小食快綫

營業中

休息中

經過地鐵或者早餐太餓, 都會想買一兜燒賣來食，SNACK EXPRESS好方便. 重點係佢個辣油.... 必需要叫姐姐多辣油 多豉油 先好味. 燒賣是唔腥的魚肉燒賣 辣油是深紅色有埋辣椒籽 + 辣椒皮 個款, 好惹味12蚊有8粒都叫好對得住個價錢. 但如果早餐買, 記得要叫姐姐去"筆" 新鮮蒸好, 最熱最熱的個批.... 如果佢"筆"定出來. 一凍左炦會變硬左. 就唔好食... 仲有格仔餅可以買, 食過但偏淋，做唔到格仔餅多脆內軟的效果~ 

第一次嗌左個燒賣話左要辣油個阿姐聽唔到，畢完我見佢無加即刻又好客氣咁提多次話唔該要辣油，佢即刻黑曬面咁鬧我話唔早講，我話我講左啦係你聽唔到，佢態度勁差咁dum兜燒賣係臺。第二次好想食燒賣又去左買，佢一見到我就黑口黑面，又係dum兜燒賣係臺，態度勁差，唔知係咪佢得我一個係咁p.s店主應該加強培訓員工，哩個情況唔係第一次發生，好趕客，同埋見到唔係一個人話佢態度差，應該採取措施唔係只會影響生意，d嘢幾好食都無用

今晚 18/2, 7：25 去買雞蛋仔的時候, 雞蛋仔姐姐畀了一底其中一面燶嘅雞蛋仔我. 當時我沒有發覺, 後來食了三口之後發覺有燶味, 行返轉頭拎返畀佢換. 雞蛋仔姐姐沒有講任何說話, 只即時畀返16蚊我, 仲要黑口黑面. 唔知係咪太好生意, 唔夠人手, 導致工作人員態度惡劣.

買燒賣要辣油要豉油，拎咗之後，拆開睇一睇見冇辣油，搵返阿姐幫手加多豉油同埋辣油。阿姐將我碗燒賣，瘋狂落豉油，變咗豉油+辣椒油「湯」燒賣，豉油同辣油多到浸過晒啲燒賣，以為佢變左一碗碗仔翅，我當場呆咗。我叫阿姐唔好玩我，可唔可以俾過一份我？佢就話：得，我按左你要求做，係你唔滿意（態度不是太好）。佢喺做過另一份俾我嘅時候，我話：我想影張相，指住之前嗰碗。跟住佢隔籬個同事即刻拎起倒左佢。😑我真係表示無言。。。。。😑😑😑😑😑我諗應該是我太錯，賣比你，有得你食，唔應該要求甘多？下次阿姐比你有辣油就有辣油，冇辣油就冇辣油，拎走唔好講或要咁多嘢。

要搵到一間冇蔥嘅生菜魚肉好難，所以坑口間 snack express 係我嘅最愛！魚肉冇蔥，勁香魚味，但又唔會腥.魚肉仲多過菜好抵食.加咗麻油之後，唔會好濁，魚肉依然.

買碗生菜魚肉碗仔翅，問多少少姐，個短髮阿姐大聲夾惡！好聲好氣問下，只係買你23蚊野姐，態度使唔使咁差！真係比錢買難受！又唔好食！衛生又唔好！唔會幫襯下一次嫁啦！

要买鸡蛋仔 然后被告知要等 已经明确表示可以等 然后付钱的时候又说要不别给鸡蛋在的钱了 坚持说了好几遍“可以等”才把鸡蛋仔的钱算上。 付完钱后也没有给小票 就过去和做鸡蛋仔的大妈说已经给了钱 结果该大妈不断的bb“你在催我吗 你催我也没有用 我不知道要等多久”已经明确表示不是催她 只是因为没有小票所以告诉她钱给了 但是依旧不断在bb“你催我干什么 你告诉我你给钱了不就是催我吗” 然后最离谱的是 其实 前面只有一位小哥在等 而不是她反复强调的“好多人等” 。就好奇了 到底是不想做还是不想卖啊 贵店可否做做基本的员工培训工作 管理可以不要这么混乱吗 而且这种强盗逻辑怎么个事？？？？？说的通吗

排隊混亂 不停俾人插隊藍色帽呀姐 鬧左前面個客兩次唔環保明明人地叫左堂食, 呀姐係都要包外賣, 之後大大聲鬧人玩野唔環保我企後面都睇唔過眼呀姐態度請Snack Express 負責人檢討一下員工態度打開門做生意要客人睇番面色做人?趕客既態度

人流管理好差，排隊機制混亂，職員態度好惡劣。間舖頭咁細，你分三條隊，又唔間位，點知你要排邊條？排完之後先至話隔離嗰條線啱，又唔寫清楚話比人知，浪費晒啲時間。仲要瘋狂俾人打尖。以後都唔會幫襯呢間。

作為窮忙族，夜收工，將軍澳無乜嘢食，經常幫襯買魚肉翅及炒麵。如常叫魚肉翅，見阿姐掛住傾計，結果求其俾魚肉，份量較平時少太多，所以禮貌地問可唔可以俾多幾舊魚肉。阿姐馬上發難話：份量定咗，唔鍾意就叫多碗生菜魚肉！無言了。。。🥲🥲

趕時間醫肚嘅小食店， 質素穩定，成日都好多人排隊幫襯，十幾蚊一個豉油炒麵， 一盒分量絕對足夠頂肚，可以叫啲姐姐盡量走韭菜， 有甜醬辣椒醬，仲可以要求多芝麻，真係幾好食又平又快又靚又正，疫情下買一盒外賣，去啲冇人嘅地方除低口罩快食，仲安全過係餐廳一齊除口罩開餐

魚肉翅 $17 燒賣 8粒 $10比市區平，魚肉翅都好多冬菇木耳疍絲係少啲肉絲。喺正地鐵站口，窮L趕時間要頂肚真係冇得頂。唯一問題係啲嘢食係冇味道 (唔係難食，係冇味道)，我上次食炒麵都係。最頂癮嘅係嗰度啲豉油唔鹹，辣油唔辣，醋唔酸，麻油冇香味。阿Q啲諗係比較健康😅

地鐵出口一出就見到，放工經過一定會忍唔到口～價錢平、靚、正！$12食到雞蛋仔同夾餅真係好感動🥲🥲🥲🥲🥲🥲$10魚蛋 $10燒賣 味道正常～魚蛋有陳皮味，細細粒。見到夾餅呢款懷舊童年美食～一定要叫！有花生醬、煉奶同糖粉，係回憶嘅味道！好味！

去開將軍澳時都會買呢間嘅魚肉碗仔翅、燒賣同魚蛋嚟食😋，魚肉碗仔翅真係超足料，唔似得7仔果啲🥲。燒賣雖然唔係我特別鐘意食果隻，但都不過不失。魚蛋就細細粒，但勝在有淡淡嘅陳皮味😙👍🏻大家搭地鐵經過不妨一試💌🍽美味指數：❤️❤️❤️❤️🤍💰價錢：<HK$20📍購買點：Snack Express

晨早去到將軍澳中心做嘢唔想食M記做早餐咁熱氣唔想食華御結飯糰又貴又唔飽Snack Express就係最好嘅選擇！正常小食店嘅魚蛋、燒賣、腸粉、生菜魚肉、炒麵、雞蛋仔、夾餅、碗仔翅佢哋全部都有今次我就叫咗腸粉飽肚啲😛記得要叫多醬唔係都幾dry姐姐次次都好爽手咁落 爽！而幫襯Snack Express嘅重點係趕時間嘅時候快靚正！