尚八日式燒肉店 (已結業)

今日去了尚八 日式燒肉店， 午餐放題優惠價118元， 因為慶祝五週年，所以有此優惠，可選拼盤是美國牛肉或者選日本豬肉， 拼盤係一次性，冇得任食。本人選了美國牛，肉質尚可。有豬肉，雞肉， 雞翼，都可以任食，而且有好多味道選擇。仲有 炸物，炸蠔，海鮮有蝦， 雖然餐牌寫係虎蝦，但蝦比較細隻，而且無味。仲有些 熟食， 有牛脷，牛腩，但都比較 鹹，有烏冬和拉麵等。用餐時間 100分鐘, 但最後 30 分鐘，就已經不能落單。但有甜品， 雪糕或雪條， 因為巳過時，所以在系統不能下單，但仍可以問 侍應生取甜品。價錢十分優惠，都可以去食，如果是原價收費，就不會去食。

2️⃣2023/4/12/Wed/13:02/Book位，要做飯糰會員有特價，午市90分鐘放題每人$118，2人埋單連加一$260，平均每人$130。見到youtube Hea佬介紹，看似抵食，走去試吓。旺角地鐵站E出口，算易搵，環境坐得唔舒服，感覺油淋淋唔乾淨。服務態度都可以，上菜都快。除牛內無得任食，其他食物豬雞海鮮都正常既。整體50分~唔會再去。注意牛只有一碟拼盤，無得追加，牛無得任食，品質很一般，無追加也不是損失。

見到有優惠，終於抽時間試一試。本人第一次食依間， 以 $130/100分鐘可以一試，但老實講以正價我就未必會食，反正牛繁係附近。本人選擇牛肉+放題，品質一般，而且牛肉係無任食；但種類都多，食物都上得快 ，按件落單唔怕浪費；100分鐘1個人絕對夠食，但如果要同朋友傾偈慢慢享受就未必合適。甜品（只限一件）同飲品都只係大路品牌，不太合我個人口味。侍應反應算快，換網、上菜都好快；但環境麻麻，尤其是清潔情況比較差，調味料樽拎上手都覺得油，枱面都好似未完全清潔乾淨，好似有層油咁...推薦：薄切豚、菠蘿、鹽燒虎蝦、慢煮牛吞不推薦：辣煮花螺（唔新鮮）、靈芝菇（苦澀）、麻辣牛舌（鹹+柴）

$130！$130！Lunch 90分鐘燒肉放題，有牛有蝦有生蠔都只係$130！超抵！住旺角十幾年第一次去尚八，因久唔久見人比差評，話肉唔得，服務差，所以唔敢去，但見好多間燒肉店都試過，想試未食過的，呢間有生日優惠，上星期朋友生日有88折，就食了這間的和牛放題，覺得牛味唔錯，跟住過兩日就見Hea Lo拍片推介$118+1優惠（$130），上次顧住食牛，好多嘢都無食，所以就再戰這間。今次$130，牛的拼盤只有一碟無得追加，但平時去普通燒肉店叫個set都差唔多價錢。見佢話用自己牧場的肉，係食大腸有d反胃，其他都覺得ok最後要提一下職員的態度，上次食和牛餐時，第一次去好多嘢都唔明白，職員們都好有耐性講解會員迎新優惠送的50g A5和牛，在我哋個餐係任叫的，我唔清醒照要50g送的，佢照比我。我又以為一人有3片送的，佢解釋係送50g約3片，唔係每人3片。對住我呢d小白，都無勞氣唔耐煩，我覺得佢哋好好。我想要生菜夾肉食，但佢哋無只叫生菜，職員話叫生菜沙律佢會安排只給生菜。今次，我以為還是食120分鐘，但其實只得90分鐘，我過晒時都仲叫雪條，姐姐溫柔地話你哋巳經過時了，佢照比雪條我地，叫我哋要

幫襯左3年有多，旺角lunch 想食燒肉首選一定尚八，午市放題抵食（以前）。今日去到吹到漲，個午市所謂放題改左帶位果個放低份野解釋都冇，order左出晒飛先知除左頭盤冇其他燒肉，掂呀！！以往疫症點差，星期六日午市點都坐到近滿，今日星期日，午市計埋都唔知有冇5枱，頭盤牛有幾舊肥到咬唔開，我已經得返幾件頭盤牛，仲要咁對我。後悔冇影相….總之已經冇左窮人抵食餐啦，窮人落樓下花園食tea 啦，尚八bye bye !!冇下次。晚市就唔知了, 可能對有錢人會友善啲

叫左個特上日本和牛放題$498，我地4 個人，like fb ，有得四送一。有30 種野食+ 海鮮。和牛賣相靚，食落麻麻地，得和牛三角係好小小，其他都一般。海鮮方面都多種類，有仙貝，蠔，蝦，味道唔錯。飲品種類比較少，有道地紙包飲品，有韓國cream soda ，仲有菠蘿蘆薈粒。菠蘿蘆薈粒未見過，所以試下，但佢得幼飲管，比較難食到蘆壺粒時間方面，120 分鐘好似唔夠，最後30 分鐘會唔比落單。

同友人食生日飯🫶🏻498/人 A5和牛任食，只要其中一位Like佢哋fb page and post就可以有二人同行一人半價嘅優惠啦😍感覺係幾抵，4百幾蚊任食A5和牛🤭🤭🤭但因為我哋都試咗好多其他野，所以最終和牛拼盤只係食咗一份，如果佢可以個別咁叫自己鍾意食嘅部位就好啦，但佢必須每次都叫拼盤，一個拼盤有6款部位，我自己覺得和牛前肩同和牛三角最好食🤤其實掛住食都無咩點影相😂老實講120mins，真係夠食到好飽好飽，但如果慢慢傾吓偈、影下相，再分段晚晚食就真係無咩可能🙃所以對我黎講限時都係一個障礙！Anyway！二人同行一人半價嘅優惠好似做到2月28號咋😊

喺旺角搵食，見到樓下餐牌寫住和牛任食，啱晒身邊嘅牛魔王😈，上到去先知原來有第二位半價，咁就豪一豪佢嗌最貴嗰個$498餐啦😬首先會送一份剌身同一份A5和牛拼盤(6品)，剌身尚算新鮮，不過只係送一份，而A5和牛拼盤就可以無限嗌，另外仲有豬頸肉、牛舌、海鮮、炸物等等，種類算多重點嘅和牛覺得唔錯，只係每次都要嗌6品拼盤而無得個別嗌某一款牛，感覺爭咁d有discount之下去食都ok嘅，正價嘅話未必食第二次🫣

之前想燒肉都一定去牛角，但牛角價錢好似貴左種類又少左，咁今次就試下食尚八，聖誕節臨時book都竟然仲有位，都驚伏伏地又見到都有唔少差評又講職員態度差，不過呢啲節日牛角實排餐死🙉🙉⭐️我哋揀咗最貴嘅$418任食日本A5特上和牛（120分鐘）唔洗食得咁趕，坐底無耐就上左刺身拼盤四品同日本A5和牛拼盤仲有一粒牛脂🐮🇯🇵•日本A5和牛拼盤（六品）和牛外腿/和牛三角/和牛胸腹/和牛前肩/和牛冧/一口和牛一上到枱真係估唔到咁靚 ，第一個感覺就係要好好珍惜呢盤，已我既經驗打後再叫既質素一定越黎越差第二次點第三次點油花質素keep得住同第一盤真係無乜分別，勁開心無被搵笨嘅感覺🇯🇵🐮和牛望落真係好靚，但係就真係無咁襟食，食頭一碟都真係okay，但你要預左每啖都係油，但就無乜牛味，主要都係油香同滿口油，所以每碟太過多雪花都唔係一件好事😂😂*和牛冧就無咁油會韌小小，我就鐘意和牛胸腹唔會成口油🐓🐖•雞肉&豚肉-雞腿肉 (香草汁 / 岩鹽青檸/柚子胡椒)-手羽先(鹽燒/秘制辛口醬）-鹽燒薄切豚肉雞腿肉質都幾好，但就咸左小小🦐•海鮮類(廣島蠔•虎蝦•燒蜆•帆立貝•鯖魚)-🦪廣島蠔燒左好耐無無點縮水，但有微微腥味-燒

叫左個三百幾蚊餐，佢送黎既頭盤啲蠔系臭既🙄燒帶子都系臭臭地被啲蒜味冚左架咋，兩款牛肉都無味，豬都仲可以。到自己落單，生牛肉黎到食左一淡都唔敢吞⋯第一轉啲牛都仲可以，咁咪叫第2轉囉🙄🙄嘩 黎到唔系多筋到咬唔開，就系瘦到連脂肪紋都無⋯⋯⋯⋯叫左兩杯啤酒埋單$4xx。真心 除左無下次 真係請我都唔會再嚟。最好飲可能真系個兩杯啤酒，個爐啲火又唔平均。我平時都好少寫食評，今次真係太難太難食⋯⋯⋯⋯⋯⋯⋯⋯⋯⋯⋯⋯

A5和牛拼盤🥩第一次比嘅拼盤真心幾好嘅 啲紋幾靚同埋算擺得落口🉑不過得一兩款肉係特別好食 其他都麻麻地 第二次比嘅拼盤個賣相真心差過第一次好多 而且油脂分布好失衡 好似食緊舊油落口咁🥴之後嗌個啲野全部要靠飲茶嘅飲品消油膩先食得落😐.刺身拼盤🍣都還可以嘅 有鮮味嘅 同埋都夠多冰🧊夠凍嘅 不過個份量有啲少😮‍💨

燒肉放題🐮🥩🔥電話自助落單，好快上齊，有唔同肉類/海鮮揀🥩🐟 送一份刺身 🦑環境裝修得唔錯，幾種醬汁自己揀，都幾乾淨整潔Remarks：星期五六日+$30計埋加一都偏貴嘅

今日同朋食生日飯，我地揀左黎呢道食和牛放題，位位$458加一佢地有6個和牛部位任食（三角，前肩，一口牛，外腿……其他唔記得）食落唔同部位有唔同味道，有d油香，有d肉味多d，總括黎講都算係正嘅😋除左和牛之外，我地仲叫左d其他燒肉海鮮及小食。燒蜆好新鮮，吉列蝦吉列蠔夠曬熱，羊架大大件好嫩滑，仲有我至愛既牛舌爽口好味，其他燒肉同小食大部分都幾好。今日我地四個人仲有卡位座，呢度既卡位坐得幾舒服，同其他嘅枱有一定既距離感。今晚我地都食得幾開心，環境食物及服務都係唔錯既。而呢個價錢食到和牛任食真心覺得抵。(提返佢地有分兩種和牛放題，我地食既係部位無得單點，一定要點成個拼盤，另外有種係可以單點指定部位但係貴D，不過我哋都覺得食哂所有部位冇問題)

昨晚慶祝朋友生日，生日朋友是孕婦的，前臺的職員要求佢一定要選好餐先安排入座，沒有說明燒肉餐的價格分別，食物又普通,刺身又溶雪，之後我地再升級個餐打算生日食好少少，我地食左其中一部位的牛肉覺得好好味，想獨立單點叫，點知有位高級經理話冇得獨立單點叫，要成set叫，如果想獨立單點叫，要再每人頭Upgrade個餐，我地講點解您地唔解釋俾啲食客知呢？餐廳內職員態度又差，完全零服務。另外孕婦想飲唔凍的飲品，經理竟然話沒有，拆哂又雪櫃並冇存貨，自己斟熱茶熱水😡

其實都食過荃灣尚八好多次，但發現成日影相都冇寫過食評🥲差唔多次次黎都係食尚八燒肉放題，價錢公道又多野食👍🏼次次一黎就係上一盤刺身同一碟肉刺身有三文魚、油甘魚、北寄貝同八爪魚🍣全部都幾有水準👍🏼因為太心急想食，未影到佢地喺碟上就已經掉晒落去燒😆有雞翼、雞腿肉、五花腩、蝦同兩款牛， 我個人都幾鍾意雞腿肉同五花腩，個調味都好好食😚😚但其實我覺得佢其實唔係燒肉既野都好好食！每次黎必點既蟹籽沙律🥗狂食燒肉會勁漏，時不時食個沙律真係好正🤤燒蜆都好好食！殼上有啲鹽喺你食時好似會吊下味咁😛仲有嗌左啲羊架、壺漬肉、辣豬頸肉都好好食！呢度另外一個好精彩既野係炸物！全部都係即炸的，入口熱辣辣一口芝士係細細粒又好creamy，超正🤤🤤清酒煮蜆我就覺得還好，酒味唔濃之餘蜆又冇另一隻咁好食🤨呢個軟骨餃子都係好好食！佢個醬應該係用醬油+醋+七味粉調的，超級岩我口味👍🏼呢個芒果蝦卷都係食燒肉中既解膩聖品，成舊野涼涼的又好多菜好清新🥰🥰仲有唔會自己買黎食但又鍾意食既海蜇！呢度既海蜇有種浸唔透感有少少煙韌又好濃味😂仲有燒菠蘿都好好食的但冇影到🍍甜品佢有一隻不知名甜筒同melona🍦其實真係多野食得黎又真係幾好食，推薦！🥰