓你在吃美食的同時品嘗一份清爽。🍵#尖沙咀美食 #台灣便當 #三杯蜜汁烤雞 #虎咬雞刈包 #橘子冷泡綠茶 #香蔥油燙青菜 #美味爆棚 #小胖台灣便當食

星期三想食啲comfort food，例如鹽酥雞、鹽酥杏鮑菇、木瓜牛奶等，次次去完台灣都想唔理卡路里超標，將成個夜市搬返屋企。諗起都流哂口水，一於就叫呢間外賣啦，唔洗堂食咁成陣油煙味（以前試過堂食過一次）~ 1) 烤豬肉便當 + 酸梅汁 + 蔥油青菜 $105 (App 優惠另減$50)加十幾蚊就有個菜，烤豬肉似係食緊蜜汁燒豬，唔乾，而且便當配料豐富，除咗烤豬肉，仲有台式香蔥炒蛋同甜甜哋的紅色蘿蔔絲、粟米同小棠菜，跟飯啱啱好。最欣賞係佢個酸梅汁，好足料，真係有青梅同山渣，飯後一杯好消滯，我仲食埋啲青梅，正呀! 2) 三杯蜜汁烤雞排 + 熱金橘檸檬茶 + 鹽酥雞腿菇 $121 (App 優惠另減$50)朋友叫呢個配湯面食，望落都好味。杯茶都幾甜，朋友話飲兩啖就飲唔落啦。我淨係試咗鹽酥雞腿菇，可能因為外賣盒焗咗一陣，個菇菇咬落雖然juicy，但外層已經唔脆，有啲失望。==============================PS 如果唔加錢叫小食，每個餐都係$8X，再平啲我一定成日幫襯。

［📍尖沙咀｜小胖台灣便當］呢間台灣菜主打便當形式 雖然選擇不是太多但每個餐既份量都非常充足 而且好味道佢地既便當 唔單止只有主菜 便當旁邊亦會有多款配料每款配料都係有認真烹調醃製過 佢地既便當有幾款都非常出色 三杯蜜汁烤雞扒便當勝在大大塊雞扒 雞皮烤到微脆 甜甜地 啖啖肉 非常滿足