影片
港鐵尖沙咀/尖東站 B2 出口, 步行約4分鐘
繼續閱讀
營業時間
*22:30截單
星期一至日
12:00 - 00:00
以上資料只供參考, 請與餐廳確認詳情
食家推介
小蟻人都係聽朋友提及才知尖沙咀分店已停止營業可惜難得一間咁有特式味美甜品的餐廳會消失雖然如此，好想分享一下早前食過的甜品，相信荃灣分店亦會找到個人最記得當然係其好似尖東街燈的佈景，像真度極高，影相一絕甜品方面，亦係高度推介紅蟻屋配movenpick 雪糕HKD80賣相十分精緻動人，中間配上鮮果，右面的心大軟真是名副其實，心型，好有心思當中的流心亦係士多啤梨口味，莓味十足，外面焗得香但唔會變脆身，口感很好，味道夜香甜而不膩最後還點了一個白桃味梳打咖啡HKD42味道亦十分好，咖啡不會太濃，同時嚐到白桃氣味，香甜而帶甘，在家也要試試自製呢！希望會在九龍區再看見你😊
繼續閱讀
清理相片時才發覺這檔內的食物照片是未分享食評的, 縱使有心為好味的食物寫下介紹卻得知已結業, 很可惜吧!真。芒果汁看它的質感已知道是很濃郁, 連芒果肉一起啜, 應該有加進一些糖漿。炭燒美國極黑厚切豬鞍扒那清晰又帶著焦香的網紋首先吸引眼球, 從橫切面可見豬鞍扒的肉嫩兼juicy, 配菜是烤菠蘿圈及大啡菇, 配搭頗有新意。味道 4環境 3服務 3衛生 4抵食 4
繼續閱讀
一向都喜歡有主菜加甜品既餐廳，係網上見到小蟻人既主菜甜品有好多選擇，而且賣相好精緻，評價不錯，就相約朋友一齊去試下。小蟻人既環境非常少女，而且佈景係維港景色，係網上睇相仲以為係真！哈哈，非常有創意一開始餐廳會免費提供柑桔味雪葩俾客人清清味蕾，酸酸甜甜好開胃。黑松露三文魚薯蓉湯$42黑松露香味唔會蓋過三文魚既香，飲湯之餘有啖啖薯仔好有咬口，值得一試！意式拼盤$148拼盤分別有巴馬火腿，煙三文魚同沙樂美腸，三樣都唔會太咸。炭燒安格斯肉眼扒$288最欣賞係呢個肉眼扒，我地叫左7成熟，燒得岩岩好，完全唔靭同無筋焗極黑厚切豬鞍扒飯$98豬鞍扒肉質鬆軟，蕃茄汁同芝士都好香濃，配埋飯好好食！黑松露有機意大利飯$148黑松露既味道好香濃，白汁唔會太膩，意大利飯有返應有既硬度，誠意推薦！雪糕芝士夾心$80甜品時間到！呢款甜品選用movenpick 雪糕，賣相超靚！有三款唔同味既雪糕，一啖食落去味道好有層次，就連配角macaron都整得好味，好用心製作既甜品！綠茶心太軟$68綠茶味同牛奶味都好香，雪糕下面有紅豆配埋一齊食，綠茶同紅豆果然係絕配！藍莓柚子沙冰$38藍梅同柚子呢個組合好新鮮，出奇地好夾！藍莓味同柚子味都飲得出，味道調較得好好！食左咁多野最後飲係好消濟，同埋好消暑！食左好多好多野，最後盛惠$1116，有賣相咁好既食物，同一流既服務（係唔收加一），真係好抵！
繼續閱讀
同一班朋友食完飯想hea多陣就走去厚福街食甜品，見間間甜品店都排長龍，唯獨哩間要落樓梯唔洗等，所以就唔理咁多落去。餐廳話晚上9半後叫88蚊既草莓心太軟就送一個68蚊既甜品，所以我地6個人叫左3 set😂個心太軟好怪好怪，首先一上店已經好大陣芝士味，睇清楚餐牌係士多啤梨味，都淆淆地底！食落好怪，有陣臭味，唔知係咪牛油出左事，無士多啤梨味，食落勁甜，唔知想點。雪糕係mo牌雪糕，一定好食。68蚊甜品揀左個綠茶窩夫，基本上個窩夫係正常既，好淺綠茶味，微暖，都尚算叫脆，但係個雪糕細到咁，一舊窩夫都唔夠伴啦，攪到成件事乾爭爭，d吉士醬唔好食，唔香，好甜！價錢除開都要4十幾蚊，其實唔平，不過就可以坐好耐無人理囉！
繼續閱讀
次次去到尖沙咀，唔係去同朋友食放題就係食壽司韓國菜韓燒，今次想搵返少少平民嘅嘢食，揀咗好耐最後揀咗呢間小蟻人，諗住都係試下心態，無咩太高期望。我同兩個friend三人行去到餐廳大概7點鐘多啲，諗住一定要等位，點知一入到去就有位坐，唔算係好full。我哋坐果張檯有張L字形嘅梳化，外面兩邊有兩張凳，算係好寬倘舒服，裝修上好公主feel，女仔通常都幾buy。唯獨是佢牆上面啲話，同埋佢果幅全片幅維港夜景好似同佢主題有啲格格不入咁。當我哋睇完餐牌有啲嘢唔明問侍應，佢地都好耐心樂意地解答。我哋三個最後都叫晒是日晚餐，焗椰汁雞飯，忌廉蘑菇煙三文魚兩頭通粉，同咖哩海鮮配白飯。上菜速度都好快，落咗order之後唔洗5分鐘就上晒飲品同餐湯。第一道菜可以揀餐湯或者沙律， 我哋全部都揀晒餐湯。是日餐湯係紅湯，蕃茄羅宋湯，蕃茄味好濃郁，個牛湯底都好鮮，裡面嘅菜都好淋，同個湯味道合一，唔錯 到主菜，焗椰汁雞飯，面頭有一層芝士，焗完之後燒焦咗嘅芝士味更加香濃，雞肉嫩滑，唔會切得太細無晒咬口，流失晒肉汁。汁嘅杰度同美度都調教得幾好，椰汁味非常香濃，亦都同雞非常配合，加上汁裡面嘅其它spices，呢度菜嘅味道都幾有層次，係我三道菜中嘅至愛。 咖哩海鮮嘅咖哩比較有馬來風味，同泰國咖哩相比，馬來咖哩香料比較豐富，但就無咩椰汁。咖哩辣度中辣，應該大部份人都可以接受。海鮮方面有大蝦，青口同帶子，用料質素上不過不失，食落口都頗有鮮味。除咗咖喱之外，碟上面仲有另外一道配菜，望落去似係用嚟煮羅宋湯嘅用料，西芹，蘿蔔之類嘅雜菜。雖然同咖哩有啲唔係好啦間，應該係為咗擺盤上好睇啲，但都幾入味幾好食。忌廉蘑菇煙三文魚兩頭尖通粉 － 第一次食呢種形狀嘅意粉，開頭以為佢同長通粉差唔多，食落口個質感返而似貝殼粉，意粉質素唔錯，有啲似fresh pasta嘅口感，唔會話好粉，但就有蛋味同有咬口。煙三文魚已經切碎，方便撈落個意粉度，方便食，少少咸但就無咩煙燻味。蘑菇用咗日本菇同雞髀菇，食落去新鮮爽滑，同白汁意粉好配，但份量可以多番少少。個汁濃郁有鮮味，分量亦都啱啱好，幾好味，唔錯！又到邪惡既甜品出場嘅時候，我哋叫咗個雜果雪糕多士磚。上台果陣已經流晒口水。多士鬆脆得嚟又唔會硬，加上半溶嘅雪糕，間直係人間極品，帶你去咗世外桃源咁，perfecto無得輸呀！！！如果大家鍾意茶木的話，我向大家推薦呢間餐廳，比茶木好食十倍。服務又好，非常周到，每次我地對餐牌上有唔明白果陣，侍應們都會耐心詳細解答。有一個侍應仲好細心，每換一碟菜果陣見我哋張檯污糟咗，那怕只係一粒飯，都會幫我哋抹返乾淨。定價方面響尖沙咀嚟講都唔算貴，跟個晚餐有餐湯有甜品有嘢飲到係100蚊多啲，非常值得
繼續閱讀