尚月廚房 (餃子湯麵專門店) (已結業)

今晚得自己一個食，決定隨便揀一間食！路過見到佢座位闊落，環境舒適，就入去一試啦。叫左蕃茄湯底粟米豬肉餃麵，湯底清甜，餃子皮薄餡多，夠唒飽。跟餐包一杯豆漿，以47蚊呢個價錢黎講相當抵食！

美味牛𦟌湯麵，週六晚餐，呢度食碗麵，唔使等位，牛𦟌麵套餐$48 ，加兩蚊有熱飲，相當抵食。牛𦟌每片都好口，都好入味，而且肉質鬆軟，冇錢，伴一碗菠菜麵，非常滿足的一的晚上。

見有新餐廳無乜人，趕時間求其食，試下先😋店內枱數唔多，晚餐時段都未滿人，開頭有點擔心..我哋兩大一小，叫左三個麵餐食，價錢唔貴🤩我哋覺得最好味係粟米豬肉餃子，椰菜豬肉餃唔係差，只係有粟米餃被比下去😆牛𦟌都入味，但就覺得比較硬身唔夠軟熟。麵底則比較鐘意普通白色嘅麵底，咬落好煙韌幼滑💗波菜麵就比較軟身左d，都滑，但無左煙韌感。最值得讚係員工嘅工作態度，好有禮貌，令人好舒服，尤其是隔離枱新客，一入門見有小朋友，即建議小朋友嘅家庭靠牆嘅卡坐（佢哋本身想坐中間靠廚房位，因靠牆卡位張枱客剛走未執清，立即執乾淨比佢哋），真係令我又驚喜又貼心💗👍🏼

如果要數在假日商場内搵食（馬鞖山）亦可列入一位難求内,今次便退而求次距離一橋之隔（新港城）三期地下、對於(第三期地下)食店其實認知度只是寥寥可數，因為去了好幾次還是著重於在商場內、所以今次出走對於三期食店只是略知一二，在走訪之前亦有略略在(飯網)上看上圖片、據自己之感覺而行。。。坐下便已找選了目標來了一個《雙拼素餃跟泡菜豬肉餃子》配上海麵作襯底加上麻辣湯，索價HK$44.先講湯底麻而不過於咸，至於素餃子內涵包括冬菇絲/ 紅蘿蔔粒/ 粉絲等等元素、《但餃子皮真是十分之厚身，所以完全覺得是失敗的一個,》另外要講是泡菜餃子這款餃子《皮厚到適中，不過自己就略嫌肉質與泡菜略為打得比較碎一點感覺全無口感可言~》吃畢差不多一碗感覺上胃納尚有空間，所以再來多一點韭菜煎餃HK$30.、熱辣辣的上枱加上皮厚適中本應亦算是不錯的一個,但是同出一個敗筆主元素便是餃子內的肉質實在太過【削】，感覺拖垮了整份事情，建議店方可以再搞豬肉同時略不要過於「時」、否則令到整個豬肉餃子質感實在及垮低下去~埋單整體內說大約HK$七十餘元，以價錢來說算經濟、如果可以在餡料上加以改進那便會更為理想。

今日揾食之際，發現有新食肆，梗係又要試下同大家分享下啦😀裝修簡單而舒服， 店員有禮， 好彩早咗入座， 遲一步就要等位啦😚😚睇下餐牌先，有多款唔同餡嘅餃子🥟🥟湯麵方便呢， 有上海麵同菠菜麵揀！ 今次就叫咗個 芝心牛丸上海麵， 附有粟米，我仲覺得冇味精，感覺健康🍜🍜加四蚊有凍檸茶，唔使加一， 價錢公道絕對有誠意嘅小店，要支持！！

  聽朋友講有間新既餃子餐廳幾好，所以就同左家人來試下，呢個精美小巧骨子的店，環境好舒服，有D日式設計既STYLE。晚上8點幾唔算多人，唔駛等就宜入食野。餐廳食物主打麵、餃子，叫套餐既感覺似乎是抵D，$40左右就有碗麵+5只餃子，飲料就另加錢。我點左菠菜麵，好靚好吸引，而且份量都好大，餃子都脹卜卜好靚又好味。另外一碟煎餃就好香口，皮好薄好正。加$12就有個菜，好似個波咁好好笑。$80在區內而言是平價了，而且性價比高，推薦!

新開不久的餃子店, 裝潢有d似台灣黎香港個間餃子店, 不過哩間既餃子特別在於冇白菜豬肉餃..主打韭菜豬肉餃同泡菜餃..我唯有食椰菜豬肉餃啦, 加個波菜麵, 油菜同埋叫左滷水雞翼。最快係個麵, 綠色既菠菜麵食落覺得健康同埋真係見到有菠菜響麵條入面。油菜係半個冇切既生菜, 食到中間唔知點解濃濃地, 滷水雞翼味道甜咸適中, 肉質偏老少少, 但可以接受。最重要係煎餃子, 餃子皮薄肉餡多, 保持到肉汁, 味道略咸, 放入麵食就剛好。覺得要支持小店😊

本人頗喜歡食餃子， 今日入馬鞍山探媽咪， 順道試下呢間新開餃子店。到店時間大約八點半， 可能係星期六嘅關係， 店家已貼告示麵底賣完。 好彩我係一心一意嚟食餃子😋今次就試咗韭菜豬肉湯餃$36/5隻， 韓式辣味豬肉煎餃$40/5隻。餃子size正常好飽滿， 韭菜嘅比例多於肉， 但都包得好實淨，唔會一咬就散晒， 所以韭菜香味十足 至於湯底就略為遜色少少， 但飲得出係冇味精， 對於追求健康人士最適合不過。佢哋嘅煎餃係即叫即做， 店家用咗日式煎餃嘅做法， 底層脆面層保持咗餃子嘅軟度， 非常出色! 泡菜煎餃酸味及辣味適中!順帶一提店內環境明亮舒適， 服務態度一流

一見到熱辣辣餃子黎到就心急食冇影到相，溫完書太想食餃子，又見呢間新開試業就試下，一開始搵唔到邊到，原來係第三期果邊，搵唔到可以打俾老闆問叫左韮菜湯餃，餃子皮好薄，同埋唔會係浸湯浸到爛晒果啲，我同阿妹一行三人都超鍾意韮菜餃，雖然老闆大力推薦煎餃，但湯餃配佢地嘅辣菜圃係冇得輸！！一定要加辣菜圃食煎餃其實都好味，不過再煎脆啲會好啲，可能我地比較鍾意鍋貼果種口感，我地叫左泡菜辣豬肉煎餃，都有驚喜，唔錯！我地唔係太肚餓所以冇試到麵，不過老闆話黑椒牛丸好食，果然唔錯，好似係類似牛筋丸咁！整體黎講環境好乾淨光猛，員工都好友善，會多啲黎幫襯支持小店，終於唔洗成日食譚仔，我下次再去會補返相！我絕對唔係打手，係馬鞍山土生土長，眼見而家開嘅都係連鎖食店，一定要支持多啲呢啲小店，我第一次打食評，因為真係好想支持下

經過以上餃子店, 雖然新開張, 膽粗粗試一下,  点了韮菜粟米餃子麵 + 檸檬茶因為有老人家, 特別吩咐耍餃子和麵 軟些.  数分鐘已上菜,  韮菜是幼身韮菜, 有菜味  ( 注: 我家老人家年輕時是賣菜的) , 粟米新鮮,麵夠 軟老人家食得開心其他正常硬度的韮菜粟米餃子麵,  一句  : 好有機會, 一定再來

依傢大部分大商場嘅店舖，大多數也是連鎖式經營的餃子店，一式一樣，所以特別鍾愛試一啲小店或家庭式經營的小店。今天剛經過馬鞍山見到一間新開餃子店，試了它們的韓式豬肉煎餃，食落去覺得同出面唔同，皮薄餡靚，自家鹵水牛𦟌好軟熟，味道剛好唔鹹，好自家，好有家庭屋企feel😊。值得支持！