小飛象葡國燒烤餐廳 (已結業)

尋晚去左同frd 食飯~8 點幾都好多位~~可能係超大雨既關係~去到有個waittress 好好禮貌，唔單止介紹d menu, 又多笑容~真係好好~講番d 野食~~叫左個四人餐，對d 落左檸檬汁來煮既豬肋骨同龍利柳唔係太感興趣~個乳鴿都炸得唔錯~係嫌佢細隻左d~個馬介球沙律都唔算太差~算係咁la~炒飯都叫幾乾身~其實個人覺得旺角食物既質素度度都差唔多~但講到服務，我遇到o個個waitress真係有五星級酒店既水準

難得杜拜夜遊人回港休整當然不要愛得太遲快點吃個飯見見面也多謝你從帶回來的杜拜沙原定是吃韓燒的不過等極無位才轉移陣地五個人一人叫一個香橙鴨胸橙醬有點假和膠鴨胸有點過咸馬介休球是一般應有的水準不會太差也不會有甚麼過人之處吧芝士焗西蘭花把西蘭花焗得太乾了而且整個西蘭花上芝士汁與菜本身有點分離海鮮炒飯最搶手的一個其實不是特別好吃主要是其他都不夠飽吧?最後竟然把蝦食剩了奇怪還有一個甚麼扒的忘記了維持原來的評級(2005-10-11食評)唔好俾咩期望平平地唔駛等位同任你坐足一晚大家開開心心傾下偈我覺得已經好好皆因都不知下一餐齊人要等幾時?

上個星期本想去雲來打邊爐, 點知去到樓下發覺價錢都唔平, 好似唔係好抵食, 於是乎就即刻轉場, 師傅見到呢間食店又好似幾好咁, 所以決定黎呢度試下!入到去人唔算多, 被安排於一張卡位, 不過卡位比較窄, 坐得就唔算舒服! 不過唔理咁多, 兩口子商量左一陣, 最後叫左芝士焗青口, 蒜香焗田螺, 芝士焗生蠔同埋香檸煙鴨胸!先講下個芝士焗青口, 芝士焗青口一碟有六隻, 芝士焗得好香, 而青口就好新鮮, 焗後一d都唔老, 仲有d汁, 加上薯蓉整得好蓉好入味, 好得; 蒜香焗田螺一碟有六隻, 田螺都幾大隻而且幾鬆身, 薯蓉又係好好味, 正呀; 芝士焗生蠔一碟得兩隻, 芝士都幾多不過生蠔就老左少少有d韌, 加上唔算好靚, 苦苦地咁, 一般; 香檸煙鴨胸一碟有好多件鴨胸, 鴨胸都算鬆但就比較咸, 而香檸汁太濃, 一d都唔好味, 係全晚最差一道菜!總括黎講食物質素尚算不過不失, 環境一般, 服務都係普普通通, 不過入黎食完後師傅發覺都唔知邊忽似葡國餐廳? 似一間普通餐廳多d, 如果當呢間食店係一間普通餐廳, 師傅相信仲有機會再黎, 否則可免則免!

午餐套餐咖哩牛腩送汽水或凍飲、餐包和餐湯HKD$28 (1時前有八拆HKD$25)非常好平和好味!!!!

我上兩星期去澳門玩，夜晚去o左位於氹仔o既"小飛象葡國餐廳"，仲買o左D手信，但其後發現個袋寫住"本店並沒有在香港開設任何分店" 所以大家想食就要去澳門啦~~值得推介是"咖哩蟹" 好好食...9月至10月好似裝修....

d蟹望落嗱咋, 鰓肺都好似未清乾淨. 殼又唔係薄, 蟹鉗係咪應該拍裂下佢? 不過我諗就算搵鉗夾開, 將會"殼肉俱焚", 因為d肉係痴實殼壁, 點食?! 生蠔大隻多肉, 但係比起其他餐廳的, 唔夠香口乾身, 冇乜口感, 一冧水(sauce)咁樣. 都係因為"葡國"先試下乍, 無樣掂, 被佢昆左...咁樣食海鮮? 去大排檔好過~

用"差"0黎形容呢間野真係最好不過，點解?!因為有次同女友0黎食野，一心諗住要食蟹，叫左個咖哩蟹啦!點解ORDER左之後先話冇肉蟹，得返D奄仔蟹都算啦~點知0黎到之後，一食就知唔對路，D肉係連晒蟹殼，即係D蟹係隔夜呢~只有雪過0既蟹先會唔離殼，仲要個咖喱蟹唔夠熱，好似用微波爐叮左就算咁樣，仲有個馬介休炒飯，真係咸到出汁，馬介休係澳門咸魚，但都唔係咸成咁~好似淨係用鹽炒咁樣，唔係我誇張，大家"哈佬喂"可以去試下，一定會俾佢地D野食難食到嚇親!

呢度應該改名叫「小飛象葡式茶餐廳」。無論係食品水準、服務態度、環境氣味，都同一般茶餐廳無分別，係價錢貴d囉。去過一次，都唔會再去喇！

就O係尋日,放工去O左旺角換完野之後,諗唔到食咩好, 終於走O左上去呢間野食。心諗:「橫掂日、西都食過,試下澳門D特色美食都好丫..」嗌O左個....菜蓉湯(好稀,冇乜菜味,$20呢個價錢似乎唔多合理)葡國開胃沙津(過得去啦，佢ｄ汁幾好味)燒羊鞍　（呢個我男朋友覺得ｏｋ，不過伴菜好寡）紅燒豬肋骨（唉，貨不對辦,俾佢張相呃鬼o左。似糖醋排骨多d)菠蘿雪糕斑戟(食唔到菠蘿味,得一小舊仔o既canned 菠蘿溝埋d香芋雪糕, 浸味怪怪地)

去澳門當然要一嚐萄國菜而呢間萄國餐廳在澳門都可謂幾大名氣今日約了友人食飯無什麼特別想食不如去食下萄國餐啦(事實上我咁多年都未上過去食過)因為小妹連友人只有2個女仔所以不能叫太多食物叫餐是比較划算的但又唔係好啱食所以散叫了-燒豬手($6x)-馬介休炒飯($48)-牛仔骨($20) 炒飯淡味了一點有馬介休不過冇咩味牛仔骨我幾好因為只是20元不過有牛味幾好燒豬手就麻麻了乾了點同唔夠香反而伴菜幾好結算150大元值得一提我覺得服務不錯喎很勤加水也有禮貌是我這之用餐後的感覺~

由於去唔成食私房菜, 而且又係星期六夜晚既關係, 所以好多餐廳都好多人等, 唯有黎呢間度食....如我地所料, 係無乜人等位既...我地叫左好多野食, 每樣都係葡式或者澳門乜乜咁, 例如葡式炒米粉(食落似星州炒米), 馬介休炒飯(似普通西炒飯)等等, 仲知食完都唔覺自己食緊葡國餐啦....食完d野都唔夠幾分鐘, 佢就開始同我地收野喇, 擺明想趕我地走, 收完野唔夠幾分鐘就問我地仲需唔需要order其他野, 如果無就麻煩我地埋單.....d態度勁唔得...我諗都唔會有幫襯第二次喇..

公司係旺角, 同事們想lunch試晒旺角的餐廳, 所以未來幾週會為大家送上<旺角lunch好介紹>:第一站: 小飛象餐廳是樓上鋪, 不是想去試都未必會去食. 餐廳應該係葡國餐廳, 不過lunch set 跟葡國一點關係也沒有, 只是好普通的午餐. 而lunch set 如果1pm 前埋單會有八折優惠. 我叫了紅酒燴牛脷飯, 跟白湯&茸蓉飽, 冷/熱飲. 湯: 普通. 飽: 普通. 紅酒燴牛脷的汁好普通, 牛脷似煲湯牛脷.. 凍奶茶: ok多冰.. 價錢方面算低食, 因為沒有加一, 凍飲不用加錢.

星期一去食晚飯, Order 以下食物, 但是味道十分差勁.豬肋骨完全無燒烤味只有橙汁味蒜萵炒棷菜D 菜好生熰葡國雞無葡汁味, D 雞無雞味.埋單重要HKD200.00

剛剛和朋友在這兒吃過午飯, 唔太多人, ok好坐!我們order的是是日午餐, 大吉大利~葡汁燴牛脷飯& 香檸龍利柳飯, 有餐湯和餐飲都係五十幾蚊!以呢個價錢來說, 相當ok啦!順帶一提, 呢度的侍應相當業餘, 我和朋友order左個餐, 等了又等... 一催之下才知道... 漏單?! 唔係呀化?!

好認同下面果位既講法真係唔問都唔會有set dinner menu喎其實搭得車立上得黎多數都係想食葡國餐既者無謂令到d客唔高興者好耐無食過葡國菜諗左好耐先記起呢間於是走上黎啦三個人叫左一個"海龍皇湯"燒豬仔骨葡汁焗時蔬同埋炸馬介休樣同味道都一般啦朋友最唔鐘意既就係個湯睇相以為係酥皮龍蝦但係原來係酥皮忌廉湯加左d海鮮其他都係一般水準囉旺角加埋咁既價錢算係咁唔好有太大期望食個普普通通既dinner就算啦千祈咪諗住食到澳門小飛象既水準囉