影片
港鐵油麻地站 B1 出口, 步行約1分鐘
繼續閱讀
電話號碼
29881328
付款方式
以上資料只供參考, 請與餐廳確認詳情
今日出九龍整野～途經小草十八怪見好多人就同姑媽入去試下姑媽要左蒜蓉金菇粉絲奄仔蟹荷葉飯 $ 98等左一陣上枱熱辣辣好香蒜蓉味蟹蓋唔係大但爆晒膏連埋蒜蓉食好惹味荷葉飯吸晒d精華超正加$18轉鴨屎香檸檬茶小冰嚟到呆左超大杯😂😂檸檬清爽解膩~大杯都飲唔晒我要左脆炸無骨豬手石碢飯(咖哩汁) $68店員都有提醒唔好掂到個鍋好熱有埋隻溫泉蛋好吸睛撈勻嚟食好夾豬手皮脆卜卜啖啖肉食到底有好多飯焦🤩石鍋飯可以加$12小食揀左涼拌青瓜雲耳(細)醬汁酸酸甜甜非常開胃青瓜雲耳都好脆口加$18轉香水檸檬草莓梳打 小冰小甜我係唔飲檸茶~但香水檸檬呀青檸就好鍾意香水檸檬真係好香~唔會好似普通檸檬咁酸杯底仲有草莓肉~呢個天氣飲一流小食：酸辣藤椒鳳爪 $ 46同埋係酸甜味道~無骨好清新脆脆蝦多士(6件) $ 38呢個幾有驚喜~非常鬆化好香蝦味蝦膠勁厚彈牙~怪不得枱枱都食~大推
繼續閱讀
這一晚，又再幫襯這間位於油麻地通衢大道上，地方偌大的「小草十八怪」食米線，不過這次就搞搞新意思，點了期間限定推出菜式之一的「滇味黃鱔米線」（$72）做主食，另外還點了一個少見少吃的「爽滑涼拌豬肝」（$46）做晚餐。「滇味黃鱔米線」味道濃郁，除了主角的黃鱔片外，還有配角的豬皮作伴，並有少許枝竹，是較少在其他米線店吃到的配搭和風味。「爽滑涼拌豬肝」雖然不算十分爽滑，不過都不會太老，而且份量都幾多，足有八至九塊，味濃而帶點辣，作為難得一吃的開胃前菜，都算相當稱職。老婆仔吃的則是「瑤柱粉絲鯛魚片籠仔荷葉飯」（$80）。這以蒸籠奉客的荷葉飯，未嚐其味，先聞其香，使人食欲大增。蒸飯滲入了蒜蓉和魚片的香氣、油份和味道，份外滋味好吃。這兒令人一試難忘的超級大杯特飲我當然不會忘記，這晚我就揀了少甜多冰版的「凍鴨屎香檸檬茶」（$36）佐餐。這少甜版的檸檬茶雖然可能沒有正常的檸檬茶那麼好喝，不過就一定更加健康，而且一樣解渴生津呢！老婆仔喝的則是少甜版的「話梅金桔檸檬熱飲」（$25），我只試了一口，酸甜度剛好，開胃好喝，不錯！不錯！兩夫妻都想吃點菜，便點了「蒜蓉錫紙燒娃娃菜」（$48）佐膳。大大碟的娃娃菜，加了大量蒜蓉，浸以上湯，都幾好味。雖然「小草十八怪」的旺角店已經結業，不過這間油麻地店不但地方更大，而且菜式選擇也比之前更豐富呢！
繼續閱讀
今日去油麻地買嘢，經過彌敦道見到呢間小草十八怪，樓底好高，望入去好多人，於是到入去試吓佢哋啲嘢好唔好食。自選石鍋米線：呢度嘅招牌係石鍋米線。湯底本身想試香辣金湯，但又怕太辣，所以揀咗清淡少少嘅火腿肉骨湯。配料要咗9款，分別係腐皮、唐生菜、芽菜、雞肉、蟹柳、豬肉丸、冬菇、鯛魚片、花膠仔。米線好彈牙，用石鍋上可以好好保存溫度，食落熱辣辣。鳳爪排骨荷葉飯$56: 除咗米線，飯嘅選擇亦都好多，有韓式石鍋飯、籠仔荷葉飯、煲仔飯，我哋試咗佢嘅鳳爪排骨荷葉飯。飯唔會過濕，有好香嘅荷葉香味。鳳爪同排骨蒸嘅時間都啱啱好，好入味，而且份量十足。跟餐可以加小食，要咗九制陳皮炸雞 (加$12)，一共有3件。雞肉做到皮脆肉嫩，唔會好油膩，表皮仲有陳皮嘅味道。另外加咗金華火腿湯浸娃娃菜(加$9)，份量唔算好多，但好夠味。飲品要咗熱檸檬水 (加$5)，另外一杯係特飲話梅柑桔檸檬熱飲 (加$18)。特飲飲落有話梅同金桔嘅鹹味，再加上檸檬嘅味道，又鹹又酸，都幾開胃。呢度嘅嘢食豐儉由人，款式選擇多，難怪會吸引到咁多人入去醫肚。
繼續閱讀
去完果欄剛巧落大雨，順便醫肚便去了彌敦道的小草都八怪吃個飯。餐牌選擇很多，有飯有串燒亦有米線，每款圖文並茂，唔使左揀右揀，直接睇圖食飯。最後揀了呢度的招牌生滾石鍋米線和兩個小食。一桶水果香檸茶先上枱，大大桶入面有很多水果，夠晒抵飲！我點了話梅金檯檸檬特飲，暖宮又暖胃。一口開心果風乾熟成牛肉是最新出品，概念有點似巴馬火腿和蜜瓜，不過將火腿換了厚切牛肉。蜜瓜香甜，而且加上了藍莓和酸瓜，口感幾豐富，牛肉味道亦夠濃，整體嚟講有新意又好食！原條燒茄子大大條茄子燒得肉嫩多汁，滿滿的蒜頭醬，帶點微辣，好惹味！十八怪招牌金湯過橋石鍋米線，材料十分豐富。封門牛柳、花膠、溫泉蛋、海蝦、蟹柳、鯛魚片、翡翠苗、腐皮、芫荽、芽菜、韭菜。一次過滿足晒所有願望，熱辣辣上枱，金湯有好香的鹹蛋黃味，果然是招牌！而且用上了雲南直送的手工米線，彈牙又不易斷，好食!!!所以幫襯的人不少都點石鍋米線。沙嗲牛牛石鍋石鍋米線，材料有肥牛、封門牛柳、牛丸、牛柏葉、牛肚、金菇。沙嗲湯底較金湯更加濃味，肉感更重，更適合食肉獸！
繼續閱讀
➊ 🥘沙嗲生牛石鍋米線 $78石鍋米線係哩間餐廳嘅主打菜，成個米線都係用石鍋嚟上👀 熱辣辣嘅石鍋可以更好咁保存米線同湯嘅溫度，就算嚟咗幾分鐘，個湯都仲可以保持住滾熱嘅狀態🔥 米線本身份量充足，湯底亦都用咗濃郁但唔鹹嘅沙嗲湯。餸嘅份量一啲都唔慳，有多片肥牛🐮同封門牛肉、多片牛柏葉同金錢肚、四粒牛丸、同埋少量金菇。跟餐仲可以加$9配一碟娃娃菜、$12配三件陳皮炸雞、加$5-18蚊配唔同冷熱飲品或特飲。..➋ 🍚無火生滾石鍋煲仔飯 $68/76煲仔飯多數都係用瓦煲嚟煮，但依度嘅煲仔飯竟然都係用佢哋最拿手嘅石鍋嚟煮，估唔到呢種煮法有另一番風味😝 石鍋煮嘅飯，雖然比起用瓦煲少啲飯焦，但保溫較好，而且飯質更鬆軟。今次我哋加咗$1俾佢用蟹皇湯去煮個飯底，飯味居然好有鮮味，而且一啲都唔鹹😎 雙併$68，三併$76，之後每加一樣餸就加$15。我哋今次叫咗臘腸、滑雞、棉花魚肚，三樣都認真高質。本身煲飯亦都配咗幾片萵筍，可謂十分足料。同石鍋米線一樣，跟餐可以加錢配菜/陳皮炸雞/飲品特飲。..➌ 🐔 九制陳皮炸雞 $34陳皮炸雞嘅肉質非常嫩滑鬆軟，而佢表面仲放咗少少調味粉去點綴。望落簡單，但成個菜式好特別。如果只係想試少少，跟餐只需加$12就可以試到三大件。..➍ 🦐 蝦膠釀豆腐 $38蝦餃釀豆腐係其中一種餐廳推介嘅特色小食，而我哋都覺得真係值得一試再試👍🏻 佢哋將大量嘅蝦膠釀入去豆腐入邊，豆腐嘅質地有啲似街邊小食臭豆腐，而蝦膠肉質鮮甜同彈牙🤓炸出嚟熱辣辣，配埋佢哋特製嘅調味粉，真係試過返尋味。..➎ 🐟 麻辣藤椒脆魚皮 $42魚皮相對嚟講唔算特別，同平時食都嘅鯪魚皮差唔多，不過都好好味，而且大件夾抵食，佢仲有五個辣度可以俾大家揀，唔夠辣就記住要嗌盡佢🔥..➏ 🍢雞翼串燒 $18雞翼串燒一串有兩隻雞中翼，辣度同麻度都有得任君選擇。雖然串燒唔係佢哋主打嘅菜式，但如果心血來潮想試少少串燒，都不妨可以叫返幾串👍🏻..➐ 🍢雞肉串燒 $24雞肉串燒一份有兩串，肉質類似平時大家食到嘅日式雞肉串燒，同樣都可以揀辣同麻度！..➑ 🥤 特大手打檸檬茶 $36 （跟餐$18）最後要介紹嘅係佢嘅手打檸檬茶，叫得特大當然係唔少嘢，成杯有成1L咁大。佢仲用咗好多片檸檬，再用手打嘅形式去調製，令檸檬味更突出🍋
繼續閱讀