小鍋米線 (水邊圍) (已結業)

平時都係坐係度食，因為今次一個人食，所以就叫了外賣回家慢慢品嘗，就是這間位於水邊圍邨對面嘅小鍋米線。這裏除了食米線，還有飯可供選擇。其實我對米線都是麻麻地，都係間唔中先會食一次，通常都會來這一間，貪佢近和低食。拿了外賣，回家打開一看，面和湯是分開的，這個低讚，這次叫了招牌米線，配雞扒。除了一塊雞扒，他的配料也很足。有雞肉，鮮菌，酸辣肉醬，炸醬，腐皮，芽菜，時菜，秘制酸菜。份量足，食到飽飽，大食嘅人都可以很滿足。因為分開裝，所以你想多少湯都可以自己選擇自己調配，而且麵條不會因為放太久而變林變軟失去口感。一個人的晚餐這裡不失為一個好選擇。

重記得第一次食呢間野果陣係媽媽帶去果陣第一個感覺間野 係細 依家都係唔只感覺無變 味道都係總店讀緊書果陣成日食 今次去呢間分店 近屋企d 都係例牌咁叫 招牌 雞扒 多酸菜 呢到既酸菜真係好正 大家第一次可以叫南乳雞件 佢既配料已經好多今次叫多份菜餃 唔錯（原本叫菜 點知黎左菜餃）最後打菜單條友應該訓著左

今日朋友帶左我來試呢間米線，話佢比起另一間大型連鎖米線店都唔差，而且款式較多問過姐姐，如果揀呢3款米線就會包一個餸，唔理係$4定$8，所以如果識揀一定會揀$8款🤭🤭唔睇都唔知，原來仲有甘多呢d款式種類既米線，每個米線都有8-11樣配料係入面，連餸都可以唔洗另外叫，下次真係要試下唔想食米線都仲有飯類架我叫左碗自選米線，生菜+豬軟骨豬軟骨比較硬，咬唔開覺得呢度既米線好似比較幼身小小本身叫左小辣，但食落去都係爭d問左姐姐，佢話唔夠辣既話可以加呢樽麻辣醬佢個蓋寫住係老干媽，加左係米線到又真係幾香麻辣味wor，鐘意麻辣既可以一試，不過呢個蓋長期都無關實，有隻鐵匙頂住左，所以都好似唔係好衛生另一碗係招牌小鍋米線，湯底比起自選米線較濃味薯粉口感就比較腍，唔算好彈牙蒜香雞扒 有d香茅係入面，食落好香坐近門口位置，見到收銀員不停接外賣單，門外都包左好多外賣等客人來拎

平時食開叫開招牌加芝士丸，有三粒芝士丸，點知今次得兩粒，同他理論，他話多少粒由廚師決定。心諗你講晒啦，咩都人地錯晒，仲話之前食開有三粒係之前比錯。下咁都得，火都來。

中午時間如果帶住小朋友就唔好去啦🤦🏻‍♀️🤦🏻‍♀️🤦🏻‍♀️因為好多學生，就要等下位啦🤔仲要好多外賣單，會忙過不停👉🏼👈🏼等候時間會比較耐晚上唔想煮飯，就係一個唔錯的選擇地方細細。兩邊都有卡位。座的舒服人流都開始比較少唔想食米線仲可以食飯㗎😝秘製甜酸餐真係好好食👍👍👍招牌米線清湯配料勁多😍滿滿的雞肉、鮮菌、酸辣肉碎 、炸醬、腐皮、芽菜、菜、秘製甜酸菜，正配豬軟骨、貢丸凍檸茶。都係$49蚊服務態度唔差，有同小朋友有講有笑，感覺親民👍

星期日唔想屋企煮又懶，所以行左去屋企附近搵野食。小鍋米線都算係清清地，反正又有少少喉嚨痛，都係叫d清清地嘅野嚟食。我都唔係成日嚟呢間食，原來佢d飯都幾抵食，一個自選雙拼飯都只係$38，仲要包飲品。蕃茄濃湯米線就要$42，依家嘅物價計都差唔多啦。要左一個蕃茄濃湯米線配豬軟骨，蕃茄濃湯米線酸酸地幾開胃，湯料仲配左酸菜，酸菜酸度適中，幾開胃。豬軟骨都炆得好淋，味道唔錯。至於$38嘅兩餸飯，賣相就差左少少，可能因為淋得太多汁。兩餸呢次揀左雞扒、蛋同埋腸仔。賣相雖然麻麻地，但係佢又真係好鬼足料，超抵食，又飽肚又平，糧尾之選啊。

午餐時間！不想吃飯..便想到來水邊圍這間小鍋米線..米線種類有好多種類配搭..今次我簡左招牌小鍋米線..中辣，配料已有雞肉、鮮菌、香辣肉碎、炸醬、腐皮、芽菜、菜、秘制甜酸菜、（另外可自選一款餸）我選了竹笙上檯時已經覺得相當豐富滿滿的竹笙真是好好味..雖然是素食..但是會吸曬湯既精華同辣味，好正呀不得不讚賞佢地店既秘制甜酸菜..亦是好好味..甜甜酸酸的..但是呢個餸冇得散叫..只有點米線才會跟餐上檯！

是日跟同事外出午餐，本身佢地想食附近間泰國菜，點知星期三休息，由於大家熱到唔願花時間搵地方，隨意入來呢間小店午餐。睇返我的舊食評先知道呢間小鍋米線跟千色後面果間冇關係（雖然叫的食物一樣）我叫咗蒜香雞翼炸菜肉絲米線，個阿姐上雞翼時唔小心跌咗半隻在枱面，但礙於我怕佢地話換但冇換，只好將就食埋佢(￣∇￣)米線正常冇問題，不過我本身連微辣都唔得，狂拔有辣的湯俾同事，雞翼肉係ok，可惜唔夠蒜味。元朗食肆多，相信我短期內唔會再幫襯😂😂😂

元朗遊記最終回，本身行到咁遠就係食豬小姐，點知晚上8點都可以爆場友人表示不如食旁邊嘅小鍋米線原來呢間小鍋就係平日我係嘉誠廣場後面小店果間米線相比果間小鍋米線，呢道坐位更舒適，坐得更自在照舊食我最愛嘅小鍋米線，我叫了豬潤同雞翼，酸菜份量多而美味，小鍋米鍋default有木耳，菇類同腐竹，加上米線口感一流豬潤煮到剛剛好，唔好過熟同友人講開，元朗本土人會比較喜歡南乳雞件，外地人如我倆則喜歡呢道嘅雞翼夠香口另加小食蒜泥白肉一碟，令人笑逐顏開

有天，大工程完畢之後，就進去元朗，連吃數間以往的心頭好，非常滿足。晚上，本來想到豬小姐，但是接近七時，竟然也座無虛席，於是就看看側邊的小鍋米線，裏面座位不少，就倒不如到小鍋米線回味一下它那個可愛的酸菜吧。仍然是點選自選米線，加配腩肉及雞翼。這次多吃一個蒜泥白肉，以往沒有加＄12的小食，這次可以試一試。蒜泥白肉，不算非常之蒜香出眾，但是慢慢吃，配合少許酸來吃那片肉，味道還是挺香。向來覺得雞件太細太碎，雞翼又大又多肉！而且夠熱，吃起上來大快朵頤！到小窩米線，最喜歡的就當然是那大片有厚身的酸菜，大片，甜酸味出色，湯底又不會過鹹，有少許肉碎。米線既幼，但又不是彈牙的米線，份量十足，飽肚一流。

今晚諗住清清地走去食個米線清清腸胃，結果入到去都係都係忍唔住叫左個小辣嘅小鍋米線同一個清湯嘅過橋米線。清湯過橋米線都有好多餸，成個碗都好滿！有豬肉又有雞肉又冬菇，當然仲有酸菜。清湯味道都唔會太淡，幾好wor！$39咁大碗仲有埋野飲，都幾抵食，見佢夜晚都有咁多人就知應該唔差啦！另一個叫左小辣小鍋米線，可以揀一款餸，我揀左個蒜香雞扒！佢餸同米線係分開上。雞扒炸得有少少乾，浸一浸個湯會好少少！至於個小辣湯底，對我嚟講就辣左少少。本身都唔算太食得辣，呢個辣度對我嚟講有d勉強，我諗我之後食呢間都只可以食清湯喇！

呢間地區米線小店，泥親都好多人，佢地嘅招牌小鍋米線加南乳雞件，係我最鐘意嘅配搭之一。先上大大碗嘅米線，湯底夠濃味帶微酸，可選辣度 (個人口味係小辣)，酸菜帶甜，咬落無渣，腐竹軟滑，米線較淋但煮得好入味，配埋雜菌、雞肉、肉碎一齊食，好豐富。細細粒南乳雞件另上，外皮keep住香脆，雞肉juicy入味，略嫌咸左少少，一啖雞件一啖米線，剛剛好～食完都唔覺太口渴，讚！而且坐得舒服，雖然服務都係一般般，不過水邊圍店比千色店好。

這一家小鍋米線在元朗向來著名，但是千色店那邊的老店向來比較多人，於是便在水邊圍這邊開了新分店。店子的酸菜向來非常之出色，微微酸味，咬下又非常多汁，帶點鮮甜，酸甜多汁，開胃醒神，配襯米線一流。這兒的腩肉薄切，之前好像還長一點，現在較小塊，不太肥又不致於瘦到痴晒牙，肥瘦適中。燒雞扒及炸雞中翼均出色，雞扒多汁，碟子上也留有肉汁，皮不太乾，熱燙可口。但雞中翼則更形美味，大大隻又蘊藏肉汁。

搵唔到元朗水邊圍的分店OPEN RICE PAGE，唯有打係度啦我同呀妹今日Lunch時間，大約12點30左右，去左水邊圍間小鍋米線食野撞正幾間中學放飯，不過都有位坐。環境：鋪頭細細地，店內好似得四五張枱，坐得唔係好多人。所以呢啲繁忙時間會擺埋出街至於店鋪裝潢都係好簡單，得啲枱枱櫈櫈，衛生情況一般，地下乾爽，冇烏蠅，哈哈食品：我叫左自選小鍋米線（小麻辣）配蒜香雞翼&凍豆漿＄32我妹叫左自選小鍋米線（小麻辣）配南乳雞件&熱檸茶＄32雖然我地叫左麻辣個湯 但個湯都算清，而且清得黎又有辣味，Nice!!!!!蒜香雞翼有3隻，普通Size，皮好脆，炸完食落口又唔覺得油！Nice Nice!!!!南乳雞件有5粒 （即係2.5隻雞翼），皮好脆，又唔油膩，但Size好細粒，唔煲好夠喉！服務：其實我個人都幾睇重禮貌嘅。我就覺得店內嘅員工都冇咩嘅，唯獨係有位姐姐好燥底。落單個時可能我地表達得唔好，佢會話我地講得唔好，一舊舊，要佢再寫過。其實唔係淨係對我地咁燥，對其他學生都係咁嘅態度。搞到人人比佢話完都一臉無奈，話哂我地又唔係做開侍應，落開單。不過佢除左落單個時係唔耐煩左D之外，其他時候都Nice ge,