影片
港鐵旺角站 E 出口, 步行約3分鐘
繼續閱讀
營業時間
星期一至日
12:00 - 22:00
以上資料只供參考, 請與餐廳確認詳情
尚八日式燒肉店，位於旺角，裝修非常和風🎌座位舒服，第一次食就試燒肉放題，食120分鐘，分正價時段及優惠時段，7:00pm前離座或9:00後入座就有優惠🫶🏻最癲係啤酒買⼀送⼀！係Asahi生啤！🙀淨飲都抵🍻⼀坐低餐廳會上⼀碟精選既肉俾你燒住先，以免你太飢餓亂揀或者選擇困難餓親🩷極之貼心😈牛魔王上陣😈鹽燒美國封門柳，牛味好濃，厚度啱啱好，好味😋鹽燒一口牛，大力推介，肉汁爆，肉質正，燒汁美國牛五花，好大塊，燒到超香，加埋燒肉汁勁正👍🏻 鹽燒薄切同厚切美國牛肋骨肉，薄切可以燒到好脆，口感特別，厚切勁厚但肉都夠腍，啖啖肉👻啲牛咁好食忍唔住試下和牛，日本A5和牛三角燒肉片，啲油花靚到呢，燒既時候香到呢，入口即溶，極上美味🫶🏻燒左好幾片鹽蔥薄切雪花牛舌芯，配埋溫泉玉子紫菜飯做個牛舌紫菜飯✨牛舌芯好濃味好正，必食，溫泉蛋紫菜飯無得輸🤤極好食💟海鮮都係任食，汁燒魷魚筒，⼀口size，燒到好香好好味🦑清酒煮蜆，睇住佢bob bob bob幾正🤣蜆新鮮，香草牛油廣島蠔，勁香濃，蠔味正，香草牛油帆立貝，幾大隻，相當鮮，必食！🐚我都唔知講左幾多次必食🥹太高質，下次⼀定食和牛放題，性價比高，無敵燒肉體驗🤞🏻餐廳新出左會員制度同優惠，燒肉控要留意喇🥰
繼續閱讀
今次又係我番工食lunch既時間啦，我就去左旺角做野，出得街做野梗係順便食餐好既，我就話去食燒肉放題，因為一般餐廳平日午市都比較抵，呢間睇過都唔錯，就一於過黎食啦😄餐廳坐位好闊落，枱面有4支燒肉汁，仲有我最重視既紙巾，而佢地就有個午市半放題餐睇落幾抵食，我同同事就一人揀左一款，佢分別有60分鐘同90分鐘揀，我地番緊工就只食60分鐘算啦🤪午市和牛半放題60分鐘（$178）日本A5和牛三角3片日本A5和牛肋肉3片鹽燒厚切雪花牛舌芯2件鹽燒虎蝦2隻和牛三角就係最靚既牛肉，有入口即溶既感覺，好正，牛肋肉就冇咁多脂肪，比較有口感d，牛舌餐牌寫2件，黎到有3件，我梗係照食啦，件牛舌好彈牙，最後仲有2隻虎蝦，都好新鮮🐮🦐午市精選半放題60分鐘（$128）鹽燒美國牛五花3片鹽燒美國一口牛3件鹽燒厚切美國牛肋骨肉3片鹽燒薄切雪花牛舌芯3片呢個餐既牛明顯同和牛有段距離，但價錢平$50，係抵食之選，質素都唔差，牛五花比較偏肥，燒幾下好上碟食，一口牛有d咬口，牛肋骨肉就係呢個餐之中我最鐘意既，厚度岩岩好，簿切牛舌都幾好食🥩外面自助區有好多蔬菜類可以攞黎燒，菠蘿，粟米，菇類都有，而我最鐘意就係有生菜蒜頭比我整生菜包黎食，呢個係我比較少見，所以高度評價呢個任攞生菜🥬手機點既任食食物都有唔少選擇，胡麻豆腐，軟骨餃子，清酒煮蜆，唐揚紫心香芋丸等等，主食方面仲有個迷你大根牛肉湯烏冬，雖然燒肉配飯好食d，但我已經用生菜食燒肉，烏冬就正個我心意，仲有好多塊大根牛肉，口感脆脆地，我仲叫左2碗🥟🍜而我地兩個男士食肉獸，就再追加左少量收費食物，見佢地既追加項目都算平😛手羽先4件（$16）香草牛油帆立貝（$18）豬頸肉4件（$18）枝豆（$14）食完成餐仲有每人一杯雪糕或雪條作結🍦今餐燒肉放題我覺得都抵食，最吸引我係烏冬同生菜包，係呢度先有，一般燒肉店都係配飯，埋單既時候職員仲話即做會員可以即有9折，仲有其他優惠，我就梗係做埋佢，下次再黎食有得用其他券🤑
繼續閱讀
一到假期，又係食好嘢時候😆今次來到旺角的尚八，揀了 「A5和牛放題」💗呢度套餐有不少選擇，A5和牛放題，燒肉放題，午市各種半放題，最吸引的是午市定食，價錢係由$48起，豐儉由人✨餐廳座位寬敞舒適，環境很不錯👍🏻有兩個雪櫃係放飲品，另外有自助區，有不同種類蔬菜和配菜醬汁✨來到日本A5和牛系列主角登場💗首先要介紹係和牛西冷 & 刷刷燒，大大塊，雪花油脂分布非常靚，肉質柔軟，入口即化，令人回味無窮，可惜不是任點🤣來到任點項目：日本A5和牛肋肉-燒汁，肉質細膩鮮嫩，經過炭燒後留下微微焦香，搭配燒汁更是層次感十足🤤秘製燒汁A5和牛片，肉質柔滑入口即溶，醬汁的鹹甜完美融合，好味😋還有彈牙Q嫩的日本A5和牛三角,肥瘦適中，油花分佈均勻，油脂回甘爆棚🤩日本A5和牛外腿和前肩,皆是經典部位，肉質嫩滑多汁，每一口都能感受到和牛的絕妙口感✨除咗和牛，仲叫了鹽蔥薄切雪花牛舌芯，牛舌肉質細膩柔滑，佐以爽脆的蔥花和鹹香的鹽，完美凸顯了牛舌的鮮美💗燒汁薄切美國牛肋骨肉更是肉質嫩滑多汁，透著一絲甜味的調味汁恰到好處👍🏻食和牛放題點少得和風紫菜飯，紫菜飯粒粒分明,飽滿Q彈，配和牛一流😋海鮮類只是點了香草牛油帆立貝，貝肉鮮甜多汁，鮮味十足✨除了和牛，叫左其他菜式包括串燒日本免治雞肉串、串燒雞腎原味、唐揚紫心香芋丸、吉列鵪鶉蛋串，辛口豆腐，軟骨餃子等。每一道菜色無論是口感還是搭配，都很不錯👍🏻值得推介💗最後食埋雪糕🍧滿足😌
繼續閱讀
星期日午市的半放題. 豬牛套餐只是98 +1 (60分鐘)埋單 HKD 108 超級經濟 . 牛餐也只是128,如果是飯團會員,STAFF會算上9折。其實比起市面的一人燒肉, 可能有點貴. 但共同我次次市面去一人燒肉店 都會花上100以上...; W ;而且火爐很細小............反而現在HKD108 我吃得很安心。豬, 雞肉很大碟 有嚇到我...半放題的當西也很對我口味 沙律菜, 牛舌, 菇類 芝士腸 , 炸蠔, 冷豆腐, 紫菜飯, 烏冬都是任加吃燒肉飲料是必需, 汽水, 果茶包裝飲品都是任飲用餐60分鐘 , 我乖乖燒完把爐關掉, 結賬因為人不多, 是沒有趕人走. 我可以慢慢坐吃雪條。環境舒適, 地方闊落, 不太侷促, 不用等位, 也沒有很吵午餐由11:00-17:00 周末再來午茶是不錯選擇
繼續閱讀
前兩日去咗尚八食，d野真系差到不得了，我系中午食全放題，頭盤肉系差到不得了，肉是黑色的，同事話系咁樣的，其實我都系做飲食，一睇就知道乜料啦，而且大部分都是售罄，算，在場女經理服務差到不得了，仲系咁閙同事，佢同事話已經一個月冇出糧，系未要執的節奏，外面自助吧簡直系差到不想拿，汽水種類都非常少，整體，差到不得了，真心如果想繼續做落去，真系要想辦法改善，同區大把做得好過你，甘樣落去遲早執，保重啦，後會無期
繼續閱讀