居食屋「和民」 (黃埔天地時尚坊)

營業中

休息中

因朋友有dbs card，點了一個２人套餐首先是帶子沙津和豬扒鍋，帶子其實鮮味是夠的，可惜外圍的炸粉太多令整體有點格格不入，反而附近的生菜和蟹子口感不俗，喧賓奪主；豬扒鍋的第一口應該還感覺不錯，味道濃郁，可是吃第二片時開始略嫌過份地salty，太鹹了，其實豬扒很入味的，大概是汁的調味出了錯。跟住是雞肉串燒，可見它快燒焦的樣子，雖然味道適中，但明顯控制火侯還不夠，吃了它們很不健康；右上圖是芝士年糕，這個真的不願置評，你看得出是年糕嗎？內裡吃不到年糕味，有少許芝士味，這個最好不要點來吃，太差。再黎是三文魚刺身，這是值得讚賞的，新鮮而比較近腩的肉質，不肥不膩，我習慣不點鼓油，會突出它的鮮美。另外是８件壽司，不過不失，但本人不喜愛吃tuna，所以會主觀地扣了分，而牛肉烏冬，烏冬算是爽口，而牛肉沒有品嚐，但友人說好味道。

去到黃埔睇緊吃咩,諗住和民唔洗等就食呢間啦(但無乜可能,因為去親到一大蘿人等緊),行到去真的無人等,驚訝,就帶位入去坐,一路行都見到唔FULL...有頗多吉檯....2人坐4人SOFA 卡位,唔洗咁迫.第1道菜先黎,帶子蟹肉丸子.無驚喜,咬開太過稀,無咩味,有D帶子小粒.呢味第1次試吃.第2道菜,魷魚燒,味道OK,唯一不好就係黎到已經係暖,唔熱.第3道菜 特製紙包雞飯,無特別,即係有D茄汁加雞既撈飯. 呢味都係第1次試吃.....第4道菜,牛肉火煱.一較中火就會好易熄-,-所以要一直大火煲,快食.第5道菜 軟殼蟹沙律,呢個每次黎和民必吃,我同老婆都喜歡.不過唔明白點解食到最後先黎...連續3次都係吃完先送到黎

自從和民開業以來, 多年來一直都是捧場客, 因為它的價錢不算太昂貴(可惜現在越來越貴, 價格升了, 但食物份量卻少了), 而且經常有新的菜式推出, 加上侍應慇勤的招呼(所有侍應都是跪下來落單的, 聞說是為了尊重客人), 故此已曾多次幫襯不同分店, 包括沙田, 太子, 銅鑼灣, 太古, 紅磡等. 是晚和家人一行五人到和民晚飯, 點了脆薯粒, 鰻魚釜飯, 凱撒沙律, 海鮮石窩飯和廣島燒餅. 由於定中長者不是太愛日式美食, 故此是晚點的不算多, 而且亦並非全是和民的招牌菜色(和民自開業以來的招牌菜色包括和風一口牛肉, 牛油焗帶子, 廣島燒餅及棒棒餃子). 正如上文所講和民真的越來越貴, 平均一款食品需要$30-$50左右, 人均消費約$100元左右. 到和民食飯可選擇不同的日式食品, 如壽司, 魚生, 串燒, 小食, 飯麵等. 推介美食有: 廣島燒餅, 和民沙律.

聽就聽得多la,呢日終於o黎到位於黃埔花園o既和民居食屋試o下~一入到去燈光昏暗,一貫曰本餐o既風格.環境都不錯,都幾乾淨~今次點了豬扒鍋定食~不過,侍應竟然捧來一個gas爐o黎,嚇左一跳,打邊爐咩!?好誇張lo........原來係用o黎之後加生蛋煮熟用,真係搵野o黎搞o既豬扒蛋飯...前菜係沙律,唔算差,合格.飲品叫了蜂蜜梅子蜜,平曰的過甜....主菜來了~跟埋麵豉湯同青瓜~講真,d飯真係少左d.d豬扒都係,d粉太厚,d肉就太細塊~份量可以再加多d~定係日本野一向係咁呢............可能係有個爐o係度加熱o既關係,d豬扒同埋d蛋同洋蔥真係香d惹味d......另外叫了一個甜品,叫做"わらび餅",揀了黑芝麻,餅身幾in un,是沾上芝麻粉來吃的~不過,最令人surprise o既地方係服務態度,d 侍應係跪低o黎落單o既,係咪誇張得滯呢??就算係曰本餐廳都唔駛咁好服務呱!?

今日lunch同米米去和民, 差不多1:10pm到, 要等一陣先有位.order了兩個set lunch:先嚟兩客沙律, 份量唔均等, 一碗多一碗少. 漢堡扒定食: 賣相ok, 用鐵板上檯. 本身漢堡扒已經好夠味, 再加上醬汁, 簡直鹹上加鹹. 黑咖喱豬扒定食: 冇想像中咁黑. 味道ok. 但豬扒只得4件.

夜晚唔知食咩好,行行下就去左食和民....叫左泡菜炒飯,芝士年糕,牛油焗帶子,牛肉火鍋...好似次次都係叫呢幾樣tim4樣都保持到一貫既水準,泡菜炒飯唔會太辣,剛剛好~~芝士年糕D芝士好正,食到有D滯....牛肉火鍋都好好味,好鍾意D湯~~掛住食都冇影到相~~但最尾叫左個朱古力芭菲~大大杯,超開心~~~

講個秘密俾你哋知...其实im yan我食唔到刺身!!!但呢間居食店係我值得等嘅曰本菜(誇張少少^^)事關小女子真係冇咩耐性,多數晚飯時間要等成30-45mins= =如果其他...唔會想浪費青春喺等食地方囉暫時今日同我媽子去因為arm哂我哋<眼闊肚窄>+款多細細碟蝦壽司-好靚擺得,新鮮又有芝麻香炸蠔-外面鬆脆,內裏..食過你就知(呵依詩)炒烏冬-媽子話好好食,我....一般,所以話口味呢家野^^一口豆腐-講真!真係冇味..裏面又唔滑.. 炸海老-脆!內裏爽口(讚)值得再嚟過!!

今晚同黃兔為了信用卡一蚊優惠而去食, 相信很多人都食過!我們叫了:廣島燒餅 - 用了不夠豐富, 漏了加蝦本格冷面 - 面好彈牙,但料太少豪華壽司盛合 - 每次都會點這個,因為覺得有帶子,三文魚和鰻魚好豐富,而且又好味焗芝士年糕 - 正! 年糕好韌煙, 芝士味夠濃 不過要熱食!還點了買一送一飲品 - 抵

去過和民好多次, 昨天帶兩個侄子去 (是他們的第一次).我們三人點了五款食物 :1. 蒜香海鮮炒飯 - 有蒜香, 但無over到, 唔會食到一陣味. 個炒飯好乾身, 好多料.2. 薯仔年糕餅 - 有薯仔的香, 有年糕的口感, 入口時再加些牛油, 正!!3. 和風比薩 - 脆到好似食餅乾咁. 係有好多料同新鮮的餅乾.4. 豬軟骨拉麵 - d 豬軟骨勁林.5. 汁燒脆茄子漢堡 - 新菜式, 漢堡牛肉裏面有茄子.每一款食物, 孩子都食得津津有味. 看見他們的食相, 就知道他們多享受.以後去和民, 對小孩來說, 可以係一個好吸引的 incentive.

可以話一試既餐廳．．可能我五點幾先入去食．．見到唔係話好多人去食．．但你會覺得d待應好有禮貌ar．．．好nice ar．．雖然今餐係貴少少．．但我覺得都值既．．

說的是蒜香海鮮炒飯，份量少得可憐，$47的索價在和民實在是overpriced。好在用料精細，海鮮有蟹肉、蟹籽、蝦、帶子，輔以洋蔥、蛋碎和海苔絲，海鮮的鮮味十足；中心的肉丸肉質較散，黒椒味濃郁，可我們吃不出是什么肉類…飯粒十分香口，但比起鐵板燒做出來的炒飯，有點過于濕身，如乾一點會更好；另外就是不夠熱，影響了海鮮的口感。黑蜜糖抹茶芝麻雪糕對甜魔來說也是“塞牙縫”之作，不過$17食兩球雪糕已很抵食。雪糕較重奶味，滯滯覺得抹茶味不夠濃，黑芝麻味略勝一籌，但其實黑芝麻也不及mama mia和XTC濃郁。落了黑蜜糖的忌廉香滑帶著黑糖的甘甜，雖是配角反而更美味呢。草莓芭菲依然好味如初，以前評過就不再贅言了。味道不錯，可惜只能用來“塞牙縫”，之后當然還要去最愛的甜品店補數。

完全唔掂，果日好難得可以同男友出去食飯，諗住去d大食市... 就無死喇... 咪去咗和民囉！入到去都唔係好多人... 跟住就order咗d熱門嘢食... 牛肉粒（無味）,　三文魚生（唔新鮮，仲要有雪）,　泡菜石鍋飯（size細到bb仔都唔夠食）,焗年糕（一pat pat），最後得反支豆（係比較好的一樣食物），d嘢食又慢又凍，佢哋整嘢飲果到又嘈... 實在太難頂... 唔會有下次，包括其他分店在內，一定唔會再去!!!

呢日收工來左黃埔行街，先找吃的，見到吉之島的地方有和民的招牌，左找右找找左成半個鐘先發現原來和民0係呢度﹗講真之前都有幾次想食和民，不過次次見到門外人山人海的情況都係卻步，終於找到一間唔洗等位的和民了﹗先點了兩杯白酒開開胃，29蚊有一杯仲要買一送一，抵飲，夠凍之餘不會過酸，不錯﹗要了帶子刺身、和民沙律、燒魷魚骨同埋韮菜牛肉卷﹗和民沙律一客上份量不少，食落感覺健康又新鮮﹔魷魚骨及牛肉卷都燒得相當惹味，一啖一口一粒配上清清的白酒是一種享受﹗可惜的是帶子刺身份量相當少，似是一粒開做幾片，賣成三十幾蚊感覺就有點不值，早知點多個小食更好﹗食完小食當然未飽，再來多個牛油焗帶子及醃菜炒飯﹗帶子很細粒，充斥蒜蓉牛油味，味道是不錯不過如果大粒0的口感會更好﹗炒飯亦都係相當細碟，醃菜只有兩片，如配料及份量增加會更吸引﹗價錢不算貴，一人百二蚊左右六個餸又有酒飲，還可以﹗好明顯的是和民的食物比佢兄弟公司和亭好出很多倍，至少下次我仲會來和民幫趁，和亭就真係咪搞了﹗不明白搞咩呢度0的待應要跪下來為客人落單，如是女性又穿裙必相當尷尬，其實禮貌及服務又未洗去到咁誇張的﹗

和民新menu有勁多菜式都頗吸引，又不能一次食過，只好多去幾次，以下食評就是兩次tea合并的結果鐵板棒餃子：估不到這里的煎餃好味過中午的『札幌』呢，外皮勁脆口之余，餡料又細致，菜的比例較重，中和了外在的油膩感。原來正宗的日式燒餅內部是炸過的面條呀，都是初次見識。雖然炸得只有部分酥脆，但也香口入味了。餡料豐富，椰菜絲都不算少；但豚肉不太好吃，肉比較死實，卻不香。另外出面的醬若可以給多少少會更美味。朱古力香蕉布甸：出面的cream配著苦甜交加的朱古力粉竟是估不到的美味，十分impressive。不過入面的香蕉布甸就比較普通，不算香滑，奶味很淡，倒更似是香蕉生果，奇怪香蕉妞怎么會不“感冒”呢…倒是我把它清掉了，反常~草莓芭菲：哈哈，最喜歡這個甜品，今次的草莓醬好壯觀呀，頗有strawberry minicake的架勢，多飽都是飛速清掉抹茶紅豆寒天：很一般的出品，抹茶雪糕抹茶味冰不濃郁，紅豆也不似那種傳統的日本蜜豆，只是普通紅豆煮出來的口味。寒天又不知是何物，沒有什么味道，應該是熱量很低吧。整體都一般，并不推薦。香蕉朱古力芭菲：我本來還以為會與芒果芭菲與草莓芭菲份量相仿。沒想到，它絕對是出乎意

前晚因為發燒沒有和大家一起去Disneyland給好朋友慶祝生日，就遲一日請他吃和民的生日飯吧東亞有抵食套餐，可以一次食過好多款，又捉住機會開懷大食啦！對了，可不要以為該套餐適合3-4人分享，因為我覺得雖然樣式多但其實份量卻很細，我們除了多叫了一客叉燒豬骨湯拉面，還多點了三個甜品（芒果芭菲x2 & 草莓芭菲x1）！好在和民又相較平價，食多一點也不會肉赤。兩款特飲都有蘇打水，我真不是好喜歡。樣子蠻靚的Caribbean Festival，除去對蘇打水的偏見，其實味道不錯，菠蘿同熱情果味相對較突出。朋友就揀了另一款Strawberry Citrus Coola，不好意思嘗他的，不過他評價“好草莓”，應該不差。清酒煮蜆：蜆肉新鮮不腥，蔥碎的加入也不錯，不過就沒有入清酒味，而且偏咸。鮭魚+帶子刺身：都不錯，鮭魚肥瘦得宜，帶子嫩滑鮮甜，只是和民的醬油太咸了！芝士焗年糕：剛上碟時我還以為有好多芝士（見下下圖，可以拉好長個樣），結果失望的發現原來竟然是粘得連形狀都沒有的年糕！至于芝士味就淡得很，對這個小食沒啥興趣。海老帶子沙律：醬汁少得可憐，沒什么味道；還老還是涼的，炸得不好吃。不過看在有不少青菜的