尚青商號 (已搬遷) 新店位置

傳說中藝人傅佩嘉同佢台灣籍老公開嘅台式食店，傳說話佢地嘅牛肉麵好好味、好地道，每次經過都會見到長長人龍，今日放假一於早d出黎排隊😈店舖分兩層，堂食位置在上層，所以即使門口無人排隊，都唔好掉以輕心呀！因為由店面排到入座我都等左差不多半個鐘😝台灣人開既台食店就是不一樣！唔止食材、調味夠台味，連裝修都很台灣的古早味🕰離遠已經見到2015年因颱風蘇迪勒而聞名嘅「歪腰郵筒」😆可以開始打卡😝然後舖頭地下係「尚青整仔店」-台式傳統士多嘅裝修，樓梯模佢舊時石梯；樓上裝修卻變了文青feel，menu亦是簡潔精緻🤓櫻花蝦瑤柱蔥油乾拌幼麵- 麵身煙韌，蔥油香口；雖然櫻花蝦份量少得有點可憐、唔係好食到陣味，但可能瑤柱有功，整體總算食到少少海味味😋跟餐有兩款小食：都係醃菜，酸may may的，可中和油膩感，但首先你要係愛吃醃菜既人吧😅紅燒半筋半肉手工寬麵- 最喜歡煙煙韌韌既手工寬麵！湯底濃而不滯，亦唔似普遍台食店既湯底太重八角味，一匙羹湯、一箸麵咁，絕對可以食到個碗乾乾淨淨！其中餐廳配送既酸菜功不可沒，完美助攻，令湯更滑口😋碗麵上檯一刻覺得有d細，但筋夠淋、肉夠軟，食到尾都有d飽，加d辣椒油醒一醒，香口香口又食

聽講lunch勁快full, 難得有時間，所以開門前已經喺門口等🤣真係好誇張，叫完野食未12點已滿座...😱-酒香椒麻牛肉絲乾拌麵 ($58)❤️‍🔥推推推❤️‍🔥牛肉絲好香椒麻味，撈埋軟硬適中嘅拌麵嚟食，真係好好味🥴❣️食到停唔到口🤩辣味偏重，唔需要再額外加辣椒油🌶-椒鹽百頁豆腐 ($32)豆腐質地幾好，外皮厚得嚟好吸味😋加上椒鹽同蒜頭粒，鹹香味十足😍❤️‍🔥價錢亦唔算貴，令成餐飯錦上添花🤣👍🏻

Ouiii。WeeeEat - 灣仔偽一天台灣文青- 尚青商號🍜 🌗Dinner望穿秋水之終於食到你啦😍！ 上次weekend lunch time 黎既時間超多人， 排隊排到落門口（由1 樓經樓梯排到落地下）🥺 今次揀岩時間， 六點前就去到😎 終於唔洗等位就入得😭😭～ 👱🏼‍♀️半筋半肉牛肉麵（紅燒湯底）$78佢d 面係手工麵黎， 湯底有三種選擇， 我選擇咗既紅燒口味非常入味， 亦唔會太重口味🤤 牛肉同牛筋份量都算多， 再加埋d 配菜真係超開胃, 食到唔想停😭👱🏼‍♀️香菇魯肉飯 $52比較失望既一道菜😢 入味啲會更加好🤭👱🏼‍♀️椒鹽炸排骨 $28抵食之選🤑 肉質很軟熟， 表皮非常鬆脆， 再加上椒鹽粉，好幸福喔🤩👱🏼‍♀️冬瓜茶 （凍）$20不可選擇甜度， 但好少飲甜野既我都覺得甜度適中🤠👱🏼‍♀️台灣香腸 Free 😍因為佢地係荃灣開左分店， 每台都會送一人一條台灣香腸。 好香口, 全晚至愛😚佢由門口開始嘅裝修已經好特別， 有賣台灣既雜貨同埋食品，打卡一流， 真係當自己去左轉台灣🤩 可惜食完又要回到現實😢～ ❗️只能付現金喔～💰人均大約$100快速搜尋𝐅𝐨𝐨𝐝: 𝐨𝐮𝐢𝐠𝐨_𝐟𝐨𝐨𝐝𝐅𝐨𝐨𝐝

聽同事講附近開左間好味台灣菜，於是中午即刻去試下。一入門口，就見到個好有古早味即台灣小店擺設，very igable。上到去拎位，估唔到12點就已經滿座，要開始等位。不過都係野食好味先會出現既現象。等左15分鐘入座，叫左個半筋牛肉麵，半筋半肉兩樣都可以試到。好快就上菜，湯頭鮮甜，牛味濃郁。拉麵都軟硬適中，有咬口。整體非常地道好味，配脆口既油炸鬼都係第一次，又出奇地好食。同事試左個辣牛肉撈面，都唔錯，幾香。另外試左小食鹽酥雞，雞肉鮮嫩之餘，岩炸出來夠曬香口。野食就非常滿意，唯一唔好就係無得訂位，可能排隊較耐。

灣仔人氣台灣店係門口已經覺得自己好似去左台灣gum 今次試左招牌菜之一ge 花雕牛肉麵 $74最鐘意佢個湯底 花雕酒味好出好香 牛肉亦唔會韌仲可選幼麵或寬麵而且個set 有3種小菜 油條點落個湯底道食可以吸收到個湯ge精華 酸菜同蘿蔔都好開胃如果食完想自己係屋企都煮番呢隻味 可以買包麵/買樽調味番去溫馨提示 只收現金喔

尚青商號久聞大名的台灣菜在餐廳大門口已感受到濃濃的台灣復古味道門口放了兩個歪郵筒超有趣 🤣地下那層是類似小賣部的概念樓上才是用餐的地方這裡主要供應肉燥飯 麵類 以及水餃也提供少量小菜 小吃和飲料雖然主要供應小吃類的食物但飯類裡也有不少選擇喔 👍🏻我點了⭐埔里紹興牛燥飯 $60⭐平常的肉燥大多用豬肉製成這碗是用牛肉, 飯上面鋪了半顆溏心蛋和蔬菜另外也附上兩碟小菜 (醃黃瓜和木耳)😍埔里紹興牛燥飯超足料 😍😍😍完全不怕不夠肉來撈飯每一口都一定吃得到肉喔因為用牛肉 個人覺得肉味更重 👍👍👍口感就沒有肥豬肉那麼入口即融所以如果愛吃肥肉口感的話 建議還是選豬肉的會比較適合喔我是很滿意的 😄下次來的話我想試試三杯雞!!!😜題外話這裡主要採自助式點餐(QR CODE)另外清水等都需要自行出去取用(店員會幫忙上菜就是了)覺得這麼自助式的服務還需要收加一服務費有點怪

灣仔有名的台灣菜小店。裝修十分有特色，好似去咗台灣咁。依家有優惠，消費滿50蚊就會送一條台灣腸，可以回憶下去台灣嘅感覺。叫咗一個前菜，十分之有特色。係皮蛋豆腐花。豆腐花係凍嘅加上咸嘅皮蛋，味道特別。之後叫咗一個香菇魯肉飯同蔥油拌麵。分量大，食完都飽。味道正宗，有台灣風味。麵條係手工造，好有口感。

星期日晚又發掘下屋企附近既餐廳之前買過一次外賣既尚青商號今日終於有時間試埋佢地既堂食6點去到唔洗排隊等位就入得坐左Bar枱既位置同朋友每人叫左一款主食同一杯飲品椒鹽排骨雞湯麵 ($62)即叫即炸既雞扒脆卜卜可以揀幼麵或寬麵朋友今日就揀左幼麵湯底好清甜香菇魯肉飯 ($52)我今日就揀左香菇魯肉飯白飯既份量剛剛好魯肉汁都夠多啱哂鐘意撈飯既我復刻奶茶 ($24; 加仙草$8; 加珍珠$8)飲品方面一如既往叫我最愛既珍珠奶茶今日貪心D想要埋仙草叫左少甜少冰剛剛好檸檬柚子氣泡 ($28)朋友叫左呢杯檸檬柚子氣泡都幾好飲清新、甜度適中，特別開胃

🐥 麻辣鴨血煲 $82 🐥鴨血煲可以揀冬粉或白飯，我選擇左就揀咗冬粉(因為貪佢比較吸湯)鴨血煲除咗鴨血之外配料有蜂巢豆腐，貢丸，少量菜-鴨血好滑，口感彈牙好入味-蜂巢豆腐係麻辣煲嘅必備食物，吸滿惹味嘅麻辣湯，咬落去d湯充滿住口腔，好滿足而辣味方面算夠麻夠辣🐥櫻花蝦瑤柱蔥油乾拌麵 $58🐥普普通通一個乾拌麵，好似平時屋企整即食麵嘅質素服務態度: 有待改善，我係20:05入座，鴨血差不多20:45先到，期間我亦有問店員而店員態度冷淡話整緊，到20:45食物先到，店員就開始趕收工咁(21:15收舖)，但20:45開始每5-10分鐘就過黎收下野又話要佢地收舖…我全情用2x分鐘好趕好緊張咁食完好熱嘅鴨血煲..總結: 食物可以，但服務態度差，我唔會再食

平日lunchrime經過成日都見到大排長龍 聽人講好味 但一直都冇機會試😢有時放工去到都見到好多人排又放棄左🤧呢日放工見到冇乜人排隊 終於去左食😆小店有兩層 下層係做外賣同茶飲 上層係堂食 一上到去見到裝修好有台灣feel🥰坐低之後自己掃描QR code落單 食物好快送到鴨血煲好夠味 鴨血好大塊👍🏻牛肉好腍入味😋 依家仲做緊「台灣懷舊柑仔店主題展」展示/賣一啲舊式台灣食物玩具 門口仲有個個歪腰郵筒 打卡又得食又得😉💁🏻‍♀️#tracyfood_灣仔 #tracyfood_黃店💁🏻‍♀️#tracyfood_台式 #香港美食 #灣仔美食 #hongkongfood #hkfood #hkfoodie #food #foodie #wanchaifood

台式文青食店，呢一間地方算大，佈置成雜貨店， 相信可以滿足喜歡打卡的顧客。 至於食品， 今次嘗試了滷肉飯加燶邊煎蛋，同筋腩牛肉麵。滷肉飯夠味又唔會太鹹，滷肉鬆軟冇渣，美味可口！燶邊煎蛋加咗六蚊，係好值得加，太陽蛋煎得恰到好處， 送飯一流！ 筋腩牛肉麵，上桌時湯還夠熱，已經先加分。 筋腩炆得肉質細嫩，有四件，分量合理。 麵質方面，係有彈性嘅台灣麵口味，配合濃淡適中的湯底，係好唔錯。 有一段小插曲，用餐我另加了一杯熱胚芽台式奶茶，上桌時只是和暖，飲咗一啖，淡而無味， 真係好唔掂。 跟水吧溝通後，佢哋重新煲過一杯畀我，呢杯就夠曬熱喇，溫度亦改善埋味道， 終於飲得出胚芽麥味。 整體用餐，覺得食品質素真係唔錯，價錢雖然貴咗少少， 因為全部要散叫，但仍然值得推介

每次經過都見多人排隊，今日特別提早去排，排左半個鐘，滿心期待，食評多推介$78花凋湯半筋半肉濶麵，咁就揀呢個啦，再加$19凍芋香奶茶仙草，加$38鹽酥雞小食。先黎飲品，伏到不能再伏，稀淡無味😮‍💨再黎鹽酥雞，根本唔係鹽酥，兼且好咸😑 已經唔敢期待碗湯麵，說好的花凋味去那？只係一碗平庸的牛筋牛肋麵，麵條仲要癡實晒😵‍💫 連加10%，成為$148，仲要等30分鐘，自助點餐又慢，上菜更慢。我想講好味是良知。同區軒尼詩道，莊士頓道和灣仔道個三間，好過佢多多。

呢度台式小店lunchtime時候成日都大排長龍，為咗可以試下佢到底有咩咁正，今日就手機落單外賣自取，咁就唔駛等咁耐！😎酒香椒麻牛肉絲乾拌麵 ($62) 🐮🍜✨牛肉絲應該係牛腩撕成絲，食落都有牛味，又唔會好柴，份量都算多~🐮✨拌麵因為外賣嘅關係變到一餅嘢咁，唔係食到麵條一條條係點嘅口感…相信堂食會更好~😬✨椒麻醬好香，好重椒麻嘅麻味，但又無乜辣味，食到好過癮~🌶✨醃蘿蔔爽脆，酸度剛好，夠晒開胃，又可以中和辣味~🥕.呢度嘢食係唔錯，但睇嚟下次要早小小去堂食先可以再試真啲！😛

好想去台灣呀！好掛住台灣嘅美食😋幾時先可以飛呀？😢 朋友為咗幫我一解相思之苦，帶我去咗打卡餐廳-尚青商號！食住碗牛肉麵，幻想一下自己身處台北啦☺️牛肉麵個湯底清甜，食完一D都唔口渴，正明冇落味精👍🏻牛肉炆得好淋，又夠味。我好surprise 連側邊嘅配菜都有心思。醃蘿蔔爽脆；酸菜惹味，跟牛肉麵係不可缺少嘅滋味配搭。油炸鬼就麻麻地，又硬又乾，其實唔需要。朋友點嘅排骨飯亦都好好味😋我偷食咗一塊，豬排炸得鬆脆又同時保留到肉汁。仲有少少滷肉喺飯面，超好送飯。餐廳用咗好多台灣裝飾，佈置得另人有一刻會覺得自己真係喺台北小店入面。樓下係外賣區，樓上先係用餐區，所以如果帶比較細嘅小朋友，行樓梯上上落落就要小心啲。點菜係用手機落單。我哋見到好多想飲嘅奶茶都賣晒，正煩惱緊飲乜嘢好嘅時候，店員留意到我哋嘅對話。佢好親切咁話奶茶啱啱煲好，可以幫我哋落單，仲細心地問要唔要少甜添😊我點咗復刻奶茶，茶味香濃，仲有少少焦糖味，唔錯！

本身見到門口好好打卡，又好耐冇食台灣野就去試下，點知就中伏了....叫左三杯雞飯同走糖茉香綠茶～ 首先三杯雞係用個鍋仔裝住，又有火係下面保溫，睇落去好打卡又好似好有心思個，但係一食落去就出事....舊舊雞都好似炸龍利魚柳層皮咁，真係搵唔到任何似雞肉既野，好辛苦食左一大半超頂胃，好似食左好多塊淋左既炸皮咁 🤯 口味既野甜酸苦辣各有所好，但係呢個味道絕對唔似平時食到三杯雞既味，冇酒香都算，係得薑蔥同好鹹既醬油味....食得咁濟想飲番杯茶，平時慣左飲走糖既茶，本身都預左會苦，但係我真係低估左佢個茶底....真心苦過廿四味，係好濃好苦好涸喉果隻，就算我加水溝淡佢都係得個苦字，半點茶香都冇，如果唔走糖既話係咪9成都係糖水先可以入口 🤡🤡食到懷疑人生，見到門口開始排隊就更加懷疑人生.....