22
32
12
| 餐廳: | 小雨天 (士丹利街) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
供應多款親民價麵食和飯類菜式，主打雲南風味麵食，以及用骨湯製作的菜式，如骨湯泡飯。
繼續閱讀
營業時間
今日營業
07:30 - 20:00
星期一至日
07:30 - 20:00
公眾假期
07:30 - 20:00
公眾假期前夕
07:30 - 20:00
以上資料只供參考, 請與餐廳確認詳情
招牌菜
入去食野，周圍都係吉枱，求其坐低左一張枱，比個侍應罵，叫我起返身，坐去第二張枱。個豬軟骨湯飯好難食，啲骨硬到咬唔入，啲湯又清到水咁，啲肉得個咸字，最差係服務態度。重有啲烏藪周圍飛，飛上個頭到爬下爬下。價錢又唔係平，簡直係巨伏。本身諗住佢張枱夠大，點能知個侍應要我坐張勁細勁逼既枱，我想反佢枱，不過我無咁做，我決定上黎寫臭呢間鋪，寫衰呢間鋪，想試下咩叫伏，大家可以去試下，包你一去無回頭，恭喜呢間鋪得到負評，恭喜哂。
繼續閱讀
晏晝12點過嚟，全部都係地盤佬，幾年前食過而家想食多次，但係見到咁嘅狀況已經冇癮。呀姐又好笑，地盤佬就幫人拎埋水。我話要杯水，佢就叫我自己黎。你啲嘢食平都唔係咁樣嘅態度呀老細. 臨走嘅時候餐廳門口仲有幾隻老鼠 🐁，衛生情況惡劣。加上枱面同餐牌又油，以後不再幫襯。叫咗個小鍋米線，飲咗一啖湯已經好後悔。 小窩米線不單止唔酸唔辣，仲要衰過清湯。墨魚丸絕對係冇口感，完全唔彈牙，全部都係麵粉。牛肉完全搞唔掂，勁硬。建議廚師試食返自己煮嘅嘢先好拎出嚟俾客人。 總括嚟講呢間嘢服務態度惡劣，嘢食又惡劣，環境都好惡劣。 差差差！
繼續閱讀
每次黎中環揾朋友食lunch，我都會揀左小雨天，因為覺得在坐得比較鬆動，傾計舒服啲，同埋價錢不算貴，而且我好中意食啲酸菜，今次都唔例外。原來下午茶嘅時間，仲可以免費送餐飲檸檬茶，今次我叫左豬腸雞翼酸菜米線，除左豬腸雞翼之外，已經有腐竹，肉醬同埋最鍾意嘅芫茜蔥，今次酸菜好似淡左，但雞翼好入味。不過坐位已經爛都唔換，呢樣野真係要改善一下。而且d姐姐好心急，只要你一日未嗌野，佢會不停問你叫左野未，叫左野未。
繼續閱讀
平時幫襯開葵廣小雨天 雖然唔係話好好食 但正正常常都唔差 今日返工放lunch行行吓見到中環竟然都有小雨天 諗都冇諗就坐低平平地食餐飯 諗住落單 舉手叫咗幾次 明明冇乜客 都好似見我唔到咁 之後先施施然行過嚟問我落乜我冇睇menu 直接諗住叫個骨湯蠔仔肉碎上海麵 好好禮貌問佢唔該想問有冇得加肥牛 諗住佢可能有肥牛 佢就同我講要加12蚊 我問佢 咁加雞肉呢？ 佢勁唔耐煩話都係加12蚊㗎啦 跟手我再望一望個menu 冇寫到有肥牛 得滑牛 就問：咦 呢度係咪冇肥牛？ 個阿姐：係呀冇肥牛呀得滑牛㗎咋 咪寫咗囉跟住我已經少少燥 話：咁我一開始咪問你有冇肥牛加 你又要答我有 其實你態度可以唔使咁差囉阿姐：肥牛加12蚊就有？發夢啦你！聽到我成肚火 價錢唔係問題 係你亂答嘢呀阿姐 落完單 個阿姐仲要行埋一兩邊繼續口噏噏鬧我態度差到我想嘔 令到我未食已經谷住啖氣走咗以後絕對唔會嚟幫襯
繼續閱讀
以前喺中環返工，呢間茶餐廳一向都係飯堂，因為啲嘢食質素ok，而且價錢合理又唔算貴，一到下午茶時間，仲可以包埋野飲，最鐘意食佢地嘅🌟骨湯豬肝肉碎上海麵$52大大碗，豬潤同菜都好多，肉碎都好食，。事隔幾年再嚟食，keep到質素，非常好
繼續閱讀