影片
港鐵荔枝角站 B1 出口, 步行約7分鐘
繼續閱讀
營業時間
星期一至日
11:30 - 21:30
以上資料只供參考, 請與餐廳確認詳情
食家推介
朋友啊，我真係一試就愛上呢間店嘅味道❤️！嗰碗紅燒牛肉飯啊，真係令人回味無窮，牛肉嫩滑到溜走，味道重而唔膩，脆脆生菜爽口得嚟，完美平衡曬！嗰醉雞飯諗起就流口水，雞肉嫩滑，啖啖肉，唔夠酒香但照食得咁開心。酥炸雲吞呢，外皮點起泰式醬真係正😋！豆漿一流，夠凍夠香，完美收尾。我走過好多食肆，但係心思思都想返嚟食佢哋底傢常菜🙏。記住啊，唔好因為平就睇低眼，正宗美味絕對唔會只係高檔餐廳先有。這家店，正！讓人仲想再多嚟幾轉！👍🤤🥢
繼續閱讀
長沙灣CP值高之選，尚小館上海菜，有菜飯粒麵食配各類口水雞， 紅燒牛肉，雲吞⋯等口水雞係冷盆，但原隻大雞髀的確係啖啖肉，配熱辣辣既香飯，午餐只需47，下午茶時段更只需39作為平民食堂不足為過唯一要改善辣汁應該要加返多，保持整件雞味道一致外觀：👍👍👍味道：👍👍👍*滿分=5👍#我是吃貨組長 #Nicky的味道 #吃貨的態度 #美食 #尚小館 #上海菜 #中式 #foodieleader #foodie #foodiehk #blogger #長沙灣 #cheungshawan #香港 #hongkong
繼續閱讀
同朋友平日去食，感覺真的非常非常非常差，特別系一個女服務員短髮高高瘦瘦果個態度特別差，體驗非常不好，野食黎得超級慢，等左半個幾鐘現有野食，但呢個都唔系重點，我等方面系冇咩所謂的，但真系服務態度差到一個極點，我耐心等候的同時得到的不是安慰，而是受氣，我以為我欠個服務員錢，根本受呢d氣已經冇曬胃口食野，味道就普普通通，冇胃口食咩都唔想食。今次系我第一次俾咁低嘅評分。同朋友出到黎食野梗係開心緊要，但今次真系嘥曬一日嘅好心情。總之就係激氣激氣激氣啦！！！
繼續閱讀
嗌左一個怪味雞髀飯同一個酸辣麵仲有兩個小菜，分別係手拍青瓜同皮蛋豆腐。一開始黎左一個飯先，怪味雞髀其實味唔怪，係幾好食的，不過原來雞係凍食，但肉質都啱啱好，唔會鞋同硬。食完等左好耐先黎小菜，原來漏單，係飯打後嘅全部漏單。味道上兩樣都幾好食，味道同其他地方有啲唔同，感覺正宗，皮蛋豆腐都幾推薦。黎左小菜先話個麵冇酸辣湯底，問我地轉得唔得🤥，我地等左好耐決定cancel個麵。成間野得兩個人但勁多單根本做唔切。但公道講句野幾好食，價錢都好親民，惟望請多一兩個幫輕廚房🙏🏿
繼續閱讀
第一次幫襯，叫咗醉雞配菜飯（下午茶）$41，由於細食原故，故留待做晚餐。雖然係下午茶，但醉雞用長盒盛載，有雞翼及雞胸等起碼10舊，雞非常滑，雞胸亦嫩口。相信份量可媲美其他餐廳晚餐，唯欠點兒酒味。雖然放置咗好幾小時，飯中菜粒依然青綠，粒粒分明，不會淋及一舊舊；餐飲豆漿有豆味，甜味適中，以這價錢來説性格比高！下次會再試其他。
繼續閱讀