小魚鴨子

營業中

休息中

屋企人話想試呢間，我係外國返黎都諗住dim個sum下一食 嘩喊到死我家人直情要過水都話喊唔算特別快，但會上錯菜其實我都唔係好mind. 真係態度好差，特別係收錢嗰個前面嗰個男士俾咗好多張二十蚊紙佢數緊 個男士再問嘢，收錢嗰個人：收聲我o左。另外佢哋唔收八達通 明明個卡機就寫可以read到八達通如果唔想收，可以搣咗卡機張紙令人有啲唔gur.Summary:我及家人以後都唔會再嚟。建議你可以食貴少少行去後面嘅將軍會館。雖然種類係少好多，但態度同埋佢地啲嘢食好好多。

之前試過晚餐都覺得好高質又唔貴 咁岩經過見到片皮鴨做緊優惠 $299一隻 因為我同屋企人都好鍾意食片皮鴨 二話不說就book左過兩日食啦 我地仲有叫其他餸 今次想主要講片皮鴨 🦆 首先店員會拎隻鴨過嚟俾你望一望 打下卡 真係好大隻 望落好靚好肥美 然後再係你面前切 鴨皮佢分左兩層 一層係厚啲嘅皮連少少肉 一層係薄啲嘅皮連多啲肉 可以配京蔥同青瓜同燒烤醬 片皮鴨肉質細嫩，唔會太肥，鴨皮亦烤得非常香脆可口 配上薄身嘅餅皮熱辣辣 質感乾爽充滿麵粉香氣 卷住一齊食口感超豐富 超推介大家試下 👍🏻

午市一入去佢問我飲咩茶，我話普洱，之後坐底佢無啦啦同我講飲唔飲茶都收茶錢，我話我叫左普洱，然後佢睥左我一眼。。。然後午市套餐無肉末茄子，我話我要單點一個小菜再加一個飯，佢話跟晚市價，我話ok ，要嗰個茄子再另加一個飯，佢串我話冇飯，然後我問吓冇飯？ 佢話晚市嗰個冇跟飯喎，然後我話另加喎，然後佢又睥我一眼。。。然後個茄子上左好耐都未有個飯，然後我問佢，佢話你個茄子唔跟飯，我話張單咪入左另加一個飯，然後佢好耐先拎到黎。。。我覺得服務態度咁差，就算食物幾好食，食客都冇曬胃口啦 。。。

早幾日同屋企人食飯，個場無乜冷氣都算啦。個碟雞油豆苗又咸又油，叫個侍應換過碟，佢話搵個經理嚟。個女經理嚟又話你想取消定點，我話叫換過碟得唔得，佢個樣好似好唔願咁等位又等得耐，張枱吉嘅又話呢到唔坐得，嗰到唔坐得，見到有4個人入嚟就話可以坐入面圓枱梳化位成個場好似無乜侍應咁，嗌極都無人落單、加水，又漏單，出餐又慢北京填鴨出到嚟又已經唔算係熱，去廁所行經門口見到好似得一個切緊都算，未上嗰d就咁放係好似出餐嗰張枱到放到凍哂咁

平時經過呢間餐廳只係會食下午餐，見到人地叫烤鴨就好想試，咁岩朋友係呢邊放工，所以就約埋一齊去試下到底正唔正😂😂😂大約7點入座，人唔算多，雖然我既目的係隻鴨，但又唔可以咁齋，淨係食鴨，所以就嗌左當日嘅晚市優惠，叫咗碟蝦送飯食，然後食鴨，一鴨二食，個鴨殼用嚟炒涼瓜。首先講吓碟蝦，爽口彈牙冇雪味又易送飯，個片皮鴨做得都唔錯佢會即時拎隻鴨過嚟俾你忙一忙，然後先切，鴨皮佢會分兩層，一層係厚啲嘅皮連少少肉，一層係薄啲嘅皮連多啲肉，配啊京蔥同青瓜同燒烤醬，簡直非常好食，價錢10分便宜啦，先$299以鴨來講算係好平，所以今餐都食得好開心😝😝😝

2023/3/1 - 一早同媽咪去這店陪佢飲茶, 食到一肚氣！！兩人不同時間叫了2個媽宝（即兩個点心）, 媽咪食完！我的在9：40分下單, 10分鐘來了一個, 但另一個就等等..45分鐘都冇.追主任3次, 問有否溜單, 佢堅話（冇） 做緊！！遲來客人的点心已到及食完！ 我還未有.再追主任才話先前溜單！！ 現做！我已冇多時間等, 問那些比較快的点心！ 佢好寸話（我点知呀, 又唔係我食）！！錯了還勁寸爆, 兩個点心；只來一個！！ 付數還要我比正價？！！鴨子好有扣押食物變尚加貴價！！D服務又差到貼地. 只有老人家才去的店！ 賊船！！

前菜食左肴肉4小拼盤，味道都幾好京蔥爆羊肉 份量起碼可以做出面午飯套餐3份，例牌酸辣湯 又唔會太酸太咸，少少辣味好開胃主菜 酸菜魚都整得好靚，泡椒酸味好夠（傳統其實係唔會落白醋加酸到片皮鴨上菜就係惡夢既開始，開頭人流唔多，佢成隻烤鴨拎過黎比我地睇完就拎去廚房門口，係路邊切片，到上果時拎完兩塊餅皮就摸到下面係凍既，我地已經即刻叫人番蒸加熱，等左一陣佢拎返返黎d餅皮都係等面兩塊熱，下面係冰既，我指既係真係一舊舊硬生生既餅冰塊！！今次我地一邊等左大半個鐘，一邊間鋪不斷出菜同片皮鴨套餐，到我地想加餸再追單，佢先再等一陣拎到D熱既餅皮出黎，我地搵經理跟單，話d鴨凍到油都凝埋，佢竟然話一係照食一係叮熱比你，唔好意思都冇句，屋企人嬲到即刻退左隻鴨而原本加單叫既餸菜都符合期望咁，落錯單去第二度，白坐一個鐘走人

今日約左屋企人食生日飯 就去左屋企附近食上海中菜 款式選擇都比較多 座位舒適 我地總共叫左8樣野✌🏻💛松鼠鱸魚 ($132)有優惠 所以想試下 炸得好香脆可口 背部及腩部肉質嫩滑 酸甜汁味道岩岩好 配搭起上黎好好味好正宗 冇諗過可以整得咁好食🐟💛炸銀絲卷 ($25) 炸得岩岩好 面包又軟熟🍞💛三鮮炒拉麵 ($85)佢既質地比較似公仔麵 唔似拉麵 都幾惹味 🍜💛蟹粉蝦仁炒飯 ($98)整得絕不馬虎 有好多蟹粉 炒飯有鑊氣 好香口 讚 一定要試 如果可以再濃味小小就更好🦀 💛豆苗 ($88)清清地又爽口 用黎配飯就岩岩好🥬💛酸辣湯 ($92) 酸酸辣辣 好開胃 佢係屬於偏辣 食唔到辣既朋友未必食到 而我就無辣不歡 最後飲左3碗😋 💛上海回鍋肉 ($86)偏咸 係咁多道菜最失望的 要撈勁多飯先可以中和番個味道 可以唔洗叫😩 💛高力豆沙 ($42)總共有4粒 熱辣辣食係最正 甜度岩岩好 好滿足

聖誕過後想食得冇咁heavy 於是就黎飲茶食下點心🥢一行2人 難得紅日lunch time都吾洗等位 直接入座♨️招牌小籠包 $42涵料多 豬肉都蒸得幾嫩滑 有湯汁不過吾算話好多一籠4隻 要$42 CP值有啲低😔🦐招牌蝦餃皇 $31.8好多蝦 用料足 而且爽口新鮮👍🏻🥟鮮蝦菜苗餃 $26.8涵料填滿曬成隻餃 豆苗新鮮翠綠🐽蟹籽鴛鴦燒賣 $31.8 賣相顏色吾錯 黃黃綠綠😂 不過味道普通 🏅黃金流沙包 $26.8奶黃好流心 值得一讚👍🏻🍚鳳爪排骨飯 $31.8味道不錯 不過飯蒸得有啲爛 有啲一pat pat 做吾到粒粒分明🥴💭點心味道好食😋 又有其他中菜選擇 例如水煮魚 回鍋肉等等 算系幾多元化 又吾洗等位 不過6個點心要成$232 都係平日或者午後時段抵食啲🙈

📍POLAM - HONG KONG📍#松鼠爐魚講真 普通商場餐廳無預佢會幾正宗，正正常常咕嚕肉個汁都過關啦。點知真係酸到爆 太多白醋喇魚本身又夠脆又夠熱 係個汁可惜左少少#蒜泥白肉又真係勁濃蒜蓉味，雖然d蒜重有少少生 ，重有生蒜嘅辣。個汁豉油味重 都ok啦。起碼靚靚仔仔係粉皮少左d😂#四式涼菜 都正正常常啦 無話勁好食勁難食屋企唔想煮飯個時，以普通落街食餐飯嘅質素黎講其實真係無咩野。但係一路食就一路撥烏蠅，係直情停係隻碟個種🙃唔知同佢旁邊就係超市有冇關係啦，但單單呢一點都真係幾難再黎食。

好日都唔飲茶～難得放假第一次同屋企人黎呎間小魚鴨子食～啲服務態度真係一流～今日平日唔太滿座～隔離枱有個Auntie剛剛到想沖茶同交點心紙～明明啲姐姐喺到吹緊水～就大聲對Auntie話：「咪黎緊囉！吹吹吹！」～但佢地係傾緊計架喎～之後到我地想加水～叫左兩佢次都無反應～之後我再望住佢話想加水～佢就話：「咪黎緊囉」～你完全無比Signal我你係黎緊～仲要勁唔好態度放返個水壺喺枱面～！！！！！！服務一流！同埋唔知係咪只靠商場冷氣～坐門口附近都覺得好熱！！！！！

推介炸魚菜式，星期一至五有優惠，兩個人食或再加其他小菜，真係一流呀《 小魚鴨子 》個名改得好，我哋就係嚟食魚和鴨子店內空間充足沒有擠迫感，如果二至四人坐卡位都好鬆動。坐開啲就可以享受商場的一大特色，大型天幕的自然光。松鼠鱸魚：此菜式需要多油大火快炸，魚身外面 沾上的干粉又不能太多，才可以盡善盡美。魚尾部未端和左右魚鮨十分香脆，背部及腩部肉質嫩滑雪白，酸甜汁恰當地貼在魚的表面，好睇又好味道北京填鴨：人少少就只片皮挾荷葉餅的一種食法。令我驚喜的事發生了一碟鴨子皮，不帶脂肪不帶肉，油香撲鼻而來，配合醬汁和瓜葱，用荷葉餅包住食，高級數的感覺另一碟就品嚐到鴨肉的甘味。溫馨提示： 切出皮後餘下的鴨子，如果無用嚟做出其他菜餚，是可以帶走的。

新開張時食過一次，漏左好多次單，最後等左一個鐘食物先到齊！當時認為食物不錯，諗住係新開張人手不足，先至有咁多甩漏，所以最近都去食多次。點知個問題一樣無解決，雖然今次冇漏單同埋都唔使等好耐，不過都有好多問題：1）個個職員都發呆當時係平日下午，全場只有2-3成人，樓面嘅職員都好得閒，但我地剛坐低左幾分鐘都無人比Menu。有3個職員行過望住我地個枱，都無反應，要我我哋開聲先比餐牌我地，個個都好似發吽豆咁🙈2）不停落錯單後來加單要一個飯同豆漿，有位著全黑制服既男職員幫我地落單，收咗張落單之後行去部落單機，之後又行去我地到話：「加豆漿+$3喎！」，嗰時我哋全台人都問哂號，拎返佢張落單紙睇，只落左個豆漿無落飯，來來回回左三次左右佢先落得正確，真係好無奈！3）部分食物質素差排骨陳村粉係一團粉漿，口感十分差不會有下次🥲

如果我食之前有睇清楚網上評論嘅話我應該唔會去食！首先幫佢哋打定個底，去食小魚鴨子當日係父親節嘅夜晚，所以嗰日個場都幾爆，出面有大約20-30人等緊位！不過我哋一早book定位，book了7:45pm，但我哋嗰日差唔多7:15pm已經到！但當日有個姐姐負責分枱，我可以話當日嘅分枱經歷係我聽過最差嘅安排，簡單啲來講就係唔識變通⋯事源我哋book咗7:45pm，而我哋7:15pm已到，但係去到7:30pm已經有不少前一round嘅客人離座（簡稱A枱），但係分枱個位女士話因為已經安排咗我哋坐另一張枱（簡稱B枱），但係B枱前一round嘅客人仲未走，仲喺到吹緊蠟燭食緊蛋糕，所以冇辦法安排我哋入座先（當時7:30pm，咁我哋就照等多15分鐘喇）但因為B枱前一round早走咗，所以佢又OK可以安排8:00pm嘅客人入A枱先(個時只係7:30pm），而我哋就「必須」要等佢一早幫我哋安排嘅嗰張枱⋯去到7:45pm，我哋被安排嘅嗰一張B枱嘅前一round客都仲係未走，但其實有其他CDEFG枱嘅前一round客已經走咗，我唔係好明點解個分枱女士咁堅持我哋一定要坐「一開始已經被安排嘅個張B枱」⋯Actuall

上網search 過間野唔係美X既！雖然個名有d似😂星期日要同屋企人飲茶，行過惠康果到見到有新店，就去試下。講真新都城飲酒都冇咩簡，個個星期都食果2間x港， 其他新開又唔好食🫣 試完呢間新野，難得唔伏唔貴仲要幾好食！人數夠多坐到入面既梳化位，位置闊落。飲早茶當然叫下早市特價點心，雖然要兩碟 （$28.8）咁叫，但都幾多款可以簡仲要都係我鐘意食既！茶同點心上枱果陣都好熱，應該係即叫即製我最鐘意食咸水角，次次都叫！咬左啖入面熱到出煙，外脆內軟，仲好足料！其他點心未到，已經差不多比人食哂🤭咖哩魷魚好惹味，辣味岩岩好！排骨配陳村粉呢個配搭好少有， 下面好似腸粉咁，吸哂排骨既湯汁！蝦餃燒賣都好正，皮簿餡靚，又大粒，同個合桃包差不多size! 最後仲有老壇酸菜魚牛柏葉非常好食！ 所以影左個close up!