居食屋「和民」 (置富都會)

營業中

休息中

十勝豬燒肉飯，這道菜結合了豬肉的濃郁香氣和燒烤的焦香，帶有一絲甜味和鹹香的平衡。通常，燒肉會刷上特製的燒烤醬，使味道更加豐富。豬肉經過燒烤後外皮酥脆，內裡肉質嫩滑多汁。配上白飯，米飯能很好地吸收燒烤醬汁，整體口感豐富且滿足🥹

星期四下晝一點幾到達，見唔使等位就入咗去。 我哋三個大人，被安排坐卡位，有啲迫夾。用qr code落單， 我哋嗌咗兩個lunch set，一個係鰻魚牛肉定食+ 一碗湯+一杯嘢飲+ 沙律，同埋好細嘅甜品jelly。另外嗌咗個極尚壽喜燒烏冬配嘢飲，有沙律 +雞蛋。 食物份量算細，啲餸好少，牛肉又勁薄☹️，唯一食得飽肚就係佢啲烏冬夠大碗，同埋飯份量大， 我哋另外追加咗個細牛肉飯， 埋單扣咗一張免費餃子券，共 308蚊 ，cp值非常之一般， 如無意外應該唔會再幫襯。

今日食評✍🏻和民@紅磡置富之前食過其他分店環境服務態度一般但係都未至於差但係今晚係最差最差嘅一次經驗我明白最近有鄭秀文演唱會所以紅磡置富好多人但係和民當晚係冇乜人等嘅我哋好快入咗座但礙於有兩個小朋友而且仲有一架BB車嘅情況下我哋搵座位嘅時候係有一定嘅選擇下面我一概稱之為職員中年職員即刻呼喝我哋唔好亂咁調位男職員再幫到手即刻幫我哋搬BB凳又即刻幫我哋小食order當我哋再要多一張BB凳嘅時候中年職員又再一次呼喝我哋並且好耐都未攞BB凳俾我哋途中我哋要熱水沖奶有位女職員應咗我哋但冇攞熱水嚟我直程企喺廚房門口度等佢攞水俾我哋佢明知我等緊都拖咗好耐先至斟熱水俾我都買單嘅時候又係明明冇客但係都冇人企喺cashier 地方收錢我老公企近cashier 位置中年職員又一次呼喝問我哋問我哋搞乜以上就係當晚嘅服務態度食物反映咗餐廳但係食之無味所以冇乜評價如果OpenRice唔俾我哋post我哋亦會放喺其他平台度share 無論大鋪小店我哋都會盡試盡講Follow我哋

估唔到，和民咖喱飯配呢四塊薄豬肉片，要六十幾。以前都無切咁薄，亦唔止四塊咁少。我一打開看到都呆著了。食落炸豬的切面同睇落見到的一樣，都有啲乾，應該係 keep warm 太耐引致的。無期望了。

真心，相比其他和民，呢間真係唔多爭氣，不過都還可以接受…嘅！牛肉壽喜燒，金菇娃娃菜底，清湯，豆腐，一隻蛋，還好！鯖魚半條，唔太乾，都唔太腥，還好。炸蠔同章魚燒，個蠔唔腥嘅，都唔乾嘅！章魚燒係細粒啲同咬唔到章魚啫！都還好！蝦天婦羅喬麥麵，個蝦就淋咗啲，個麵就可以練吓咀嚼肌大嘅海鮮鍋，蜆有少少沙，配啲dry dry哋嘅元貝、蟹柳😂、豆腐、一定兩隻蝦、三文魚、菜，完！香蒜雞髀，唔太乾還可以呢個係唯一推介吓嘅燒魷魚，係好味嘅，所以叫咗兩碟。石鍋飯，size細、味一般，唔抵食壽司囉咪！都係壽司囉！呢個不得了，算吧啦！炸薯條同蕃薯條，dry!飲品唔夠相位擺出嚟就唔擺嘞！普通貨色啫。值得讚吓係班員工嘅態度都唔錯！

咁岩去紅館睇演唱會，但呢排又要介澱粉質減肥😆，最後朋友提議去食和民😎仲要有鍋物餐👍太開心了，岩哂我，成個鍋有牛肉，有菜，金菇，豆付，蛋等材料湯底夠哂味，一個女仔其實都好夠飽

經過見到和民諗住咁耐冇食就去食下啦但質素就比想像中失望首先必推牡蠣鍋我覺得好好食蠔好鮮甜如果淨係食呢個鍋既話可以encore既另外火鍋追加既牛肉就普通啦不過火鍋追加既烏冬就好好食好彈牙 所以如果淨係黎食鍋 唔食其他既話係可以既但其他野食我未必會再叫囉🤔免治雞肉卷我覺得普通啦不過份量係大既呢個中拖羅卷我滿心期待好好食但希望愈大失望愈大佢入面舊中拖羅係好食既 獨立食既話舊飯太酸啦 完全搶哂拖羅味成舊卷我淨係食到飯既醋味我一度以為係拖羅冇味 但我拆開左佢分開食之後即刻食得番拖羅味好食好多囉和風菠菜鮭魚子茶碗蒸茶碗蒸入面除左蛋同粒豆就冇其他材料唔知係咪因為我叫左鮭魚子所以唔同d🤔蛋味好淡但鮭魚子係好味既飛魚子壽司 赤蝦壽司食居酒屋就緊係唔少得飲酒啦檸檬梳打酒好大杯但酒味唔濃有少少似飲梳打水咁整體黎講淨係黎食鍋物可以再黎但其他就有更好選擇囉😂呢一餐食左總共$469 兩個人

根本好過份！入到去叫左個午市定食，寫住「極上壽喜燒」睇個圖覺得唔錯啦，咁我都知圖同實物一定唔同架啦點都爭啲，但係都唔係差到咁樣呀！諗住壽喜燒點整都唔會死得去邊啦，但係點知「和民」真係離曬譜，直頭想爆粗！來到左望落個鍋仲細過啲吉乜乜，啲配菜得3樣野：一細堆白菜、一舊蘿蔔、一條金菇，跟住最過分既係得3舊極薄極細既牛肉，我真係頂！價錢仲要係$139，有冇搞錯呀！啲吉乜乜乜都好過你地幾倍，啲服務員態度都唔講啦，以後一定唔會再食！

又咸又硬，真的差過街邊小店。不知點解會做得那麼差。我食過奧海城好食多多聲，叫廚房去學下點煮先，才好比客食啦。否則一間差到極點，拖衰個招牌。希望不是全綫這水準，否則等執笠。

我咁大個食飯未試過咁嬲，嬲到震要專登打篇食評希望唔會有其他人中伏，打開外賣第一次睇到傻咗，和民你認真咩，豬柳只有張相一半都未夠，4塊雞蛋大細煎蛋厚度嘅豬柳飯仲要$6X，仲要係味道一般般，炸好左凍哂，成舊鐵咁硬，個飯細到食完2分飽要去買嘢食。食M記都未試過咁肚餓。再講沙律就比較正正常常，不過都係得兩啖，杯野飲甜到糖水咁，奶茶又冇奶又冇茶味，得糖水味真係利害。完全離哂大譜，咪搞我唔會再食，請我唔會去。

服務態度已經唔好，好似唔想做咁。返去開飯盒黎睇，塊豬肉好似俾人食過咁！日式餐廳黎講呢啲都可以整出黎俾人食？唔知其他分店點樣。但好肯定紅磡呢間分店好唔掂。可能人流少自己人都唔想做。

—1月1係紅磡睇完演唱會，就順道去左紅磡置富都會到搵野食，但置富都其實唔係咁多野食，所以就隨便去左居食屋「和民」食個飯。 𝐎𝐫𝐝𝐞𝐫:⧐牛肉鍋定食⧐鰻魚飯一直以為和民係一間叫做定位都唔錯既食店，今次係第一次食，發現味道好一般，牛肉鍋定食係叫左壽喜燒，但湯底味道真係無乜。鰻魚飯，鰻魚比較腥，叫左多汁都唔係好多汁。—📝評分味道³/ ⁵環境 ³/ ⁵服務 ³/ ⁵衛生³/ ⁵抵食 ³/ ⁵—居食屋「和民」 (置富都會紅磡都會道6-10號置富都會7樓741-742號舖

呢個商場真係冇乜得幾間可以揀，一兩個月梗係會返嚟一次！唔明卡位果邊，小強有咩咁忙，每次都要喺張枱度經過，仲要有時唔只一隻。食物價錢唔係平，性價比又低。今次食個拉麵，碗又細麵又少，塊叉燒仲要凍嘅。碟沙律一望碗邊啲菜知知佢有幾高質素。幾時可以轉第二間。

一句講晒！俾錢買難受！員態黑口黑面，好似唔想做咁！尤其係高高瘦瘦戴眼鏡，2塊眼皮好似重肌無力打唔開個個男待應！！唔想做真係唔好做，以前覺得和民唔錯，講真好耐無食，所以想回味下，但，因為佢地做壞左成個品牌！食物又差，叫左個2人餐，份量小到一個人都未必多，再加多左個串燒拼盤，2舊粟米🌽意然係粟米個頭頂黎！可能我唔識食，平時自己煮個頂都會切左佢，但呢間野竟然攞黎serve 人。。。而且雞肉串係硬既。。。菇串係凍既。。。真心無下次！

吞拿魚卷夠膽死淨係攝一細塊喺面反轉睇空心仲要唔只一舊洗唔洗cheap到咁呢一世唔會再食和民好垃圾，今次真係大開眼界出面3蚊舊都無你咁寒酸(ps.今次都係睇演唱會附近冇選擇先會食)