尚御潮滷居

營業中

休息中

🇭🇰尚御潮滷居·滷水鵝肝$200 l 酒香鵝肝$200 l 滷水墨魚片$60 l 滷水鵝片$178呢間餐廳係有好多潮州滷水既 可以去到舖頭自己揀 不過因為我哋嗰日比較多人 所以我就唔係影左好多相🫢🫢我自己好推薦佢個鵝肝 佢係超級smooth 質感好好 而且兩款都入曬味 好肥仔 但係好好味🦢之後墨魚片同埋鵝片都唔錯 不過就無鵝肝咁驚艷😈😈·蠔餅$138 l 懷舊生炸雞$300 l 新鮮馬友條$160 l 花甲蒸蛋$188之後佢呢度嘅炸嘢都做得好出色 尤其係佢個蠔餅好好味🤤🤤佢呢個蠔餅係多啲蠔仔既 炸粉只係薄薄一層 所以口感好好 但係出到黎都係超級酥脆🦪😍之後佢個生炸雞都唔錯 雞皮好脆 而且雞肉好嫩 🐤馬友既話我自己就鍾意煎多過凍食 因為我覺得香口啲 而且個魚油香出啲🐟最後個花甲蒸蛋都唔錯 好適合食完咁多炸野之後食 不過佢個蒸蛋食落係有啲軟綿綿既 唔知係咪因為打左個羨 食落都幾特別🤣🤣·#rbyeat#rby港式 #rby中菜#rby大角咀·📍大角咀杉樹街2-16號金基大廈地下5號舖

Noble Imperial used to be a smaller eatery and has now moved to a double-sized shop. The pan-fried fourfinger threadfin 馬友 was cooked perfectly. Crispy skin, silky and delicate flesh. Their lo sui sauce was milder than many restaurant, which was good because it was not salty at all but had a strong aroma of Chinese herbs. The goose was not very tender but still acceptable. The slow-cooked goose liver with Chinese wine was still pinkish. Very soft and creamy. Good value and highly recommended.

一星期前左右第一次吃，只是買外賣，返到家，發現外賣仍然相當吸引，尤其醉乳鴿，真的很細心，切乳鴿的方法令食者不用弄污雙手，而且酒香是我喜歡的味道👍👍，醉鵝肝入口溶化，真係食得好開心

私心十分喜歡位於大角咀嘅潮式街坊小館🥰 裝修別緻  重點係咁嘅價錢食物手工一啲都冇Hea你 每次食都必定會叫一份酒香鵝肝 上枱已經見到淡粉紅色嘅外表😳 咬落滑溜但冇膩感👍🏻 另外嚟到都必叫入味嘅滷水 不過可惜今次鵝片唔太嫩口 今次仲試咗煎馬友 香脆鮮甜食完滿口魚油香  不過多骨未必個個啱食 個人認為一定要送酒因為嘢食整體都偏鹹😆 另外要試鮑汁金蒜娃娃菜 ($58)同足料嘅是日老火湯❗️ 而off-menu有非常出色嘅海鮮菜式 訂位嘅時候記得問吓😉  1️⃣ 即叫即煎新鮮馬友 ($160) 2️⃣ 宮廷醉鴿 ($168) 3️⃣ 極品酒香鵝肝 ($100/半份) 4️⃣ 尚御鵝片「起片」($178/例) 5️⃣ 薑蔥豬油大地魚撈麵 ($58) 6️⃣ 花甲蒸蛋🥚

Dinner in the private area. Here’s what we had.-4 types of appetizers:爽脆豆苗- very spicy, couldn’t try.醬香蓮藕- ditto.滷水墨魚- tender.沙姜醬蹄- was warned was spicy as well but I tried and found it ok- more 麻 than 辣. Good balance of taste.-Seafood dishes:凍龍蝦- not normally a fan of lobster but was nice. Went very well with the sauce on the side.豉油皇海中蝦- normally not a fan of shrimps that came in their shells (too lazy…) but I had to fight with everyone to get more. Very fresh and fragrant with the 薑蔥 and the

朋友大大力推介我去這間餐廳試下，疫情而家冇得去坐喺度慢慢食，唯有叫外賣啦。估唔到外賣食物質素到very good。可以堂食既時侯，一定親身去試，真心我叫每樣野都好味👍🏻👍🏻👍🏻鵝片等等所有嘢都切得好靚，食香味都有，小食都lam lam ， 外賣無講要既所有調味都比齊晒。贊。好彩接線姐姐提議我，本來我叫鵝片飯和雞飯再加魷魚，接缐姐提議我叫鵝片魷魚然後加多個雞煮個白飯仲好，佢個提議果然好。服務又好，落單快，這間餐廳可Encore我兩公婆都好滿意like like

因為朋友生日，所以特別預訂此店作為慶生飯局（雖然是生日那位訂🤣🤣），訂位時已預先預訂了花甲蒸蛋、豉油王蝦、沙薑鱔煲，雖然只有4人，但我地去到都仲叫咗半份酒香鵝肝同滷水至尊拼盆😂，黎到份量又係估唔到咁大份，應該6個人食都夠😂😂🔸滷水至尊拼盤，真係至尊，好大碟，有鵝片、墨魚、五花腩、豬頸肉及大腸，當然仲有豆腐，滷水做得入味，但又唔會死咸，幾好味，唯一唔理想係凍咗會有脂肪肥油浮係面。🔸酒香鵝肝（半份）好香，亦都入味，但無over 到，肝的質感唔係好軟腍，入口即溶果啲，但都好好味。🔸花甲蒸蛋特色之處是打咗個芡上蒸蛋，令食起來會更滑，蛋okay, 但唔算好滑果啲，另外花甲無沙，算鮮甜，但蒸得有點老咗少少，同埋有啲花甲太咸，即使跟蛋同吃也過咸。🔸沙薑鱔煲好正，好香沙薑味，鱔雖然不大，但肥美，好食。🔸豉油皇蝦一上枱已經好香，而蝦亦炸香脆又不油膩，蝦肉彈牙入味，連殼都可以食埋，豉油應該有自己配方，味道跟出面有少許不同，但又係偏咸，豉油落重咗手，可能配飯會好啲。整體食物質素okay, 只是重手咗少許，另外服務亦很好，免瓶無切餅費（因為係自切，但有提供乾淨叉碟），但留意係分時段。

大角嘴屬於舊區，食物比較大眾化，有很臥虎藏龍嘅食店，埋藏好多隱世大廚。今日嚟到杉樹街試這家放在口袋好耐嘅潮州菜館，離奧運站大約10分鐘，都算方便。但空間比較細，幸好地方很乾淨，服務員態度有禮。部分食物要預先訂或留，否則跟Menu 點都可能無晒。極品酒香鵝肝，即場點，酒香味濃，鵝肝係比較實果種口感，另一種風味。滷水拼盤，即場點，上枱時我數過，應該有六樣，滷水元蹄、滷水豬大腸、滷水豬頸肉、滷水鵝片，滷水墨魚、滷蛋，滷水不太鹹，但很入味。花蛤蒸蛋，預訂的，本身花蛤鮮甜，蒸蛋應該一流，但花蛤略為過鹹，但蛋味好香。沙薑鱔煲，大量乾蔥沙薑蒜頭🧄煮成，上枱時大開香氣撲鼻，如果條鱔再肥美啲更加好食。豉油王煎大蝦，選用大頭蝦，秘制豉油汁味道不錯，蝦🦐也很新鮮彈牙。呢度仲有樣好，免開瓶免切餅，所以好飲之徒可以多飲幾杯😂。埋單全數$1500 有找👍🏻 收現金，就得帶錢😂

其實想黎食好耐…不過次次都無訂位…因為都幾好生意…就買過外賣試左唔錯…所以今次訂定位先坐低左4缺1…因為我已經餓到想食人咁濟…就點d小食食住等啦…原先想點芥末雞腳筋…點知無。靚靚店長就介紹千層豬耳同沙薑元蹄。靚靚店員仲推介左多幾個餸我地…千層豬耳 - 好味好爽脆沙薑元蹄 - 有驚喜…送給鍾意沙薑朕味的你…個汁調得好好…仲要啖啖肉。滷水鵝件 - 呢個又好味喎…滷水味幾香醇…雖然話鵝件…面嗰層好多都係去左骨既鵝肉。鵝肉入味又嫩口…炸大腸 - 呢個又係唔錯…大腸外脆肉軟…去哂肥糕…啱哂愛健康既伯伯沙薑雞煲 - 因為先食左個沙薑元蹄…好似重複左個口味…不過因為炒…所以係會惹味d蠔餅 - 呢個又係唔錯…蠔餅薄薄一層啱哂口細又斯文既伯伯…蠔餅炸得啱啱好…夠鬆化…蠔仔新鮮肥美。醉鴿 - 雖然搣甩左食乳鴿好耐…不過都食左幾片…好香酒味…肉好嫩…好入味…擺盤都幾靚。因為7個餸唔好意頭就加多個墨魚拼海蜇 - 平時墨魚都染到橙色…呢度保持白色…墨魚有墨魚味…海蜇有海蜇味(無味)仲要發得幾爽…同味道調得唔錯呢度印象無加一…所以無乜服務(加下茶咁)…但絕對有禮貌。好過好多有加一又無服務又無禮貌臨走時見到隔離檯食

有朋友生日話食呢間就黎試下，我地一早打黎book左位，但去到佢竟然話冇跟住我地一齊睇佢本簿，明明就有話無，點知佢地都無預留張枱比我地，搞到我地6個人坐門口張枱，仲要唔多夠位行路佢地仲話有打過比訂枱朋友，因為佢無聽電話，所以當我地唔黎！但佢地又唔會留言又唔打多幾次，咁都得？安排得非常唔好跟住到叫野食，好多想食嘅野都無佢話因為我地無聽電話無預留野比我地呢間要當佢私房菜咁睇，黎食先要預留食物，但係佢呢啲野啲食物，全部都唔錯嘅👍🏻酒醉鮑魚-酒味唔重，爽口酒香鵝肝-酒味唔重，入口即溶滷水鵝肝-淡淡滷水味炸大腸-炸到好脆好香，好好食足料老火湯-飲落去就似媽媽煲嘅湯，完全冇味精滷水鵝肉-本身想叫鵝片佢地話賣哂先轉鵝肉，食落都好食唔記得咩魚，但煎得好脆好香，魚肉又滑，好好食本身想叫龍蝦炒飯，佢話無預訂所以無，連咕嚕肉都冇，所以叫左佢個炒飯一般，炒麵唔好食！另外我地帶左蛋糕，佢地唔收切餅費！總結：坐位安排非常唔好，所以想食嘅野要預訂，無預訂好多都無得食！食物方面：味道偏淡，無味精！

不知所謂 態度惡劣 明明預早留嘢食，去到預留嘅嘢食全部都冇，冇又唔一早講，就算幾好食都冇用。不知所謂 實在太失望對尼間野。以後不會再來 也不會介紹朋友🙂。。。。。。。。。。。

香港好多都話系正宗潮洲滷水呢間我敢講真系正宗 馬友肉質鮮嫩 點普寧豆醬帶起個味，一啲都吾腥 滷水鵝個汁系秘制再加獅頭餓，個滷水汁吾會作咸，非常好食 鵝掌掌翼鍾意食骨既人就岩哂，都系用返個個滷水汁 咕嚕肉超級脆，就算放耐左都好脆，唔厚粉，推薦 蒸蟹蛋蛋黃同蛋白分開處理首先蛋白蒸蛋，之蛋黃打芡汁淋上面，好滑好蟹甜 鵝肝呢個系冷盤，用花雕浸，入口即溶。 整體黎講呢間係一間隱世私房菜，食物質素超高，雖然價錢唔系特別平，但一定係用料上剩，一分錢一分貨

見到食評全部正面就試吓點知非常失望.鵝片太薄過而且淡而無味,鵝既肉質真係嘛嘛, 豬油大地魚撈完全唔夠熱同埋份量好小,炸大腸D味仲好勁, 可能冇洗乾淨, 我自己就唔會返轉頭再試

尚御 - 藏身於大角咀既潮州餐廳~估唔到打冷既環境可以咁舒服,而食物既水準又高擺盤又靚!不過好多食物都要訂位時提早book定先有供應架!宮廷醉鴿 $168南非鮑魚(隻) $80呢道宮廷醉鴿擺盤真係wow一聲! 醉鴿同鮑魚放埋一齊,切得好靚.味道方面飽魚夠爽, 醉鴿夠鮮嫩.不過酒味可以再重D!酒香鵝肝 $188鵝肝係朋友好推薦既一道菜,不過佢同平時既煎鵝肝口感好唔同,未必人人鍾意.食落去好creamy,而佢酒香味辟走左鵝既羶味.係完全唔同既presentation. 沙薑醬蹄$88呢味菜係我今餐既最愛!燻蹄配沙薑汁本身已經好惹味,再加上面頭既蔥同芝麻,香味更出!而燻蹄本身都好爽口,所以真係超愛!滷水鵝片(例) $168海蜇拼墨魚片 $78最後分享埋兩款打冷必點既滷水. 鵝片份量好多!足足有兩層! 墨魚片夠軟腍, 兩樣都係above average!

終於。。。有人話我再同佢試伏伏食店。。。又平又好味，竟然無加一。菜菜有湯浸過，好好味。廚師朋友食第一啖，問：嘩，用乜浸，好好味馬友皮脆肉滑。鹵水鵝件其實都起左肉，份量足。湯。。。堅無味精。臨走見到有好多人點蔥薑魚鍋，細細碗鋪滿蔥薑，下次要試。