尚悅軒

營業中

休息中

2025年6月4日，與朋友來尚悅軒晚餐，其中點了原隻燒雞。 這燒雞是豎起原隻插在一支鋼管上，連在一隻梗盤上桌。 侍應並提供一把鋒利剪骨刀及一些透明手套給客人自己剪雞。 侍應並講明我哋唔會剪，你哋自己剪。 朋友於是出手去剪。 眼見隻雞又油、手套又滑、把刀又利，張餐枱又唔係廚房功具枱，剪起來極不就手，剪刀好易插傷手，簡直險象橫生。 唔明點解酒樓為咗綽頭要令客人置身危險當中？雞是好食的，但自剪並不合適。 此外，有碟炒黃鱔條都好硬，極不新鮮。 有碟餸又好咸。 煮芋頭又唔粉，咬落好「腎」，絕非好貨。 整體感覺欠佳。

母親生日, 諗住地點就腳, 在這裏食晚飯,結果換來一肚氣! 所有親戚都投訴食品份量小, 而且十分難吃, 12人餐只有9 個人份量, 最過份係乳豬全體我估計只有15簿片, 全部得肥膏, 脆皮下全無肉, 而且沒有手沒有腳!真係大吉利是! 跟經埋反映換來一句"我地係咁的" 算數, 生日飯費事同佢嘈, 之後成晚其他菜都係9人份量.條魚得一斤, 大家要你推我讓唔敢食品以後Bad List 這間酒樓, 唔想一肚氣就切勿幫襯, 攪到香港人北上消費就是這些食市.

尋日飲早茶，收銀找續幾個有污漬發毛銀幣俾我，我要求換過，收銀拒絕換，仲話唔要就放低錢即刻走，聽完我話我俾發毛銀幣你，你收唔收先。個收銀唔答，繼續收下一位。家人覺得呢間酒樓算乾淨，點心夠熱又上菜快，今日又去飲，找數時我俾番污漬發毛銀幣，點知收銀拒收，仲話佢地一直拒收污漬銀幣，所以無可能會找續俾客人。

點心落左蝦腸，黎錯糯米卷都算，最後又話冇話唒蝦腸，得牛肉腸，都算數！照要啦，好小事！但佢地又唔改單！最後埋單收蝦腸錢，同佢講話錯單，死抝話價錢一樣，然後搵到Menu 係貴$3 ，咁話搵經理取消單，等左陣又話退現金，但話豪比我地！佢地做錯野叫佢更正返，退返比我地啫！好似益左我地咁！希望酒樓可以注意一下員工服務質素！因為佢在始創中心6樓，之前貪佢比較少人先幫襯！依家真係可以永遠black list! 至於食物，普通啦！以前係好食d！

晚上來到太子，始創中心，見到有幾間酒樓，見到有你燒鵝套餐，便決定試呢間！我們點了「燒鵝例牌」加一個「上湯波士頓龍蝦伊面」，再加一隻乳鴿及一客「鮑魚配鵝掌」。先來燒鵝！我覺得個汁有點過咸，汁醬太濃味了。不過，鵝肉算ok! 但，皮不是脆，咬落去有「煙韌」之感覺。只能說是一道不過不失的一個例牌鵝。哈哈😄至於「波士頓龍蝦伊麵」，個伊麵吸收了湯汁，還算好食！蝦肉ok，可是蝦鉗便比較乾，麻麻地，不算太好食。 扣分。之後到乳鴿出場，一見賣相便覺得好乾。。。。。 一點都沒有飽滿的感覺。。。 而且好細隻，沒咩肉。。。食落都是很一般。。。。。下次未必會再食這裏的乳鴿。之後到鵝掌，個鮑魚都係正常細粒，鵝掌都係正常啦，汁醬都濃厚。都正常，不過，有兩舊西蘭花有少少怪味，唔知道會唔會洗得唔係咁乾淨。所以最後都冇食到。整體都係一般麻麻哋

環境非常擠迫，12人安排坐9人枱，已經好想食完即刻走，仲不停sell三千多元套餐， 連枱與枱之間背貼背，唔小心挨後就會撞到後面,如果火警就大鑊，衛生好差，大部份餸送到枱已經唔太熱，肯不會再去

只要有一趕客職員，也嚴重影響生意！昨天知己老友自携紅白酒一起飯聚，食物質素也佳，原本開心諗住6月及9月的特別日子也來訂兩席。可惜被態度惡劣的肥女部長破壞晒！！！原本電話訂位時，講明無開瓶費，而且亦無單張寫明要收開瓶費，但埋單時這肥女子態度惡劣的話要收費！佢好好解釋都無所謂，但態度十分惡劣，另人不爽！以後都不再來了！！！

朋友生日 平時訂開個間賣哂 臨急臨忙搵到呢間有 打去同佢講大概想要幾重 佢報價ok等半個鐘就有得拎🤩去拎既時候樓面呀姐好熱情招待同打開錫紙俾我地睇隻蟹蒸得幾靚幾新鮮😅佢打開錫紙個下啲香味即刻湧上尼 好想即刻食呀🤤沿路行返去個陣海鮮味係咁飄出尼最後分左隻巨型腳😙彈牙鮮甜勁厚肉 係真正既蟹柳呀🥰🥰🥰

服務員完全唔理人，企門口個位只會幫人掃針卡。唔會有人帶位，是但搵位坐就會有人同你講，2個人唔好坐大枱叫你企返起身，態度勁差😡😡😡之後坐低左等勁來都唔開茶，坐細房又冇人落單，這間試過一次都唔會再黎🥴🥴🥴

難得平日放假又早起身,又諗起呢間酒樓响點心關注組都有介紹過, 話佢嘅點心孖寶性價比都幾高, 所以就去試一試🤭。孖寶A $31.8, 孖寶B $34.8, 當中都有好多款 都屬於貴價嘅點心, 三十零蚊有貴價點心可以叫, 我哋梗係唔會蝕🤭, 叫曬啲貴價點心啦😜。蒜蓉蝦春卷春卷炸得幾香脆, 都算幾多虾, 但係比較多油, 如果索下啲油先攞出嚟畀顧客食會好啲虎皮尖椒煎得好靚, 但係啲鯪魚肉冇魚味蝦乾浸魚肚蝦乾雖然大隻, 但係冇乜蝦乾味, 魚肚有4舊, 咬落幾有質感蘿蔔金錢肚舊舊都真係金錢肚, 夠曬入味, 爽口彈牙, 唔會炆到太淋身, 連蘿白都好入味鮮蝦腐皮卷炸得好香脆鮮蝦亦夠多, 不過都係太多油, 如果可以吸下啲油會好啲 蟹子香菇燒賣綠色燒賣皮, 唔係好天然, 怪怪哋, 燒賣肉就正正常常冇乜特別鮮蝦腸粉腸粉皮比較厚同埋淋身咗啲, 蝦嘅質地同味道都可以鳳爪排骨飯排骨太淋太梅, 唔好食, 鳳爪就正正常常座位距離都唔算太逼夾, 坐得舒服; 茶錢都係8蚊, 30零蚊有兩個點心, 性價比都算高👍

疫情後好耐冇飲過茶，於是就興致勃勃同朋友一切去咗始創上面嘅呢間茶樓食午餐。基本上所有茶樓常見嘅點心都有得食，不過有少少失望佢竟然冇自己最鐘意食嘅馬拉糕🥲 最後叫咗幾個點心同菜、叉燒其中揀咗幾樣嘅可以同大家分享下～南瓜排骨🎃幾驚喜嘅點心！個樣睇落好齋咁，但係食落南瓜幾香，排骨入味唔會太韌，味道比賣相好！xo醬鳳爪次次飲茶都要食嘅鳳爪！不過不失，食唔太出xo醬味，偏鹹。不過好在唔會太油，整體就普普通通咁啦～另外都有試雪菜肉絲湯鍋米，啲米線偏淋，個人麻麻地果種口感，而且味道亦偏淡。甜點部分😋😋最滿意就係呢個香芋酥同埋紅棗糕，不過紅棗糕無影到相千絲香芋酥💜熱辣辣外脆內軟，外面嘅千絲層次分明，同香芋餡好夾😋養顏棗茸糕❤️紅棗好香，而且好夠煙韌，兩層紅棗糕之間有一層椰汁糕，令到整體嘅味道更加豐富，椰汁味亦都好出，同紅棗味互相襯托～但係茶樓嘅衞生就麻麻地，一開始枱布上面發現咗一啲污漬同有疑似曱甴腳😖 不過都理解酒樓好難打理到一塵不染嘅最後埋單大約每人90蚊💰，都食得好飽嘅～飲茶嚟講價格就正常啦

蟹籽香菇燒賣嘩！個燒賣皮同平時嗰啲好唔同。平時我地食開嘅燒賣都係黃色皮，但係依個係綠色皮。不過其實食落去佢都係同平時見開嘅嗰啲差唔多，個綠色皮係冇乜特別味嘅。海皇瑤柱蛋白炒飯好大碟炒飯，都足料。食嘅時候好明顯見到蛋粒、瑤柱粒同埋菜心粒。仲有就係佢唔會好油，有一啲餐廳個炒飯加好多油。不過依個飯唔係太多油，食晒之後個碟上面冇一大灘油。

因為在這裡飲茶，得了晚市現金券。應免中伏 ，先在open rice睇下comment，見到好多都話態度差，心裏都不太想去。但因剛巧要到始創買電話，所以博一博去食。一上去， 侍應 態度很好， 我們有一位長者坐輪椅的心安排我們的座位， 寫菜的人很有禮貌， 知道我們用50蚊現金券介紹我們便宜及優惠的食物。跟著傳菜， 經理，也好有禮貌。 真係值得一讚， 同我見到嘅comment 完全兩回事. 價錢也便宜所以一定會再嚟。

08:29入座，因為坐係房入面，完全冇人，自己岀去揾人落單、開茶。中間有經理因有食物已售完，前來查詢並更改點菜紙。之後就一直等，直到09:10都沒有收到任何一份食物，就去咗前台查詢。又再等咗15分鐘，仍然沒有任何食物上台，再到前台查詢時才發現點菜紙沒有入機，經理發現雖然有立即到廚房拎了兩份點心給我們，但之後就都係冇上過任何嘢食，因時間問題09:28就去結帳。入面員工仲話「你哋啱啱先坐低啲嘢食邊有咁快嚟啊！」答「我哋已經嚟咗一個鐘」，之後就沒有理會直接到找經理前台結帳，那位員工亦都追來同經理講我哋坐咗一陣當然冇嘢食嚟啦，經理應該知道我們的實際情況，並沒有理會那位員工。個人認為經理的處理正常，途中有幫忙拎點心及道歉。不過前台可否認真工作，那位員工可否有點禮貌，並且唔知就唔好「搭嗲」。

星期六在太子飲茶，到處都要等位的。所以，Honey和我喜歡到始創中心，除了X港，其他酒樓，中午都不必等位。好奇怪，始創的酒樓，有一兩間常常轉名，不過，我覺得其實質素都差不多，不特別污糟或乾淨，也不特別便宜或昂貴，一切都中規中矩，而食物又不錯……最重要的是，週末中午不用等位。今天叫了五款食品：雪山叉燒包、炸菜牛肉腸粉、蝦餃、鮮蝦腐皮卷和鮮蝦菜苗餃，每樣都不錯。雪山叉燒包熱辣辣的，上面那層墨西哥好脆 ，包也鬆軟。榨菜牛肉腸粉就一般，沒有榨菜味，腸粉也比較厚 ，不滑。蝦餃OK。鮮蝦腐皮卷不錯，蝦好爽，而且炸得不算油膩。菜苗餃也挺好，好多萈菜。如果點心滿一百元，可以加十元，加配一隻燒乳鴿……好抵食！乳鴿細細隻，連骨都咬得開，鹹香，也夠入味。